သတင်းဆောင်းပါး — မတ် ၇၊ ၂ဝ၁၃

မိမိ၏ စီးပွားရေး လုပ်ငန်းများ ဖွံ့ဖြိုးတိုးတက်ရေး အတွက် လွတ်လွတ်လပ်လပ် လုပ်ကိုင်လိုသူများသည် မိမိတို့ နှစ်သက် လက်ခံနိုင်သော ဈေးနှုန်းများဖြင့်ရောင်းဝယ် လိုကြသည်။ ယင်းတို့၏ လွတ်လပ်ခွင့်များကို ကန့်သတ် ချုပ်ချယ်ရန် ကြိုးစားသော ဖိနှိပ်သည့် အစိုးရများကို အလိုမရှိကြပေ။ ဖိနှိပ်သော အစိုးရ ဆိုသည် ကလည်း ယင်းတို့ ကိုယ်တိုင် စီးပွားရေးကို စီမံလုပ်ကိုင် ချယ်လှယ်နိုင်သည့် စနစ်တစ်ခုကို ထူထောင်လိုပြီး ပြည်သူ များက လွတ်လပ်စွာ ပြောဆိုရေး သားခြင်းများနှင့် အစိုးရနှင့် ပတ်သက်သည်များကို ပွင့်ပွင့်လင်းလင်း ဆွေး နွေးကြသည် များကို အလိုမရှိကြပေ။

ဒီမိုကရေစီကို ထူထောင်ကြပြီ ဆိုလျှင် ပုဂ္ဂလိက စီးပွားရေးလုပ်ငန်း များနှင့် ဒီမိုကရက်တစ် အစိုးရတို့ အကြား အပြန်အလှန် နားလည်မှု ရှိခြင်းသည် နှစ်ဖက်စလုံး တိုးတက် ကောင်းမွန်ရေး အတွက် မရှိမဖြစ်လိုအပ်  လှပေသည်။ တိုးတက်သော ဒီမိုကရေစီ ဖြစ်ထွန်းရေးအတွက် ပညာရှင်များက  Gross National Product GNP ဟု ခေါ်သော တစ်မျိုးသားလုံး အသားတင် ထုတ်ကုန်တန်ဖိုး တိုးတက်ရန် လိုအပ်သည်ဟု ဆိုကြသည်။  နိုင်ငံတွင်း ထုတ်ကုန်နှင့် ဝန်ဆောင်မှု တန်ဖိုး တိုးတက်ခြင်းများကို ဆိုလို သည်။ ထိုကဲ့သို့ ပြည်သူလူထု၏ ကြိုးပမ်းအားထုတ်မှုကြောင့် ပေါ်ထွက် လာသော ထုတ်ကုန်နှင့်ဝန်ဆောင်မှုများ သည် ပြည်သူလူထု၏ လိုအင်ဆန္ဒ များနှင့် တိုက်ရိုက်ဆက်နွယ်မှုရှိသည်။ အဆိုပါ တိုးတက်မှု များက ပြည်သူ ပြည်သားများ၏ လူနေမှုအဆင့်အတန်း တိုးတက်မြင့်မားလာရေးကို များစွာ အထောက်အကူပြု သည်။

နိုင်ငံရေးအရ လွတ်လပ်မှုနှင့် စီး ပွားရေးအရ လွတ်လပ်မှုတို့သည် အပြန်အလှန် ဆက်နွယ်လျက်ရှိပြီး တစ်ခု မရှိဘဲနှင့် တစ်ခုရပ်တည်ဖြစ် ထွန်းနိုင်ရေးဆိုသည်မှာ လုံးဝမဖြစ်နိုင် သည့် အနေအထားတွင်ရှိပေသည်။

အရင်းအနှီး အခြေပြု စီးပွားရေးစနစ်

ဒီမိုကရေစီထူထောင်ရန် မရှိမဖြစ် လိုအပ်သော အရာများကို ဖြည့်ဆည်းပေးခြင်းနှင့် လိုက်လျော ညီထွေမှု အရှိဆုံးသည် အရင်းရှင်စနစ်ဟု ခေါ်ဆိုနေကြသည့် အရင်းအနှီး အခြေပြု စီးပွားရေးစနစ်ပင်ဖြစ်သည်။ အရင်းအနှီး အခြေပြုစီးပွားရေးစနစ်နှင့် အခြား စီးပွားရေးစနစ်တို့၏ အဓိက အခြားနားဆုံးအရာမှာ အသုံးစရိတ်ထက် ပိုလျှံသော ဝင်ငွေကို မိမိတို့ လုပ်ငန်း တိုးတက်ရေးနှင့် ချဲ့ထွင်ရေး တို့အတွက် ရင်းနှီး မြှုပ်နှံမှုပြုခြင်းဖြစ်သည်။ ထိုသို့ လုပ်ဆောင်ခြင်းမှ တိုးတက်လာသော စီးပွားရေးအခြေအနေသည် ဒီမိုကရက် တစ်အစိုးရက ပြည်သူလူထုအတွက် လုပ်ကိုင်ဆောင် ရွက်ပေးရမည့် အရာ များကို အောင်မြင်စွာ လုပ်ဆောင် နိုင်ရေးအတွက် အထောက်အကူပြု နိုင်ပေမည်။ ထိုကဲ့သို့ လုပ်ဆောင်နိုင်ပါက ပြည်သူလူထု၏ ဘဝအခြေအနေ လည်း တိုးတက်မြင့်မားလာပေမည်။

ဒီမိုကရေစီ ထွန်းကားသော နိုင်ငံ တွင် ပြည်သူလူထုသည် အစိုးရကို ထိန်းချုပ်နိုင်သောကြောင့် အမြဲတိုးတက် လာနေသော လိုအပ်ချက်များကို ဖြည့်ဆည်းပေးရန် အစိုးရအား အစဉ်အမြဲ တိုက်တွန်းနေခဲ့ကြသည်။ ထိုကဲ့ သို့ တိုးတက်လာနေသော လူထု၏ လိုအပ်ဆန္ဒကို ဒီမိုကရက်တစ်အစိုးရ သည် မည်သည့်နည်းနှင့်မျှ လျစ်လျူရှုထားခြင်း မရှိပေ။ ထို့ကြောင့် ဒီမိုက ရေစီသို့ ဦးတည်လျှောက်လှမ်းရာတွင် အစိုးရ၏ အသုံးစရိတ်များသည် စဉ်ဆက်မပြတ် တိုးတက်မှု များပြားလာနေ မည်ဖြစ်သလို ထိုအတွက် ပြည်သူ လူထုက ငွေကြေးအရ ပံ့ပိုးမှုများ (အခွန်)ပိုမိုလိုအပ်လာမည်ဖြစ်သည်။ အရင်းအနှီး အခြေပြုစီးပွားရေးစနစ် အဆင်ပြေချောမွေ့စွာဖြင့် လုပ်ကိုင် လည်ပတ်နိုင်ပြီ ဆိုပါက စီးပွားရေး ချဲ့ ထွင်မှုများကို လုပ်ဆောင်နိုင်မည်ဖြစ်ပြီး အစိုးရကလည်း လိုအပ်သည်များ ကို ပံ့ပိုးပေးနိုင်မည်ဖြစ်သည်။

နိုင်ငံရေးခေါင်းဆောင်များသည် ဒီမိုကရေစီတိုးတက်ဖြစ်ထွန်းရေး အတွက် လုပ်ကိုင်ဆောင်ရွက်နေစဉ် မှာပင် လွတ်လပ်သော ဈေးကွက်ဖြစ် ထွန်းရေးကိုလည်း လုပ်ဆောင်ရပေ သည်။ လွတ်လပ်သော ဈေးကွက် တည်ရှိခြင်းမှာ ဒီမိုကရေစီ ဖြစ်ထွန်းခြင်းကြောင့်ဟု ဆို၍မရပေ။ အရင်းအနှီး အခြေပြု စီးပွားရေး စနစ်တည်ရှိ ခြင်းကြောင့်ဖြစ်သည် ဆိုသည်ကို မေ့လျော့ထား၍ မဖြစ်ပေ။ ဒီမိုကရေစီတွင် ဈေးကွက်အတွင်း၌ ရောင်းသူ နှင့် ဝယ်သူတို့သည် လွတ်လပ်စွာ ကူးသန်းရောင်းဝယ်မှုပြုကြပေသည်။ ထိုကြောင့် လွတ်လပ်သော ဈေးကွက် ဖြစ်ထွန်းသည့် ဒီမိုကရေစီ အခြေပြု နိုင်ငံရေးစနစ်တစ်ခုအောက်တွင် ရောင်း  သူနှင့် ဝယ်သူတို့သည် တစ်ဦးနှင့်တစ်ဦး မိတ်ဖက်များအဖြစ် ဆက်ဆံကြ သည်။ ကူးသန်းရောင်းဝယ်မှုများ တိုးတက်ကောင်းမွန်ရေး အတွက် စီးပွားဖက် များသည် တစ်ဦးနှင့်တစ်ဦး အကြား ရန်သူအဖြစ် သဘောမထားပဲ မိတ်ဖက်အဖြစ် သဘောထား ဆက်ဆံရေးသည် အရေးကြီးသည် ဆိုသည့် အချက်ကို ဖော်ကျူးခြင်းဖြစ်သည်။ မိမိကဲ့သို့သော စီးပွားရေးဖက်များ၊ စီးပွားရေးနယ်ပယ် အတွင်း လုပ်ကိုင် နေသူများ၏ လုပ်ငန်းများ ပျက်စီး ပြိုလဲသွားစေရန် လုပ်ဆောင်ခြင်း မပြုရသည်မှာ စီးပွားရေး လုပ်ငန်း နယ်ပယ်အတွင်း လိုက်နာစောင့်ထိန်း အပ်သည့် ကျင့်ဝတ် တစ်ခုဖြစ်ပေသည်။ ဤသည်က ဒီမိုကရေစီ တိုးတက်ဖြစ်ထွန်းရေး အတွက် ပံ့ပိုးပေးခြင်းဖြစ်သည်။

စီးပွားရေး တိုးတက်မှုနှင့် ရင်းနှီးမြှုပ်နှံမှု

ငွေရင်းမြှုပ်နှံသူများက မှန်ကန် သော စီးပွားရေးလုပ်ငန်းဆိုင်ရာ ဆုံးဖြတ်ချက်များကို စဉ်ဆက်မပြတ် ချမှတ် လုပ်ဆောင်နိုင်သောအခါ အစိုးရ ကလည်း မလိုအပ်သော စည်းမျဉ်း စည်းကမ်း လုပ်ထုံးလုပ်နည်းများဖြင့် ကန့်သတ်ခြင်း မပြုသောအခါ အခွန်အတုတ်များကို တရားလွန် သတ်မှတ် ကောက်ခံခြင်း မပြုသောအခါ အရင်းအနှီး အခြေပြု စီးပွားရေးစနစ်သည် စီးပွားရေး တိုးတက်မှုကို ဖော်ဆောင်နိုင် ပေသည်။

မှန်ကန်သော စီးပွားရေးလုပ်ငန်း ဆိုင်ရာ ဆုံးဖြတ်ချက်များကို ချမှတ် နိုင်ရေးမှာ ရင်းနှီးမြှုပ်နှံသူများ အနေဖြင့် ပြည့်စုံ လုံလောက်သော အချိန်မီ သော ဈေးကွက်ဆိုင်ရာ သတင်း အချက်အလက်များ ရရှိရန် လိုအပ်သည်။ သို့မှသာ အဆိုပါ သတင်းအချက်အလက် များကို အသုံးပြု၍ ထုတ်လုပ်မှု ဝန်ဆောင်မှုများကို မည်မျှလုပ်ဆောင် မည်။ မည်သို့ ဖြန့်ဖြူးမည်၊ မည်သည့် အချိန်တွင် လုပ်ဆောင်မည် ဆိုသည့် ဆုံးဖြတ်ချက်များကို ရင်းနှီးမြှုပ်နှံသူများ သာမက ယင်းတို့နှင့် ဆက်နွယ် နေသော ထုတ်လုပ်သူများ ဝန်ဆောင်မှုပေးသူများ မှန်မှန်ကန်ကန် ဆုံးဖြတ် နိုင်ပေမည်။ ဆိုလိုသည်မှာ လိုအပ်ချက်များနှင့် အညီ ပြုပြင်ပြောင်းလဲလွယ်သော ဆုံးဖြတ်ချက်များကို ချ မှတ်နိုင်လိမ့်မည် ဆိုခြင်းဖြစ်သည်။

အရင်းအနှီးအခြေပြုသော လူ့အဖွဲ့အစည်း အတွင်း၌ စီးပွားရေးလုပ်ငန်း နယ်ပယ်ထဲ ရှိသူများသာ ရင်းနှီး မြှုပ်နှံမှု များကို အောင်မြင်မှု ရရန် ဆောင်ရွက်နိုင်သည်သာ ဖြစ်သည်ဟု ဆို၍ မရပေ။ လူ့အဖွဲ့အစည်း အတွင်းရှိ အခြားသော နယ်ပယ်များမှ လူများသည် ရင်းနှီးမြှုပ်နှံမှုနှင့် ပတ်သက်သော အခြေခံ စည်းမျဉ်းများကို ကောင်းစွာ နားမလည်သည့်တိုင် ထိုအခြေခံများ ကို လိုက်နာဆောင်ရွက်ရန် ကြိုးပမ်းလေ့ရှိသည် ဆိုသည့်အချက်ကို သတိမူရန် လိုအပ်ပေသည်။ ဥပမာအားဖြင့် ကျောင်းဆရာများ၊ စာရေးစာချီ များသည်လည်း ယင်းတို့ရရှိသော လစာ ဝင်ငွေများထဲမှ စုဆောင်းငွေများကို တစ်နေရာရာတွင် ရင်းနှီးမြှုပ်နှံမှုပြု ရန် သို့မဟုတ် ကိုယ်ပိုင် လုပ်ငန်းငယ်လေးများ ထူထောင်ရန် အိပ်မက်များ ရှိကြသည်။ ထိုသူများသည် မိမိတို့၏ ပိုလျှံသော ငွေများကို အိမ်၌ စုဆောင်း သိမ်းဆည်း ထားကြသည် မဟုတ် ဘဏ် များတွင် စုဆောင်းထားခြင်း သို့မဟုတ် အခြားသူများ၏ စီးပွားရေး လုပ်ငန်းများတွင် ရင်းနှီးမြှုပ်နှံမှုပြု ထားကြသည်။ ထိုသူများ၏ ရည်မှန်း ချက်မှာ ထိုလုပ်ဆောင်ချက် များမှ ဝင်ငွေ တိုးတက်လာပြီး ကိုယ်ပိုင်လုပ်ငန်း သစ်များ စတင်လုပ်ကိုင်နိုင်ရေးပင် ဖြစ်သည်။ ထိုအတော အတွင်း မှာပင် ငွေကြေးဆိုင်ရာ အဖွဲ့အစည်းများနှင့် စီးပွားရေးလုပ်ငန်း အဖွဲ့အစည်းများတွင် မြှုပ်နှံထားသော ငွေကြေးများက ထိုအဖွဲ့အစည်းများ လုပ်ငန်းတိုးချဲ့ လုပ်ကိုင်နိုင်ရေး အတွက် အထောက်အကူ ပြုရာ ရောက်ပေသည်။

ထို့ကြောင့် လွတ်လပ်သည့် ဈေးကွက် ထွန်းကားသည့် ဒီမိုကရေစီတွင် မှန်ကန်သော စီးပွားရေးဆိုင်ရာ ဆုံးဖြတ်ချက်များ ချမှတ်ကာ ရင်းနှီးမြှုပ် နှံမှုပြုနိုင်ပါက စီးပွားရေး တိုးတက်မှု များကို ဆောင်ကြဉ်းလာနိုင်ပြီး ဒီမိုကရက် လူ့အဖွဲ့အစည်း တိုးတက်ဖြစ် ထွန်းရေးကို များစွာ အထောက်အကူ ပြုပေသည်။

လွတ်လပ်စွာ ကုန်သွယ်ရေး၏ အရေးပါမှု

ငွေရင်းနှီးမြှုပ်နှံလုပ်ကိုင်သော စီးပွားရေးလုပ်ငန်းရှင်သည် ယင်းတို့ ထုတ်လုပ်သော ကုန်ပစ္စည်းများ၊ ဝန်ဆောင်မှု များအတွက် ပိုမိုကြီးမားသော ဈေးကွက်ကို ရှာကြစမြဲဖြစ်သည်။ ဆိုလိုသည်မှာ ယင်းတို့၏ ထုတ်ကုန်၊ ဝန်ဆောင်မှုများကို ယင်းတို့၏ လူမှု အသိုင်းအဝိုင်း နယ်နိမိတ်ထက် ကျော်လွန်ပြီး တင်ပို့ ရောင်းချနိုင်ရေး ကို ဆောင်ရွက် ကြခြင်းဖြစ်သည်။ထိုအခါ  ကုန်သွယ်မှု ကူးသန်းရောင်းဝယ်မှု များပြားလာသည်။ ထိုသို့ များပြားလာ သည်နှင့်အမျှ ဘဏ်လုပ်ငန်း၊ သယ်ယူ ပို့ဆောင်ရေး လုပ်ငန်း၊ သိုလှောင်ရေး လုပ်ငန်း၊ ဆက်သွယ်ရေး လုပ်ငန်းများ လည်း တိုးတက်လာရမည်မှာ အမှန်တကယ် လိုအပ်ချက်ဖြစ်သည်။ ပြည်ပ ပို့ကုန်၊ ပြည်ပမှ သွင်းကုန် လုပ်ငန်းများသည် ပြည်တွင်း စီးပွားရေး စနစ်ကို တောင့်တင်းခိုင်မာ လာစေရေးကို အထောက်အကူပြုပေသည်။

ထို့ကြောင့် စီးပွားရေးလုပ်ငန်း နယ်ပယ်တွင်းမှ လူများအနေဖြင့် လုပ် ငန်းအောင်မြင်လိုပါက ယင်းတို့လုပ် ငန်းများနှင့် သက်ဆိုင်သော ဆက် နွယ်သော သတင်းအချက်အလက် များကို ရယူနိုင်ရေးသည် မရှိမဖြစ် လိုအပ်လှသည်။ ထိုသတင်းအချက် အလက်များကို အခြေခံကာ အသေး စိတ်ပိုင်းခြားစိတ်ဖြာလေ့လာပြီး ခိုင် မာသည့် ကောက်ချက်များ ချမှတ်နိုင် ပါက အကျိုးအမြတ်ဖြစ်ထွန်းစေရန် လုပ်ဆောင်နိုင်မည်ဖြစ်သည်။

ထို့အပြင် စီးပွားရေးလုပ်ငန်း နယ်ပယ်အတွင်းမှ လူများအနေဖြင့် နိုင်ငံတွင်း၊ နိုင်ငံပြင်ပတွင် လွတ်လပ် စွာ ရောင်းဝယ်မှုများ ပြုလုပ်နိုင်စေရန် မှာလည်း အရေးကြီးသောအချက်ဖြစ် သည်။ နိုင်ငံတွင်း ကုန်သွယ်မှုများကို ကန့်သတ်ထားခြင်း၊ နိုင်ငံတွင်းစီးပွား ရေးလုပ်ငန်းရှင်များနှင့် ပြည်ပမှ စီးပွားရေး လုပ်ငန်းရှင်များ အကြား စီးပွားရေးအရ ဆက်ဆံမှုများကို ကန့်သတ် ထားခြင်း သို့မဟုတ် လွယ်ကူချောမွေ့စွာ ဆက်ဆံမှု မပြုနိုင်ခြင်းများ ရှိနေပါက နိုင်ငံအတွင်း၌ ထိရောက် ကောင်းမွန်သော စီးပွားရေးစနစ် ဆိုသည်မှာ မည်သို့မျှ အောင်မြင် တိုးတက်ဖြစ်ထွန်းမည် မဟုတ်ပေ။

နိုင်ငံတစ်နိုင်ငံ၏ စီးပွားရေးဖွံ့ဖြိုးတိုးတက်မှုအတွက် အထိရောက်ဆုံးသော အင်အားစုများမှာ လွတ်လပ်သော ဈေးကွက်နှင့် လွတ်လပ်သော စီးပွားရေး လုပ်ငန်းများဖြစ် သည်။ လွတ်လပ်သော စီးပွားရေး လုပ်ငန်းများသည် ယင်းတို့ စွမ်းဆောင်နိုင်ရည်ပေါ် မူတည်၍ လုပ်ငန်းနယ်ပယ် ချဲ့ထွင်လုပ်ဆောင်နိုင်ရေးသည် အရေးကြီးလှ သည်။ ကုန်သွယ်မှုနှင့် ကူးသန်း ရောင်းဝယ်မှု တိုးတက်လာသည်နှင့် လူ၊ ကုန်ပစ္စည်း၊ ဝန်ဆောင်မှုများ၏ ကူးသန်းသွားလာ လှုပ်ရှားမှုများပြား လွတ်လပ် လာမည်ဖြစ်ပြီး ဤသည်က စီးပွားရေး အခြေခံအဆောက်အအုံများ တိုးတက်လာရေးနှင့် ချဲ့ထွင်ရေးကို ဖြစ်ထွန်းစေသည်။

ဥပမာအားဖြင့် သယ်ယူပို့ဆောင်ရေး စနစ် တိုးတက်ဖွံ့ဖြိုးလာစေသည်။ သိုလှောင်ရေးဆိုင်ရာ အဆောက်အဦ များကို ဆောက်လုပ်လာစေသည်။ ကုန်ပစ္စည်းများကို ကြာရှည်ထိန်းသိမ်း  သိုလှောင်ရန် အအေးခန်းများ ဆောက်လုပ်ရေးနှင့် နည်းစနစ်များ တိုးတက် လာစေသည်။ စာရင်းအင်း ထိန်းသိမ်းမှုဆိုင်ရာ နည်းစနစ်နှင့် စီမံခန့်ခွဲရေးဆိုင်ရာ အရည်အသွေးများ တိုးတက်လာစေသည်။ ဘဏ်လုပ်ငန်း ဝန်ဆောင်မှုနှင့် ရင်းနှီးမြှုပ်နှံမှုများ ဆပွားတိုးလာစေသည်။ ပြောဆို သုံးစွဲသော ရေးသားသော ဘာသာစကား ပိုမို တိကျစွာ သတ်မှတ် သုံးစွဲ လာစေသလို ငွေကြေးယူနစ် တစ်ခုကိုလည်း စံထား သုံးစွဲလာစေသည်။

ယဉ်ကျေးမှုအရ ကွဲပြားခြားနား မှုများကို ပိုမိုနားလည်လာစေပြီး မတူညီမှုများ အတွက် သည်းခံ ခွင့်လွှတ်လာစေသည်။ အသုံးပစ္စည်းများ၊ ထုတ်ကုန်များကို အတိုင်းအထွာ စံသတ်မှတ်ချက် အတိုင်း ထုတ်လုပ် သုံးစွဲလာစေခြင်းကြောင့် မိမိလိုအပ် ချက်နှင့်အညီ ဝယ်ရောင်းမှုပိုမိုလွယ် ကူစွာ လုပ်နိုင်စေသည်။

ထို့အတူ အရည်အသွေးကောင်းကို ထုတ်လုပ်ရောင်းချ ဝယ်ယူသုံးစွဲလာစေသည်။ ထုတ်ကုန်များ၏ အရည်အသွေး တိုးတက် လာစေသည်။ လူတစ်ဦးချင်းစီ၏ စွမ်းဆောင်ရည်ကို အသိအမှတ်ပြု လာစေသလို ကောင်းမွန် မှန်ကန်သည့် ပြိုင်ဆိုင်မှုမျိုးကို ဖြစ်ထွန်းစေသည်။ လူ့ဘဝ တန်ဖိုးကို လေးစားလာပြီး လူသားတို့ အရည်အသွေး တိုးတက် ဖွံ့ဖြိုးစေရသည့် ရလဒ်ပေါ်ထွက်စေသည်။ စိုက်ပျိုးရေး နှင့် စက်မှုထွက်ကုန်များ တိုးတက် မြင့်မားလာစေသည်။ သုံးစွဲမှုထက် ဝင်ငွေက ပိုမိုများပြား လာစေပြီး လိုအပ်သော လုပ်ငန်းများတွင် ပြန်လည် ရင်းနှီးမြှုပ်နှံမှု များကို ပြုလုပ် လာစေသည်။ ထိုကဲ့သို့ စီးပွားရေး လုပ်ငန်း အမြတ်အစွန်းနှင့် ဝင်ငွေများက ထုတ်လုပ်မှုနှင့် ဖြန့်ဖြူးရေးစနစ်ကို ခေတ်မီ တိုးတက်လာစေသည်။

အရင်းအနှီး အခြေပြု စီးပွားရေးစနစ် ဆိုသည်မှာ နိုင်ငံတွင်းနေထိုင် ကြသည့် ပြည်သူပြည်သား များအကြား ကြွယ်ဝချမ်းသာမှု ကို ခွဲဝေသည့် နည်းလမ်းတစ်ခုဟု ဆိုလျှင် မမှားပေ။ ထိုသို့သော ခွဲဝေမှုတွင် ရင်းနှီးမြှုပ်နှံမှုနှင့် စီမံခန့်ခွဲမှု ဆိုင်ရာ ကျွမ်းကျင်မှု ပေါ်မူတည်၍ ရင်းနှီးမြှုပ်နှံသူများ ရရှိခံစားရသလို အလုပ်လုပ်ကိုင်သော အလုပ်သမားများ သည်လည်း ယင်းတို့ လုပ်အားအလိုက် ရရှိခံစားရပေသည်။ ဤနေရာတွင် စီးပွားရေး လုပ်ငန်းရှင်များက အရာခပ်သိမ်းကို လက်ဝါးကြီး အုပ်သည့် အနေအထားသို့ မရောက်ရှိစေရန် အစိုးရအနေဖြင့် ထိန်းသိမ်းရမည်ဖြစ်သလို၊ အလုပ်သမားများ၊ အလုပ်သမား သမဂ္ဂများက လုပ်ငန်းများအပေါ် ကြီးစိုးခြယ်လှယ် သည့် အနေအထားမျိုးသို့ မရောက်ရှိစေရန် လည်း ထိန်းသိမ်း ကွပ်ကဲပေး ရပေမည်။ ထို့အတူ အလုပ်သမားများ အလုပ်အာမခံချက် ရှိစေမည့် အခြေအနေမျိုး၊ ဘဝတွင် သင့်တင့်လျှောက်ပတ်စွာ နေထိုင်နိုင်မည့် အခြေအနေ မျိုးကိုလည်း ဖန်တီးပေးရမည်။ ပံ့ပိုးပေးရမည်။

ထို့ကြောင့် အစိုးရ၊ ရင်းနှီးမြှုပ် နှံသူ၊ အလုပ်သမားတို့အကြား အပြန် အလှန်မှီခိုမှုပြု၍ ကောင်းမွန်သော ဆက်ဆံရေးက လွတ်လပ်သောဈေး ကွက်စီးပွားရေးစနစ် တိုးတက်ဖွံ့ဖြိုး ရေးအတွက် အရေးပါပြီး ဒီမိုကရေစီ တိုးတက် ထွန်းကားရေး အတွက်လည်း ကြီးစွာအထောက်အကူပြုပေသည်။

Ref: How to establish a democracy or Improve the one you now have “A practical Guide for Developing Essential Government and Business Structures and Personal Systems of Values” By Walter E. Boek PhD President, College of democracy Virginia, United states of america

ကျော်ကျော်စိုး (ဂျပန်)

ဆက်စပ်သတင်းများ

ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇
ဖိုရမ်တစ်ခုပေါ်မှ ငြိမ်းချမ်းရေးအမြင်

ဖိုရမ်တစ်ခုပေါ်မှ ငြိမ်းချမ်းရေးအမြင်

ရန်ကုန်၊ ဇန်နဝါရီ ၁၅၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*