ပညာရေး သတင်း လူမှုရေးသတင်း ပြည်တွင်းသတင်း — ရန်ကုန်၊ နိုဝင်ဘာလ ၁၄၊ ၂၀၁၆


NGOs Child Right Working Group (NCRWG) အဖွဲ့သည် နေပြည်တော်တွင် လာမည့် နိုဝင်ဘာလ (၁၈) ရက်မှ (၂၀) ရက်အတွင်း ကျင်းပ ပြုလုပ်မည့် အမျိုးသားအဆင့် ကလေးသူငယ်များ တွေ့ဆုံပွဲ အခမ်းအနားတွင် လွှတ်တော် ကိုယ်စားလှယ်များ ပူးပေါင်း ပါဝင်ရန်နှင့် ကလေးများ၏ စကားသံများကို နားထောင်ပေးရန် အတွက် NCRWG မှ မေတ္တာရပ်ခံ တိုက်တွန်းသည်။

NGO Child Rights Working Group (NCRWG) အဖွဲ့သည် နေပြည်တော်တွင် လာမည့် နိုဝင်ဘာလ (၁၈) ရက်မှ (၂၀) ရက်အတွင်း အမျိုးသားအဆင့် ကလေးသူငယ်များ တွေ့ဆုံပွဲ အခမ်းအနား တစ်ခုကို ကျင်းပပြုလုပ်မည် ဖြစ်ကြောင်း NCRWG တွင် ပါဝင်သည့် ညီမျှခြင်းမြန်မာမှ ဒါရိုက်တာ ဦးအောင်မျိုးမင်းက ပြောသည်။

အဆိုပါတွေ့ဆုံပွဲကို မြန်မာနိုင်ငံ တစ်ဝန်းရှိ တိုင်းဒေသကြီး နှင့် ပြည်နယ် ၁၄ ခုမှ ကလေး ကိုယ်စားလှယ်ပေါင်း ၁၃၀ တက်ရောက်မည် ဖြစ်ပါသည်။ တွေ့ဆုံပွဲ၏ ပထမ ၂ ရက်တာ အတွင်းတွင် ကလေးများသည် ၄င်းတို့နေထိုင်ရာ လူမှုအသိုင်းအဝိုင်း အတွင်း ကလေးသူငယ်များ ကြုံတွေ့နေရသော အခြေအနေများနှင့် အခက်အခဲများ အကြောင်းကို ဆွေးနွေးကြမည် ဖြစ်ကြောင်း ၎င်းက ဆိုသည်။

နိုဝင်ဘာလ ၂၀ ရက်နေ့တွင် ကလေးသူငယ်များ တွေ့ကြုံခံစားနေရသော အကြောင်းအရာများကို ကလေးများနှင့် အတူ မျက်နှာစုံညီ ဆွေးနွေးပေးရန် ဥပဒေပြုရေး မဏ္ဍိုင်မှ လွှတ်တော် ကိုယ်စားလှယ်များလည်း တက်ရောက်မည် ဖြစ်ကြောင်း ၎င်းက ပြောသည်။

ကလေး သူငယ်များအပြင် ကလေးအခွင့်အရေးကို လုပ်ဆောင်နေသော အဖွဲ့အစည်းများ၊ ကလေးသူငယ် လူကုန်ကူးမှု တိုက်ဖျက်ရေး အထူး သံတမန်ဖြစ်သော ရုပ်ရှင် သရုပ်ဆောင် ခိုင်နှင်းဝေနှင့် တေးသံရှင် စောဖိုးခွားတို့လည်း တက်ရောက်ကြသည်။

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*