ပြည်တွင်းသတင်း — ရန်ကုန်၊ မတ် ၂၇၊ ၂၀၁၂

မတ်လ ၂၇ ရက် မနက် ၈းဝဝတွင် ​ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီသည် မရမ်းကုန်းမြို့နယ်၊ ကျိုက်ဝိုင်းဘုရားလမ်းပေါ်ရှိ ​​  ဘောလုံးကွင်း၌ ဟောပြော ပွဲပြုလုပ်ခဲ့သည်။

အဆိုပါဟောပြောပွဲတွင် ပါတီစတင်ဖွဲ့စည်းပုံနှင့် မူဝါဒများအပြင် ပြည်သူလူထု လိုအင်ဆန္ဒကို တတ်နိုင်သလောက် ​ဖြည့်ဆည်း လျက်ရှိရာ ငွေရှိသော်လည်း မတတ်နိုင်သော အချို့ကိစ္စများအား ကိုယ့်နိုင်ငံကို အုပ်စိုးနေတဲ့အစိုးရထံ ကူညီတောင်းရမည် ဖြစ်ကြောင်း၊ မတတ်နိုင်သော ကိစ္စအားအစိုးရထံ အကူအညီတောင်းခြင်းက အစိုးရကို ပြောပြီး မဲဆွယ်စည်းရုံးရေး လုပ်နေခြင်းမဟုတ်ကြောင်း အထွေထွေ အတွင်းရေးမှူး ဦးဌေးဦးကပြောသည်။

ဆက်လက်ပြီး ပြည်သူတွေအဓိက​ တောင်းဆိုနေတဲ့ ငြိမ်းချမ်းမှုကိုလိုချင်ရင် တည်ငြိမ်အေးချမ်းမှုနဲ့ စီးပွားရေးအဓိကကျကြောင်း ပြောသည်။

“တည် ငြိမ်အေးချမ်းမှုက တစ်ယောက်နှင့်တစ်ယောက်ရင်းရင်းနှီးနှီး နားလည်မှုနဲ့ပူးပေါင်းဆောင်ရွက်မှုဖြစ်သည်” ဟုပြောသည်။ ၎င်းတို့ပါတီမူဝါဒက အစိုးရနိုင်ငံ၊ ပြည်သူတွေချမ်းသာဖို့ လိုကြောင်း၊ စီးပွားရေးသည် တည်ငြိမ်အေးချမ်းမှု အခြေခံဖြစ်ကြောင်း၊ ပြည်တွင်းအားကို ယုံကြည်ကြောင်း​ ပြောသည်။ ပြည်ပအကူအညီယူသည့်အခါ ကိုယ်ကံကြမ္မာ ကိုယ်ဖန်တီးနိုင်သော အခွင့်အရေးရှိသော ဆက်ဆံရေးနှင့် ငြိမ်းချမ်းစွာ တူယှဉ်နေထိုင်ခြင်း ဝတ်နည်း ၅ပါးကို လိုလားသည်ဟု​ ပြောသည်။  နောက်ဆုံးတွင် ၎င်းတို့ပါတီက အမိန့်မရှိကြောင်း၊ တစ်ဦးသဘောနှင့်​  ဆောင်ရွက်ခြင်းမဟုတ်ဘဲ အများသဘောဖြင့်​ ဆောင်ရွက်ကြောင်းပြောရင်း နိဂုံးချုပ်ခဲ့သည်။

ဆက်လက်ပြီး ပြည်သူ့လွှတ်တော်ကိုယ်စားလှယ်လောင်း ဦးရဲထွဋ်က မိတ်ဆက်စကားပြောကြားသည်။ နိုင်ငံရေးမူဝါဒအနေနဲ့ အမျိုးသား အကျိုးစီးပွားကို ဦးထိပ်ထား၍ ပါတီစုံ ဒီမိုကရေစီစနစ်ကို ကျင့်သုံးကြောင်း၊ ဈေးကွက်စီးပွားရေးစနစ်ကို ကျင့်သုံးမည့် မူဝါဒဖြစ်ကြောင်း၊ အလုပ်သမားများအတွက် အခြေခံဥပဒေနှင့်အညီ အလုပ်သမားများ၏ အခွင့်ရေးကို အပြည့်အဝ ရရှိခံစားနိုင်အောင် ဖော်ဆောင်ပေးကြောင်း၊ တစ်မျိုးသားလုံးကျန်းမာကြံ့ခိုင်ရေးနှင့်ပညာရေးကိုနိုင်ငံတကာ အဆင့်မီမြင့်မားအောင် လူ့ စွမ်းအားအရင်းအမြစ်ဖွံ့ဖြိုးတိုးတက်စေရေးမူဝါဒကို ကျင့်သုံးမည်ဟု ထုတ်ပြန်ခဲ့သည်။

ယင်းမူဝါဒများထဲမှပညာရေးနှင့်ပတ်သက်ပြီး မရမ်းကုန်းမြို့နယ်တွင်း ကျောင်းအရေတွက်ကို မေးမြန်းခဲ့ရာ ကိုယ်စားလှယ်က တိတိကျကျ ဖြေကြားနိုင်ခြင်း မရှိသည့် အတွက် အဖွဲ့ဝင်တစ်ဦးက ကိုယ်စားလှယ်အစားဖြေကြားခဲ့သည်။  ၁၉၉၃စက်တင်ဘာ ၁၅ ရက်နေ့တွင် ​ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်းကို စတင်တည်ထောင်ခဲ့ပြီး ၂ဝ၁ဝ ခုနှစ်တွင် ပါတီအဖြစ်သို့ ပြောင်းလဲခဲ့သည်။ ယနေ့ကျင်းပသောပွဲသည် ပထမဆုံးကြိမ် ကျင်းပခြင်းဖြစ်ပြီး ခန့်မှန်းခြေလူဦးရေ ၅ဝ ဝန်းကျင် တက်ရောက်ခဲ့သည်။


၀၁၄

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.