တိုင်းရင်းသားသတင်း — မြစ်ကြီးနား၊ နိုဝင်ဘာ ၁၅၊ ၂ဝ၁၂

အေးလွန်းသော ရာသီဥတု၊ ဆေးဝါးပြတ်လပ်ခြင်း၊ ကျန်းမာရေး လုပ်သားချို့တဲ့ခြင်း၊ အထူးသဖြင့် ကျန်းမာရေး   စောင့်ရှောက်မှု တတ်ကျွမ်းသူ မရှိခြင်းတို့မှာ မြန်မာနိုင်ငံ မြောက်ပိုင်း ကချင်ပြည်နယ်ရှိ အိုးပစ်အိမ်ပစ် ထွက်ပြေး တိမ်းရှောင်နေရသူများ (Internally Displaced Persons-IDP) နှင့် အလုပ်လုပ်နေရ သည့် အနည်းငယ်မျှသော ဒေသခံ အန်ဂျီအို (NGO) များအတွက် စိုးရိမ်ပူပန်ဖွယ် ဖြစ်နေသည်။

ပဋိပက္ခများမှ ပေးသော စိတ်ဓာတ်ရေးရာ ဆိုးကျိူးများ ကြီးထွားလာနေရသည်

ပဋိပက္ခများမှ ပေးသော စိတ်ဓာတ်ရေးရာ ဆိုးကျိူးများ ကြီးထွားလာနေရသည်

၂ဝ၁၁ ဇွန်လ၊ အစိုးရနှင့် ကေ အိုင်အေကြား အပစ်အခတ်ရပ်စဲရေး ပြိုပျက်ပြီးနောက်ပိုင်းတွင် လူပေါင်း ၇၅,ဝဝဝ ခန့် အိုးပစ်အိမ်ပစ်ဖြစ်ခဲ့ ရသည်။ ယခုနှစ် ဇူလိုင်မှစ၍ အစိုး ရထံမှ လုံခြုံရေးအာမခံချက်မရရှိမှု ကြောင့် ကချင်ပြည်နယ်သွား ကုလသမဂ္ဂကယ်ဆယ်ရေးယာဉ်တန်း များသည် ခရီး ၉ ကြိမ်သွားအပြီး တွင် ရပ်ဆိုင်းခဲ့ရကာ လူပေါင်း ၃၃,ဝဝဝ ခန့် နိုင်ငံတကာအကူ အညီမဲ့ခဲ့ရသည်။

တိုက်ခိုက်မှုများ ဆက်လက် ဖြစ်ပွားနေသည်နှင့်အမျှ အဆုံးရှိပုံ မရသောပဋိပက္ခမှပေးသည့် စိတ်ဓာတ်ရေးရာဆိုးကျိုးများမှာ ကြီး ထွားလာနေကြောင်း ဒေသခံကယ် ဆယ်ရေးအန်ဂျီအိုအဖွဲ့တစ်ခုက ဆိုပါသည်။

“ကျောင်းသားတချို့ဟာ ကျောင်းတက်ရတာ စိတ်မဝင်စားကြဘူး။ ကျောင်းသွားဖို့ ငြင်းဆန်နေကြတယ်။ သူတို့ဟာ နုံးခွေငေး ငိုင် နေကြတယ်။ ညညဆို ငိုပြီး အိပ်ပျော်နေရင်း လမ်းထလျှောက်ကြတယ်” ဟု ၂ဝ၁၁ တိုက်ပွဲများ စတင်ဖြစ်ချိန်ကတည်းက ကချင် ပဋိပက္ခဇုန် များအတွင်း အလုပ်လုပ် နေကြသော ဒေသခံအန်ဂျီအိုနှင့် အလှူဒါန အဖွဲ့ရှစ်ဖွဲ့အနက် အပျော်တမ်း ကယ်ဆယ်ရေး အဖွဲ့တစ်ခုဖြစ်သည့် Wun Pawng Ninghtoi အဖွဲ့၏ ဒါရိုက်တာ မေလီအောင်းက ပြောသည်။

“အိုင်ဒီပီတွေရဲ့ ၅ဝ ရာခိုင်နှုန်း နီးနီးလောက်ဟာ စိတ်ကျရောဂါနဲ့ တခြားစိတ်ပိုင်းဆိုင်ရာထိခိုက်မှုတွေ ခံစားနေရတယ်”ဟု ထိုင်းနိုင်ငံ မြောက်ပိုင်း ချင်းမိုင်မြို့ရှိ ကချင် အမျိုးသမီးများအဖွဲ့ (KWAT) ညှိနှိုင်းရေးမှူး မွန်းနေလီက တရုတ်-မြန်မာ နယ်စပ် တစ်လျှောက်ရှိ အိုင်ဒီပီစခန်း ၃ဝ နှင့် ကချင်ထိန်းချုပ် ဒေသများရှိ လူငယ်နှင့် အမျိုးသမီး အဖွဲ့များကို ကိုးကားပြောဆိုသည်။

“ဒီလို စိတ်ဒဏ်ရာတွေကို ကုသဖို့ ကျွန်မတို့မှာ လူသားရင်းမြစ်တွေ မရှိပါဘူး။ အလှူရှင်အဖွဲ့တွေက ရုပ်ဝတ္ထုပစ္စည်း အကူပေးဖို့ လောက်ပဲ စိတ်ဝင်စားတယ်။ ဒီလို ကိစ္စတွေကို စိတ်ဝင်စားတာ သိပ်နည်းတယ်” ဟု သူက ဆိုပါသည်။

အလှူရှင်များက ၂ဝ၁၁ တွင် အရေးပေါ် ကယ်ဆယ်ရေး အတွက် အမေရိကန်ဒေါ်လာ ၁.၅ သန်းနှင့် ၂ဝ၁၂ တွင် ယခု အချိန် အထိ ဒေါ်လာ ၁၃.၆ သန်း ပေးရန် ကတိပြုခဲ့ကြသည်။

ကုလသမဂ္ဂ ကလေးများ ရန်ပုံငွေအဖွဲ့ (ယူနီဆက်) မှ ၅ နှစ်အောက် ကလေးပေါင်း ၁၁,ဝဝဝ ကို ပေးခဲ့သော စိတ်ပိုင်းဆိုင်ရာ လူမှုရေး အကူအညီကိုမူ ၂ဝ၁၂ မတ်လမှစ၍ မရတော့ချေ။ စင်္ကာပူ ကြက်ခြေနီ အဖွဲ့သည် ကချင်ပြည်နယ်ရှိ စစ်ဒဏ်ခံ အိုင်ဒီပီများ အတွက် စိတ်ပိုင်းဆိုင်ရာ လူမှုရေး ဝန်ဆောင်မှု များပေးရန် မြန်မာနိုင်ငံ ကြက်ခြေနီအဖွဲ့သို့ ဒေါ်လာ ၁.၈ သန်း ပေးရန် စဉ်းစားလျက် ရှိသည်။

ကချင်ပြည်နယ်မြို့တော် မြစ်ကြီးနားရှိ ဂျာမိုင်းကောင်း (ဒေသ အခေါ် ဒူကာတောင်) အိုင်ဒီပီစခန်း အပါအဝင် အစိုးရ ထိန်းချုပ် နယ်မြေများတွင် အိုင်ဒီပီ ၃၁,ဝဝဝ ခန့်ရှိ ပြီး ဂျာမိုင်းကောင်းတွင် ၇၅ဝ ခန့် ရှိသည်။ ထိုစခန်းရှိ အမျိုးသား တစ်ဦးနှင့် အမျိုးသမီး တစ်ဦးမှာ အစိုးရ လုံခြုံရေးတပ်ဖွဲ့က ကေအိုင်အေနှင့် အဆက်အသွယ်ရှိသည်ဟု သံသယရှိသော စခန်းနေတစ်ဦးအား ဖမ်းဆီး နှိပ်စက်မှုကို တွေ့မြင်ပြီးနောက် ထိတ်လန့်တုန်လှုပ်မှုများ ဆက်လက် ခံစားနေကြရသည်။ အခြား အမျိုးသမီးတစ်ဦးမှာ အလားတူ ကြမ္မာမျိုး ကိုကြောက်ရွံ့လျက် ညစဉ်ညတိုင်း၊ စခန်းမှ ထွက်ပြေးရန် ကြိုးစားသည်။ တုမိုင်၏ ဇနီးဆိုသူမှာ မလုံခြုံမှုကို အမြဲ ခံစားနေရပြီး သူ့တဲအတွင်း လမ်းလျှောက်ရင်းပင် ဘယ်ကြည့် ညာကြည့် အထပ်ထပ် လုပ်၍ တစ်ယောက်ယောက်က သူ့ကို အန္တရာယ်ပြုမလို သံသယပွားနေ သည်။ “ညဆိုအိပ်မရဘူး။ ကျွန်တော့် မိန်းမ စိတ်မဖောက်ပြန်နိုင် အောင် တစ်ညလုံး သူ့ကို စောင့်ကြည့် နေရတယ်” ဟု အိပ်ရေးပျက်၍ မျက်တွင်း ဟောက်ပက် မျက်လုံးများဖြင့် ငေးစိုက်ကြည့်ရင်း ကလေးနှစ်ယောက် ဖခင်ဖြစ်သည့် အသက် ၄၇ နှစ်ရွယ် တုမိုင်က ဆိုပါသည်။

ပြွတ်သိပ် ကျပ်ညပ်သည့် နေရာထိုင်ခင်း အခြေအနေ၊ သန့်ရှင်းရေးနှင့် ကျန်းမာရေး ညံ့ဖျင်းမှု၊ သန့်ရှင်းသောရေ မရှိမှုနှင့် အစာအာဟာရ မလုံလောက်မှုတို့ကြောင့် ဝမ်းလျှောဝမ်းပျက်၊ အသက်ရှူ လမ်းကြောင်း ရောဂါ၊ အရေပြားရောဂါများ ဖြစ် ပွားနေကြောင်း  က ဆိုပါသည်။

နိုဝင်ဘာလမှ ဖေဖော်ဝါရီလအထိ ရှစ်ဒီဂရီ ဆဲ(လ)စီးယပ်မျှ အပူချိန် ကျဆင်း၍ ရာသီဥတုအေးလာ သည်နှင့်အမျှ လူသားချင်း စာနာမှု အကူအညီလိုအပ်ချက်မှာ များပြားလာကြောင်း ကျန်းမာရေး လုပ်သားများက သတိပေးသည်။  အိုင်ဒီပီ စခန်းများမှာ လူဦးရေ တိုးပွားခြင်းနှင့် အဖျားအနာ များလာခြင်းတို့ ကြောင့် ဆေးဝါးပြတ်လပ်မှုနှင့် ရင် ဆိုင်နေရသည်။ “၅ နှစ်အောက် ကလေးငယ်တွေ၊ အသက်ရှူလမ်းကြောင်း ရောဂါ အဖြစ်များတယ်”ဟု အစိုးရ ကျန်းမာရေး လက်ထောက် မောင်မောင်ဌေးက  IRIN သတင်းဌာနသို့ ပြောကြားသည်။

သွားလာရန် လွယ်ကူသည့် စခန်းများရှိ ကလေးများကို ပိုလီယို ရောဂါနှင့် ဝက်သက် ကာကွယ်ဆေးများ ပုံမှန် ထိုးပေးနိုင် သော်လည်း လမ်းပမ်း ဆက်သွယ်ရေး ညံ့ဖျင်းသည့် ဝေးလံခေါင်ဖျား ဒေသများရှိ အငယ်ဆုံး အိုင်ဒီပီ ကလေးများမှာ ကျန်းမာ ရေးစောင့်ရှောက်မှု တစ်စုံတစ်ရာ မရနိုင်ကြချေ။ ထိုဒေသများတွင် ကျန်းမာရေး လုပ်သား မလုံလောက်မှုလည်း ရှိနေသည်။ ပြီးခဲ့သည့် ဇွန်လ တိုက်ခိုက်မှုများ မဖြစ်ပွားမီက ကချင်ပြည်နယ်တွင် လူဦးရေ ၁.၄ သန်းအတွက် ကျန်းမာရေးလုပ်သား ၁ဝဝဝ ခန့်ရှိခဲ့ပြီး ယခု မလုံလောက်မှုမှာ အန္တရာယ်ရှိကြောင်း ကမ္ဘာ့ ကျန်းမာရေးအဖွဲ့ (WHO)က ဆိုပါသည်။

Ref: irinnews.org

ဝ၄ဝ

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၂)

  1. ကချင်သတင်းကို ရေးသားဖော်ပြပေးတာကို အများကြီးကျေးဇူးတင်ပါတယ်…
    အသုံးအနှုန်းလေးတခု လွဲနေသည်ကို တွေ့ရသည်။ စာပိုဒ် ၃ တွင်

    ကချင် ပဋိပက္ခဇုန် များအတွင်း အလုပ်လုပ် နေကြသော ဒေသခံအန်ဂျီအိုနှင့် အလှူဒါန အဖွဲ့ရှစ်ဖွဲ့အနက် အပျော်တမ်း ကယ်ဆယ်ရေး အဖွဲ့တစ်ခုဖြစ်သည့် Wun Pawng Ninghtoi အဖွဲ့၏ ဒါရိုက်တာ မေလီအောင်းက ပြောသည်။

    အပျော်တမ်း ကယ်ဆယ်ရေးအဖွဲ့ ဟုသုံးစွဲထားသည်။ အပျော်တမ်း မဟုတ်ပါ… ပြန်ပြင်ပေးသင့်ပါသည်။ WPN ၏ တန်ဖိုး သိက္ခာပိုင်းကို ထိခိုက်စေနိုင်ပါသည်။

    • အားပေးတဲ့အတွက် ကျေးဇူးတင်ပါသည်။ အပျော်တမ်းအဖွဲ့ဆိုသည့် စကားစုကို ပြုပြင်ပေးထားပါသည်။

Leave a Reply

Your email address will not be published. Required fields are marked *

*