ခေါင်းကြီးသတင်း — ဖေဖော်ဝါရီ ၊ ၂ဝ၁၃
ကချင် စစ်ဘေးသင့် ဒုက္ခသည် စခန်းတစ်ခု မြင်ကွင်း

ကချင် စစ်ဘေးသင့် ဒုက္ခသည် စခန်းတစ်ခု မြင်ကွင်း

မြန်မာနိုင်ငံနှင့် နယ်ချင်း စပ်နေသော ယင်ကျန်းဒေသမှ ကျန်ရှင်း ချီဆိုသူမှာ ကချင်ဒုက္ခသည်များကို ကူညီရန် မြန်မာနိုင်ငံ အတွင်းသို့ အစားအစာနှင့် အဝတ်အထည် များ မှောင်ခို တင်သွင်းနေသူ တရုတ်လူမျိုး ခရစ်ယာန် ဘာသာဝင် တစ်ဦးဖြစ်ပြီး ကချင်ဒုက္ခသည် အများအပြားမှာ သူနှင့် ယုံကြည်ကိုးကွယ်မှု တူသူ များဖြစ်ကြသည်။ သူက ရဲကိုလန့်သည်။ သူ့နောက်သို့ လိုက်များနေမလား စစ်ဆေးကြည့်ရှုရန် ကားကို ခဏရပ်ဖို့ ဒရိုင်ဘာကို သူက ပြောသည်။ တရုတ်အာဏာပိုင်များမှာ လည်း မြန်မာ အစိုးရအပေါ် ထောက်ခံမှုနှင့် ကချင်လူမျိုးများနှင့် ခိုင်မာသော ဒေသတွင်း ဆက်ဆံမှုများ အကြား ဗျာများကာ သတိထား စောင့်ကြပ်ကြည့်ရှုနေကြသည်။

ကချင်ပြည်နယ်တွင်း တိုက်ခိုက်မှုများ ဖြစ်ပွားခြင်းက တရုတ် နိုင်ငံအတွက် ပြဿနာတွေ တသီတတန်းကြီး ဖြစ်စေခဲ့သည်။ ဝင်ပေါက် ထွက်ပေါက်များသော နယ်စပ် ကိုဖြတ်၍ ယင်ကျန်း တည်ရှိရာ ယူနန်ပြည်နယ်တွင်းသို့ ဒုက္ခသည် အလုံးအရင်းနှင့် ဝင်ရောက်လာလေမလား ပူပန်နေရသည်။ နယ်စပ်နှင့် အနီးကလေး ရှိ ကေအိုင်အေ အုပ်ချုပ်ရေးရုံးစိုက်ရာ လိုင်ဇာမှာ မြန်မာ အစိုးရတပ် လက်အောက်သို့ ကျရောက်လုနီးနီးဖြစ်နေသည်။ သို့သော် အချို့ကတော့ ငြိမ်းချမ်းရေး ကို မျှော်လင့်နေကြသည်။ တရုတ်နိုင်ငံမှ မစ္စတာကျန်နှင့် အပေါင်းအဖော် တက်ကြွ လှုပ်ရှားသူ တုိ့မှာ တရုတ်နယ်စပ်အနီး ဒုက္ခသည် ထောင်သောင်း ချီ၍ နေထိုင်ရာ ဒါဇင်နှင့်ချီသည့် ဒုက္ခသည် စခန်းများ အတွင်း အလုပ်များနေဆဲပင်။

အမေရိကနှင့် မကြာမီက ဆက်ဆံရေးနွေးထွေးလာခဲ့သော မြန်မာနိုင်ငံကို တရုတ်က ဆက်ဆံရေး ဆက်လက် ကောင်း မွန်နေစေလိုသည်။ မြန်မာနိုင်ငံ၏ စွမ်းအင်နှင့် သဘာဝသယံဇာတ များအတွင်း တရုတ်နိုင်ငံ၏ အကျိုး စီးပွားက ကြီးကြီး မားမား ရှိနေသည်။ မြန်မာနိုင်ငံကိုဖြတ်လျက် ယူနန်သို့ သွယ်ယူ နေသည့် ရေနံနှင့် ဓာတ်ငွေ့ ပိုက်လိုင်းများတွင် တရုတ် ရင်းနှီးမြှုပ်နှံ မှုက အနည်းဆုံးဒေါ်လာ ၂ ဘီလျံ ရှိသည်။ ဤစီမံကိန်းကို မေလတွင် အပြီးသတ်တော့မည်ဖြစ်သည်။ ဤ စီမံကိန်းကို စွမ်းအင် လုံခြုံမှုအတွက် ကြီးကြီးမားမား အရေးပါသည်ဟု တရုတ်က မြင်သည်။ မလက္ကာရေ လက်ကြားကိုဖြတ်၍ သယ်ဆောင်လာရသော သင်္ဘောဖြင့် တင်ပို့မှုကို ရှောင်ရှား ရန် ဖြစ်သည်။ သို့တစေ ကချင်နှင့် ကောင်းမွန်သော ဆက်ဆံရေးကိုလည်း ထိန်းထားလိုသည်။ တရုတ်နိုင်ငံ ဘက်ခြမ်းရှိ လူနည်းစု တိုင်းရင်းသား များနှင့် သူတို့က မျိုးနွယ်တစ်ခုတည်း ဖြစ်သည်။

ယင်ကျန်း ခရိုင်ရှိ မြို့များအတွင်း လည်ပတ်နေသော ကုန်သွယ်ရေး၏ ကျောရိုးဖြစ်သည့် ကျောက်စိမ်းနှင့် သစ် များမှာ ကချင်ပြည်နယ်မှ လာခြင်း ဖြစ်သည်။ မကြာမီ နှစ်များအတွင်း တရုတ်၏ လျင်မြန်စွာ တိုးတက်လာသော ကချင်နှင့် စီးပွားရေး အဆက်အဆံများမှာ ယူနန်ပြည်နယ်တွင် နေထိုင်ကြသူအချို့ အတွက် အကျိုးရှိစေ ခဲ့သည်။ သို့သော် အချို့က အမြတ်ထုတ်သည် ဟု မြင်ကြသည်။ ကေအိုင်အေကို တိုက်နေသော မြန်မာ့ တပ်မတော်နှင့် တအား နီးကပ်စွာ ရပ်ပြနေခြင်းဖြင့် ဤသို့သော နာကျည်းမှုကို တရုတ် က မီးလောင်ရာလေပင့် မဖြစ်စေလိုပေ။

ဤသို့သော မတူကွဲပြားသည့် ဖိအားများက ဖန်တီးပေးထားသည့် မီးခိုးရောင်ဇုန် အတွင်းတွင် မစ္စတာ ကျန် လည်ပတ် လုပ်ကိုင်နေ ရခြင်း ဖြစ်သည်။ တရုတ်နိုင်ငံအနှံ့ရှိ အာဏာပိုင်များက သူ့လိုလူများနှင့် စည်းရုံး လှုပ်ရှားမှု များကို မကြာခဏ ဆိုသလို ရပ်တန့်ပစ်တတ်ကြသည်။ သူတို့က အစိုးရ ကျောထောက် နောက်ခံပြု ထားသည့် ဘာသာရေးအဖွဲ့များနှင့် ကင်းရှင်းသော “အိမ်တွင်း ဘုရားကျောင်း” ခရစ်ယာန်များ ဖြစ်ကြသည်။ မစ္စတာကျန်မှာ အိမ်တွင်း ဘုရားကျောင်း များကို နှိပ်ကွပ်ခဲ့မှု နှင့် ပတ်သက်သည့် သတင်းအစီရင် ခံစာတစ်ခု ရေးသားခဲ့အပြီး နိုင်ငံတော် လျှို့ဝှက်ချက်ပေါက် ကြားမှုဖြင့် ၂ဝဝ၃ ခုနှစ်တွင် လေးလကြာ ထောင်တွင်း အကျဉ်းကျ ခံခဲ့ရသည်။ ၂ဝ၁၁ တွင် ကချင်ပြည်နယ်တွင်း တိုက်ခိုက်မှုများ ဖြစ်ပေါ်လာပြီး နောက် ပဋိပက္ခ၏ သားကောင်များ ကို ကူညီဖို့ အန်ဂျီအိုတစ်ခု တည်ထောင်ရန် ဘေကျင်းမှ ယူနန်သို့ သူပြောင်းရွှေ့ခဲ့သည်။ ထောက်ပံ့ ကူညီမှုများ ပြုလုပ်ရန် “ဒုက္ခသည်များကို ချစ်ခင်သည်”ဟု အဓိပ္ပာယ် ရသည့် “ဝေနန်မင်း (Woainanmin)” အမည်ရှိ အကောင့်တစ်ခုကို တရုတ်နိုင်ငံ၏ တွစ်တာနှင့် တူသော “စိနဝေဘို (Sina Weibo)” မိုက်ခရို ဘလော့တွင် ဖွင့်ခဲ့သည်။ ပြီးခဲ့သည့်နှစ်က တရုတ်နိုင်ငံအတွင်း အလှူငွေယွမ် ၁ဝဝ,ဝဝဝ (ဒေါ်လာ ၁၆,ဝဝဝ)ခန့် ရရှိခဲ့သည်။ ယခုလ တစ်လတည်းတွင် တရုတ်ကူညီ ထောက်ပံ့သူများက နောက်ထပ် ယွမ် ၅ဝ,ဝဝဝ ထောက်ပံ့ခဲ့သည်။

လူသားချင်း စာနာမှုဆိုင်ရာ အကျပ်အတည်း အတွင်း တိုက်ရိုက် ပါဝင်ပတ်သက်ရန် တရုတ်နိုင်ငံ၏ စိတ်ပါ ဝင်စားမှု မရှိခြင်းနှင့် ကချင်နှင့် ရှမ်းပြည်နယ် များအတွင်း နိုင်ငံတကာ အကူအညီများကို မြန်မာအစိုးရ၏ ငြင်းပယ်မှု တို့ကြောင့် မစ္စတာ ကျန် တို့လို အန်ဂျီအိုများ၏ ဖုံးတစ်ဝက် လုပ်ငန်းများမှာ အရေးကြီးသော အခန်းကဏ္ဍ တစ်ခုအနေနှင့် ပါဝင်ခဲ့သည်။ တရုတ်နယ်ခြား စောင့်တပ်များကို ရှောင်ရန် ညဘက်တွင် တိတ်တဆိတ် လှုပ်ရှား၍ တရားဝင် ဂိတ်များ ကို ရှောင်ကွင်း ဖြတ်ကျော်ရသည်။ ယင်ကျန်း နယ်စပ်ကို မြစ်တစ်စင်းဖြင့် ပိုင်းခြားထားသည်။  လွန်ခဲ့သည့်နှစ်နှောင်းပိုင်း မှစ၍ ဒေသခံ မဟုတ်သူများကို လိုင်ဇာ တစ်ဖက်ရှိ တရုတ် နယ်စပ်မြို့ဖြစ် သော နာဘန်း (Nabang) မြို့သို့ ဝင်ရောက်ခြင်း ကိုပင် ပိတ်ပင်တားမြစ်ခဲ့သည်။ နာဘန်းမြို့မှာ မြန်မာတပ်မတော် ပစ်ခတ်သော အမြောက်ကျည်များ လွဲချော်ထိမှန်ခြင်း ခံခဲ့ရသည်။

အာဏာပိုင်များက ဒုက္ခသည် အကျပ်အတည်းကို တရုတ်နိုင်ငံထဲသို့ လျှံကျမလာအောင် ကြိုးစား ကာကွယ် ထိန်းသိမ်း ခဲ့ကြသည်။ ထိန်ချုန်းခရိုင်နှင့် အိမ်နီးချင်းဖြစ်သော ယင်ကျန်းခရိုင်ရှိ Diantan နယ်စပ်မြို့စွန်တွင် ဒုက္ခသည် များ ဈေးပေါပေါဖြင့် ငှားရမ်းနေထိုင်ရာ သစ်သားအိမ် ယိုင်နဲ့နဲ့ကလေး များရှိသည်။ ဤအိမ်စုတ် ကလေး များတွင် ပြီးခဲ့သည့် ဧပြီလက Diantan မြို့တွင်း ဖြတ်ဝင်လာခဲ့သော ဒုက္ခသည် ၄ဝဝဝ  မှ အချို့ နေထိုင်ကြောင်း မစ္စတာကျန်း ခန့်မှန်းသည်။ တရုတ်အစိုးရက သူတို့ကို ကားပြင် အလုပ်ရုံစခန်းတစ်ခုအတွင်း ယာယီနေရာချပေးပြီး စားရေ ရိက္ခာ နှင့် ဆေးဝါးအကူအညီပေးခဲ့သည်။ ထိုအဆောက်အဦ နံရံတစ်ခုပေါ်တွင် “ယေရှု”ဟု တရုတ် ဘာသာဖြင့် ရေးခြစ်ထားသော စာလုံးမှာ သူတို့ နေထိုင်ခဲ့ကြောင်း အမှတ်ရစရာဖြစ် သည်။ သို့သော် ၂ ပတ် ၃ ပတ် အကြာတွင် နယ်စပ်အနီး ဒုက္ခသည် စခန်းများတွင် နေထိုင်ရန် မြန်မာနိုင်ငံ အတွင်းသို့ သူတို့အများစုကို ပြန်လည် ပို့ဆောင်ခဲ့သည်။ ထိုဒုက္ခသည်စခန်းများထဲမှ အချို့ကို မြန်မာ အစိုးရနှင့် အချို့ကို ကချင်တို့က ဖွင့်လှစ်ပေးထားသည်။

မြန်မာနိုင်ငံလိုပင် တရုတ်နိုင်ငံ က UNHCR အပါအဝင် နိုင်ငံ တကာအဖွဲ့များကို ကချင်ဒုက္ခသည် များထံ သွားရောက်ခွင့် ပိတ်ပင်ထားသည်။ နယူးယောက် အခြေစိုက် အန်ဂျီအိုတစ်ခုဖြစ်သည့် လူ့အခွင့်အရေး စောင့်ကြည့် လေ့လာရေးအဖွဲ့ (HRW)၏ အဆိုအရ လွန်ခဲ့သည့် နှစ်၊ ဇွန်လက ယူနန်ပြည်နယ်တွင် မြန်မာ နိုင်ငံမှ ဒုက္ခသည် ၇ဝဝဝ မှ ၁ဝ,ဝဝဝ ကြားရှိခဲ့ကြောင်း သိရသည်။ သူတို့ကို ဆန္ဒမပါဘဲ ပြန်ပို့ခဲ့သည် ဆိုခြင်းကို တရုတ် အာဏာပိုင်များက ငြင်းဆိုကြသည်။

တရုတ်အာဏာပိုင်များ အနေဖြင့် သူ့လုပ်ဆောင်မှုများနှင့် ပတ်သက်၍ သိကောင်း သိလိမ့်မည် ဖြစ်သော်လည်း မမြင်ချင်ယောင် ဆောင်နေခဲ့ကြောင်း တရုတ်လူမျိုး ခရစ်ယာန်ဖြစ်သူ မစ္စတာကျန်က ပြောပါသည်။ မည်သို့ပင် ဖြစ်စေ တရုတ် အာဏာပိုင်များက သည့်ထက်ပို၍ အများကြီး ကူညီနိုင်ကြောင်း သူက ထောက်ပြသည်။ တရုတ် အစိုးရက နာဘန်းမြို့တစ်ဝိုက်တွင် ဒုက္ခသည်စခန်း လေးခု တည်ဆောက်ထားသော်လည်း လူသူ မရှိသေးချေ။ သူ၏ အဖော် ခရစ်ယာန် လှုပ်ရှား တက်ကြွသူ တစ်ဦး ဖြစ်သည့် ဟွာဟွီချီ (Hua Huiqi) က ကချင်များကို မီဒီယာ ဆက်ဆံရေးနှင့် ပတ်သက်၍ အကြံဉာဏ် ပေးရန် မြန်မာနိုင်ငံတွင်းသို့ သွားရောက် လည်ပတ် ခဲ့ကြောင်း ပြောပါသည်။ “ကျွန်တော်ဟာ တရုတ်နိုင်ငံက လူ့အခွင့်အရေး လှုပ်ရှားသူတစ်ဦး ဖြစ်ခဲ့ပါတယ်။ အခုတော့ နိုင်ငံတကာ လှုပ်ရှားသူ ဖြစ်လာခဲ့ပါပြီ”ဟု သူက ဂုဏ်ယူ ဝင့်ကြွားစွာ ပြောဆိုသည်။ ဤသို့သော လှုပ်ရှားမှုများ အတွက် တရုတ်နိုင်ငံ၏ စိတ်ရှည်သည်းခံမှုမှာ အစမ်းသပ်ခံနေရပြီဖြစ်သည်။

Ref:economist.com

ဝ၄ဝ

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*