မြန်မာနိုင်ငံအပေါ် ပိတ်ဆို့အရေးယူမှုများအား ဖြေလျော့ပေးနေသည့် အမေရိကန်အစိုးရက ရေနံနှင့် သဘာဝ ဓာတ်ငွေ့ လုပ်ငန်းများတွင်အမေရိကန် ကုမ္ပဏီများကို ရင်းနှီးမြှုပ်နှံ ခွင့်ပြုကြောင်း ပြီးခဲ့သည့် သီတင်းပတ် အတွင်းက ကြေညာ ခဲ့ခြင်းဖြင့် အကြီးမားဆုံးသော ဖြေလျော့မှု တစ်ရပ်ကို ဆောင်ရွက်ပေးခဲ့သည်။

ယမန်နှစ် မတ်လကမှ နိုင်ငံတော်အာဏာ ရယူခဲ့သော အရပ်သားအစိုးရ ကလည်း နိုင်ငံခြား ရင်းနှီးမြှုပ်နှံမှုများ ဝင်ရောက်လာစေရန် တံခါးဖွင့်ထားခဲ့သည်။ ယခင်က ထုတ်ပြန် ကြေညာခဲ့ခြင်းမရှိသော သတင်းအချက်  အလက်များအရ ဘင်္ဂလား ပင်လယ်အော်နှင့် အန်ဒမန် ပင်လယ်ပြင်ရှိ ရခိုင်၊ မုတ္တမနှင့် တနင်္သာရီ ကမ်းလွန်ဒေသများတွင် ရေနက်ပိုင်း လုပ်ကွက် ၁၇ ခု နှင့် ရေတိမ်ပိုင်း လုပ်ကွက် ၆ ခုတို့တွင် နိုင်ငံခြား ကုမ္ပဏီများ လာရောက်လုပ်ကိုင်ရန် မြန်မာနိုင်ငံက ဖိတ်ခေါ်ခဲ့ကြောင်း သိရှိရသည်။

ယင်း ကမ်းလွန်လုပ်ကွက်များသည် ယခင်က နိုင်ငံစုံ ရေနံကုမ္ပဏီများ တစ်ကြိမ်တစ်ခါမျှ လုပ်ကိုင်ဆောင် ရွက်ဖူးခြင်း မရှိသေးသော လုပ်ကွက်သစ်များ ဖြစ်ကြပြီး ရင်းနှီးမြှုပ်နှံလိုသူ ကုမ္ပဏီများနှင့် မြန်မာ့ရေနံနှင့် သဘာဝဓာတ်ငွေ့လုပ်ငန်းတို့ တိုက်ရိုက် ညှိနှိုင်းမှုဖြင့် ပေးအပ်သွားမည် ဖြစ်သည်။ မြန်မာ့ရေနံနှင့် သဘာဝ ဓာတ်ငွေ့လုပ်ငန်းက စီမံကိန်း တစ်ရပ်တိုင်းတွင် ၁၅% မှ ၂၅% အထိ အစုရှယ်ယာ ပါဝင်မည် ဖြစ်သည်။

လုပ်ငန်းကမ်းလှမ်းချက် အသေးစိတ် အချက်အလက်များကို ယခု သီတင်းပတ်အတွင်း စင်္ကာပူနိုင်ငံ၌ ကျင်းပခဲ့သည့် မြန်မာနိုင်ငံ ရင်းနှီးမြှုပ်နှံမှုကွန်ဖရင့်၌ စွမ်းအင်ဝန်ကြီးဌာနမှ အကြီးတန်း အရာရှိတစ်ဦး ဖြစ်သူ ဦး အောင်ကျော်ထူးက ရှင်းလင်းတင်ပြ သွားခဲ့သည်။ ဦးအောင်ကျော်ထူး၏ ရှင်းလင်းတင်ပြမှု အစီရင်ခံစာသည် မေ ၁၅ ရက်၊ နေ့စွဲ တပ်ထားသည်ကိုလည်း တွေ့ကြရသည်။

ကမ်းလှမ်းချက်အရ လုပ်ကွက်ရကုမ္ပဏီအား ရေနံရှာဖွေရေး ကာလအဖြစ် ခြောက်နှစ်တာအထိ ခွင့်ပြုထားမည် ဖြစ်ပြီး ထုတ်လုပ်ရေး စသည်နှင့် သုံးနှစ်တာ အခွန်ကင်းလွတ်ခွင့် ကာလကိုလည်း နောက်ဆက်တွဲ အဖြစ် ခွင့်ပြုပေးမည် ဖြစ်သည်။ လုပ်ကွက်ရ ကုမ္ပဏီသည် ဝင်ငွေခွန် ၃ဝ% နှင့် Loyalty Share ၁၂.၅% ကို မြန်မာအစိုးရသို့ ပေးသွင်းရမည် ဖြစ်သည်။

ရတနာ ကမ်းလွန်ရေနံ လုပ်ကွက်တွင် လုပ်ကိုင်လျက်ရှိသော ပြင်သစ် ရေနံကုမ္ပဏီကြီး ဖြစ်သည့် Total SA(TOT) သည် အမေရိကန် ရေနံကုမ္ပဏီကြီးဖြစ်သည့် Chevron Corp(CVX) နှင့် ဖက်စပ် ဆောင်ရွက်နေခြင်း ဖြစ်ပြီး Chevron ၏ ပါဝင်မှု ရာခိုင်နှုန်းမှာ အနည်းငယ်မျှသာ ရှိသည်။

ယမန်နှစ်က ခေါ်ယူခဲ့သောတင်ဒါများအရ လုပ်ငန်း သဘောတူစာချုပ် ကိုးစောင် ချုပ်ဆိုနိုင်ခဲ့ကြောင်း မြန်မာ့ ရေနံနှင့် သဘာဝဓာတ်ငွေ့လုပ်ငန်းက ဇွန်လအတွင်းက ပြောကြားခဲ့သည်။ ယင်းစာချုပ် ကိုးစောင်တွင် မလေး ရှားမှ Petronas ထိုင်းနိုင်ငံမှ PTT နှင့် အိန္ဒိယမှ Jubilant တို့မှာ ကုန်းတွင်းရေနံနှင့် သဘာဝဓာတ်ငွေ့လုပ် ကွက်များတွင် လုပ်ကိုင်ကြမည် ဖြစ်သည်။ ကုန်းတွင်းရေနံနှင့် သဘာဝ ဓာတ်ငွေ့လုပ်ကွက်များကို လာမည့် လတွင် တင်ဒါ ထပ်မံခေါ်ယူရန် မြန်မာအစိုးရက စီစဉ်လျက် ရှိသည်။

လက်ရှိကာလတွင် ကုန်းတွင်း၌ ရေနံလုပ်ကွက် ၁၇ ခုနှင့် သဘာဝ ဓာတ်ငွေ့လုပ်ကွက် ၅ ခုတို့ရှိသည်။ ကမ်းလွန် သဘာဝဓာတ်ငွေ့လုပ်ကွက် နှစ်ခုဖြစ်သည့် Daewoo International ကုမ္ပဏီ၏ ရွှေစီမံကိန်းနှင့် PTT Exploration & Production ကုမ္ပဏီ၏ ဇောတိက စီမံကိန်းတို့မှာ လုပ်ငန်းစတင်နေပြီ ဖြစ်ပြီး ရှေ့နှစ်တွင် ထုတ်လုပ်ရေး စတင်နိုင်မည်ဟု ဦးအောင်ကျော်ထူးက ပြောကြားခဲ့သည်။

၂ဝ၁၁ ခုနှစ်၊ ဧပြီလရှိ ကိန်းဂဏန်းများအရ မြန်မာနိုင်ငံ၏ အရံရေနံပမာဏသည် စည်ပေါင်း ၂.၁ဘီလျံ ရှိပြီး အရံ သဘာဝဓာတ်ငွေ့ပမာဏမှာ ၂၅ ထရီလျံ ကုဗပေရှိကြောင်း စွမ်းအင်ဝန်ကြီးဌာန၏ တရားဝင် ရှင်းလင်း ပြောကြားမှုအရ သိရသည်။

Ref: Myanmar Invites Foreign Energy Firms to Explore 23 Offshore Oil, Gas Blocks by Down Jones Newswires, Fox News, Published

ဝ၃၉

ဆက်စပ်သတင်းများ

အခွန်အကောက် ဥပဒေကြမ်း တင်သွင်း

အခွန်အကောက် ဥပဒေကြမ်း တင်သွင်း

နေပြည်တော်၊ ဖေဖော်ဝါရီ ၁၃၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*