စာအုပ်သုံးသပ်ချက် — ဖေဖော်ဝါရီ ၁၄၊ ၂ဝ၁၃

မေစာ၊ စာဝိုင်းပေဝိုင်းစကားဝိုင်း(အမှတ်-၁)၊ စိတ်ကူးချိုချိုအနုပညာ

၂ဝ၁၃၊ ဖေဖော်ဝါရီလ၊ ပထမအကြိမ်၊ စာမျက်နှာ-၃၃၄၊ တန်ဖိုး-၃၇ဝဝ ကျပ်

bookreview_40

 မေစာ၏ စာဝိုင်းပေဝိုင်း စကား ဝိုင်းကို စိတ်ကူးချိုချိုစာပေမှ ထုတ် ဝေလိုက်သည်။ မူလက လွတ်လပ်သော အာရှအသံ (Radio Free Asia) အသံလွှင့်ဌာနမှ အသံလွှင့် ချက်များ ဖြစ်ပြီး မြန်မာစာပေ ယဉ်ကျေးမှုရေးရာ ၈၉ ပုဒ်နှင့် တွေ့ဆုံမေးမြန်းခန်း ၁၂ ပုဒ်၊ စုစုပေါင်း အသံလွှင့်ချက် ၁ဝ၁ ပုဒ်ကို အားပါးတရ ဖတ်ရှုရမည်ဖြစ်သည်။ စာအုပ်နှင့် ပူးတွဲ၍ အသံလွှင့်ချက်များကို CD ဖြင့်လည်း ထည့်ပေးထားသေးသည်။ အသံလွှင့်ချက်များ အားလုံးထဲမှ ကောက်နုတ် ရွေး ချယ် ထားခြင်းဖြစ်ပြီး၊ အမှတ်-၁ ဟုလည်း ဆိုထားသဖြင့် နောက်ထပ် အသံလွှင့် ချက်များ စာအုပ်အဖြစ် ထွက်ရှိလာနိုင်မည်ဟု ယူဆရသည်။

စာအုပ်တွင် ဘာသာစကား၊ တိုင်းရင်းသား ဘာသာစကားနဲ့စာပေ၊ စာပေဆုအမျိုးမျိုး၊ စာပေဟောပြော ပွဲနဲ့ ဆွေးနွေးပွဲ၊ စာပေပညာရှင် အမှတ်တရ၊ စာအုပ်စာပေရှုခင်း၊ ကဗျာ၊ ပြဇာတ်၊ ဝတ္ထုတို/ရှည်၊ သတင်းစာ/ မဂ္ဂဇင်း စာစောင်၊ တွေ့ ဆုံမေးမြန်းခန်း၊ စာပေယဉ်ကျေးမှု အနုပညာဟူ၍ ခေါင်းစဉ်များခွဲ၍ စုစည်းထားသည်။ မြန်မာစာပေ ယဉ်ကျေးမှု နယ်ပယ်နှင့် စပ်လျဉ်း၍ ချဉ်းကပ် လေ့လာမိသမျှ စုံလင်စွာ တင်ပြထားသည်။ မြန်မာ စာပေနှင့် ဘာသာစကား နယ်ပယ်တွင်းမှ ဆင်ခြင်ပြုပြင်ဖွယ်ရာ များကိုလည်း တို့ထိသုံး သပ်ထားသည်။

ဆိုင်ရာအခန်း ခေါင်းစဉ်များအလိုက် မျိုးတူစုထားသော်လည်း အသံလွှင့်ချက်များ၏ လက်တံမှာကျယ်ပြန့် လှသည်။ မြန်မာစာပေ သာမက တိုင်းရင်းသား ဘာသာ စကားနှင့် စာပေ၊ စာအုပ်သုံးသပ်ချက်၊ စာပေဆုများ အား သုံးသပ်ချက်၊ ထူးချွန် ထက်မြက်သော မြန်မာစာပေပညာရှိ များအား အမှတ်ရချက်၊ ပြည်ပရောက် မြန်မာစာပေ သင်ကြားရေး၊ ကဗျာ ခံစားမှု၊ ရိုးရာတေးစသည်ဖြင့်စုံလင် လှသည်။ စာရေးသူ မေစာ၏ ရေး ဟန်(အသံလွှင့်ဟန်) သည်လည်း စာဖတ်သူနှင့် တရင်းတနှီး စကားဝိုင်း ဖွဲ့နေဟန် ဖြစ်သဖြင့် လည်း ချောမော ပြေပြစ်နေသည်။ စာပေ၊ ယဉ်ကျေးမှု ရေးရာများအပေါ် သက်ရောက်လေ့ ရှိသော ခေတ်ရေစီးများကိုလည်း ထည့်သွင်း သုံးသပ် ထား၍ စာရေးသူ ၏ သုံးသပ်တင်ပြချက်များမှာ ပိုမို ထိရောက်စွဲငြိစေသည်ဟုလည်း ဆို နိုင်သည်။ ပညာရှင်တစ်ဦး ပီသသော အဆိုများမှာလည်း မျှတ လက်ခံဖွယ် ဖြစ်ခဲ့သည်။ အသံလွှင့်ချက်များ ဖြစ်၍ အချိန် အတိုင်းအတာအရ အချို့အသံလွှင့် ချက်များတွင် လက်ကုန်မဖွင့်ရသော် လည်း စေ့ငစွာ တင်ပြထား နိုင်သည်။ ပြည်ထောင်စု စိတ်ဓာတ်အတွက် သတိပြုသင့်သည့် ဆိုရိုးစကားနှင့် စကားပုံ အသံလွှင့်ချက် ကဲ့သို့ သတိပြုဆင် ခြင်ဖွယ်ဆောင်းပါးများလည်း ပါဝင် သည်။ ပညာဉာဏ် ကြီးသော်လည်း  ရေရှည်ဆင်ခြင်နိုင်စွမ်း ကင်းမဲ့စွာ တာဝန်မဲ့ခဲ့ကြသည့် ရှေးမြန်မာစာ ဆိုတို့၏ လစ်ဟာကွက် များကို ထောက်ပြ ထားသည်။ ရှေးအစဉ်အလာ စာပေ၊ ဆိုရိုး၊ စကားပုံများတွင် မည်သို့ဆိုခဲ့စေ ပြည်ထောင်စုဖွား တိုင်းရင်းသားတို့အား နှိမ်ချဆက်ဆံ တတ်သည့် အစဉ်အလာတို့ကို ဤ ဆောင်းပါးတွင် ဆန့်ကျင်ထားသည်။ သတိပြုဖွယ်ဖြစ်သည်။

ဤဆောင်းပါးနှင့် တစ်ဆက်တည်း တိုင်းရင်းသား ဘာသာစကားနှင့် စာပေကဏ္ဍတွင် ပါဝင်သော အသံလွှင့်ချက် များသည်လည်း အရေးတယူ ပြုရမည်ဖြစ်သည်။ အထူးသဖြင့် မြန်မာ စာပေချည်း သက်သက် တစ်ဖက်သတ် ဖွံ့ဖြိုးစေခြင်းထက် တိုင်းရင်းသားတို့၏ ကိုယ်ပိုင်စာပေ၊ ယဉ် ကျေးမှုကိုလည်း ထိန်းသိမ်းနိုင်ရန်၊ ဖွံ့ဖြိုး တိုးတက်စေရန် စာရေးသူက တပ်လှန့်ထားသည်။ လတ်တလော လွှတ်တော်နှစ်ရပ်တွင် နိုင်ငံ့အရေး ဆောင်ရွက်ကြမည့် တိုင်းရင်းသား ကိုယ်စားလှယ်များ အတွက်လည်း အထောက်အကူ တစ်ရပ်ဖြစ်မည်ဟု ယူဆသည်။ တိုင်းရင်းသား ဘာသာ စကားနှင့် မြန်မာဘာသာစကားတို့ ညီညာစွာဖွံ့ဖြိုးရန် ရည်ရွယ်ထား သည်။ လူမျိုးကြီးဝါဒီများ သတိပြု ဖွယ်ဖြစ်သည်။ စာပေဆုများနှင့်ပတ်သက်၍ လည်း အားသာချက်၊ အားနည်းချက် များနှင့် တစ်ချိန်ကဘုန်းတော်ဘွဲ့ စာပေဆုများအကြောင်း သုံးသပ်ထား သည်။ စာအုပ်စာပေ ရှုခင်းကဏ္ဍ တွင်လည်း ပြည်သူ့နီတိ၊ ပြည်ရေး ပြည်ရာ ပညာ သင်ကြားနည်း၊ ပြည်ရေးပြည်ရာ ပညာဆောင်းပါး များသည်လည်း အထူးဖတ်ရှုဖွယ်များ ဖြစ်သည်။ ၁၉၃၃-၃၄ ခုနှစ်အတွင်း ကပင် ကျောင်းသုံးအဖြစ် ရည်စူးပြုစု ထုတ်ဝေသော ဦးဘအေး၏ ပြည် ရေးပြည်ရာစာအုပ်အကြောင်း သုံး သပ်ထားခြင်းဖြစ်ပြီး ယင်းဘာသာ ရပ်အပေါ် သင်ကြားနည်းပြုစုခဲ့သော ဦးသန့်၏ သုံးသပ်ချက် များကိုလည်း  လေးစား ဖွယ်တွေ့သိရမည်ဖြစ်သည်။

အခြားသော မြန်မာစာအုပ်သုံး သပ်ချက်များ၊ မြန်မာစာရေးဆရာ များနှင့်တွေ့ဆုံခန်းများမှာလည်း ပြတ်သားရဲရင့်သော အတွေးအမြင် များ၊ သုံးသပ်ချက်များဖြင့် တင်ဆက် ထားသည်။ အထူးသဖြင့် မြန်မာစာပေ၊ ယဉ်ကျေးမှုနှင့် ဆိုင်ရာ နွေးထွေး ချစ်ကြည်သော အယူအဆ များ၊ သုံးသပ်ချက်များစုံလင်သော  စာအုပ်တစ်အုပ်ဟုလည်း ဆိုနိုင် သည်။

တစ်ချိန်က တိုင်းပြည်ပျက်စီးရာ ရည်ရွယ်သည့် ပြည်ပအခြေစိုက် အသံလွှင့်ဌာနများဟု နာမည်ပျက်ခဲ့ သော်လည်း တိုးတက်ရာတိုးတက် ကြောင်းနှင့် သတိပြု ဆင်ခြင်ဖွယ် များကို မထောက်မညှာဝေဖန် အသိ ပေးခဲ့သည်များလည်း ရှိကြောင်း ဤ စာအုပ်မှ သက်သေပြနေခြင်းဟု ဆိုချင်သည်။ စာပေမြင့်ပြီး လူမျိုးတင့်စေ ရန် ရည်ရွယ်သော မေစာ ၏စေတနာ ကိုလည်း လေးစားရသည်။

မြန်မာစာပေ၊ ယဉ်ကျေးမှုကို နှစ်သက်လေ့လာသူတိုင်း၊ စာပေ ဝါဒနာရှင်တိုင်းနှင့် တစ်ချိန်က လေလှိုင်းကြားမှ နှစ်သက်ခဲ့ ရပြီးနောက် စာအုပ်အသွင် ဖတ်ရှုသိမ်းဆည်း လို သူများ၏ စာအုပ်စင်တွင် ရှိထိုက်သော စာအုပ်ကောင်း တစ်အုပ်ဖြစ်သည်။ နွေးထွေးနှစ်လိုဖွယ် စာပေ စားမြိန် ဝိုင်းတစ်ခုအဖြစ် ဆိုချင်ပါသည်။

“ကိုယ့်ဘာသာ စာပေထွန်းကား တာမြင်ရရင် တိုင်းရင်းသားအများ ဝမ်းသာပီတိဖြစ်ကြမှာပါ။ သူပီတိ ဖြစ်တာ နဲ့အမျှ သူ့ပီတိက ကိုယ့်ပီတိ ဖြစ်လာမှာပါ။ တိုင်းရင်းသား ဘာသာ စာပေကိုချစ်သော မျက်စိနဲ့ကြည့်တတ် တာဟာ အရေးပါတဲ့ ပြည်ထောင်စု စိတ်ဓာတ်တစ်မျိုးလို့ ဆိုပါရစေရှင်” (စာ-၄၁)

ဝဏ္ဏလင်း

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*