ပြည်တွင်းသတင်း — ရန်ကုန်၊ မတ် ၂၇၊ ၂၀၁၂

ရှေ့နေဦးဖိုးဖြူနှင့် နိုင်ငံခြားသား သတင်းထောက်တို့ မတ်လ ၂၇ ရက်မနက် ၁ဝး၃ဝ တွင် ၃၈ လမ်း အလယ်ဘလောက်(စ်)ရှိ ယင်းရှေ့နေ ရုံးခန်း၌ ဖိနပ်စက်ရုံကိစ္စနှင့် ပတ်သက်၍ တွေ့ဆုံမေးမြန်းခဲ့သည်ဟု သိရသည်။

ရှေ့နေဦးဖိုးဖြူသည် တိုင်ရီဖိနပ်စက်ရုံမှ အလုပ်သမားဘက်မှ လိုက်သော ရှေ့နေတစ်ယောက်ဖြစ်သည်ဟု သိရသည်။ ယင်းတို့တွေ့ ဆုံရာတွင် (Myanmar National Trade Union)နှင့်၂ဝ၁၁ ခုနှစ်ထုတ် အလုပ်သမားအဖွဲ့အစည်းနည်း ဥပဒေများ၏ ကွာခြားချက်များ၊ စက်ရုံကိစ္စနှင့် ပတ်သက်သော လုပ်ဆောင်ချက်များ၊ ထိုသို့ ပြုလုပ်နိုင်ရန် ကိုးကားချက်စာအုပ်များ၊ ရှေ့ဆက်၍ လုပ်ဆောင်သွားမည့် အချက်များ၊ ယင်းကိစ္စနှင့် ပတ်သက်၍ မျှော်လင့်ချက်များကို​ မေးမြန်းခဲ့သည်ဟု သိရသည်။

Myanmar National Trade Union နှင့် အလုပ်သမားအဖွဲ့အစည်းဥပဒေတို့ကို နှိုင်းယှဉ်ပြောရာတွင် ရှေ့နေဦးဖိုးဖြူက ၁၉၈၈ အရေးအခင်း​  ဖြစ်ပြီးနောက် Myanmar National Trade Union တဖြည်းဖြည်းပျောက်သွားကြောင်း၊ ယခုကဲ့သို့ အလုပ်သမား အဖွဲ့အစည်းဥပဒေ​  ပြဋ္ဌာန်းစာအုပ်​ ပေါ်ထွက်လာခြင်း အပေါ်တွင် “အရင်က မရှိတာထက်စာရင်တော့ ကောင်းတာပေါ့ဗျာ၊ ဒါပေမယ့်ပြည့်စုံမှုမရှိဘူး”ဟု ပြောခဲ့သည်။

ယင်းသတင်းထောက်က တိုင်ရီဖိနပ်စက်ရုံကိစ္စနှင့် ပတ်သက်၍မေးမြန်းရာတွင် “ကျွန်တော်တို့ ၂ဝ၁၂ မတ်လ ၂၃ မှာ တိုင်ရီစက်ရုံ အခြေခံ အလုပ်သမား အဖွဲ့အစည်း ဖွဲ့စည်းခွင့်နှင့် အလုပ်သမားသမဂ္ဂ အဖွဲ့အစည်းဖွဲ့စည်းခွင့်စာကို အထက်ကို တင်ထားတယ်။ တစ်လအတွင်း တင်ထားတဲ့ကိစ္စ ပြန်ကျလာဖို့လည်း မျှော်လင့်တယ်” ဟု ဦးဖိုးဖြူကဖြေခဲ့သည်။ အလုပ်သမား ၁၈၆၂ယောက်ရှိသည့်အနက် ၁၂၆၆ ယောက်က ယင်းကိစ္စကို​ ထာက်ခံကြောင်း ၇၁% ခန့်အလုပ်သမား သမဂ္ဂဖွဲ့စည်းရန် သဘောတူကြောင်းပြောခဲ့သည်။

ထုိ့အပြင် ဧပြီလတွင် ဒဂုံဟာဘာစက်မှုဇုံ၊ စက်ဘီးစက်ရုံနှင့်အခြားသော စက်ရုံများလည်း အခြေခံအလုပ်သမားအဖွဲ့အစည်းဖွဲ့စည်းခွင့်နှင့် အလုပ်သမားသမဂ္ဂ အဖွဲ့အစည်းဖွဲ့စည်းခွင့်စာများ တင်မည်ဖြစ်ကြောင်း ဆက်လက်ပြောခဲ့သည်။

သတင်းထောက်က ထိုသို့ပြုလုပ်ရန် ခိုင်လုံသောအကြောင်းပြချက်များကို မည်သို့ပြုလုပ်သနည်းဟု မေးရာတွင်ဦးဖိုးဖြူက International Labour Organization စံနည်းများ၊ မြောက်အာဖရိက နည်းဥပဒေများနှင့် အခြားနိုင်ငံတို့မှ  ပြဋ္ဌာန်းထားသော နည်းဥပဒေစာအုပ်များနှင့် ယှဉ်၍ အထောက်အထားများ ထုတ်နှုတ်ခဲ့ကြောင်း ပြောခဲ့သည်။

ထို့အပြင် လယ်မြေနှင့်အလုပ်သမားကိစ္စများကို လိုက်လံဆောင်ရွက်ပေးသော ရှေ့နေများသည်ရန်ကုန် မြို့တွင် ဦးဖိုးဖြူ အပါအဝင် ၉ ယောက်မှ ၁၅ ယောက်ကြားရှိသည်ဟုလည်း ယင်းရှေ့နေမှ ထပ်မံပြောခဲ့သည်။

ထိုကဲ့သို့ တိုင်ရီဖိနပ်စက်ရုံအရေးအားနိုင်ငံခြားသတင်းထောက်မှ မေးမြန်း စုံစမ်းခြင်းသည် ကမ္ဘာကပါ မြန်မာအလုပ်သမားများအရေးကို စိတ်ဝင်စားကြောင်း ​ပြသရာရောက်သည်ဟု ယူဆနိုင်၏။

၀၀၇

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.