ပြည်တွင်းသတင်း — ရန်ကုန်၊ ဇွန် ၂၂၊ ၂ဝ၁၂

မြန်မာသင်္ဘောသား ၁၅ ဦး လိုက်ပါတာဝန်ထမ်းဆောင်နေသည့်  ကိုရီးယားကုမ္ပဏီပိုင် M.V YUJIN ACE အမည်ရှိ ပင်လယ်ကူး သင်္ဘောပေါ်တွင် မြန်မာသင်္ဘောသား မောင်အောင်ကိုကိုဇင်သည် လွန်ခဲ့သော မေ ၂၉ ရက်မှ စတင် ပျောက်ဆုံးနေကြောင်း ယင်း၏ မိဘများက မြန်မာအင်ဒီပဲန်ဒင့်သို့ ပြောသည်။

ပျောက်ဆုံးနေသူ မြန်မာသင်္ဘောသား မောင်အောင်ကိုကိုဇင်

ပျောက်ဆုံးနေသူ မြန်မာသင်္ဘောသား မောင်အောင်ကိုကိုဇင်

ဖြစ်ပွားပုံမှာ M.V YUJIN ACE သင်္ဘောသည် ကိုရီးယားနိုင်ငံ၊ မာဆန်း(MASAN) ဆိပ်ကမ်းမှ လွန်ခဲ့သော မေ ၂၈ ရက်၊ နံနက် ၁ဝးဝဝ နာရီတွင် U.A.E နိုင်ငံသို့ စတင်ထွက်ခွာခဲ့ရာ ယင်းနေ့ ၂၈.၅.၂ဝ၁၂ တွင် ယခုပျောက်ဆုံးနေသူ    မောင်အောင်ကိုကိုဇင်သည် သူ၏ တာဝန်ချိန်ဖြစ်သော ၈းဝဝ နာရီမှ ၁၂းဝဝ နာရီအထိ ပထမတစ်ကြိမ် တာဝန်ထမ်းဆောင်ခဲ့ပြီး ဒုတိယတာဝန်ချိန်ဖြစ်သည့် ၂ဝးဝဝ နာရီမှ ၂၄းဝဝ နာရီအထိ တစ်ကြိမ် တာဝန်ထမ်းဆောင် ခဲ့ကြောင်းသိရသည်။ နောက်တစ်နေ့ တာဝန်ချိန်ဖြစ်သည့် မေ ၂၉ရက်၊ နံနက် ၈းဝဝ တွင် တာဝန်ထမ်းဆောင်ရန်အတွက်    အောင်ကိုကိုဇင် ရောက်မလာသဖြင့် ယင်းနေထိုင်ရာအခန်းသို့ သွားရောက်ကြည့်ရှုရာ အခန်းတွင်းနှင့် ယင်း၏ အိပ်ရာပေါ်တွင် သွေးကွက်များကို တွေ့ရပြီး အောင်ကိုကိုဇင် ပျောက်ဆုံးနေကြောင်း တွေ့ရသည်။

သင်္ဘောအတွင်း အခင်းဖြစ်ပွားရာနေရာ၏ မှတ်တမ်းဓာတ်ပုံ

သင်္ဘောအတွင်း အခင်းဖြစ်ပွားရာနေရာ၏ မှတ်တမ်းဓာတ်ပုံ

ယင်းဖြစ်စဉ်ကြောင့် M.V YUJIN ACE သင်္ဘောသည် နံနက် ၈း၂ဝ နာရီတွင် ကိုရီးယားနိုင်ငံ JEJU-KOREA သို့ ပြန်လည်မောင်းနှင်ခဲ့ပြီး ယင်းနေ့ ၁၆း၃ဝ နာရီတွင် Korea Coast Guard မှ စုံစမ်းစစ်ဆေးမှုများ ပြုလုပ်ရာ အခန်းအတွင်းမှ ဓားတစ်လက် တွေ့ရှိကြောင်း၊ ယခု ဖြစ်ပွားမှုသည် လူသတ် အလောင်းဖျောက်ဖျက်မှု တစ်ခုဖြစ်ကြောင်း မှတ်ချက်ချသည်ဟု သိရသည်။

ပျောက်ဆုံးမှုနှင့်ပတ်သက်ပြီး မောင်ကိုကိုဇင်အား ကိုရီးယား သင်္ဘောပေါ်သို့ တာဝန်ယူ ပို့ဆောင်ပေးခဲ့သော  ဗိုလ်တထောင်မြို့နယ်၊ အမှတ် ၆/၈၊ အခန်းအမှတ် အေ ၃ ၊ ဗိုလ်တစ်ထောင် ၄ လမ်းတွင် တည်ရှိသည့် S.H SHIPPING Co.,Ltd သို့ မြန်မာအင်ဒီပဲန်ဒင့်မှ သွားရောက် ဆက်သွယ်မေးမြန်းရာတွင် ကုမ္ပဏီမှ ပြန်လည် ဖြေကြားခြင်း မရှိဘဲ ပျောက်ဆုံးနေသူ၏ မိဘများနှင့် ပြောကြားပြီးဖြစ်၍ မြန်မာအင်ဒီပဲန်ဒင့်နှင့် မတွေ့လိုကြောင်း ပြောကြားသည်။ တစ်ဆက်တည်း မြန်မာအင်ဒီပဲန်ဒင့်မှ မြန်မာနိုင်ငံပင်လယ်ကူး သင်္ဘောသားများအသင်း(MOSA) သို့ ဆက်သွယ်မေးမြန်းခဲ့ရာ လုံလောက်သော အရေးယူ ဆောင်ရွက်မှုများ ပြုလုပ်ရန် စီစဉ်နေကြောင်း ပြန်လည်    ဖြေကြားခဲ့သည်။

ပျောက်ဆုံးနေသူ မောင်ကိုကိုဇင်သည် SOOSUNG CORD LTD ပိုင် M.V YUJIN ACE သင်္ဘောတွင် လွန်ခဲ့သော ၂ဝ၁၁ ခုနှစ်၊ သြဂုတ်လ ၁၇ ရက်မှ စတင် ပြီး OILER ရာထူးဖြင့် တာဝန်ထမ်းဆောင်နေသူ တစ်ဦးဖြစ်သည်။ ယခု ပျောက်ဆုံးမှုမှာ တစ်လနီးပါး ရှိခဲ့ပြီဖြစ်သော်လည်း တစ်စုံတစ်ရာ ထူးခြားမှု မရှိသေးကြောင်း မိဘများက မြန်မာအင်ဒီပဲန်ဒင့်သို့    ပြောကြားခဲ့သည်။

ဝ၃၂

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*