ပြည်တွင်းသတင်း — ရန်ကုန်၊ ဒီဇင်ဘာ ၂၄၊ ၂ဝ၁၂

ရန်ကုန်တိုင်း ဒေသကြီး အတွင်းရှိ စက်မှုဇုန်များ၌ သုံးစွဲနေသော ရေမှ ရေဆိုး ထွက်ရှိပါက စနစ်တကျ စွန့်ပစ်မှု ရှိ၊ မရှိကို ၂ဝ၁၃ ခုနှစ်တွင် အပြီးစစ်ဆေးမည် ဖြစ်ကြောင်း ရန်ကုန်မြို့တော် စည်ပင် သာယာရေး ကော်မတီ ပတ်ဝန်းကျင်နှင့် သန့်ရှင်းရေး ဌာနမှ ဒုဌာနမှူး ဦးခင်ဝင်းက ပြောကြားသည်။

စက်မှုဇုန်များ အတွင်းရှိ ရေဆိုးထွက်ရှိမှုကို စစ်ဆေးရာ၌ ရေကန်များ အတွင်းရှိ ရေနမူနာကို ဂါလန်ပုံးဖြင့် ခပ်ယူ၍ သိပ္ပံနှင့် နည်းပညာဌာန လက်အောက်ရှိ ဓာတ်ခွဲခန်းတွင် သွားရောက်စစ်ဆေးရသည်။

စံနှုန်း သတ်မှတ်ချက် ကိုက်ညီမှု မရှိပါက ရေဆိုးစွန့်ပစ်မှု ပြန်လည် ပြင်ဆင်သည့်အစီအစဉ်ကို စနစ်တကျ ပြုလုပ်ရန် စက်ရုံပိုင်ရှင်များ ထံပြော ထားကြောင်း၊ ပြန်လည် ပြင်ဆင်၍ ရေဆိုးမထွက်လျှင် စက်ရုံတွင်းရေဆိုး စနစ်တကျ စွန့်ပစ်မှု ရှိကြောင်း ဝန်ခံကတိ လက်မှတ်ထိုးကာ သက်ဆိုင်ရာ ဝန်ကြီးဌာနသို့ စာရွက်စာတမ်းများ ပေးပို့ရမည်ဖြစ်သည်။

ယင်းကဲ့သို့ သက်ဆိုင်ရာ ဝန်ကြီးဌာနကို ၂ဝ၁၃ ခုနှစ်၊ ဇန်နဝါရီ ၁၅ ရက် နောက်ဆုံးထားကာ

စက်ရုံ တစ်ခု၏ ရေဆိုးမြောင်း တစ်ခု မြင်ကွင်း

စက်ရုံ တစ်ခု၏ ရေဆိုးမြောင်း တစ်ခု မြင်ကွင်း

စာရွက်စာ တမ်းများ ပို့ရမည်ဖြစ်ပြီး ပြန်လည်ပြင်ဆင်နေ၍ ယင်းနေ့တွင် မပို့နိုင်သော စက်ရုံများက ၂ဝ၁၃ ခုနှစ် မတ် ၃၁ ရက်တွင် အပြီးအစီး လုပ်ဆောင်ရမည် ဖြစ်ကြောင်း ဦးခင်ဝင်းက ပြောသည်။

အဆိုပါ ရေဆိုးစွန့်ပစ်မှု စစ်ဆေးခြင်းကို စည်ပင်သာယာကော်မတီ ပတ်ဝန်းကျင်နှင့် သန့်ရှင်းရေးဌာနမှ ၁၉၉၆ ခုနှစ်တွင် စတင်လုပ်ဆောင်၍ ၃ နှစ်တိုင် လုပ်ဆောင်ခဲ့ပြီးဖြစ် ကြောင်း၊ ပြီးခဲ့သည့်နှစ်က ရန်ကုန် တစ်မြို့လုံး တွင် ၇၉ ရုံ ပြီးစီးခဲ့ကြောင်း၊ စက်မှုဇုန် စီမံခန့်ခွဲရေး ဥက္ကဋ္ဌများနှင့် နိုဝင်ဘာ ၂၆ ရက် တွင် တွေ့ဆုံဆွေးနွေးခဲ့ပြီး စက်ရုံ ပိုင်ရှင်များကို သတ်မှတ်သည့်ရက် ၌ လာတွေ့ရန် အကြောင်းကြားပြီး ရေဆိုးကို ကိုယ့်အစီအစဉ်နှင့် ကိုယ် သိပ္ပံနှင့်နည်းပညာဌာနတွင် စစ်ဆေး၍ စာရွက်စာတမ်းများ ပေးပို့ရမည်ဖြစ်ကြောင်း သိရသည်။

ရန်ကုန်တိုင်းဒေသကြီး အတွင်း၌ ရန်ကုန်တောင်ပိုင်း ခရိုင်နှင့် အရှေ့ ပိုင်းခရိုင်တွင် စက်ရုံ ၂၃၅၁ ရုံ၊ မြောက်ပိုင်း ခရိုင်တွင် ၁၁၉၃ ရုံ စုစုပေါင်း စက်မှုဇုန်များတွင် ၃၅၄၄ စက်ရုံ ရှိကြောင်း သိရသည်။

ဝဝ၅

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*