ပြည်တွင်းသတင်း — ရန်ကုန်၊ ဩဂုတ် ၂၇၊ ၂ဝ၁၂

ကမ္ဘာ့လူငယ် ဖိုရမ်ကို ၂ဝ၁၂ ခုနှစ် ဒီဇင်ဘာ ၄ ရက်မှ ၆ ရက်အထိ အင်ဒိုနီးရှားနိုင်ငံ ဘာလီမြို့၌ ကျင်းပမည်ဟု ICPD မှ သတင်းထုတ်ပြန်သည်။ အဆိုပါ ဖိုရမ်သို့ အသက် ၃ဝ နှစ်အောက် လူငယ်များ၊ ခေါင်း ဆောင်မှုအရည်အချင်းရှိသူများ၊ ICPD အစီအစဉ်များတွင် ပါဝင်လုပ်ကိုင်နေသူများ၊ နိုင်ငံအဆင့်နှင့် ဒေသဆိုင်ရာအဆင့် လူမှုဖွံ့ဖြိုးတိုးတက်ရေး လုပ်ငန်းများတွင် ဦးဆောင် ပါဝင်သူများနှင့် ကူညီနေသူများ၊ လူငယ်ရေးရာ လုပ်ငန်းများနှင့် လူမှုဖွံ့ဖြိုးရေး လုပ်ငန်းများတွင် ပါဝင်လှုပ်ရှားခဲ့သည့် အတွေ့အကြုံ ရှိသူများနှင့် ခေါင်းဆောင်မှု အတွေ့အကြုံ ရှိသူများ လျှောက်ထားနိုင်သည်ဟု သိရသည်။

ထို့အပြင် လျှောက်ထားသူသည် ကမ္ဘာ့လူငယ် ဖိုရမ်တွင် ပါဝင်ဆွေးနွေးနိုင်သူ၊ အပြန်အလှန် ဆွေးနွေးမှုများနှင့် လှုပ်ရှားမှုများ တွင်လည်း တက်ကြွစွာ ပါဝင်နိုင်သူ ဖြစ်ရမည်ဟု သိရသည်။ နိုင်ငံကူးလက်မှတ် တစ်နှစ်သက်တမ်း ရှိပြီး အသက် ၁၈ နှစ်မှ ၂၄ နှစ်အတွင်း လူငယ်များကို ပိုမိုဦးစားပေး၍ ဖိတ်ခေါ်မည်ဟု သိရသည်။ ဖိုရမ်သို့ တက်ရောက်နိုင်ရန် ၂ဝ၁၂ ခုနှစ် စက်တင်ဘာ ၁၅ ရက်ကို နောက်ဆုံး ထား၍ www.unngls.org/gyf/en ၌ လျှောက်ထားရမည်ဖြစ်သည်။ အသေးစိတ် အချက်အလက်များကို သိရှိလိုပါက gyf@un-ngls.org  သို့ အီးမေးလ်ဖြင့် စုံစမ်းနိုင်ကြောင်း သိရသည်။ ဘာလီတွင် ကျင်းပမည့်ကမ္ဘာ့လူငယ်ဖိုရမ်သည် ၂ဝ၁၄ ခုနှစ်တွင် ကျင်းပမည့် ICPD ၏ ကမ္ဘာ့လူငယ် ဖိုရမ်ကိုလည်း ကိုယ်စားပြုကြောင်း သိရသည်။ ICPD ဆိုသည်မှာ International Conference on Population and Development ဖြစ်သည်။

ဝ၃၃

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*