သတင်းဆောင်းပါး — မတ် ၂၈၊ ၂ဝ၁၃

ယနေ့ ကမ္ဘာ အရပ်ရပ်တွင်  အကြမ်းဖက်မှုတို့ နေရာအနှံ့ ပျံ့နှံ့ကြီးထွား လာနေကြသည်။ နိုင်ငံတကာမှ အသံလွှင့် သတင်းများ၊ အင်တာနက် စာမျက်နှာများ၊ နေ့စဉ်ထုတ် သတင်းစာများ၊ အပတ်စဉ်ထုတ် ဂျာနယ်များ။ ပြောရလျှင် နေရာ အနှံ့၊ မီဒီယာအားလုံးတို့မှာ အကြမ်းဖက်မှု သတင်းများသည် အသွင်သဏ္ဌာန်စုံ၊ ဖြစ်ရပ်မျိုးစုံ၊ အကြောင်း အရာစုံဖြင့် လွှမ်းမိုးနေ တော့သည်။ ထိုအခါ စဉ်းစားစရာတွေ ရှိလာသည်။

ဘာလဲ အကြမ်းဖက်ဝါဒ

အကြမ်းဖက် ဝါဒ (Terrorism) ကို ဖွင့်ဆိုရာတွင် နိုင်ငံတကာ နိုင်ငံရေး ပညာရှင်တို့ကြား ဝိဝါဒ ကွဲပြား လျက် ရှိကြသည်။ သို့သော် ယနေ့ ကမ္ဘာ၏ ဖြစ်ရပ်များအပေါ် အခြေပြု ဖွင့်ဆိုသော နောက်ဆုံး ဖွင့်ဆိုသည့် အဓိပ္ပာယ် မှာ ယေဘူယျ အကျဆုံးအဖြစ် လက်ခံ အတည်ပြုထားသည့် ဖွင့်ဆိုချက် တစ်ခုပေါ်ထွက်လာသည်။

(၁) စနစ်တကျ ကြိုတင်ပြင်ဆင် တွက်ချက်ပြီး အကြမ်းဖက်မှုကို အသုံးပြုခြင်း။

(၂) ထိတ်လန့်ကြောက်ရွံ့မှုအနေ အထားမျိုးရောက်ရန် အကြမ်းဖက် ခြောက်လှန့်ခြင်း ဖြစ်ပြီး ထိုမှတစ်ဆင့် မိမိ ပစ်မှတ်ထားသည့် လူတစ်ဦး သို့မဟုတ် အများစုကြီး၏ ဆုံးဖြတ်ချက်နှင့် မူဝါဒအပေါ် သြဇာလွှမ်းမိုးရန် အားထုတ် ခြင်း.. ဟူ၍ဖြစ်သည်။

အကြမ်းဖက် လုပ်ငန်းစတင်ပြီ ဆိုသည်နှင့် တစ်ပြိုင်နက် ငြိမ်းချမ်းစွာ စေ့စပ် ဆွေးနွေးခြင်းနည်းလမ်းကို စွန့်ပစ် လိုက်ပြီဟု အဓိပ္ပါယ်ရသောကြောင့် ဒီမိုကရေစီ လမ်းကြောင်းမှ သွေဖီသွားသည်မှာ ထင်ရှားနေသည်။ ဒီမိုကရေစီ နိုင်ငံ တို့တွင် အကြမ်းဖက် ဝါဒသည် ခေါင်းထောင်ထရန် အခွင့်အရေး မရှိနိုင်ပါ။ ပြည်သူတွေက စစ်စစ်မှန်မှန် ရွေးချယ်တင်မြှောက် လိုက်သော ပြည်သူ့ကိုယ်စားလှယ် အစိုးရဖြစ်လျှင် ပြည်သူတွေ၏ဆန္ဒနှင့် ဆန့်ကျင်သောလုပ်ရပ်မျိုးကို လုပ်မည် မဟုတ်ပေ။

ပြည်သူတွေကလည်း အေးအေး ချမ်းချမ်း နေလိုကြသူချည်း ဖြစ်သည်။ လုံခြုံစိတ်ချရသော ဘဝနေနည်းမျိုးဖြင့် သာ အသက်ရှင်သန်နေထိုင်ကြလို သူချည်းဖြစ်သည်။ စစ်ဘေး စစ်ဒဏ် ကြောင့်လည်းကောင်း၊ အကြမ်းဖက် ခံရသဖြင့် ဝရုန်းသုန်းကား ဖြစ်နေသော အခြေအနေမျိုးကို နှစ်သက် လိုလား ကြမည်မဟုတ်ချေ။ ထို့ကြောင့်  အကြမ်းဖက် ဝါဒ ဆိုသည်မှာ လူအများစုကြီး မကြိုက်သောလမ်းစဉ် တစ်ရပ်သာဖြစ်သည်။

ဒီမိုကရေစီ နိုင်ငံမှာ အကြမ်းဖက် ဝါဒရှိနိုင်သလား..

အကြမ်းဖက်ဝါဒ နှင့် ဖွားဖက်တော်မှာ ခြိမ်းခြောက်ခြင်း (Threat) ဖြစ်လေသည်။ ခြိမ်းခြောက်ခြင်း ဖြင့် အကြမ်းဖက် ဝါဒကို ကန့်လန့်ကာ ဖွင့်ကြစမြဲဖြစ်သည်။ ခြိမ်းခြောက်ခြင်း ၏ အနက်ကို-

မိမိတောင်းဆိုသလို လိုက်နာ ဆောင်ရွက်ခြင်းမရှိက ဘေးအန္တရာယ် ဖြစ်မည်ဟူသောဖော်ပြချက်။ ကြောက်ရွံ့စေမှုမှ တစ်ဆင့် တစ်ဦးဦး သို့မ ဟုတ် လူအများစုကြီး၏ အပြုအမူ ဆောင်ရွက်ချက်များကို ထိန်းချုပ်ရန် ရည်ရွယ်ခြင်း ဟူ၍ဖွင့်ဆိုထားသည်။

ဤအမူအရာသည် of the people, by the people, For the people ဟူသော ဒီမိုကရေစီ ကျင့်စဉ်နှင့် ဖြောင့်ဖြောင့်ကြီး ဆန့်ကျင်သည်သာဖြစ်သည်။ ထို့ကြောင့် အမေရိကန် အစိုးရက အကြမ်းဖက်ဝါဒကို သူ့ မြေပေါ်တွင် လုံးဝမရှင်သန်စေရ ဟု ၉။၁၁ ဖြစ်ပြီးစတွင် ကမ္ဘာသို့ ကြွေးကြော်ခဲ့ခြင်းဖြစ်သည်။ နိုင်ငံတော်က အကြမ်းဖက်မှုကို မည်သည့်အခါမှ မပြုလုပ်နိုင်ပါ။ သို့သော် နိုင်ငံတော် ကျောထောက်နောက် ခံပြုသော အကြမ်းဖက် နှိမ်နင်းမှုမျိုးတော့ ရှိနိုင်သည်သာဖြစ်သည်။

ဥပမာ..အိန္ဒိယနိုင်ငံတွင် မကြာသေးမီက ဆေးကျောင်းသူလေး တစ်ဦးကို အုပ်စုလိုက် အဓမ္မကျင့်ခံရမှုအပေါ် အိန္ဒိယ တစ်နိုင်ငံလုံး ကန့်ကွက် ဆန္ဒပြခဲ့ကြ သည်။ နေရာတော်တော်များများတွင် ရဲတပ်ဖွဲ့က အင်အားသုံး နှိမ်နင်းခဲ့ကြရသည်။ အချို့နေရာများတွင် အကြမ်းဖက်သည်အထိ ဖြစ် ပေါ်ခဲ့ပြီး အစိုးရတစ်ဖွဲ့လုံး လှုပ်လှုပ် ခါခါ ဖြစ်သွားခဲ့သည်။

ယခုလ ၁ ရက်တွင် အိန္ဒိယ၊ နယူးဒေလီမြို့တွင် ဒုတိယတန်း ကျောင်းသူလေးတစ်ဦး အဓမ္မပြုကျင့် ခံရပြန် သည်။ ဒေါသထွက်စိတ်ဆိုးနေ သော လူအုပ်ကြီးနှင့် ရဲများ ထိပ်တိုက် တွေ့ဆုံပြီး နံပါတ်တုတ်များနှင့် အသုံး ပြုပြီး လူစုခွဲခဲ့ရသည်။ အိန္ဒိယလို ဒီမိုကရေစီ နိုင်ငံကြီး တစ်နိုင်ငံမှာ မကြာခဏ ဆန္ဒပြမှုတွေ ဆန္ဒပြမှုကို နှိမ် နင်းသော ဖြစ်ရပ်တွေက နေ့စဉ်လိုလို ဖြစ်ပေါ်နေသော်လည်း နိုင်ငံတော် အစိုးရ ကိုယ်တိုင် ကျောထောက် နောက် ခံ ပြုသော အကြမ်းဖက်နှိမ်နင်းမှုမျိုး တော့ မဟုတ်ပေ။

အဖြေရှာတာလား။ ပြဿနာရှာ တာလား။

မြန်မာနိုင်ငံစစ်ကိုင်းတိုင်း၊ လက် ပံတောင်းဒေသတွင် ဆန္ဒပြနေသော ရဟန်းသံဃာနှင့် ကျေးရွာသားများ အပေါ် လောင်မီးဗုံးသုံး၍ အကြမ်း ဖက်နှိမ်နင်းခဲ့သည်။

အဖြူရောင်ဖော့စပါးရတ်စ်သည် မြင့်မားသော စွမ်းအင်နှင့် မီးပြင်းစွာ လောင်သော အရာဝတ္ထုဖြစ်သည်။ လေထဲတွင် ထားလျှင် ပြင်းထန် စွာ ပေါက်ကွဲပြီး အောက်ဆီဂျင်နှင့်ပေါင်း သွားသည်။

ပေါင်းစပ် ဓာတ်ပြုရာတွင် အဝါ ရောင်မီးတောက်ဖြင့် တောက်လောင် ကာပူပြင်းသော မီးခိုးမီးတောက်များ ထွက်လာသည်။ လေထဲတွင် ရေငွေ့ ပါနေလျှင် သို့မဟုတ် ကိုယ်အရေ ပြားစိုစွတ်နေလျှင် ဖော့စပါးရတ်စ်ပင် အောက်ဆိုဒ် သည် ဟိုက်ဒရိုဂျင်နှင့် ဓာတ်ပြုပြီး ၈ဝဝ ဒီဂရီ ဖာရင်ဟိုက် အထိ အပူများ ထွက်လာသည်။

ရှေ့နေများ ကွန်ရက် (မြန်မာနိုင်ငံ) နှင့် တရားဥပဒေ စိုးမိုးရေးနှင့် လူ့ အခွင့်အရေး ထွန်းကားရေး အတွက် အားပေးဆောင်ရွက် သည့် နိုင်ငံတကာ အဖွဲ့အစည်းဖြစ်သော Justice Trust ပူးပေါင်းပြုစုသော အစီရင်ခံစာ တွင် လက်ပံတောင်းတောင်တွင် အသုံးပြုသောလောင်မီးဗုံးကို လူသတ် ဓာတုလက်နက် အဖြစ် ခိုင်မာစွာဖော်ပြခဲ့သည်။ ဓာတု သရုပ်ခွဲ ကုမ္ပဏီဖြစ် သည့် ALS ဓာတ်ခွဲခန်း၏ အတည် ပြုချက်ကိုပါ ထည့်သွင်း ဖော်ပြထားသည်။

လောင်မီးဗုံး မသုံးမီ ဆန္ဒပြုသူ များကို ရေပိုက်များဖြင့် ကြိုတင်ပက်ဖျန်းခြင်းသည်ပင် မီးလောင်စေတတ် သော မီးစုန်းဖြူလက်ပစ်ဗုံးများ၏ ဓာတုအဖျက်စွမ်းအားကို ကြိုတင် သိ နှင့်ပြီးဖြစ်ကြောင်း ထင်ရှားနေသည်။

လွန်ခဲ့သော ဖေဖော်ဝါရီ ၂၆ ရက် ညတွင် မအူပင်မြို့နယ်၊ မလက် တိုကျေးရွာအုပ်စု၊ ပလောင်ကျေးရွာ၊ ကွင်း အမှတ် ၉၆၉ မြေကွက်ပိုင်ရှင် ဟုဆိုသော Orchard ကုမ္ပဏီနှင့် ဒေသခံ လယ်သမားတို့ ပဋိပက္ခ ဖြစ်ပွားရာ ရဲတပ်ဖွဲ့ဝင် တစ်ဦးသေဆုံးပြီး ၂၇ ဦး ဒဏ်ရာရရှိခဲ့သည်။ လယ်သမား ၇ ဦးဒဏ်ရာရရှိပြီး တစ်ဦးမှာ အတွင်း လူနာ အဖြစ် ရန်ကုန်ပြည်သူ့ ဆေးရုံးကြီးတွင် တက်ရောက်ကုသ ခံနေရသည်။

ရဲတပ်ဖွဲ့မှ စတင် ပစ်ခတ်ရိုက်နှက်သည်ဟု ဒေသခံတို့ ပြောကြား ပြီး ရဲတပ်ဖွဲ့ဘက်ကလည်း စိတ်မထိန်း နိုင်သော လယ်သမား ခေါင်းဆောင်တစ်ဦးက ရဲတပ်ဖွဲ့ဝင်တို့ကို စတင်ဝင်ရောက်ရိုက်နှက်ကြောင်း ပြောကြား ခဲ့သည်။

ဆန္ဒ ဖော်ထုတ်မှု မျိုးသည် ဒီမိုကရေစီနိုင်ငံတို့တွင် မဆန်းလှပါ။ ဒီမိုကရေစီအလေ့အထ ရင့်ကျက်နိုင်ပြီး နိုင်ငံတို့ အနေဖြင့် ဆန္ဒပြခြင်း၏ မူလဇစ်မြစ်တို့ ရှာဖွေဖော်ထုတ် ကာ ငြိမ်းချမ်းမျှတသော နည်းလမ်းဖြင့် ပြဿနာကို အဖြေရှာခြင်း နည်းသုံးကာ အားလုံး ကျေနပ်နှစ်သက်သော နည်းလမ်းကို ရွေးချယ်ကြသည်။

ဆန္ဒပြခြင်းသည် ပြည်သူလူထုက လူ့အခွင့်အရေး ချိုးဖောက်ခံနေရမှု တို့ကို ဖော်ထုတ်ခြင်းသာဖြစ်သဖြင့် တရားမျှတ မှန်ကန်သည်ဟု ယတိပြတ် ပြောရမည် သာဖြစ်သည်။

ဆန္ဒပြခြင်းသည် ခြိမ်းခြောက်ခြင်း မဟုတ်ကြောင်း ယုံယုံရဲရဲ ရှိကြဖို့ လိုပေသည်။

မောင်ခိုင်လတ်

ဆက်စပ်သတင်းများ

ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇
ဖိုရမ်တစ်ခုပေါ်မှ ငြိမ်းချမ်းရေးအမြင်

ဖိုရမ်တစ်ခုပေါ်မှ ငြိမ်းချမ်းရေးအမြင်

ရန်ကုန်၊ ဇန်နဝါရီ ၁၅၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*