ခေါင်းကြီးသတင်း ပြည်တွင်းသတင်း — ရန်ကုန်၊ ဧပြီ ၂၉၊ ၂ဝ၁၂

ဒေါ်အောင်ဆန်းစုကြည်၏ နေအိမ်တွင် တွေ့ဆုံပွဲအပြီး သတင်းစာရှင်းလင်းပွဲတွင် တွေ့ရစဉ်

ဂျာမဏီနိုင်ငံခြားရေး ဝန်ကြီး Guido Wester Welle နှင့် အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်း စုကြည်တို့သည် ၂ဝ၁၂ ခုနှစ်၊ ဧပြီလ ၂၉ ရက်နေ့တွင် ဒေါ်အောင်ဆန်းစုကြည်၏ နေအိမ်ခြံဝန်းအတွင်း၌ တွေ့ ဆုံအပြီး သတင်းစာရှင်းလင်းပွဲတွင် ဂျာမဏီနိုင်ငံအနေဖြင့် မြန်မာနိုင်ငံကို ကူညီမှုများပေးရန် အသင့်ရှိနေပါကြောင်း၊ ဂျာမဏီနိုင်ငံခြားရေးဝန်ကြီးက ပြောကြားခဲ့သည်။

ဂျာမဏီနိုင်ငံခြားရေးဝန်ကြီးက ဂျာမဏီနိုင်ငံသည် မြန်မာနိုင်ငံ၏ လွတ်လပ်ရေး၊ လူသားအခွင့်အရေးရရှိရေး နှင့် ငြိမ်းချမ်းရေး ပြန်လည်တည်ဆောက်ရန်တို့အတွက် ကြိုးပမ်းခဲ့မှုများအပေါ်တွင် အသိအမှတ်ပြုလေးစားပါကြောင်း၊ အခြေအနေများသည် ယခုအချိန်အထိ အာမခံနိုင်မှုမရှိသေးသည်ကို သိသော်လည်း ၎င်းတို့ဂျာမဏီအနေဖြင့် မြန်မာပြည်သူလူထုကို ကူညီရန် အသင့်ရှိနေပါကြောင်း ပြောကြားခဲ့သည်။ ဂျာမဏီနိုင်ငံသည် မြန်မာပြည်သူလူထုကို ကူညီရန် အဆင်သင့်ရှိနေကြောင်း ပြောရန်မှာ အဓိကအကြောင်းအရာဖြစ်ကြောင်း ဆိုသည်။ မြန်မာနိုင်ငံ၏ ရေရှည်ဖွံ့ဖြိုးတိုးတက်ရေး၊ ဒီမိုကရေစီရေး၊ လွတ်လပ်ရေးနှင့် တရားဥပဒေစိုးမိုးရေးတို့အတွက် ဂျာမဏီနိုင်ငံ အနေဖြင့် ကူညီလိုပါကြောင်း၊  အထူးသဖြင့်၎င်းတို့အနေဖြင့် မြန်မာပြည်သူလူထုကို ကူညီနိုင်မည့် နည်းလမ်းများကို ဒေါ်အောင်ဆန်းစုကြည်နှင့်အတူ ဆွေးနွေးခဲ့ပါကြောင်း ထုတ်ဖော်ပြောကြားသည်။

ဂျာမဏီနိုင်ငံသည် မြန်မာနိုင်ငံကို ပညာရေးအထောက်အပံ့၊ လျှပ်စစ်ဆိုင်ရာ၊ ဆောက်လုပ်ရေးဆိုင်ရာ၊ ဆေးကုသမှုဆိုင်ရာနှင့် အခြားကူညီ၍ ရနိုင်သည့်ဘက်မှ အတတ်နိုင်ဆုံး ကူညီထောက်ပံ့သွားမည်ဖြစ်ကြောင်း သိရသည်။ ဒေါ်အောင်ဆန်းစုကြည်က သူမအနေဖြင့် ဂျာမဏီနိုင်ငံခြားရေးဝန်ကြီး မြန်မာနိုင်ငံသို့ လာရောက်သဖြင့် အထူးဝမ်းသာပါကြောင်း၊ မိမိတို့ နှစ်နိုင်ငံအနေဖြင့် ကြာရှည်စွာရင်းနှီးသည့် ဆက်ဆံရေး ရှိခဲ့ပြီး ယခုအချိန်တွင်လည်း မြန်မာနိုင်ငံသည် ဒီမိုကရေစီနှင့် ဖွံ့ဖြိုးတိုးတက်မှုများအတွက် ပိုမိုကောင်းမွန်သည့် အနာဂတ်ကိုရရှိရန် ကြိုးပမ်းမှုတွင် ဂျာမဏီအနေဖြင့် ဆက်လက်ကူညီသွားမည်ဆိုသည့်အတွက် အထူးကြိုဆိုပါကြောင်း ပြန်လည်ပြောကြားခဲ့ပါသည်။

ဂျာမဏီနိုင်ငံသာမက ဥရောပနိုင်ငံများ၏ အဆင့်မြင့်သံတမန်များနှင့် နိုင်ငံခြားရေးဝန်ကြီးများစွာတို့သည် ယခုနှစ်ဆန်းပိုင်းမှ စတင်ကာ မြန်မာနိုင်ငံသို့ လာရောက်ခဲ့ကြသည်မှာ လွန်ခဲ့သည့်နှစ်ပေါင်း ၂ဝ ကျော်ကာလ အတွင်း မြန်မာနိုင်ငံသံတမန် ဆက်ဆံရေး တိုးတက်မှုလည်း ဖြစ်ပါသည်။

MIJ027

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.