ပြည်တွင်းသတင်း — ဘန်ကောက်၊ ဒီဇင်ဘာ ၂၂၊ ၂ဝ၁၂

ထိုင်းနိုင်ငံရှိ ရွှေ့ပြောင်း လုပ်သားများအတွက် နိုင်ငံသား စိစစ်အတည်ပြုရေး (Nationality Verification-NV) ကို ထိုင်းဝန်ကြီးချုပ် မြန်မာနိုင်ငံ လာစဉ်က ကတိပေးခဲ့သလို အချိန်တိုးပေးရန် မြန်မာနိုင်ငံ အလုပ်သမား ဝန်ကြီးဌာနက ထိုင်း အလုပ်သမား ဝန်ကြီးဌာနသို့ ယနေ့ တိုက်တွန်း တောင်းဆိုလိုက်သည်။

ထိုင်းဝန်ကြီးချုပ် ရင်လပ် ရှင်နာဝပ်ထရာ မြန်မာနိုင်ငံ ထားဝယ် မြို့သို့ လာရောက်လည်ပတ်စဉ်က စိစစ်ရေးကို သုံးလ သက်တမ်းတိုးပေးရန် ကတိပြုခဲ့ကြောင်း၊ အလုပ်သမား ဝန်ကြီးဌာနမှ အလုပ်သမား ဦးစီးဌာန ညွှန်ကြားရေးမှူးချုပ် ဦးမျိုးအောင်က အခိုင်အမာ ပြောဆိုသည်။

မစ္စရင်လပ် သည် ထားဝယ် ပင်လယ်ရေနက် ဆိပ်ကမ်း စီမံကိန်း ပူးပေါင်းဆောင်ရွက်ရေး ဖွင့်လှစ် ပေးရန် တနင်္လာနေ့ တွင် မြန်မာနိုင်ငံသို့ သွားရောက်ခဲ့သည်။ ဤအရေး ကိစ္စကို ဘန်ကောက်ရှိ ပူး(လ)မန်း ဟိုတယ် တွင် ထိုင်းအလုပ်အကိုင် ရေးရာဌာန ညွှန်ချုပ် ပရာဗစ်ခီယင်ပို နှင့် “ထိုင်း-မြန်မာ နည်းပညာဆိုင်ရာ အစည်းအဝေး” ပြုလုပ်စဉ် ဦးမျိုးအောင်က တင်ပြတောင်းဆိုခဲ့ ခြင်းဖြစ်သည်။

ဤလုပ်ငန်းစဉ်ကို အကောင်အထည် ဖော်ရမည်ဖြစ်ကြောင်း၊ သို့မှသာ မြန်မာလုပ်သားများ နိုင်ငံသား စိစစ်ရေး လက်မှတ်ရရှိပြီး ထိုင်း အလုပ်သမား များကဲ့သို့ အလားတူ အခွင့်အရေး ကာကွယ်မှုရမှာ ဖြစ် ကြောင်း ဦးမျိုးအောင် က ပြောသည်။ ရွှေ့ပြောင်း လုပ်သားအားလုံး သို့မဟုတ် အများစုပါဝင်လာစေရေး အတွက် ဤလုပ်ငန်းစဉ်ကို အရှိန်မြှင့်လုပ်ဆောင်ရန် ထိုင်းအာဏာပိုင်များကို သူက တိုက်တွန်းခဲ့သည်။

သို့သော် ဤလုပ်ငန်းစဉ်မှာ ဒီဇင်ဘာ ၁၄ ရက်တွင် သက်တမ်း ကုန်ဆုံးခဲ့ပြီဖြစ်ကြောင်း မစ္စတာ ပရာဗစ်က အခိုင်အမာ ပြောခဲ့သည်။ ဤလုပ်ငန်းစဉ်ကို ဖြတ်သန်းရန် ပျက်ကွက်ခဲ့သည့် ရွှေ့ပြောင်းလုပ်သားများကို တရားမဝင်ဟု ယူဆကြောင်း၊ သူတို့ကို ဖမ်းဆီး၍ ပြန်ပို့ရမည်ဖြစ်ကြောင်း သူက ဆိုပါသည်။ သို့သော် ထိုင်းက အိမ်နီးချင်းနိုင်ငံ များနှင့် လက်မှတ်ရေးထိုးခဲ့သော နားလည်မှုစာချွန်လွှာ (MoU)အရ အလုပ်သမား တင်သွင်းရေး တရားဝင် လမ်းကြောင်းသစ် တစ်ခုကို ထိုင်း အလုပ်သမားဝန်ကြီးဌာနက စဉ်းစား နေကြောင်း မစ္စတာပရာဗစ်က ပြောကြားသည်။

ထို MoU က လိုအပ်သော ကျွမ်းကျင်မှု မလုံလောက်ခြင်းနှင့် ထိုင်းအလုပ်ရှင်တို့၏ လိုလားချက်များကို ပြည့်မီစေ ရန် ရွှေ့ပြောင်း လုပ်သားများကို တရားဝင် လမ်းကြောင်းများမှ ထိုင်းနိုင်ငံသို့ ဝင်ရောက်ခွင့် ပြုမည်ဖြစ်သည်။ ဤ နည်းလမ်းမှာ ထိုင်းအလုပ်ရှင်တို့ကို MoU နှင့်အညီ ရွှေ့ပြောင်းလုပ်သား တင်သွင်းနိုင်ရန် လမ်းခင်းပေး မည် ဖြစ်ကြောင်း၊ နောင်ကာလ၌ ရွှေ့ပြောင်းလုပ်သား ငှားရမ်းလိုသူ အလုပ် ရှင်များအနေဖြင့် MoU လုပ်ထုံးလုပ်နည်းကို လိုက်နာကာ အလုပ်သမား တင်သွင်းခွင့်များကို လျှောက်ထား သွားရမည် ဖြစ်ကြောင်း သူက ဖြည့်စွက် ပြောကြားခဲ့သည်။

သောကြာနေ့ အစည်းအဝေး တွင် ယနေ့ တွေ့ဆုံမည့် ထိုင်း အလုပ်သမားဝန်ကြီး ပါဒမ်ချိုင်းဆာ ဆမ်ဆက်(ပ) နှင့် မြန်မာ အလုပ်သမား ဝန်ကြီး ဦးမြင့်သိန်းတို့ကို NV သို့မဟုတ် MoU အကောင်အထည် ဖော်ရေးကို ပူးတွဲဆုံးဖြတ်နိုင်စေရန် လည်း သဘောတူညီမှုရခဲ့ကြောင်း သူကဆိုသည်။

မစ္စတာ ပရာဗစ် ၏ အဆိုအရ NV နောက်ဆုံး သတ်မှတ်ရက် ပြီးဆုံး သည့် ယခုအချိန်၌ ရွှေ့ပြောင်းလုပ် သား ၃ဝဝ,ဝဝဝ ကျော်နေရပ်ပြန်ပို့ ခံရရန် ရှိကြောင်း၊ ထိုအထဲတွင် ကမ္ဘောဒီးယား ၁၅ဝ,ဝဝဝ၊ လာအို ၉၉,ဝဝဝ နှင့် မြန်မာ ၆ဝ,ဝဝဝ ပါဝင်ကြောင်း သိရှိရသည်။

Ref:bangkokpost.com

ဝ၄ဝ

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*