ပြည်တွင်းသတင်း — ရန်ကုန်၊ မေ ၂၃၊ ၂ဝ၁၂

ဆိုက်ရောက်ဗီဇာနှစ်မျိုးဖြစ်သည့် လုပ်ငန်းဗီဇာနှင့် ပြည်ဝင် ဗီဇာများကို ရန်ကုန်အပြည်ပြည်ဆိုင်ရာ လေဆိပ်တွင် ယခုနှစ် ဇွန် လ ၁ ရက်နေ့မှ စတင်ထုတ်ပေးတော့မည်ဖြစ်ကြောင်း စုံစမ်းသိရှိရသည်။

အဆိုပါ ဆိုက်ရောက်ဗီဇာအား အာဆီယံနိုင်ငံများအပြင် အမေရိကန်၊ ဗြိတိန်(UK)၊ တရုတ်၊  ပြင်သစ်၊ ဂျာမနီ၊ အီတလီ၊ ဂျပန်၊ တောင်ကိုရီးယား၊ စပိန်နှင့် ထိုင်ဝမ် အစရှိသည့် ၁၉ နိုင်ငံမှ ဝင်ရောက်လာသူများအား ထိုဆိုက်ရောက် ဗီဇာ အမျိုးအစားနှစ်ခု အနက်မှ သင့်လျော်ရာဗီဇာ ထုတ်ပေးမည်ဖြစ်ကြောင်း သိရသည်။

လုပ်ငန်းဗီဇာ ရရှိရန်အတွက် နိုင်ငံတွင်း ရောက်ရှိလာသူသည် သက်ဆိုင်ရာ ကုမ္ပဏီမှ ဖိတ်ခေါ်စာ သို့မဟုတ် ကုမ္ပဏီမှ တာဝန်ခံစာနှင့်အတူ သက်ဆိုင်ရာ ဝန်ကြီးဌာနမှ အထောက်အထား ပါရှိရမည်ဖြစ်ပြီး၊ ဗီဇာသက်တမ်း မှာ ရက်ပေါင်း ၇ဝ ရရှိမည်ဖြစ်သည်။ ထိုဗီဇာကို အမေရိကန် ဒေါ်လာ ၅ဝ ပေး၍ လျှောက်ထားရမည်ဖြစ်သည်။

လုပ်ငန်းဗီဇာလျှောက်သူတွင် ယခင်ကလုပ်ငန်းဗီဇာ(Business Visa) ရှိပါက ဆိုက်ရောက်ဗီဇာ ထုတ်ပေးရာတွင် ကုမ္ပဏီမှ ဖိတ်ခေါ်စာများ မလိုအပ်ကြောင်း၊ ယခင်က မြန်မာနိုင်ငံသို့ လာရောက်ရာတွင် ခရီးသွားဗီဇာဖြင့် လာရောက်သူဖြစ်လျှင်မူ လုပ်ငန်းဗီဇာနှင့် ပြည်ဝင်ဗီဇာ မရရှိနိုင်ကြောင်း သိရသည်။

ရန်ကုန်အပြည်ပြည်ဆိုင်ရာလေဆိပ် အတွင်းပိုင်းတစ်နေရာ

ရန်ကုန်အပြည်ပြည်ဆိုင်ရာလေဆိပ် အတွင်းပိုင်းတစ်နေရာ

ပြည်ဝင်ဗီဇာ၏ သက်တမ်းမှာမူ ၂၈ ရက်သာရှိမည်ဖြစ်ပြီး၊ ဗီဇာလျှောက်ထားမှုအတွက် ကျသင့်ငွေမှာ ကန်ဒေါ်လာ ၄ဝ ဖြစ်ကြောင်း သိရသည်။ အဆိုပါ ဗီဇာနှစ်မျိုးစလုံးအား သက်ဆိုင်ရာဝန်ကြီးဌာန၏ ထောက်ခံချက်နှင့်အတူ ဗီဇာသက်တမ်း တိုးမြှင့်နိုင်ကြောင်းလည်း သိရသည်။

အဆိုပါ ဗီဇာများ လျှောက်ထားရန်အတွက် ၆ လအတွင်း ရိုက်ကူးထားသည့် ပတ်စ်ပို့ဆိုဒ် ဓာတ်ပုံ ၂ ပုံနှင့်​   နိုင်ငံကူးလက်မှတ် သက်တမ်းအနည်းဆုံး ၆လ ရှိရမည်ဖြစ်ကြောင်း စုံစမ်းသိရသည်။

နောက်ဆုံးသတင်းများအရ အဆိုပါ ဆိုက်ရောက်ဗီဇာနှင့်စပ်လျဉ်း၍ သက်ဆိုင်ရာ တာဝန်ရှိသူများမှ​    ပြင်ဆင်မှုအချို့ ပြုလုပ်ရန်အတွက် ဆွေးနွေးလျက်ရှိကြောင်း စုံစမ်းသိရသည်။

ဝဝ၂

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.