ခေါင်းကြီးသတင်း — ရန်ကုန်၊ မတ် ၁၂ ၊ ၂ဝ၁၃
ရွှေလီမြို့၌ မတ် ၁၁၊ ၁၂ ရက်တွင် တွေ့ဆုံဆွေးနွေးခဲ့ကြသည့် ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းကော်မတီဝင်များနှင့် ကေအိုင်အိုအဖွဲ့ဝင်များ

ရွှေလီမြို့၌ မတ် ၁၁၊ ၁၂ ရက်တွင် တွေ့ဆုံဆွေးနွေးခဲ့ကြသည့် ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းကော်မတီဝင်များနှင့် ကေအိုင်အိုအဖွဲ့ဝင်များ

ကချင်ပြည်နယ် ငြိမ်းချမ်းရေး ဆွေးနွေးပွဲတွင် အတူတွေ့ရသည့် မြန်မာ့တပ်မတော်မှ ဒုတိယဗိုလ်ချုပ်ကြီး မြင့်စိုးနှင့် ကချင်လွတ်မြောက်ရေး တပ်မတော်မှ ဗိုလ်ချုပ် ဂွမ်မော်

ကချင်ပြည်နယ် ငြိမ်းချမ်းရေး ဆွေးနွေးပွဲတွင် အတူတွေ့ရသည့် မြန်မာ့တပ်မတော်မှ ဒုတိယဗိုလ်ချုပ်ကြီး မြင့်စိုးနှင့် ကချင်လွတ်မြောက်ရေး တပ်မတော်မှ ဗိုလ်ချုပ် ဂွမ်မော်

ဗိုလ်ချုပ် ဂွမ်မော်နှင့် ဦးအောင်မင်း

ဗိုလ်ချုပ် ဂွမ်မော်နှင့် ဦးအောင်မင်း

ကချင်ပြည်နယ်တွင်း ငြိမ်းချမ်းရေး ဆွေးနွေးပွဲတွင် မြန်မာ့ တပ်မတော်နှင့် ကေအိုင်အိုတို့ကြား ယုံကြည်မှု တည်ဆောက် သည့် အဆင့်တစ်ဆင့်  ခရီးပေါက်ခဲ့ကာ တွေ့ဆုံဆွေးနွေးမှု ဟူသည် အကျိုးရှိကြောင်း ဒုတိယ ဗိုလ်ချုပ်ကြီး မြင့်စိုးက ထုတ်ဖော်ပြောကြား သကဲ့သို့ ကေအိုင်အေ အဖွဲ့ဝင်ဖြစ်သည့် ဗိုလ်မှူး ဇော်ယော် ကလည်း ဆွေးနွေးပွဲ တက်ရောက် ခဲ့သည့် ကိုယ်စားလှယ်များ၏ ဆွေးနွေးမှုများကို ထောက်ခံ ပါကြောင်း မြန်မာအင်ဒီပဲန်ဒင့် က မတ် ၁၂ ရက်တွင် တယ်လီဖုန်းဖြင့် ဆက်သွယ်မေးမြန်းစဉ် ပြောကြားခဲ့သည်။

အဆိုပါ နှစ်ဖက်တွေ့ဆုံဆွေး နွေးပွဲတွင် ပြည်ထောင်စုငြိမ်းချမ်း ရေးဖော်ဆောင်ရေးလုပ်ငန်းကော်မတီ ဒုတိယ ဥက္ကဋ္ဌ ပြည်ထောင်စုဝန်ကြီး ဦးအောင်မင်း၊ ကာကွယ်ရေး ဝန်ကြီး ဌာနမှ ဒုတိယ ဗိုလ်ချုပ်ကြီးမြင့်စိုး ပါဝင်သော ကိုယ်စားလှယ်အဖွဲ့နှင့် ကေအိုင်အို အမြဲတမ်း ဗဟိုကော်မတီဝင် ဦးဆွမ်လွတ်ဂမ်၊ ဒုတိယ စစ်ဦးစီးချုပ် ဗိုလ်ချုပ် ဂွမ်မော်တို့ ဦးဆောင်ပါဝင်သော ကေအိုင်အို ကိုယ်စားလှယ် အဖွဲ့တို့ မတ် ၁၁ ရက်၊ ၁၂ ရက် တွင် တရုတ်နိုင်ငံ၊ ရွှေလီမြို့၌ တပ် ပိုင်းဆိုင်ရာ ကိစ္စရပ်များနှင့် အပစ် အခတ် ရပ်စဲ ရေးတို့ကို အဓိကထား ဆွေးနွေး ခဲ့ကြသည်။

ယင်းဆွေးနွေးပွဲမှ မှတ်တမ်းတင် အချက်များပေါ်ထွက်ခဲ့ရာ စစ်မှန်သော နိုင်ငံရေးဆွေးနွေးပွဲများကို စတင် နိုင်ရေးအတွက် အပြန်အလှန် နားလည်မှု၊ လေးစားမှု၊ ယုံကြည်မှု များကို အခြေခံကာ ခိုင်မာသော အပစ်အခတ် ရပ်စဲရေး ရရှိသည် ထိ ဆောင်ရွက်ရန်၊ ၂ဝ၁၃ ခုနှစ် ဖေဖော်ဝါ ရီ ၄ ရက် တွေ့ဆုံပွဲမှ  ရလဒ်အဖြစ် တိုက်ပွဲများကို လျော့ချနိုင်ခဲ့ သည် ဖြစ်ရာ ပြဿနာဖြစ်ပွား နိုင်သည့် ဒေသများရှိ နှစ်ဖက်တပ်ဖွဲ့ ဆိုင်ရာ ကိစ္စ များတွင် လိုအပ်သည့် ညွှန်ကြားချက် အမိန့် များကို နှစ်ဖက်တပ်များ၏ အောက်ခြေ တပ်ဖွဲ့များအထိ ရောက် ရှိသွားအောင် ညှိနှိုင်းညွှန်ကြားရန်၊  ပဋိပက္ခ ဖြစ်ပွားသော  ရှေ့တန်း စစ်မြေပြင်များကို ကွင်းဆင်းလေ့လာ စောင့် ကြည့်နိုင်ရေးနှင့် နှစ်ဖက်ပိုမိုနီးကပ်စွာ ညှိနှိုင်းဆောင်ရွက်နိုင်ရေးအတွက် စောင့်ကြပ်ရေးရုံးများကို  နှစ်ဖက် ညှိနှိုင်း၍ လိုအပ်သလို ထားရှိသွားရန်၊ ယခင် ဖေဖော်ဝါရီ ၄ ရက် အစည်း အဝေးနှင့် ယခု မတ် ၁၁-၁၂ အစည်း အဝေးတွင် သဘောတူညီခဲ့ကြသည် များကို ဆက်လက် အကောင်အထည် ဖော်ဆောင်ရွက်သွားရန်နှင့် နောက်တစ်ကြိမ်ဆွေးနွေးမှုကို ဧပြီ ၁ဝ ရက် မတိုင်မီ ကျင်းပသွားရန်တို့ဖြစ်ကြသည်။ ယခုမှတ်တမ်းတင် အချက် များကို နှစ်ဦးနှစ်ဖက် ဖလှယ် လက်မှတ် ထိုးချိန်သည် မတ် ၁၁ ရက် ညသန်းခေါင်ယံပင် တိုင်နေပြီဖြစ် ကြောင်းလည်း ကြားသိရပါသည်။

ယခု တွေ့ဆုံဆွေးနွေးပွဲတွင် မြန်မာ့ တပ်မတော်မှ အဆင့်မြင့် အရာရှိကြီးဖြစ်သော ဒုတိယ ဗိုလ်ချုပ်ကြီးမြင့်စိုး အား ယခုကဲ့သို့ ကေအိုင်အိုဘက်မှ တာဝန်ရှိသူများနှင့် မျက်နှာချင်းဆိုင် စကားပြောခဲ့ရသည့် အတွေ့အကြုံ နှင့် ပတ်သက်သော ယင်း၏ ခံစားချက်ကို မြန်မာအင်ဒီပဲန်ဒင့်က မေး မြန်းရာ ယင်းက “ကျွန်တော်တို့က အခုလို မျိုး တွေ့ရတဲ့အပေါ်မှာ အရမ်းလည်း ဝမ်းသာတယ်။ နောက်တစ်ခု က အရင်တုန်းကတော့ တစ်ယောက်နဲ့ တစ်ယောက်  အကြားပဲပေါ့နော်။ အကြားပဲဆိုတဲ့အခါကျတော့ တချို့ ဟာတွေလည်း အထင်လွဲစရာတွေ ရှိတာပေါ့ဗျာ။ သူတို့က ဘယ်ဝါ ဖြစ်တယ်၊ ဘယ်ဟာဖြစ်တယ်ဆို တာမျိုးပေါ့။ အခုကျတော့ တကယ့် တေ့တေ့ ဆိုင်ဆိုင် တွေ့တဲ့အခါကျ တော့  တကယ့်ကို ခင်ခင်မင်မင် ရင်းရင်းနှီးနှီးပဲ ဖြစ်ပါတယ်။ နောက် တစ်ခုက တစ်ယောက်နဲ့ တစ်ယောက်  ဖလှယ်ရတဲ့အခါကျတော့ တချို့သံ သယတွေလည်း လုံးဝ  ရှင်းသွားတာ ပေါ့။ ဒါကြောင့်မို့လို့ ကျွန်တော် တော်တော်လေးကို လှိုက်လှိုက်လှဲလှဲ နဲ့ ဝမ်းလည်း သာပါတယ်။ နောက်ပြီး သူတို့နဲ့ ကျွန်တော်တို့လည်း တကယ့် မိတ်ဟောင်းဆွေဟောင်းတွေ လို ပြန်ဖြစ် သွားတာပေါ့”ဟု ဆိုပါသည်။

ထို့ပြင် ယခုကဲ့သို့ အဆင့်မြင့် တပ်ကိုယ်စားလှယ်များ တွေ့ဆုံခြင်း သည် ပထမဆုံး အတွေ့အကြုံ ဖြစ်သော်လည်း အကျိုးရှိသည့် တွေ့ဆုံပွဲဖြစ်ကြောင်း ဒုတိယ ဗိုလ်ချုပ်ကြီး မြင့်စိုးက ရှင်းပြပါသည်။ ယင်းက “အကျိုးရှိတဲ့ အပြင်ကို ကျွန်တော်တို့က မနေ့က ဆွေးနွေးတဲ့အပိုင်းမှာ  လုံးဝ အပစ်အခတ် ရပ်စဲရေး၊ အပစ် အခတ် ရပ်စဲရေးဆိုတာ ဒါ နှစ်ဦးနှစ်ဖက်လည်း သဘောတူညီမှု ရသွားတာပေါ့။ ရသွားပြီးတော့ နောက်ပိုင်း ဆက်လုပ်ရမယ့် ငြိမ်းချမ်းရေးရသွား ပြီးတော့ ဆက်လုပ်ရမယ့် ဖွံ့ဖြိုးရေး လုပ်ငန်းတွေ၊ ပြန်လည်ထူထောင်ရေး လုပ်ငန်းတွေ တချို့ IDP စခန်းကိစ္စတွေ၊ ဒါလေးတွေလည်း တော်တော် လေး အဆင်ပြေလာပါတယ်။ ဒါကြောင့် မို့လို့ ထာဝရ ငြိမ်းချမ်းရေး ဆိုတာ အတွက် အဆင့်တစ်ဆင့် အောင်သွားတာပေါ့”ဟု ရှင်းပြခဲ့သည်။

ယခုဆွေးနွေးပွဲတွင် အပစ်အခတ် ရပ်စဲရေးကို သဘောတူကြသည် ဆိုသည့်တိုင် နောက်ဆုံးရက် သတ်မှတ် ခြင်းမျိုး မတွေ့ရှိသဖြင့် ယင်းအကြောင်း မေးမြန်းရာ “ကျွန်တော်တို့က ရက်သတ်မှတ်တာတော့ မရှိဘူး။  အခု လည်းပဲ ရပ်သလောက်ဖြစ်နေပြီပေါ့။ ရပ်သလောက်ဖြစ်နေတာကို ကျွန်တော်တို့က လုံးဝခိုင်ခိုင်မာမာ ရပ် သွားအောင် နှစ်ဖက် ညှိထားပါတယ်။ အပစ်အခတ် ရပ်စဲရေး သဘောတူ စာချုပ်ဟာမျိုး သို့တည်းမဟုတ် တခြားပေါ့။ ဒါတွေကတော့ အခြေအနေပေါ် မူတည်ပြီးတော့ လုပ်မှာပါ။ ဒါကြောင့်မို့လို့ လက်ရှိကတော့ အပစ်အခတ် ရပ်စဲရေးကိုပဲ ဦးတည်ပြီးတော့ ပြောတယ်။  အပစ်အခတ်ရပ်စဲရေး သဘောတူစာချုပ် လုံးဝချုပ်မယ် ဆိုပြီး ကျွန်တော်တို့ နှစ်ဖက်စလုံး ကလည်း သန္နိဌာန် ချထားသလို ဖြစ်သွားပါတယ်”ဟု ဖြေကြားခဲ့သည်။

တစ်ဖန် ယခင်က စစ်ရေး အတွေ့အကြုံသာ ရှိခဲ့သော တပ်မတော် အရာရှိကြီးတစ်ဦး အနေဖြင့် တွေ့ဆုံ ဆွေးနွေးမှု အတွေ့အကြုံကို နဖူးတွေ့ ဒူးတွေ့ တွေ့ခွင့် ရခြင်း သည် လွန်စွာ အကျိုးရှိသကဲ့သို့ မျက်စိလည်း ပွင့်စေသည်ဟု ဆိုနိုင်ပါမည်လောဟု မြန်မာအင် ဒီပဲန်ဒင့်က မေးမြန်းရာ ဒုတိယ ဗိုလ်ချုပ်ကြီးမြင့်စိုးက “ပြောနိုင် ပါတယ်။ ဘာဖြစ်လို့လဲ ဆိုတော့ ဒါတွေဟာ အရင်တုန်းကတော့ ကျွန်တော်တို့လည်း ဒီငြိမ်းချမ်းရေး ကာလ တစ်လျှောက်လုံး နေခဲ့တာပေါ့။ အခု ဒီအပစ်အခတ် ရပ်စဲပြီးတော့ အခု ကေအိုင်အေနဲ့ ဖြစ်တဲ့ကာလမှာပဲ ကျွန်တော်တို့က ပြန်ပြီးတော့ တာဝန်တွေ ထမ်းဆောင်ဖြစ်တာပေါ့။ အခုတစ်ခါ ပထမဦးဆုံး အပစ်အခတ် ရပ်စဲရေး အတွက် ဆောင်ရွက်နိုင်မယ့် လုပ်ငန်းတစ်ခု အနေနဲ့ ကိုယ်ကိုယ်တိုင်လည်း ပါဝင်ဆောင်ရွက် လိုက်တဲ့အတွက် ကိုယ့်အတွက် အများကြီး အကျိုးရှိသလို နိုင်ငံအ တွက်လည်း အများကြီး အကျိုးရှိ သွားပါတယ်”ဟု ပြန်လည် ရှင်းလင်း ဖြေကြားခဲ့သည်။

မြန်မာ့တပ်မတော်၏ အခန်းကဏ္ဍကို ငြိမ်းချမ်းရေး လုပ်ငန်းစဉ်နှင့် ပြန်လည်ထူထောင်ရေးလုပ်ငန်းစဉ်များ တွင် မည်ကဲ့သို့ မျှော်လင့် ဆောင်ရွက် သွားပါဦးမည်နည်း ဟုလည်း မြန်မာ အင်ဒီပဲန်ဒင့်က မေးမြန်းခဲ့ပါသည်။ ထိုအခါ “ကျွန်တော်တို့ကတော့ တပ်မတော်သား ဆိုတော့ဗျာ၊ အဓိက ကတော့ ကျွန်တော်တို့က အမိန့်နဲ့ တာဝန်နဲ့ လုပ်ရတာကိုး။ ပေးအပ်တဲ့ တာဝန်အတိုင်း၊ အမိန့်အတိုင်း ကျေပွန်စွာ ထမ်းဆောင်မယ်ဆိုတဲ့ သန္နိဌာန်စိတ်ကတော့ ရှိပြီးသား။  တိုင်းပြည်ထူထောင်ရေးပဲဖြစ်ဖြစ်၊ ကာ ကွယ်ရေးပဲဖြစ်ဖြစ်ပေါ့ အဓိကက တော့ ကျွန်တော်တို့ရဲ့ ပင်မတာဝန်က ကာကွယ်ရေးပဲဆိုတော့ ကျန်တဲ့ အပိုင်းကဏ္ဍတွေမှာလည်းပဲ ဘယ်လိုပဲဖြစ်ဖြစ် ကျတဲ့ တာဝန်တော့ ကျေပွန်စွာ ထမ်းဆောင်မယ် ဆိုတဲ့ စိတ်က တော့ ရှိပြီးသားပါ”ဟု ယင်းက ဆိုပါသည်။

နောင်တွင် ငြိမ်းချမ်းရေး ဆောင်ရွက်မှုများ၌ တပ်မတော်သားများက တက်ကြစွာ ပါဝင်သွားရန် အစီအစဉ် ရှိမရှိ မေးမြန်းရာ “ရှိပါတယ်။ ဒါ ကတော့ အရင်ကတည်း ကလည်း  ရှိပြီးသားပါ။ သို့သော်လည်းပဲ တချို့ ဟာတွေက တာဝန် မပေးတော့ မလုပ် နိုင်တာတွေလည်း ရှိတာပေါ့။ အခု လို တာဝန်ပေးလိုက်တော့လည်း လုပ်ခဲ့တာပေါ့။ ဒီတော့ ဘယ်လိုပဲ ဖြစ်ဖြစ် ဆက်လက်ပြီးတော့လည်း  ဒီရလဒ်အပေါ်မှာ လုံးဝငြိမ်းချမ်းရေး အထိ ဆောင်ရွက် မယ် ဆိုတဲ့ အပေါ်မှာ  အကုန်လုံး စိတ်ထဲမှာလည်း ရှိပါ တယ်။ တပ်မတော်အနေနဲ့လည်း ဆွေးနွေးပွဲမှာ ပြောသလို ပေါ့နော်။ ငြိမ်းချမ်းရေး တကယ် ထာဝရလိုလားပြီး တော့ တကယ်လည်း သူတို့နဲ့ ပူးပေါင်း ဆောင်ရွက်ဖို့ ဆိုတာလည်း အမြဲတမ်း ရှိပါတယ်”ဟု ယင်းက ဖြေ ကြားပါသည်။

တစ်ဖန် ကာလရှည်ကြာ တိုက်ပွဲ များကို တိုက်ခိုက်နေရသည့်အတွက် စစ်ပန်းသည်ဟု ခံစားချက်များ ရှိမရှိ ကိုလည်း မေးမြန်းဖြစ်ရာ ယင်းက “သူတို့တော့ မသိဘူးပေါ့ဗျာ။  ကျွန်တော်တို့က နဂိုကတည်းက တိုက်တယ် ခိုက်တယ် ဆိုတာလည်း တာဝန်နဲ့ လုပ်တာပါ။ စစ်တိုက်ချင်လို့၊ ဒီလူတွေကို ဘာဖြစ်စေချင်လို့ဆိုတဲ့ စိတ်မျိုးတော့ မရှိပါဘူး။ တပ်မတော်သား အားလုံးကတော့ ဒီအတိုင်းပါပဲ။ တာဝန်အရ လုပ်ရတဲ့သဘောပါပဲ။ ဖြစ်နိုင်ရင်တော့ တပ်မတော်သားတွေ ရဲ့ စိတ်ထဲမှာလည်း ငြိမ်းငြိမ်း ချမ်းချမ်းတော့ နေချင်တာပေါ့”ဟု ဆိုပါ သည်။

ထို့အပြင် တပ်မတော်၏ အသံကို နိုင်ငံသားများ ပိုမို ကြားသိခွင့်ရရေး အတွက် မေးမြန်းရာ “တပ်မတော် အနေနဲ့ ကျွန်တော်တို့လည်း တချို့ဟာလေးတွေ ပြောချင် တာတော့ ရှိပါတယ်။ ဒါပေမဲ့ ကျွန်တော်တို့က မီဒီယာ အနေအထားကို တချို့ စိုးရိမ်တဲ့အပိုင်းတွေလည်း ရှိတာပေါ့နော်။ နောက်တစ်ခုက ကျွန်တော်တို့ဟာ တပ်မတော်သား ဆိုတဲ့အခါကျတော့ အမိန့်နဲ့ တာဝန်အတိုင်းပဲ ဆောင်ရွက် ရတဲ့အခါမှာ အမိန့်မပေးဘဲ၊ တာဝန် မပေးဘဲ မလုပ်ချင်ဘူးဆိုတဲ့ အခါကျတော့ အနေအထား တစ်မျိုး ဖြစ်တာတွေလည်း ရှိတာပေါ့နော်။ နောက်ပိုင်းတော့ တပ်မတော် အနေနဲ့ လက်တွေ့ဆောင်ရွက်တဲ့ အပေါ်မှာ လူထုက ပိုပြီးတော့ နားလည်သဘောပေါက် လာမယ် လို့ ထင်ပါတယ်” ဟု ဖြေကြား ခဲ့ပါသည်။

တစ်ဖန် ကေအိုင်အေဘက်မှ ဗိုလ်မှူးဇော်ယော်က ယခုတွေ့ဆုံပွဲသည် ထာဝရငြိမ်းချမ်းရေးအတွက် အလားအလာ ရှိသော အချက် များကို ဆွေး နွေးနိုင်ခဲ့သော ဆွေးနွေးပွဲဖြစ်သည်ဟု ထင်မြင်မိကြောင်း ပြောကြား ခဲ့သည်။ ထို့ပြင် ဗိုလ်ချုပ် ဂွမ်မော်က ယခုတွေ့ဆုံပွဲပြီးနောက် တစ်ချိန်ချိန်တွင် အပစ်အခတ် ရပ်စဲရေး သဘောတူညီချက် လက်မှတ်ရေးထိုးသည် အထိ ဖြစ်လာနိုင်သည်ဟု ဆိုထားရာ ဗိုလ်မှူးဇော်ယော် အနေဖြင့် မည်ကဲ့သို့ ထင်မြင် ယူဆကြောင်း မေးမြန်းရာ ယင်းက “ကျွန်တော် တစ်ယောက်တည်းရဲ့ အမြင်အရ ဗိုလ်ချုပ်ဂွမ်မော် ပြောသွားတဲ့ဟာတွေ အကုန်လုံးကို ထောက်ခံ ပါတယ်။ ဒီညနေမှာ သူတို့ကိုယ်စားလှယ် အဖွဲ့က လိုင်ဇာကို ပြန်ရောက် လာတဲ့အခါမှာ သူတို့ ပြောဆိုဆွေးနွေး ခဲ့တာတွေကို ပြန်ပြောပြပါတယ်။ အဲဒါတွေ အားလုံးကို ကျွန်တော်တို့ သဘောတူ ပါတယ်။ ကျွန်တော်က အပစ်အခတ် လျော့ချရေးကော်မတီထဲမှာ ပါပါတယ်။ တွေ့ဆုံပွဲကို တက်ရောက်ခဲ့တဲ့ လူကြီးတွေ ပြောတာ ကိုပဲ ထောက်ခံပါတယ်”ဟု ပြန်လည် ဖြေကြားခဲ့သည်။

ထိုခရီးစဉ်တွင် လိုက်ပါသွား သော မြန်မာငြိမ်းချမ်းရေးစင်တာမှ ဦး လှမောင်ရွှေကလည်း ယခုဆွေးနွေးပွဲ အပေါ် သူ၏ သုံးသပ်ချက်ကို ပြောကြားရာ “၂ဝ၁၂ ခုနှစ် မေလက စပြီး  ငြိမ်းချမ်းရေး ဖော်ဆောင်ရေးကော်မတီ အနေနဲ့က ဝန်ကြီးဦးအောင်မင်းတို့ က ကေအိုင်အေဘက်က တာဝန်ရှိ သူတွေနဲ့ ထိုင်းနိုင်ငံ၊ ချင်းရိုင်မှာ တစ် ကြိမ်၊ ကချင်ပြည်နယ်၊ မိုင်ဂျာယန်မှာ ၂ ကြိမ်၊ တရုတ်နိုင်ငံ၊ ရွှေလီမှာ အခုတစ်ခါပါဆို ၂ ကြိမ် တွေ့ခဲ့ကြ ပြီး ဖြစ်ပါတယ်။ ၁၇ နှစ် အပစ်ခတ် ရပ်စဲခဲ့ပေမယ့် ဒီကြားထဲက ပစ်ခတ် မှုတွေကြောင့် တစ်ဘက်နဲ့တစ်ဘက် အယုံအကြည်မဲ့ခဲ့ရတာမို့ ကေအိုင်အို ဘက်က ချိန်းတဲ့နေရာမှာပဲ တွေ့ခဲ့ကြ ပါတယ်။ အခုတွေ့ဆုံပွဲမှာတော့ နှစ်ဘက်တွေ့ရင် မျက်နှာချင်းတောင် ဆိုင်နိုင်ပါ့မလား လို့ တွေးပူသူတွေ ရှိပေမယ့် ခုတော့ မနက်စာ အတူစားခဲ့ကြတာမျိုးပါ။ အချင်းချင်းကြား ယုံကြည်မှုကို ပြန်လည် တည်ဆောက်နိုင်ခဲ့ကြတယ်လို့ ဆိုရပါမယ်”ဟု ဆိုပါ သည်။

အစည်းအဝေးတွင် ညီညွတ် သော တိုင်းရင်းသားလူမျိုးများဖက် ဒရယ်ကောင်စီ (UNFC) မှ ကိုယ်စားလှယ် ၄ ဦး၊ ရှမ်းပြည် တပ်မတော် (SSPP) မှ ကိုယ်စားလှယ် ၂ ဦး၊  ရှမ်းပြည် ပြန်လည် ထူထောင်ရေးကောင်စီ (RCSS) မှ ကိုယ်စားလှယ် ၂ ဦး၊  အမျိုးသား ဒီမိုကရက်တစ် မဟာမိတ် တပ်မတော်(ရှမ်းပြည်နယ်အရှေ့ပိုင်း) (NDAA)မှ ကိုယ်စားလှယ် ၂ ဦး၊ ငြိမ်းချမ်းရေး ဆွေးနွေးရေး အကျိုးတော်ဆောင်အဖွဲ့(PCG) မှ ကိုယ်စားလှယ် ၄ ဦးနှင့် လေ့လာသူများ အဖြစ် တရုတ်ပြည်သူ့ သမ္မတနိုင်ငံ၊ နိုင်ငံခြားရေး ဝန်ကြီးဌာနမှ သံမှူးကြီး Mr. Wang Zongying နှင့် ၂ ဦးတို့ တက်ရောက်ခဲ့ ကြသည်။

ဝ၃၆၊ ဝ၈၂

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*