စာအုပ်သုံးသပ်ချက် — ဧပြီ ၄ ၊ ၂ဝ၁၃

သာထက်အောင်၊ သူတို့ဆီက ကျွန်တော့်အတွေ့အကြုံ

စာနဒီစာပေ၊ ၂ဝ၁၃၊ မတ်လ၊ စာမျက်နှာ ၃၃၄၊ တန်ဖိုး ၃၅ဝဝ ကျပ်

သာထက်အောင်၏ တွေးမိသမျှ၊  မေးမိသမျှ၊ ရေးမိသမျှ သူတို့ဆီက ကျွန်တော့်အတွေ့အကြုံစာအုပ်ကို စာနဒီ စာပေမှ ထုတ်ဝေလိုက်သည်။ ၂ဝဝ၄ ခုနှစ်တွင် ပထမအကြိမ် ထုတ် ဝေခဲ့ဖူးပြီး ယခုအသစ်ထပ်မံဖြည့်စွက် ဆောင်းပါး များဖြင့် ဒုတိယအကြိမ် ထုတ်ဝေလိုက်ခြင်းလည်းဖြစ်သည်။

အများစုမှာ ယခင်မြားနတ်မောင် မဂ္ဂဇင်းတွင် ဖော်ပြပါရှိခဲ့သည့် ဆောင်း ပါးများဖြစ်ပြီး နောက်ပိုင်း အခြားမဂ္ဂဇင်း များတွင် ဖော်ပြပါရှိခဲ့သော ဆောင်းပါးများစုစုပေါင်း  ၃၁ ပုဒ်ကို စုစည်း ထားခြင်းဖြစ်သည်။ သူတို့ဆီက ကျွန်တော့် အတွေ့အကြုံ၊ မရေးဖြစ် ပြန်လည်း အားနာစရာ၊ ဆေးရုံပေါ် မှာ တစ်ညတာ၊ ယူလည်းခက် မယူ လည်းခက်၊ ကျူရှင်၊ ဂေါက်ရိုက် တဲ့မြို့၊ အိုးလံပစ်ပွဲတော်ကြီး ပြီးတော့၊ အမွေဆိုး(သို့)မရှိမဖြစ်အိမ်ဖော်၊ ကြည့် ဖြစ်ခဲ့သော ပန်းချီပြပွဲ တစ်ခု၊ မကြည့် ဖြစ်ခဲ့သော အနုပညာပြပွဲ တစ်ခု၊ စာမကျက်သော ကျွန်တော့်သမီး စသည့်  နိုင်ငံခြားရောက် မြန်မာတစ်ဦး၏ ကိုယ့်ဓလေ့ သူ့အတွေ့အကြုံနှင့် သူ့ ဓလေ့ ကိုယ့်အတွေ့အကြုံများ ဖလှယ် ချက်၊ တွေးဆချက်၊ ခံစားမှုဆောင်း ပါးများ ပါဝင်သည်။

ပြည်ပတွင် အခြေချနေထိုင်သူ မြန်မာလူမျိုး တစ်ဦးအနေဖြင့် ဇာတိ နှင့် ဝေးကွာသော အရပ်ဆီမှ ကွာဟချက်များ၊ ကွာခြားချက် များကို တွေ့ ကြုံရသည်နှင့်အမျှ ဆိုဖွယ်၊ တွေးဖွယ်များ ရှိလာမည်ဖြစ်သည်။ ဤတွေးဖွယ် များမှ အခြေခံပြီး စာရေးသူ၏ ခံစား ချက်ကို ဆန့်ထုတ်ထားနိုင်ခဲ့သည်။ ဖြတ်သွားဖြတ်လာ အတွေ့အကြုံများ မဟုတ်ဘဲ ကိုယ်တိုင် ပါဝင်ပတ်သက် ရသော နိစ္စဓူဝအတွေ့အကြုံများ တိုင်းသည် နှိုင်းယှဉ် စဉ်းစားဖွယ် ချည်း ပင်ဖြစ်သည်။ ရှောင်လွှဲ မရသော ဖြတ်သန်းမှုများ အပေါ် အလိုက် သင့်ဖြေသာစရာ တွေးတောဆင်ခြင်မှုများဟု လည်း ဆိုနိုင်သည်။

ဆောင်းပါးအချို့တွင် ကြုံတွေ့သမျှ အကြောင်းအရာ စုံတင်ပြထား သော်လည်း အများစုသော ဆောင်းပါး များကိုမူ အဓိကဦးတည်ချက်တစ်ခု ဆီရည်ရွယ်တင်ပြ ထားသည်။ ခိုင်မာ စနစ်ကျသော ကျန်းမာရေးစောင့် ရှောက်မှုပုံစံများ၊ ပညာရေး ရင်းနှီးမြှုပ် နှံမှုနှင့် ပညာရေး ဝန်ဆောင်မှုစနစ်များ၊ ပေါင်းသင်းဆက်ဆံရေးနှင့် အိမ် ထောင်ရေး အမြင်ဓလေ့ ကွာခြားမှုများ၊ အားကစားထောက်ပံ့မှုများ၊ အိမ်မွေး တိရိစ္ဆာန်ပြဿနာများ၊ အိမ်အကူ ဝန် ဆောင်မှုစနစ်၊ အနုပညာပြပွဲများ စသည်တို့ကို သူ့ဓလေ့၊ ကိုယ့်ဓလေ့ ကွာဟချက်များနှင့် နှိုင်းယှဉ်တွေးဆ ထားသည်။

အထူးနှစ်သက် ဆင်ခြင်ရသည်မှာ  ဆေးရုံပေါ်မှာတစ်ညတာ၊ အမွေဆိုး (သို့)မရှိမဖြစ်အိမ်ဖော်၊ မကြည့်ဖြစ်ခဲ့ သော အနုပညာပြပွဲတစ်ခုနှင့် စာမ ကျက်သော ကျွန်တော့် သမီးဆောင်း ပါးများဖြစ်သည်။ ဩစတြေးလျနိုင်ငံ၏ အရေးယူဖွယ် ကျန်းမာရေး အာမခံစနစ်၊ ကျန်းမာရေး ဝန်ဆောင်မှုစနစ် ဆေးကုသမှုစနစ် များကို ကိုယ်တွေ့ ဝေဒနာ ကုသပုံများနှင့် တစ်ပါတည်း ဆေးရုံပေါ်မှာ တစ်ညတာ တွင် မှတ်တမ်းတင်ထားသည်။ အိမ်ဖော်(သို့) အိမ်အကူ စနစ်များနှင့် ပတ်သက်၍ ဆင်ခြင်တွေးဆဖွယ် များကိုလည်း အမွေဆိုးတွင် တင်ပြထားသည်။ အချိန်ပြည့်နီးပါး အလုပ်ကို ဦးစားပေး ကြရသော်လည်း ကိုယ့်ဝန်ကိုယ်ထမ်း၊ ကိုယ့်အားကိုယ်ကိုး ကြရသည့် တစ်ကျွန်းသား များနှင့်ကွာဟချက်များကို ဤဆောင်းပါးတွင်တွေ့နိုင်သည်။ အမှန်တကယ် အရေးတကြီး လိုအပ် နေ၍ မဟုတ်ပဲ မြို့ပြဖက်ရှင်တစ်ခု အသွင် သာမက လူလူချင်း တန်းတူ ရည်တူရှိမှုကို မျက်ကွယ်ပြုလေ့ ရှိကြ သော ဓလေ့စရိုက်ဆိုးကို ထုတ်ဖော် တိုက်ခိုက်ထားသည်။

ပညာရေး စနစ်နှင့် အနုပညာခံစားမှု များကိုလည်း မကြည့်ဖြစ်ခဲ့သော အနုပညာပြပွဲတစ်ခုနှင့် စာမကျက် သော ကျွန်တော့် သမီးတွင် တွေ့ရသည်။ ကိုယ်တိုင်သေချာ ကျနစွာ နားလည် ဆင်ခြင်ရန် မရည်ရွယ်ဘဲ ကြက် တူရွေး စာကျက်နည်းဖြင့် အလွတ် ကျက်ရသော စနစ်ဆိုးမှ ကင်းလွတ် ပြီး ကိုယ်တိုင်အားထုတ်စုဆောင်း လေ့လာ ရသည့် ပညာရေး စနစ်ကို အားကျမိစေသည်။ ကိုယ်တိုင် အားထုတ်ခြင်းမှ ရရှိစွဲမြဲစေသော မှတ်ဥာဏ်နှင့် ထိုးဖောက်တီထွင်နိုင်စွမ်း ကို အားပေးသည့် ပညာ သင်ကြားရေး စနစ် အကြောင်းမှာ သတိပြု ဆင်ခြင်ဖွယ်ဖြစ်သည်။ နာမည်ကျော်ဓာတ်ပုံ အနုပညာရှင် စပင်စာတျူးနစ်၏ ဩစတြေးလျ ဓာတ်ပုံခရီး အကြောင်းနှင့် အနုပညာနှင့် လွတ်လပ်မှု တို့အပေါ် ရှု မြင်ပုံများကိုလည်း မကြည့်ဖြစ်ခဲ့သော အနုပညာပြပွဲဆောင်းပါးတွင် လေ့လာ နိုင်သည်။

ပြည်ပဖြတ်သန်းမှု အတွေ့အကြုံ၊ အတွေးအမြင်မျိုးစုံကို တင်ပြထား သော်လည်း ဆင်ခြင်ဥာဏ်မဲ့ ချီးကျူး ထောပနာများ၊ ကဲ့ရဲ့ပြစ်တင်မှုများမပါ ဝင်သည်မှာ ဤဆောင်းပါး များ၏ ထူး ခြားချက်ဖြစ်သည်။ လူမျိုးအလိုက်၊ ဒေသအလိုက်၊ ဓလေ့ထုံးစံအလိုက် အားသာချက်၊ အားနည်းချက်များ ကွဲ ပြားကြသော်လည်း မျှတသော ဆင် ခြင်ဥာဏ်ဖြင့် အကောင်းမြင်တူရှုပြု ချက်များကိုသာ ရည်ရွယ်ထားသည့် ဆောင်းပါးများဖြစ်သည်။ အထူး သဖြင့် ကွာဟချက်များဖြစ်သော စည်း ကမ်းလိုက်နာမှု၊ တရား ဥပဒေ၏ အကာအကွယ်ပြည့်စုံမှု စသည့် အချက်များတွင် မူ သူတို့ကိုအားကျရ သည့် ကိုယ့်ဘဝဖြစ်စေခဲ့သည်။ လေး နက်သော အတွေးအမြင်ချဲ့ထွင်စရာ များဖြစ်သော် လည်း ပေါ့ပါး သွက်လက်ပြီး သရော်ဟန်ပါသော အရေးအသား တို့ကြောင့် စွဲငြိဖွယ်လည်းဖြစ်သည်။ ဒုတိယအကြိမ် ထုတ်ဝေခြင်းအတွက် အမှာစာရေး သားပေးသော မြင့်သန်း ကမူ ကျောင်းထိုင်မို့ ပိုင်ပိုင် သိပါသဗျာဟု ဤစာအုပ်ကို သုံးသပ်ညွှန်း ဆိုထားသည်။

သာထက်အောင်၏ ပရိသတ်များ သာမက အကွာအဟကြားမှ အဖြေ တစ်ခုကို ထုတ်ယူမျှခြေရှာလိုသူများ၊ စာပေ ဝါသနာရှင်များ ဖတ်ရှုသင့်သည့် စာအုပ်ကောင်း တစ်အုပ်ဖြစ်သည်မှာ သေချာသည်။ ခြားနားသော အ ကြောင်း အရာများ၊ ဖြတ်သန်းမှုအတွေ့ အကြုံများနှင့် ပညာရေး၊ ကျန်းမာ ရေး၊ အနုပညာစသည့် နယ်ပယ်စုံ ကို ပေါ့ပေါးပါးပါး ချဉ်းကပ်တွေးဆထား ပြီး အခြေခံကျ အစွန်းလွတ်မျှတသော အဖြေတစ်ခုကို ရည်ရွယ်လိုသော စာအုပ်ကောင်း တစ်အုပ် ဟုလည်း ဆို ချင်ပါသည်။

“အမှတ် ၁ဝဝ မှာ ၄ဝ ရရင် အောင်တယ် ဆိုတဲ့ ကိစ္စကြီးကတော့ နည်းနည်း ဆင်ခြင်စဉ်းစားပြီး ပြုပြင် သင့်က ပြုပြင်ရန် လိုပါလိမ့်မယ်။ ၁ဝဝ မှာ ၄ဝ ရရင်အောင်တယ် ဆိုတော့ ၆ဝ ဖိုး မှားခွင့်ရှိသလိုဖြစ်နေပါတယ်။ တကယ် တော့ ကျောင်းစာမှ မဟုတ်ပါဘူး။ လူ့ဘဝမှာ ဘယ်လောက ဘယ်နေရာမှာမှ ၆ဝ ဖိုး မှားခွင့် မရှိကြပါဘူး။” (စာ-၃၁၄)

ဝဏ္ဏလင်း

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*