ခေါင်းကြီးသတင်း တွေ့ဆုံ​မေးမြန်းခြင်း — ရန်ကုန်၊ ဒီဇင်ဘာ ၁၁၊ ၂ဝ၁၂

အပြည်ပြည် ဆိုင်ရာ အစိုးရ မဟုတ်သည့် အဖွဲ့အစည်းဖြစ်သည့် အောင်ဆန်းစုကြည် ကမ္ဘာ့လွတ်လပ် မှုရန်ပုံငွေအဖွဲ့ (Aung San Suu Kyi World Freedom Fund) အား ကိုယ်စားပြု၍ ရောက်ရှိလာသည့်  မြန်မာ နိုင်ငံ အတွင်း အချို့သော အထောက်အပံ့ အကူအညီများပေးရန်အတွက် ရောက်ရှိနေသည့် အဆိုပါရန်ပုံငွေ အဖွဲ့မှ ဘုတ်အဖွဲ့ဝင် တစ်ဦးဖြစ်သည့် ဦးကျော်သွင်အား မြန်မာအင်ဒီပဲန်ဒင့် မှ မြန်မာနိုင်ငံအတွက် မည်သို့သော အကူအညီများပေးရန် ဆောင်ရွက် လျက်ရှိနေသည်ကို ယခုလ ၉ ရက် တွင် တွေ့ဆုံမေးမြန်းခဲ့သည်များမှ ကောက်နုတ်ဖော်ပြပါသည်။

မေး။ ။ အောင်ဆန်းစုကြည် ကမ္ဘာ့ လွတ်လပ်မှုရန်ပုံငွေအဖွဲ့(Aung San Suu Kyi, World Freedom Fund) မှ ဘုတ်အဖွဲ့ဝင် ဦးကျော်သွင်က မြန်မာနိုင်ငံကို ဘာအနေနဲ့ လာတာလဲ၊ ဘယ်လို ကိုယ်စားပြုပြီး လာတာလဲ သိပါရစေ။

ဖြေ။ ။ ကျွန်တော် ဗမာပြည်ကို ဒီတစ်ခေါက် ပြန်လာခဲ့တာက ကျွန်တော်တို့ နော်ဝေမှာ ဒေါ်အောင်ဆန်းစုကြည် လာတဲ့ အချိန်အတောအတွင်းမှာပဲ အများစုက နော်ဝေနိုင် ငံသား မိတ်ဆွေတွေ ဖြစ်ကြပြီးတော့ မြန်မာနိုင်ငံ သား ရယ်လို့ ကျွန်တော် တစ်ယောက်ပဲပါတဲ့ ဒေါ်အောင်ဆန်းစုကြည် ကမ္ဘာ့လွတ်လပ်မှု ရန်ပုံငွေအဖွဲ့ (Aung San Suu Kyi, World Freedom Fund) လို့ခေါ်တဲ့ Fund လေးတစ်ခု ကျွန်တော်တို့စပြီးတော့ ဖွဲ့စည်းမိ ပါတယ်။ အဲဒီဖွဲ့စည်းမိတဲ့ အချိန်အတောအတွင်းမှာပဲ ကျွန်တော်တို့ ဆွီဒင်နိုင်ငံ ပိုစတယ်ကို့စ် ဌာနတစ်ခု ကနေ ပြီးတော့ ဆွီးဒစ်ခရိုနာ (ဆွီဒင်နိုင်ငံသုံး ငွေကြေး) ၁ဝသိန်း လှူပါတယ်။ အမေရိကန်ဒေါ်လာနဲ့ဆိုရင် ၁ သန်း ကျော် ရှိတဲ့ ပမာဏကို ချက်ချင်းပဲ လှူပါတယ်။ ဒေါ်အောင်ဆန်းစုကြည် ရောက်ရှိလာပြီးတဲ့အခါမှာ ကျွန်တော်တို့ ထဲက ဘုတ်အဖွဲ့ဝင် တစ်ဦးဖြစ်ပြီးတော့ မြန်မာနိုင်ငံ အရေးကို တောက်လျှောက် အကူအညီ ပေးနေတဲ့ ဒေါ်အောင်ဆန်းစု ကြည်ရဲ့မိတ်ဆွေ တစ်ဦးလည်းဖြစ်တဲ့ အရင်က နော်ဝေနိုင်ငံရဲ့ဝန်ကြီး ချုပ်ဖြစ်တဲ့ မစ္စတာ ဘွန်ဒါဘစ် Kjell Magne Bondevik ရဲ့ ရုံးခန်း မှာ ကျွန်တော်တို့တွေ့ခွင့်ရပါတယ်။ အဲဒီလို တွေ့တဲ့ အခါမှာလည်း ဒေါ်အောင်ဆန်းစုကြည် ကနေ ဒီဒေါ်အောင် ဆန်းစုကြည် ကမ္ဘာ့ လွတ်လပ်မှု ရန်ပုံငွေ အဖွဲ (Aung San Suu Kyi, World Freedom Fund) မှာ သူ့အနေနဲ့ ဥက္ကဋ္ဌအဖြစ်နဲ့ တာဝန်ယူ ဆောင်ရွက်ပေးဖို့ အတွက်  သဘောတူတယ် ဆိုတဲ့အကြောင်း သူလက်မှတ် ထိုးပေးသွားပါတယ်။ အဲဒါကတော့ ကျွန်တော် ဒီကို ရောက်လာရခြင်းရဲ့ ပထမဦးဆုံးအခြေခံအချက်ပဲ ဖြစ်ပါ တယ်။ အဲဒီနောက်ပိုင်းမှာတော့ ကျွန်တော်တို့က (World Freedom Fund) ရဲ့အဓိက မြန်မာနိုင်ငံကို ကူညီနိုင်မယ့် အချက်တွေနဲ့ပတ်သက်ပြီး တော့ ရန်ပုံငွေ ဘုတ်အဖွဲ့ ဝင်တွေက ဆွေးနွေးကြပါတယ်။ လတ်တလော အနေအထားအားဖြင့်တော့ ကျွန်တော်တို့ဆီမှာ အဓိကကျတဲ့ (Proposal) အကြံပြုချက်နှစ်ခု လက်ခံရရှိ ပြီးတော့ ဆောင်ရွက်ပေးဖို့ လျာထားပါတယ်။ ပထမ တစ်ခု ကတော့ အင်းလေးဒေသက ဟိုတယ် တစ်ခုကို အခြေခံပြီးတော့ ကျွန်တော်တို့ ကြားသိရတဲ့ သတင်းအရ အင်းလေးကန်ဒေသမှာ ဟိုတယ်ပေါင်းများစွာ ရှိနေပေမယ့် ဒေသခံပြည်သူတွေက မြင့်မားတဲ့ တာဝန်တွေလည်း မထမ်းရဘူး အဆင့်မြင့် တာဝန်တွေမှာလည်း ထမ်းဆောင်ရတာ နည်းတယ်။ ဒါကြောင့်မို့လို့ ဒေသခံ အင်းသားတွေ အင်းသူတွေလည်း အင်းလေးဒေသမှာဖွင့်လှစ်တဲ့ ခရီးသွားလုပ်ငန်းနဲ့ ပတ်သက်လို့ ကိုယ်တိုင်ပါဝင် ပြီး ကိုယ်တိုင်နားလည်ပြီးတော့ မိသားစုရဲ့စားဝတ်နေရေးတွေ ပြည့် စုံနေတဲ့အခါ အင်းလေး ဒေသကြီး တစ်ခုလုံး ဒီထက်ပိုပြီးတော့ လှပ ချောမွေ့ပြီးတော့ ခရီးသွားလုပ်ငန်း ကို ပိုဆောင်ရွက်နိုင်ဖို့ ကျွန်တော်တို့ အဓိကရည်ရွယ်ချက်ပါ။ အဲဒီရည် ရွယ်ချက်ကိုလည်း ဒေသခံ အင်းလေး ပရင့်စက် (Inle Princess) ဟိုတယ်နဲ့ သဘောတူညီမှု တစ်စိတ်တစ်ပိုင်း ရရှိထားလို့ အဲဒီစီမံချက်ကို ကျွန်တော်တို့ ဆောင်ရွက် မှာဖြစ်ပါတယ်။ ဒုတိယစီမံချက် (Project) တစ်ခု ကတော့ ကျွန်တော်တို့ ချင်းပြည်နယ်မှာ ဒေသဆိုင်ရာ လျှပ်စစ်ဓာတ်အား ထုတ်လုပ်ရေးစက်ကလေးတွေ ဆောက်မလို့ပါ။ ဒါကတော့ ကျွန်တော်တို့ ဆာဗေးအခု လုပ်နေတယ်။ အဆင်ပြေမယ် ဆိုလို့ရှိရင် မများလောက်တဲ့ အကူအညီနဲ့ အတူတူ ဆောင်ရွက်နိုင်ဖို့ ကျွန်တော် တို့ ကြိုးစားနေပါတယ်။ ဒါ့အပြင် ကျွန် တော်တို့ရဲ့ အဓိကရည်ရွယ်ချက်က လူငယ်တွေနဲ့ အမျိုးသမီးတွေရဲ့ လူမှုဘဝကို မြှင့်တင်ဆောင်ရွက်နိုင်ရေး ဆိုတာတွေ ပါပါတယ်။

လူငယ်တွေအတွက်ဆိုရင် ကျွန်တော်တို့ ကြားသိရ သလောက် မြန်မာနိုင်ငံမှာ လူငယ်တွေက ဘွဲ့ရပြီးတော့ အလုပ်လက်မဲ့ ဖြစ်နေတာတွေ၊ နိုင်ငံခြားသားတွေနဲ့ မျက်နှာချင်း ဆိုင်ဆွေးနွေးမှု (Face to Face) ဆိုင်မိတဲ့ အခါမှာ မြန်မာနိုင်ငံ အကြောင်း၊ အခြားနိုင်ငံ အကြောင်းတွေကို ပွင့်ပွင့်လင်းလင်း ပြောဆိုဆွေးနွေးချင်စိတ် ရှိတာတောင် သူ့ရဲ့ အင်္ဂလိပ်ဘာသာ စကား အားနည်းမှုကြောင့် မလိုက်နိုင်တာတွေ၊ နိုင်ငံတကာမှာ ရှိတဲ့ သူတွေနဲ့ ဆက်သွယ်တဲ့အခါမှာ ပြည်တွင်းမှာ ရှိတဲ့ အမျိုးမျိုးသော ဆက်သွယ်ရေး အင်တာနက် ကိရိယာ တွေမှာ အားနည်းမှု အနေအထားတွေကြောင့် ကျွန်တော်တို့က အများကြီး နောက်ကျကျန်ခဲ့တယ်။ ဒီဆာဗေးမှာ ကျွန်တော်တို့ ဘယ်လို ဆောင်ရွက်ပေးနိုင်မလဲဆိုတဲ့အချက်၊ အဲဒါတွေအပေါ်မှာ ကျွန်တော်တို့ အလေးထားပါ တယ်။ နောက်တစ်ခုကတော့ အမျိုး သမီးတွေရဲ့ လူနေမှုဘဝ တိုးတက်ရေး အတွက်ပေါ့။ ကျွန်တော်တို့ Fund ထဲမှာ တွေ့ဆုံ ဆွေးနွေးပြီးတော့ သဘောတူညီချက် ရထားတာက ဥပမာအားဖြင့် ဒေသနယ်ပယ် အသီးသီးမှာ ရှိတဲ့ အခြေခံပညာတတ်တဲ့ အလုပ်လုပ်ချင်၊ ကြိုးစားချင်တဲ့ ဆန္ဒ ရှိတဲ့ အမျိုးသမီးငယ်တွေကို ဒေသ ဆိုင်ရာ အသီးသီးကနေ ဖိတ်ခေါ်ပြီးတော့ တစ်သုတ်မှာ လူအယောက် ၄ဝ လောက်ကို အပ်ချုပ်စက် အပြည့်နဲ့ အခြေခံ အပ်ချုပ်သင်တန်း ပေးမယ်။ အခြေခံအပ်ချုပ်သင်တန်း ၂လ ပြီးတဲ့အခါမှာ အလယ်အလတ် အပ်ချုပ်သင်တန်း ၂လ ၊ နောက်ဆုံး အချောထည်အပ်ချုပ်သင်တန်း ၂လ ပြီးတဲ့အခါမှာ ကျွန်တ်ာတို့ သင်တန်း ပထမကော၊ ဒုတိယကော၊ တတိယကောမှာ လူအပြည့် ၁၂ဝ ရှိမယ်။ ကျွန်တော်တို့ဆီက ထွက်သွားပြီး အလုပ်မရတာမျိုး မဖြစ်ရအောင် ကျွန်တော်တို့ကိုယ်တိုင်ကော နိုင်ငံတကာက ကျွန်တော်တို့ကိုကူညီ နိုင်တဲ့ အဖွဲ့အစည်း တွေကော ပြည် တွင်းမှာရှိတဲ့ ဒီလုပ်ငန်းတွေကို စိတ် ဝင်စားတဲ့ ပုဂ္ဂိုလ်တွေနဲ့ကော တွဲပြီးတော့ အသေးစား အထည်ချုပ် စက်ရုံ တည်ဆောက်ပေးမယ်။ အဲဒီလုပ်ငန်း တွေကို ကျွန်တော်တို့ ကူညီချင် တယ်။ ဒါပေမယ့် ကျွန်တော်တို့က ဘယ်လောက် ကူညီချင် ကူညီချင် မြန်မာနိုင်ငံရဲ့ လက်ရှိ ရှိနေတဲ့ နိုင်ငံ ရေး အခြေအနေ ဖြစ်တယ်လို့ ကျွန်တော်ကတော့ ယူဆပါတယ်။ ဘာဖြစ်လို့လဲဆိုတော့ ကျွန်တော်တို့ ဖြတ်သန်းခဲ့တဲ့ အတွေ့ အကြုံအရ ဒီအချိန်မှာ ပြည်တွင်းမှာ ရှိနေတဲ့ တိုင်းရင်းသားတွေအားလုံးက တစ် ယောက်နဲ့တစ်ယောက် နားလည်မှု တွေအပြည့်အဝနဲ့ အမျိုးသား ရင်ကြားစေ့ရေးကို တကယ်ကို ဆောင် ရွက်ပေးနိုင်ရင် ကျွန်တော်တို့ နိုင်ငံ က တကယ့်ကို အာရှကျားဖြစ်လာ နိုင်ပါတယ်။ အခုအချိန်မှာ အမေရိ ကန် သမ္မတကြီးကလည်း တောက်လျှောက် စီးပွားရေး ပိတ်ဆို့ ထားမှုတွေကို ဖွင့် ပေးတဲ့အပြင် ရင်းနှီးမြှုပ်နှံမှုတွေ ကိုပါ ဖွင့်ပေးလိုက်တဲ့ အတွက်ကြောင့် တော်တော်များများသော အထည်ချုပ် စက်ရုံနဲ့ပတ်သတ်တဲ့ လုပ်ငန်းတွေ၊ ခရီးသွားလုပ်ငန်းနဲ့ ပတ်သတ်တဲ့  လုပ်ငန်းတွေ  ကျွန်တော်တို့ မြန်မာနိုင်ငံထဲကို စီးဝင်လာမှာဖြစ် ပါတယ်။ ကျွန်တော်တို့က ခရီးသွား လုပ်ငန်း ကနေ ငွေအများဆုံး ရနိုင်လို့ ဒီလုပ်ငန်းကို လုပ်ရင်းလုပ်ရင်းကနေ ဒီထဲမှာ နစ်မြှုပ်သွားရမယ် ဆိုတဲ့ အခြေအနေမျိုးလည်း မဖန်တီးချင် ဘူး။ နိုင်ငံသားတွေက သင့်တင့် လျှောက်ပတ်တဲ့ ပညာတတ်ပြီးတဲ့ အခါမှာ ကိုယ်တိုင် အလုပ်လုပ်နိုင် ရက်နဲ့ အလုပ်မလုပ်ရတဲ့အတွက် ကြောင့်၊ အလုပ်မရှိတဲ့အတွက်ကြောင့် အချိန်တွေကို အလွန်ပဲ အသုံးမဲ့စွာနဲ့ ကုန်လွန်သွားတာမျိုး မဖြစ်စေချင် ဘူး။ ဒါကို မြန်မာနိုင်ငံသား တစ် ယောက်အနေနဲ့ ပိုပြီး ထိထိရောက်ရောက် ဆောင်ရွက်နိုင်ဖို့အတွက် ဘုတ်အဖွဲ့ဝင်တွေက ကျွန်တော့်ကို နောက်ဆုံးဘုတ် အစည်းအဝေး အပြီးမှာ မြန်မာနိုင်ငံကို ကူညီနိုင်မယ့် နည်းလမ်းတွေနဲ့ သက်ဆိုင်ရာအာဏာ ပိုင်တွေနဲ့တွေ့ဆုံဖို့ အတွက် ဆိုပြီးတော့ ကျွန်တော့်ကို (Head of Mission) အဖွဲ့ ခေါင်းဆောင်အနေနဲ့ လွှတ်လို့ ကျွန်တော် လာရောက်ရခြင်း ဖြစ်ပါတယ်။

မေး။ ။ ဘုတ်အဖွဲ့နဲ့ ပတ်သတ်ပြီး ပြောပြပေးပါ။ ဘုတ်အဖွဲ့ဝင် ဘယ်လောက် ရှိသလဲ။ ဘယ်လို ဖွဲ့စည်းခဲ့ သလဲ။ ဒေါ်စု ခရီးစဉ်ပြီးမှ ဖွဲ့စည်းခဲ့တာလား၊ မတိုင်ခင်မှာ ဖွဲ့စည်းခဲ့တာလား။ ဘာအတွက် ဖွဲ့စည်းခဲ့တာလဲ။

ဖြေ။ ။ ဒီ Fund ကို အဓိကစပြီး တည်တဲ့သူ ၂ ဦးရှိပါတယ်။ ဒေါ်အောင်ဆန်းစုကြည် ကမ္ဘာ့လွတ်လပ်မှု ရန်ပုံငွေအဖွဲ့(Aung San Suu Kyi, World Freedom Fund) ရဲ့ အင်တာနက် စာမျက်နှာမှာ ဘုတ် အဖွဲ့မှာ ပါဝင်တဲ့ သဘာပတိ အဖြစ် တာဝန်ယူတဲ့ အင်းဂရစ် (Ingrid) ရယ်၊ မန်နေဂျာအဖြစ် တာဝန်ယူတဲ့ နစ်ကိုး လခ် (Nicholas) ရယ် ၂ ယောက်ဖြစ်ပါတယ်။ သူတို့ ကိုယ်တိုင်ကလည်းပဲ (Partnership of Change) ဆိုတဲ့ Fund တစ်ခုကို နော်ဝေနိုင်ငံ အတွင်းမှာ သူတို့ဖွဲ့စည်းပြီး ဖြစ်ပါတယ်။ အဲဒီ Fund ကတော့ နိုင်ငံတကာမှာရှိတဲ့ ပညာရှင်တွေ ခေါ်ယူပြီး ကြီးမားတဲ့ အစည်းအဝေးတွေ နှစ်အလိုက်သော် လည်းကောင်း လိုအပ်တဲ့ ဆွေးနွေးပွဲ တွေကို ဆောင်ရွက်ပေးတဲ့ အဖွဲ့ပဲ ဖြစ်ပါတယ်။ သူတို့က ဒေါ်အောင် ဆန်းစုကြည် ခရီးစဉ်မတိုင်ခင် ကလေးတင် ဒေါ်အောင်ဆန်းစုကြည် က မြန်မာနိုင်ငံတင်မကဘဲ ကမ္ဘာ့ နိုင်ငံအသီးသီးကပါ စံပြထားရတဲ့ သူတစ်ယောက်ဖြစ်နေတယ်။ ငြိမ်းချမ်းရေး အတွက်လည်း ဆောင်ရွက် နေတဲ့သူဖြစ်တယ်။ ဒါကြောင့် (World Freedom Fund) ကို ဒေါ်အောင်ဆန်းစုကြည်ကို ဂုဏ်ပြု ပြီးတော့ ဒေါ်အောင်ဆန်းစုကြည် ကမ္ဘာ့လွတ်လပ်မှု ရန်ပုံငွေအဖွဲ့ (Aung San Suu Kyi, World Freedom Fund) လို့ နာမည်တပ်ပြီး တော့ မြန်မာနိုင်ငံ တစ်ခု တည်းသာ မဟုတ်ဘူး၊ ကမ္ဘာ့နိုင်ငံ အသီးသီးမှာ ငြိမ်းချမ်းရေး အတွက် လိုအပ်လာတဲ့အခါ ကျွန်တော်တို့ (Fund) ကလည်း နိုင်ငံတကာရဲ့ လွတ်လပ်မှုနဲ့ ငြိမ်းချမ်းရေး အတွက် ပိုပြီးတော့ ဆောင်ရွက်နိုင်မယ်လို့ ဆွေးနွေးကြ ရင်းနဲ့ ဒီရန်ပုံငွေအဖွဲ့ကို စတင်ဖွဲ့ စည်းဖြစ်တာပါ။ စတင်ဆောင်ရွက် တုန်းက အင်းဂရစ် (Ingrid)ရယ်  နစ်ကိုးလခ် (Nicholas) ရယ်အပြင် ဒေါ်အောင်ဆန်းစုကြည်ရဲ့ မိတ်ဆွေ အရင်းလည်း ဖြစ်ပြီးတော့ အရင်က နိုင်ငံခြားရေး ဝန်ကြီးဟောင်း မစ္စတာ ဘွန်နာဘစ် (Kiell Magne Bondevik) ရယ်၊ ပြီးတော့ ကျွန်တော်ရယ် ယခုလက်ရှိ နော်ဝေဝန်ကြီးချုပ်ရဲ့ အဖေဖြစ်တဲ့ နိုင်ငံခြားရေး ဝန်ကြီးဟောင်းရယ် အားလုံးကျွန်တော်တို့  ၆ ဦးပဲ ပါဝင်ပြီး ဆောင်ရွက်တာ ဖြစ်ပါတယ်။ မကြာမီကာလအတွင်း မှာပဲ အခုလို (Project) တွေ လုပ်ဆောင်ရာ မှာလည်း သဘာဝ ပတ်ဝန်းကျင်ဆိုင်ရာတွေကို ထည့်သွင်း စဉ်းစားလာရပါတယ်။  ကျွန်တော်တို့ သိရတဲ့ အချက်တွေ အရဆိုရင် အင်းလေးဒေသမှာ ရှိတဲ့ ရေတွေ က လုံလောက်တဲ့ သန့်စင်မှုမှ ရှိရဲ့လား။လူထုအနေနဲ့ သုံးစွဲနေတဲ့အတွက် ဘယ်လောက် အတိုင်းအတာ ကာလအတွင်းမှာ ဘယ်လိုမျိုးတွေ ခံစား လာရနိုင်ကြောင်း လေ့လာမှုတွေ လုပ်နေပါတယ်။ ဘယ်လိုမျိုးရေ သန့်ဖြစ်အောင် ဆောင်ရွက်ပေး နိုင်မလဲ ဆိုတာတွေ ကို ဆောင်ရွက် နေ ပါတယ်။ ဒေါ်အောင်ဆန်း စုကြည်နဲ့ နှစ်ကြိမ်လောက်တွေ့ပြီး တော့ ဆွေးနွေးဖူးတဲ့ အိုင်းရစ်စိုး ဟိန်းကိုလည်း ဘုတ်အဖွဲ့ဝင်အဖြစ် ကမ်းလှမ်းတဲ့အခါ သူက ဝမ်းပန်းတသာ လက်ခံပါတယ်။ ဆွီဒင်က ဝန်ကြီး ဟောင်းနဲ့  ဒိန်းမတ်နိုင်ငံက အမျိုးသမီး ဝန်ကြီးဟောင်း အပါအဝင် ၉ ယောက် ရှိပါတယ်။

မေး။ ။အခုလက်ရှိမှာ (Project Proposal) တွေ ဘယ်နှစ်ခုလောက် ရှိပြီးတော့ အင်းလေးနဲ့ ချင်းက ဘယ်နှစ်ခု ထဲက ရွေးချယ်တာပါလဲ။

ဖြေ။ ။ ဖြစ်နိုင်ခြေရှိတဲ့ တင်လာတဲ့ (Project Proposal) တွေကိုပဲ ဆောင်ရွက်ပါတယ်။ လောလောဆယ် တော့ ဒီနှစ်ခုကိုပဲ ဆောင်ရွက် ထားပါတယ်။ ဒါပေမယ့် အခုကျွန်တော် အပြန်ခရီးမှာ လိုအပ်တဲ့ (Project Proposal) တွေကို ယူသွားမယ်။ နိုင်ငံအသီးသီးကနေ မြန်မာနိုင်ငံ အတွက် လိုအပ်မယ်ထင်တဲ့ (Project Proposal) တွေ တင်ဖို့ ကမ်းလှမ်းပါတယ်။  ၂ဝ၁၃ ကနေ ၂ဝ၁၅ အတွင်းမှာ အင်တိုက်အားတိုက် ဆောင်ရွက်မှာပါ။

မေး။ ။ ဒါဆို  ဒီနှစ်ခုက (Proposal) အကြံပြုချက်ထက် ဆွေးနွေးပြီး ဖြစ်သွားတဲ့ ပုံစံပေါ့။

ဖြေ။ ။ ဟုတ်ပါတယ်။ ချင်းက ကိစ္စကို နော်ဝေ ဝန်ကြီးချုပ်ဟောင်း ကိုယ်တိုင်က ချင်းအမျိုးသားတွေ ဆီက ယူလာပြီး တင်ပြတာပါ။ အင်းလေးကိစ္စကလည်း ဟိုတယ်နဲ့ ဆွေးနွေးပြီး ဒီအဆင့်အထိ ရောက်လာတာပါ။

မေး။ ။ Proposal (အကြံပြုချက်)  တွေ များလာခဲ့ရင် ရန်ပုံငွေကို ဘယ်လို ထိန်းသိမ်းလည်ပတ်ဖို့စီစဉ် ထားလဲ။

ဖြေ။ ။ ကျွန်တော်တို့ စီစဉ်ထားတာ ကတော့ ၂ဝ၁၃ နဲ့ ၂ဝ၁၅အတွင်း မှာ ရန်ပုံငွေ မြှင့်တင်မှု၊ လက်ခံမှု တွေ လုပ်မယ်။ အကြံပေးတွေ ခေါ်မယ်။ ဥပမာဆိုရင် မစ္စတာ ဂျော့စိုးရပ် (George Soros) ဆိုရင် ဗမာပြည်ကို လာဖို့ ရှိတယ်။ ကျွန်တော် ရန်ပုံငွေအဖွဲ့နဲ့  ပူးပေါင်းဆောင်ရွက်ဖို့ တစ်စုံတစ်ခုသော  နားလည်မှုရ ထားပြီးပါပြီ။ ထိုနည်းတူစွာပဲ ကလင်တန် ဖောင်ဒေးရှင်းနဲ့ လည်း ဆက်သွယ် ထားပြီးတော့ သူတို့ကလည်း ကျွန်တော်တို့ ဆီကို ဆက်သွယ်ထားပြီး ဖြစ်ပါတယ်။ အတည်မပြု ရသေးလည်း ဆက်သွယ် ထားပြီးသားတွေ ရှိပါတယ်။ အက်ပဲလ် (Apple) လို  နည်းပညာ ကုမ္ပဏီ တွေက သူတို့ သင်တန်းဆရာတွေနဲ့ သင်တန်းတွေပေး မယ် ကျွန်တော်တို့ ဘက်က အဆောက်အဦတွေ ရှိမယ်ဆိုရင် သူတို့ဘက်က ရယ်ဒီပဲ ဆိုပြီးတော့ ကမ်းလှမ်းတာတွေ ရှိပါတယ်။ ဝန်ကြီးဌာနတွေ ကိုရော ကျွန်တော်တို့ (Mou) ကိစ္စတွေ ဆောင် ရွက်နေပါတယ်။ ဆောင်ရွက်စရာ ရှိတဲ့ ရုံးကိစ္စတွေ ကိုလည်း ဆောင်ရွက်ဆဲ ဖြစ်ပါတယ်။ တစ်ဆက် တည်းမှာပဲ မြန်မာနိုင်ငံဆိုင်ရာ သံ အရာရှိနဲ့ လည်း ကျွန်တော်တွေ့ဆုံပြီး ဖြစ်ပါတယ်။ အချိန်မရွေး ရန်ပုံငွေ ကိစ္စနဲ့ပတ်သတ်ပြီးတော့လည်း ကူညီဖို့ ရှိပါတယ်။ ၂ဝ၁၃ ကနေ ၂ဝ၁၅ အတွင်းမှာ တစ်နှစ်ကို ဒေါ်လာ ၁ဝ သန်းသုံးဖို့ ရည်ရွယ်ထားပါတယ်။

မေး။ ။ ဒေါ်အောင်ဆန်းစုကြည်က နာမည်အပြင် ဘယ်လို နေရာမျိုး ကနေ ပါဝင်နေပါသလဲ။

ဖြေ။ ။ လောလောဆယ်ကတော့ ကျွန်တော်တို့ သဘောထားတွေ နဲ့ပတ်သတ်ပြီး သဘာပတိဖြစ်တဲ့ အင်းဂရစ်က နေပြီးတော့ ရှင်းလင်း ပြပြီးဖြစ် ပါတယ်။ ကျွန်တော်တို့ အင်တာနက် စာမျက်နှာ ပေါ်မှာ တင်တဲ့ ကြေညာ ချက်တွေ ကိုလည်း ဒေါ်အောင်ဆန်းစုကြည် ဖြည့်စရာ ရှိတာတွေ ရယူပြီးမှသာလျှင် ကျွန်တော်တို့ စီစဉ်ဆောင်ရွက် တာ ဖြစ်ပါတယ်။ ဒေါ်အောင်ဆန်းစုကြည်က တာဝန်တွေ မအားလပ်တဲ့ ကြား က  ကျွန်တော်တို့ အဖွဲ့နဲ့   ၂  ကြိမ် ၃ ကြိမ်လောက်တွေ့ပြီးတော့ လိုအပ်တာတွေ ပြော ပြီး ဖြစ်ပါတယ်။ ကျွန်တော် ဆိုလိုချင်တာ ကတော့ ဒေါ်အောင်ဆန်း စုကြည်က ဒီရန်ပုံငွေ ဘုတ်အဖွဲ့ အစည်းအဝေးထဲမှာ ပါဝင်ခြင်း မရှိပေမယ့် ဆောင်ရွက်မယ့် ကိစ္စတွေ ကို သက်ဆိုင်ရာ ကိုယ်ရေး အရာရှိတွေက တစ်ဆင့် ဒေါ်အောင်ဆန်းစုကြည် ဆီကို ပေးပို့ပြီး ဆောင်ရွက်လျက် ရှိပါတယ်။

မေး။ ။ ဒီရန်ပုံငွေအဖွဲ့အတွက် အဓိက စိန်ခေါ်ချက်က ဘာလဲ။

ဖြေ။ ။ ကျွန်တော့အနေနဲ့ကတော့ (Partnership of Change) ကော ဒေါ်အောင်ဆန်းစုကြည် ကမ္ဘာ့ လွတ်လပ် မှု ရန်ပုံငွေအဖွဲ့ (Aung San Suu Kyi, World Freedom Fund) ကော၊ တချို့ (Mou)တွေမှာ ပူးတွဲ လျှောက်ဖို့ ရည်ရွယ်ထားပါတယ်။ ကျွန်တော်တို့ရဲ့ စိုးရိမ်ချက်က ပြည် သူလူထုကော သက်ဆိုင်ရာ အာဏာ ပိုင်တွေကော က အားလုံး နားလည် စေချင်တယ်။ ဒေါ်အောင်ဆန်းစု ကြည် ကမ္ဘာ့လွတ်လပ်မှု ရန်ပုံငွေအဖွဲ (Aung San Suu Kyi, World Freedom Fund) လို့ နာမည်တပ် ထားပေမယ့် ဒေါ်အောင်ဆန်းစုကြည် ဦးဆောင်နေတဲ့ (NLD) အတွက် သူ့ကို ထောက်ခံနေတဲ့ အဖွဲ့အစည်းတွေ အတွက်ကိုပဲ ဆောင်ရွက်ပေးမယ်လို့  ထင်မြင်ပြီး အစိုးရပိုင်း ဆိုင်ရာတွေ မှာ နှောင့်နှေးကြန့်ကြာမှာ စိုးရိမ်မိပါ တယ်။ ကျွန်တော်တို့အဖွဲ့ရဲ့ အဓိက ရည်ရွယ်ချက်ကတော့ မြန်မာနိုင်ငံ မှာတင် မကဘူး၊ နိုင်ငံတကာမှာ ရှိတဲ့ ငြိမ်းချမ်းရေးနဲ့ လွတ်မြောက်ရေးကိစ္စ တွေ ဆောင်ရွက်ရာမှာ ကြိုးစားပေးမယ့် အဖွဲ့ဖြစ်တယ်။ မြန်မာနိုင်ငံကိုတော့ အဓိက ထားပြီးတော့ ဆောင်ရွက် ပေးမှာဖြစ်တဲ့ အတွက်ကြောင့် အခု စတင်ပြီး ရောက်ရှိနေတာဖြစ်တယ်။ ကျွန်တော်တို့ (Fund) က တစ်နိုင်ငံ လုံးနဲ့ ပြည်သူ တစ်ရပ်လုံး အတွက် ဖြစ်ပါတယ်။

အထက်ပါ မေးမြန်းဖြေကြား ချက်များသည် အောင်ဆန်းစုကြည် ကမ္ဘာ့လွတ်လပ်မှု ရန်ပုံငွေအဖွဲ့ (Aung San Suu Kyi, World Freedom Fund) မှ ဘုတ်အဖွဲ့ဝင် ဦးကျော်သွင်အား မြန်မာအင်ဒီပဲန်ဒင့်မှ ယခုလ ၉ ရက် တွင် တွေ့ဆုံမေးမြန်း ဖြေကြားချက်များမှ ကောက်နုတ်ဖော်ပြခြင်း ဖြစ်သည်။ ဦးကျော်သွင်သည် အောင်ဆန်း စုကြည် ကမ္ဘာ့လွတ်လပ်မှု ရန်ပုံငွေအဖွဲ့ (Aung San Suu Kyi, World Freedom Fund) ၏ ဘုတ်အဖွဲ့ဝင် ၉ ဦးအနက်မှ နော်ဝေနိုင်ငံသား အဖြစ်ခံယူထားသည့် တစ်ဦးတည်းသော မြန်မာလူမျိုး ဖြစ်ပြီး ၁၉၉ဝ ပြည့်နှစ် ရွေးကောက် ပွဲတွင် ခရမ်းမြို့နယ် လွှတ်တော် ကိုယ်စားလှယ် အဖြစ် ရွေးချယ်ခြင်းခံရသူ ဖြစ်သည်။ ၂ဝဝ၄ ဧပြီတွင် မြန်မာနိုင်ငံ နယ်စပ် မဲဆောက်တွင် နေထိုင်ခဲ့ပြီး ၂ဝဝ၅ ခုနှစ်၌ နော်ဝေနိုင်ငံတွင် နိုင်ငံရေး ခိုလှုံခဲ့သူ ဖြစ်သည်။

ဝ၃၆၊ ဝဝ၂

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇
ဟာကွက်တွေနဲ့ ရန်ကုန်ဘတ်စ်

ဟာကွက်တွေနဲ့ ရန်ကုန်ဘတ်စ်

ရန်ကုန်၊ ဇန်နဝါရီ ၂၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၁)

  1. မြန်မာပြည်မှာ လိုအပ်တဲ့ ဖွံ့ဖြိုးရေးဆိုင်ရာ လုပ်ငန်းတွေက အများကြီးပါ။ အင်းလေးကန်မှာ ဟော်တယ်စီမံကိန်း ပရောဂျက်ဆိုတာ.. ဦးကျော်သွင်ပြောတာ ရှင်းရှင်းလင်းလင်းမရှိဖူး။ အဲဒီပရောဂျက်က အင်းလေးဒေသခံ ပြည်သူတွေထက်၊ ပရောဂျက်စီမံသူတွေ၊ စီးပွားရေးသမားတွေသာ အကျိုးအမြတ် ထုတ်သွားမှာကို ပူပန်မိတယ်။ ချင်းပြည်နယ် မီးရရှိရေးဆိုတာကရော …? လက်တွေ့ကျကျ ဖြစ်ရင် သာဓုခေါ်ပါ့မယ်။
    လူထုခေါင်းဆောင် နာမည်ခံထားတဲ့ ဖောင်ဒေးရှင်းဆိုတော့.. လက်တွေ့ကျပြီး ပြည်သူတွေရဲ့ လက်တွေ့ လိုအပ်ချက်တွေကို မြှင့်တင်တဲ့ ပရောဂျက်မျိုးတွေ အကောင်အထည် ဖော်ပေးသင့်တယ်။ ဥပမာ.. အသက်ကြီးသူများနဲ့.. ဂီလာနတွေ စနစ်တကျစောင့်ရှောက်ရေး၊ ကလေးသူငယ်များရဲ့ ပညာရေးနဲ့လေ့ကျင့် ပျိုးထောင်ရေး… စတဲ့စတဲ့ ကိစ္စတွေ..။
    ခက်တာက အဲဒီဦးကျော်သွင်ဟာ.. အာလူးကြီး.. လေပေါပြီး သာသာထိုးထိုး ပြောတတ်သူ၊ ကိုယ်ကျိုးရှာ သမားကြီးဆိုတာ ပြည်ပက လူတော်တော်များများ သိနေကြတယ်။.. သူတို့ ရိုးရိုးသားသား လုပ်ကိုင်ရင်တော့ ကောင်းတာပေါ့လေ..။

Leave a Reply to ဥရောပရုတ်က္ခစိုး Cancel reply

Your email address will not be published. Required fields are marked *

*