တိုင်းရင်းသားသတင်း — နေပြည်တော်၊ ဇန်နဝါရီ ၊ ၂ဝ၁၃

နေပြည်တော်တွင် ကျင်းပလျက် ရှိသော ပြည်သူ့လွှတ်တော် ပထမအကြိမ်၊ ဆဋ္ဌမပုံမှန် အစည်းအဝေးတွင် မြစ်ကြီးနား မြို့နယ်၊ ပြည်သူ့လွှတ်တော် ကိုယ်စားလှယ် ဦးသိန်းဇော်က ကချင်ပြည်နယ် အတွင်း လက်နက်ကိုင် ပဋိပက္ခ ပြဿနာ များကို နှစ်ဖက်တာဝန်ရှိသူများ မျက်နှာချင်းဆိုင် တွေ့ဆုံညှိနှိုင်း ဆွေးနွေးကြရန် အတွက် ခက်ခဲမှု ရှိနေစဉ် ကာလအတွင်း ပွင့်လင်းမြင်သာသော အီလက်ထရောနစ် အွန်လိုင်းဆွေးနွေး မှုများကို အများ ပြည်သူ ထင်သာ မြင်သာရှိသော ထုတ်ပြန်ခြင်း များ ဖြင့် ပြည်သူ့ထံမှ ထွက်ပေါ်လာသော ပြည်သူ့ဆန္ဒ များကို အလေးအနက်ထားကြ ပြီး နှစ်ဖက်ဆွေးနွေးမှုများ ဖြင့် နားလည်မှုကို တည်ဆောက်ပြီး ဆက်လက်၍ ယုံကြည်မှု များကို ဖော်ဆောင်ကာ စစ်ရေးအရှိန်တင်း မာနေမှုများကို လျှော့ချပြီး ထာဝရ ငြိမ်းချမ်းရေး လမ်းကြောင်းကို တည်ဆောက် ပေးကြပါရန် လွှတ်တော်မှ တစ်ဆင့် သက်ဆိုင်ရာများသို့ တိုက် တွန်းကြောင်း အရေးကြီးအဆို ကို တင်သွင်းရာ ကန့်ကွက်သူ မရှိ၊ ထောက်ခံမှု ရရှိခဲ့ပါသည်။

ဦးသိန်းဇော်က ယင်းအဆိုတင် သွင်းရခြင်းအကြောင်းကို ရှင်းပြရာ “ကျွန်တော်တို့နိုင်ငံဟာ ပြည်သူ့ဆန္ဒကို အလေးထားတဲ့ ဒီမိုကရေစီ နိုင်ငံတော်ကို ဖော်ဆောင် ချီတက်နေပြီ ဖြစ်ပါတယ်။ ဒီနေ့လို အချိန်ကာလမျိုးမှာ မိမိတို့ရဲ့ လိုလားချက်များကို လက်နက်ကိုင်ပြီးတော့ တောင်းဆိုဖို့ရာ အချိန်ကာလ မဟုတ်ပါဘူး။ ထို့အတူပဲ တောင်းဆိုချက် များကို လက်နက်နဲ့ ကိုင်ပြီးတော့ ပယ်ချရမယ့် အချိန်ကာလလည်းမဟုတ်ပါဘူး။ ဒီနေ့ ပြည်သူ့ ဆန္ဒကို ဦးထိပ်ထားပြီး တော့ ပွင့်လင်းစွာ ညှိနှိုင်းဆွေးနွေး ကြရမယ့်အချိန်ကာလ ဖြစ်ပါတယ် ခင်ဗျာ။ ဒါကြောင့် စစ်ပွဲများနဲ့ ငြိမ်းချမ်းရေးကို တည်ဆောက်ဖို့ဆိုတာ မဖြစ်နိုင်ပါဘူး။ ထို့အတူပဲ ဒီနေ့ ကချင်ပြည်နယ် အတွင်းမှာ ဖြစ်ပေါ်နေတဲ့ လက်နက်ကိုင် ပဋိပက္ခများကို လည်း တွေ့ဆုံညှိနှိုင်း ဆွေးနွေးရေး ဆိုသော လုပ်ငန်းစဉ် မပါရှိဘဲ နဲ့ မည်သည့်နည်းနှင့် မျှ ဖြေရှင်းပေးနိုင်မှာ မဟုတ်ပါဘူး ခင်ဗျာ။ ဒါပေမယ့် လက်ရှိပကတိအခြေအနေမှာ ဒေသ အတွင်း စစ်ရေးတင်းမာမှု အခြေအနေ အရပ်ရပ်ကြောင့် နိုင်ငံတော် အစိုးရ၊ ငြိမ်းချမ်းရေး ဖော်ဆောင်သည့် အဖွဲ့ များနဲ့ ကေအိုင်အို၊ ကေအိုင်အေ တိုင်းရင်းသား လက်နက်ကိုင် အဖွဲ့များမှ ကိုယ်စားလှယ်များဟာ နှစ်ဖက် မျက်နှာချင်း ဆိုင် တွေ့ဆုံဆွေး နွေးရေးအတွက် ခက်ခဲမှုများ ရှိနေ ကြောင်း သိရှိရပါတယ်။ တွေ့ဆုံ ဆွေးနွေးမှု များ အလှမ်းကွာဝေး တာနဲ့အမျှ ပြည်နယ် အေးချမ်းမှု ဟာလည်း အလှမ်းကွာဝေး သည်ထက် ကွာနေဦးမှာ ဖြစ်ပါတယ်။ ဒါ ရဲ့ အကျိုးဆက် အဖြစ်နဲ့ နှစ်ဖက် လက်နက်ကိုင် အဖွဲ့အစည်းများရဲ့ စစ်ရေးပြင်ဆင် တည်ဆောက်မှု များကြားမှာ ပြည်နယ်သူ ပြည်နယ် သားများဟာ စိုးရိမ်ထိတ်လန့်မှုကြီး စွာနဲ့ များပြားသော ဒုက္ခများကို ဆက်လက်ပြီး ခံစားနေကြရမှာ ဖြစ်ပါတယ်” ဟု လတ်တလော ပြဿနာများကို ဦးစွာတင်ပြသည်။

ထို့နောက် တစ်ဖက်နှင့် တစ်ဖက် မျက်နှာချင်းဆိုင်ရန် ခက်ခဲသဖြင့် ဖြေရှင်းမရဖြစ်နေသော ပဋိပက္ခ အတွက် ဖြေရှင်းရန် နည်းလမ်းအား “ဒီနေ့ခေတ်ကာလဟာ တာဝန်ရှိသူ ကိုယ်စားလှယ်ချင်း မျက်နှာချင်းဆိုင် တွေ့ဆုံကြ မှသာ ဆွေးနွေးညှိနှိုင်း နိုင်မည့်ကာလ မဟုတ်ပါဘူး။ ခေတ်မီ နည်းပညာများအရ ဗီဒီယို ကွန်ဖရင့်ဇင်း ဆောင်ရွက်မှု များ၊ ဒါမှမဟုတ်ရင်လည်း အီးမေးလ်များ အပြန်အလှန် ပေးပို့ခြင်းများ၊ ဒါမှ မဟုတ်ရင်လည်း နှစ်ဖက်သဘော တူညီထားတဲ့ အီလက် ထရွန်နစ် ဆက်သွယ်ရေး နည်းစနစ်များအပြင် မိမိတို့ရဲ့ မူဝါဒများ၊ သဘောထားများ၊ လိုလားချက် များကို နှစ်ဦးနှစ်ဖက် ချမှတ်ထားသော ကိုယ်စား လှယ်များ ကနေပြီးတော့ ပြည်သူ များ ထင်သာမြင်သာ ရှိအောင် ထုတ်ပြန်ခြင်းများ၊ အသိပေးခြင်း များဖြင့် ပွင့်လင်းမြင်သာသော ဆွေးနွေးမှုများ ဆောင် ရွက်နိုင်သော ခေတ် ကာလ ဖြစ်ပါတယ်” ဟု  ဖြစ်နိုင်ချေ အား ရှင်းပြခဲ့ကာ အီလက်ထရွန်နစ် အွန်လိုင်း ဆွေးနွေးမှုကို  အကြံပြုခဲ့ပါသည်။

ထိုအဆိုအား တနိုင်း မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးမျိုးဆွေက ထောက်ခံဆွေးနွေးကာ ကန့်ကွက်သူ မရှိသဖြင့် အဆိုအတည်ပြု ခဲ့ပါသည်။ ထို့ကြောင့် ပြည်သူ့လွှတ်တော်က ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီနှင့် ကေအိုင်အို၊ ကေအိုင်အေတို့အား ကချင်ပြည်နယ် အတွင်း လက်နက်ကိုင် ပဋိပက္ခများကို နှစ်ဖက် တာဝန်ရှိသူများ မျက်နှာချင်းဆိုင် တွေ့ဆုံညှိနှိုင်း ဆွေးနွေးရန် အတွက် ခက်ခဲမှု ရှိနေစဉ်ကာလ အတွင်း ပွင့်လင်း မြင်သာသော အီလက်ထရွန်နစ် အွန်လိုင်းဆွေးနွေးမှုများကို အများ ပြည်သူ ထင်သာမြင်သာရှိသော ထုတ်ပြန်ခြင်းများဖြင့် ပြည်သူ့ထံမှ ထွက်ပေါ်လာသော ပြည်သူ့ဆန္ဒများ ကို အလေးအနက် ထားကြသည့် ဆွေးနွေးမှု များဖြင့် နားလည်မှုကို တည်ဆောက်ပြီး ဆက်လက်၍ ယုံကြည်မှုကို ဖော်ဆောင်ကာ စစ်ရေး အရှိန်တင်းမာမှု များ ကို လျှော့ချ၍ ထာဝရငြိမ်းချမ်းရေး လမ်းကြောင်းကို တည်ဆောက် ပေးကြပါရန် တိုက်တွန်းလွှာကို ဇန်နဝါရီ ၁၁ ရက်နေ့စွဲဖြင့် ထုတ်ပြန် ကြေညာနိုင်ခဲ့သည်။

ဦးသိန်းဇော်သည် မြစ်ကြီးနား မြို့နယ် လူထု ကိုယ်စားလှယ် တစ်ဦးလည်း ဖြစ်သကဲ့သို့ ပြည်သူ့လွှတ်တော်၊ တိုင်းရင်းသား ရေးရာနှင့် ပြည်တွင်းငြိမ်း ချမ်းရေး ဖော်ဆောင်မှု ကော်မတီ ဥက္ကဋ္ဌ အဖြစ်လည်းကောင်း၊ နိုင်ငံတော် မှ ဖွဲ့စည်း တာဝန်ပေးအပ်ထားသော ပြည်တွင်းငြိမ်းချမ်းရေး ဖော်ဆောင်မှုကော်မတီ ဒုတိယ ဥက္ကဋ္ဌ အဖြစ် လည်းကောင်း တာဝန် ထမ်းဆောင်နေသူ ဖြစ်ပါသည်။

ဝ၃၆

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*