ခေါင်းကြီးသတင်း ပြည်တွင်းသတင်း — နေပြည်တော်၊ ဖေဖော်ဝါရီ ၂၆
ပြန်ကြားရေးဝန်ကြီးဌာနနှင့် ကျိုဒိုသတင်းဌာနတို့ နားလည်မှုစာချွန်လွှာရေးထိုးစဉ်

ပြန်ကြားရေးဝန်ကြီးဌာနနှင့် ကျိုဒိုသတင်းဌာနတို့ နားလည်မှုစာချွန်လွှာရေးထိုးစဉ်

ပြန်ကြားရေးဝန်ကြီးဌာနနှင့်ဂျပန်နိုင်ငံမှ ကျိုဒိုသတင်းဌာနတို့ အကြားနားလည်မှုစာချွန်လွှာ (MOU) ရေးထိုးနိုင်ခဲ့ခြင်းသည် ဂျပန်-မြန်မာ သတင်းမီဒီယာ ဆက်ဆံမှု သမိုင်းတွင် စာမျက်နှာသစ် ဖွင့်လှစ်နိုင်ခဲ့ခြင်းဖြစ် ကြောင်း ပြန်ကြားရေးဝန်ကြီးဌာန ဒုဝန်ကြီး ဦးပိုက်ထွေးက ဖေဖော်ဝါရီ ၂၆ ရက်က နေပြည်တော်၊ ရတနာသိင်္ဃ ဟိုတယ်တွင် ကျင်းပခဲ့သည့် အဆိုပါ အခမ်းအနားတွင် ပြောကြားခဲ့ပါသည်။ ဒုဝန်ကြီးက ယခု MOU မတိုင်မီအထိ ဂျပန်နိုင်ငံသတင်းဌာနများနှင့် MOU ရေးထိုးနိုင် ခဲ့ခြင်း  နီးနီးကပ်ကပ်ဆောင် ရွက်နိုင်ခြင်းမရှိသည်ကို တွေ့နိုင်ရပြီး ယခုကဲ့သို့ ထင်ရှားကျော်ကြားသည့် ကျိုဒိုသတင်း ဌာနမျိုဖြင့် MOU ရေးထိုးနိုင်ခဲ့သဖြင့် လွန်စွာ ဝမ်းမြောက် ပါ ကြောင်း ပြောပါသည်။

ထို့ပြင် မိမိတို့သတင်းနှင့်စာနယ်ဇင်းလုပ်ငန်းအနေဖြင့် ယခင်ကတည်းကပင် နိုင်ငံခြားသတင်းဌာနများဖြင့် ပူးပေါင်းဆောင်ရွက်မှုများရှိခဲ့ပြီး ၁၉၆၇ ခုနှစ်တွင် အိန္ဒိယ PPI သတင်းဌာန၊ ၁၉၉၈ ခုနှစ်တွင် လာအို KPN၊ ၂ဝဝ၆ ခုနှစ်တွင် ဘက်မလိုက်သတင်းဌာန MLN နှင့် ၂ဝဝ၇ ခုနှစ်တွင် ဆင်ဟွာသတင်းဌာနတို့နှင့် MOU ရေးထိုးကာ သတင်းဖလှယ် ဆောင်ရွက်နိုင်ခဲ့ကြောင်း၊ လုပ်ငန်း ဆောင်ရွက်မှု အနည်းငယ်ပီပြင်မှု လိုအပ်နေသော်ငြားလည်း ဘရူးနိုင်း၊ မလေးရှားနိုင်ငံတို့နှင့်လည်း MOU ရေးထိုးနိုင်ခဲ့ကြောင်း၊ ဆက်လက်ပြီး ရုရှားနှင့် ဗီယက်နမ်နိုင်ငံတို့နှင့်ပါ MOU မူကြမ်းများ အပြန်အလှန်ပေးပို့လျက် ဆောင်ရွက်ဆဲဖြစ်ကြောင်း ဆိုပါသည်။

ကျိုဒိုသတင်းဌာနမှ MD  တိုမိုကီယူအန်းဒါကလည်း ကျိုဒိုသတင်းဌာန၏ ကြိုးပမ်းမှုများကြောင့် နှစ်နိုင်ငံကြားတွင် သတင်းဖလှယ်နိုင်ရုံသာမက ကမ္ဘာ့ကွန်ရက်တွင်ပါ နှစ်နိုင်ငံ လက်တွဲညီစွာ ပါဝင်နိုင်ရေး ရည်ရွယ် ပါကြောင်းနှင့် မြန်မာ လူထုနှင့် ဂျပန်လူထုကြားတွင်ပါ ရင်းနှီးမှု တိုးမြင့်နိုင်စေပါကြောင်း ထည့်သွင်းပြောကြားသွားခဲ့ပါ သည်။

ထို့နောက် ကျိုဒိုသတင်းဌာနမှ  MD မစ္စတာတိုမိုကီယူအန်ဒါနှင့် ပြန် ကြားရေးဝန်ကြီးဌာနသတင်းနှင့် စာနယ်ဇင်းလုပ်ငန်း ဦးဆောင်ညွှန် ကြားရေးမှူး ဦးကျော်စိုးတို့က နားလည်မှုစာချွန်လွှာကို လက်မှတ်ရေး ထိုးခဲ့ကြပါသည်။

ထိုကဲ့သို့ ပြန်ကြားရေးဝန်ကြီးဌာနနှင့် ပြည်ပသတင်းဌာနတစ်ခု အကြား MOU  လက်မှတ်ရေးထိုး ခြင်းသည် အစိုးရသစ် လက်ထက်တွင် ပထမဦးဆုံးအကြိမ်ဖြစ်ပြီး ယခုMOU အရ မြန်မာနိုင်ငံပြန်ကြားရေးဝန်ကြီးဌာနနှင့် ဂျပန်နိုင်ငံကျိုဒိုသတင်းဌာနတို့ကြားတွင် သတင်းများပေးပို့ဖလှယ်နိုင်ကြတော့မည်ဖြစ် သည်။ ပြန်ကြားရေး ဝန်ကြီးဌာနနှင့် ကျိုဒို သတင်း ဌာနတို့အကြား ယနေ့မှ MOU ရေးထိုးနိုင်သော်လည်း ထိုသို့ရေးထိုးနိုင်ရန်အတွက်မူ လွန်ခဲ့သည့် ၂ဝ၁၁ ခုနှစ်၊ ဒီဇင်ဘာလမှ စတင်ပြင်ဆင် ကြိုးစား လာခဲ့ရကြောင်း သိရှိရပါသည်။

၀၆၀

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*