ကျန်းမာရေး သတင်း ပြည်တွင်းသတင်း — ရန်ကုန်၊ ဒီဇင်ဘာ ၁၊ ၂၀၁၆

world-aids-2016

ကမ္ဘာ့ အေအိုင်ဒီအက်စ် တိုက်ဖျက်ရေးနေ့ ဖဲကြိုးနီ လှုပ်ရှားမှုကို မြို့ကြီးအချို့နှင့် ပြည်ထောင်စု လွှတ်တေ်ာတို့တွင် ပြုလုပ်ကြောင်း UNAIDS က သတင်းထုတ်ပြန်သည်။

နေပြည်တော် အမျိုးသားလွှတ်တော် အဆောက်အအုံတွင် ကမ္ဘာ့ အေအိုင်ဒီအက်စ် တိုက်ဖျက်ရေးနေ့ ဖဲကြိုးနီ လှုပ်ရှားမှုကို ပြုလုပ်ခဲ့ကြောင်း သိရသည်။ အဆိုပါ အခမ်းအနားသို့ အမျိုးသား လွှတ်တော် ဥက္ကဌ၊ အမျိုးသားလွှတ်တော် ဒုတိယ ဥက္ကဌ၊ အမျိုးသားလွှတ်တော် ရေးရာကော်မတီ ဥက္ကဌများ၊ ပြည်သူ့ လွှတ်တော်နှင့် အမျိုးသား လွှတ်တော်တို့မှ လွှတ်တော် ကိုယ်စားလှယ်များ၊ ဥပဒေရေးရာနှင့် အထူးကိစ္စရပ်များ လေ့လာ ဆန်းစစ် သုံးသပ်ရေး ကော်မရှင် အဖွဲ့ဝင်များ၊ UNAIDS နှင့် Phoenix Association မှ တာဝန်ရှိသူများ၊ HIV ဆိုင်ရာ လူမှုကွန်ရက် (၉) ဖွဲ့မှ ကိုယ်စားလှယ်များနှင့် အမျိုးသား လွှတ်တော်ရုံးမှ ဝန်ထမ်းများ တက်ရောက်ခဲ့ကြောင်း သိရသည်။

အခမ်းအနားတွင် အမှတ်တရ စာစုများရေးခြင်း၊ လက်ဝါးပေါ်များတွင် HIV လုပ်ငန်း အထောက်အကူပြု ပညာပေး စာများ ကပ်၍ မှတ်တမ်း ဓာတ်ပုံများ ရိုက်ကူးခြင်း၊ တက်ရောက်သူများ အားလုံး ဖဲကြိုးနီ ရင်ထိုးများ တပ်ဆင်၍ World AIDS Day အား ပြုလုပ်ခဲ့ကြောင်း သိရသည်။

မန္တလေးမြို့နှင့် ထားဝယ်မြို့တို့တွင်လည်း AIDS တိုက်ဖျက်ရေးနေ့ အထိန်းအမှတ်အဖြစ် ဖဲကြိုးနီ လှုပ်ရှားမှုနှင့် လူထု လမ်းလျှောက်ပွဲကို ပြုလုပ်ခဲ့ကြောင်း သိရသည်။

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*