ပြည်တွင်းသတင်း — ရန်ကုန်၊ သြဂုတ် ၁၉၊ ၂ဝ၁၂

မီဒီယာနှင့် တရားဥပဒေသည် တစ်ကဏ္ဍစီ (မဏ္ဍိုင်တစ်ခုစီ) ဖြစ်သည့် အလျောက် တရားစွဲဆိုခြင်းကို လက်နက် သဖွယ် ပြုလုပ်မည် ဆိုပါက မီဒီယာသမားများ အနေဖြင့် နစ်နာနိုင်ချေရှိကြောင်း ပြည်သူ့လွှတ်တော်၊ ဥပဒေရေးရာနှင့် အထူးကိစ္စရပ်များ ဆန်းစစ်လေ့လာရေးကော်မရှင်မှ အဖွဲ့ဝင်တစ်ဦးဖြစ်သူ ဦးမြသိန်း (ဝါရင့် ရှေ့နေကြီး) က မြန်မာ အင်ဒီပဲန်ဒင့်သို့ ပြောသည်။

Legal Affair ရှင်းလင်းပွဲတွင် တွေ့ရသည့် ဦးမြသိန်း

Legal Affair ရှင်းလင်းပွဲတွင် တွေ့ရသည့် ဦးမြသိန်း

၁၉၆၂ ခုနှစ်မှ စတင်ကာ သတင်းရေးသား ဖော်ပြမှုများနှင့် စပ်လျဉ်းသည့် ကိစ္စရပ်များကို မှတ်ပုံတင်နှင့် စာပေ စိစစ် ဖြန့်ချိရေးမှ အချို့သော စာပေရေးသားဖော်ပြချက်များ၊ သတင်းအချက်အလက်ဆိုင်ရာ ရေးသားချက်များ အား စာမူကြိုတင် စိစစ်မှုများ ပြုခဲ့သော်လည်း ယခုအခါ  သတင်းဂျာနယ်များအား စာမူကြိုတင် ခွင့်ပြုချက် ရယူရန် မလိုဘဲ ပုံနှိပ်ဖြန့်ချိပြီးမှသာ  စာပေစိစစ်ရေးသို့ တင်ပြသည့် စနစ်သို့ ပြောင်းလဲမှုများ ပြုလုပ်မည် ဖြစ်ကြောင်း ယခုလ ၂ဝ ရက်နေ့တွင် ထိုပြောင်းလဲသည့် မူဝါဒအား ထုတ်ပြန်ကြေညာခဲ့သည်။

ထိုသို့သော နှစ်ပေါင်း ၄၈ နှစ် ခန့် သတင်းဆိုင်ရာ စာမူများကို စာပေစိစစ်ရေးသို့ တင်ပြကာ စာမူကြိုတင် ခွင့်ပြုချက် ယူ၍ ထုတ်ဝေခဲ့ရာမှ ယခုကဲ့သို့  သတင်းဂျာနယ်များအား စာမူ ကြိုတင်ခွင့်ပြုချက် ရယူခွင့်အား သက်သာခွင့် ပြုခြင်းအားဖြင့် စာပေလွတ်လပ်ခွင့် နှင့်အတူ စာပေစိစစ်ရေးမှ စာမူများအား တာဝန်ယူ စစ်ဆေး သည့် ပုံစံမှ စာရေးသူမှ စာမူကို တာဝန်ယူရမည့် အခြေအနေသို့ ရောက်ရှိလာပြီ ဖြစ်ပါသည်။ သတင်းရေးသူ နှင့် သတင်းရေးသားခြင်း ခံရသူတို့အကြား တစ်စုံတစ်ရာ အကြောင်းကြီးငယ် ပေါ်ပေါက်ပါက တရားခွင်တွင် ရင်ဆိုင်ဖြေရှင်းရမည့် အခြေအနေများလည်း ပေါ်ပေါက် လာနိုင်ရာ ထိုကိစ္စနှင့် စပ်လျဉ်း၍ မြန်မာအင်ဒီပဲန်ဒင့်မှ မေးမြန်းခဲ့ရာတွင် “မြန်မာပြည်မှာ မီဒီယာနဲ့ ပတ်သတ်လို့ လွတ်လပ်ခွင့်က ဘယ်လောက်ပေးတာလဲ၊ ဆုံးဖြတ်မယ့် တရားသူကြီးက ဘက်မလိုက်ဘဲ စီရင်မှာလား။ အရင်တုန်းကလိုပဲ ဘက်လိုက်ပြီး တရားစီရင်မယ် ဆိုရင် မီဒီယာသမား နိုင်ဖို့ခက်တယ်” ဟု အထက်ပါ ရှေ့နေကြီး ဦးမြသိန်းက ဆိုသည်။

ထို့အတူပင်  သတင်းရေးသားသူ အနေဖြင့် မိမိရေးသားသည့် သတင်းတွင် ပြဿနာတစ်ခု၊ ဖြစ်ရပ်တစ်ခုအား ပုံပေါ်ရန် ဘက်နှစ်ဖက်၏ အသံ မပါရှိပါက ရေးသားသူနှင့် ရေးသားခံရသူ ဘက်တစ်ဖက်အကြား ပဋိပက္ခ ဖြစ်ပွားနိုင်သည့် အခြေအနေများနှင့်စပ်လျဉ်း၍  တရားလွှတ်တော် ရှေ့နေတစ်ဦး ဖြစ်သည့် ကိုအယ်ခွန်ရိန်ပန် ကိုလည်း မေးမြန်းခဲ့ပါသည်။ ယင်းက သတင်းမီဒီယာသမား တို့အနေဖြင့် နစ်နာသူဘက် မှသာမက  ပြုလုပ်သူ ဘက်ကိုပါ ဆက်သွယ်ရန် ကြိုးစားသင့်ကြောင်း၊ လိုအပ်သည့် အထောက်အထားများ ရယူထားရန် လိုအပ်ကြောင်း ပြောသည်။

သို့ရာတွင် နိုင်ငံအတွင်းရှိ အချို့သော ဌာနများနှင့် ကုမ္ပဏီလုပ်ငန်း ကြီးများနှင့် စပ်လျဉ်းသည့်ကိစ္စရပ်များ အတွက် သတင်းရယူရာတွင် ခက်ခဲ မှုများ ကြုံတွေ့လျက်ရှိသေးရာ ယင်း ကိစ္စရပ်နှင့် စပ်လျဉ်း၍ ကျန်းမာရေး ဆိုင်ရာ ပညာရှင်တစ်ဦးကို မြန်မာ အင်ဒီပဲန်ဒင့်မှ မေးမြန်းခဲ့ပါသည်။

ထိုအခါ မိမိတို့နိုင်ငံ အတွင်းရှိ အချို့သော ပညာရှင်များနှင့် အချို့သော ဌာနများသည် မီဒီယာနှင့် ယဉ်ပါးမှု အားနည်းလျက် ရှိသေးကြောင်း၊ ထို့ အပြင်  မီဒီယာမှ စုံစမ်းမှုများ ပြုလာပါက မိမိတို့ထံတွင် ပြောရေးဆိုခွင့် မရှိဟု ပြောဆို ငြင်းဆန်လေ့ ရှိကြကြောင်း၊ ထိုသူတို့တွင် ပြောရေးဆိုခွင့် မရှိသော်ငြား “ပြောရေးဆိုခွင့်ရှိသူနှင့် ဆက်သွယ်ပေးရန် တာဝန်” သည် ထိုသူ့ထံတွင် ရှိကြောင်း အစိုးရ မဟုတ်သည့် အဖွဲ့အစည်း တစ်ခုတွင် နိုင်ငံလုံး ဆိုင်ရာ ညွှန်ကြားရေးမှုးတစ်ဦး အဖြစ် တာဝန်ထမ်းဆောင်နေသူ ဒေါက်တာ စစ်နိုင်က သူ၏ အမြင် ကို ပွင့်လင်းစွာ ပြောသည်။

တပ်မတော် သူနာပြုနှင့် ဆေးဘက်ဆိုင်ရာ တက္ကသိုလ်တွင် တာဝန် ထမ်းဆောင်နေသည့် ဆေးဘက် ဆိုင်ရာ ပညာရှင် ဗိုလ်မှူးတစ်ဦး ကလည်း ယခုအစိုးရသစ် လက်ထက်တွင်  စတုတ္တမဏ္ဍိုင်များ ဖြစ်သည့် သတင်း မီဒီယာများမှ အပြုသဘော ဆောင်သည့် ထောက်ပြချက်များနှင့် စပ်လျဉ်း၍ တရားစွဲဆိုခြင်းများ ပြု လုပ်ခြင်းထက် ထောက်ပြခံရသူများ ဘက်က ပြုပြင်သင့်သည်များကို  ပြုပြင်ပေးကြမည်ဆိုပါက ပိုမို သင့် လျော်မည် ဖြစ်ကြောင်း သူ၏ အမြင်ကို မြန်မာအင်ဒီပဲန်ဒင့်သို့ ပြောသည်။

ဝဝ၂

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*