ပြည်တွင်းသတင်း — ရန်ကုန်၊ အောက်တိုဘာ ၂ဝ၊ ၂ဝ၁၂

မြန်မာနိုင်ငံ  ပညာရေးသည် နာတာရှည်ရောဂါ ပမာဖြစ်နေသော်လည်း လက်လွှတ်လိုက်၍ မရဘဲ ဝိုင်းဝန်း ကုစားကြရ မည်ဖြစ်ကြောင်း နှင့် ထိုကဲ့သို့ ကုစားနိုင်သည့်အင်အား စုများလည်း မိမိတို့တွင်ရှိကြောင်း၊ သို့သော် လက်တွေ့ အကောင် အထည် ဖော်ရာ တွင်မူအခက်အခဲရှိနေကြောင်း၊  အန်အယ်လ်ဒီ ပညာရေးကွန်ရက်မှ ဒေါက်တာ သိန်းလွင် က အောက်တိုဘာ ၂ဝ ရက်တွင် ပြောကြားခဲ့သည်။

“နာတာရှည်ဖြစ်နေပေမယ့် လည်း ကုစားရမှာပဲ။ ကျွန်တော်တို့ လက်လွှတ်လိုက်လို့မရဘူး။ ကျွန်တော်တို့မှာ လုပ်နိုင်တဲ့ သူတွေ ရှိတယ်။ အတွေ့အကြုံရှိတဲ့သူတွေ များတယ်။ လုပ်ချင်တဲ့ဆန္ဒ ရှိတဲ့သူတွေ ပညာရှင် တွေလည်း ရှိတယ်။ ဒီအားနဲ့ လုပ်ရမှာပါ။ အခုဖြစ်နေတာ အစိုးရ ပေါ်လစီက လုပ်နိုင်တဲ့သူမှာ လုပ်ခွင့်မရှိဘူး။ သူတို့လက်ထဲမှာပဲ ချုပ်ထားတယ်။ သူတို့လည်း ဖြစ်မြောက်အောင် မလုပ်ဘူး။ သူများလည်း လုပ်ခွင့်မပေးဘူး။ အဲဒီဥပဒေကို ပြင်လိုက်ရင်၊ ချုပ်ကိုင်ထားမှုကို လျှော့လိုက်ရင်၊ လုပ်နိုင်တဲ့ သူတွေက လုပ်သွားမှာ။ အဲဒါဆို ကျွန်တော်တို့ ပညာရေး တိုးတက်လာမှာပါ။ အဲဒါကြောင့် လုပ်နိုင်ခွင့် ရှိဖို့လိုတယ်” ဟု သူကပြောပါသည်။

ထို့ပြင်အရွယ်မရောက်မီ ကျောင်းထွက် သွားကြရသည့် ကလေးများနှင့် ပတ်သက်လာလျှင်လည်း မသင်မနေရ ဥပဒေပြဋ္ဌာန်း၍ ကလေး၏ ပညာရေးအတွက် လုပ်ဆောင်သင့် သကဲ့သို့ မိဘများကိုလည်း အလုပ်အကိုင်များ ဖန်တီးပေး၍ မိမိကလေးကို ကျောင်းထားနိုင်သည့် စီးပွားရေး အခြေအနေ ဖြစ်လာစေရေးသည် အစိုးရ၏ တာဝန်ဖြစ်ကြောင်း ဒေါက်တာသိန်းလွင်က ပြောပါသည်။

“အဲဒီကလေးတွေက တစ်ဖက်ကလည်း မိဘတွေက ဝင်ငွေနည်းတဲ့အခါ ကလေးကို ခိုင်းရတယ်။ ဒါလည်း နားလည်ပါတယ်။ တစ်ဖက်မှာ ကလေးတွေကို ပညာပေးနိုင်ဖို့ ဆိုတာ မိဘတွေရဲ့ အလုပ်အကိုင် အခွင့်အလမ်း ပေါ်လည်း မူတည်သေးတယ်။ သူတို့ကိုယ်တိုင် ဒီမိသားတစ်စုကို ထောက်ပံ့နိုင်တဲ့ ဝင်ငွေရအောင် တာဝန်ရှိ တဲ့သူ၊ အုပ်ချုပ်တဲ့သူက အလုပ်အကိုင် ရအောင် စီမံခန့် ခွဲပေးဖို့ လိုပါတယ်။ အဲဒါဆိုရင် ဒီကလေးတွေကို ကျောင်းပို့နိုင်မှာပါ။ ကျောင်းပို့နိုင်ရင် ဒီကလေးတွေ ပညာရလာမှာပါ ။ ကျောင်းကအခမဲ့ ဆိုပေမယ့် တခြားစရိတ် တွေ ပေးနေရသေးတယ်။ ကျောင်းက ကောက်တာနဲ့ ကျူရှင်ခနဲ့ဆိုတော့ မတတ်နိုင်တော့ လွယ်လွယ်ပဲ ကျောင်းထုတ် လိုက်ပြီး အပြင်မှာပဲ ခိုင်းကြတယ်။ အပြင်မှာခိုင်းတော့ သူတို့အတွက် ဝင်ငွေရတယ်။ အပြင်မှာ မခိုင်းတောင် အိမ်မှာပဲ ကလေးထိန်း၊ နွားစာကျွေးခိုင်းလို့ ရတယ်။ အဲဒီအတွက် ကလေးတွေရဲ့ ပညာ သင်ယူခွင့်က ဆုံးရှုံးနေတယ်”ဟု ယင်းက ဆက်လက် ပြောကြားသည်။

ထို့ပြင် နိုင်ငံ၏ ပညာရေး အသုံးစရိတ်ကို ယခုထက် ပိုမိုသုံးစွဲသင့်ကြောင်းနှင့် လက်ရှိကျောင်းသား ဦးရေ၊ ဆရာဦးရေကို အချိုးချကြည့် ပါက အစိုးရမှ သုံးစွဲထားသောငွေ သည် မဖြစ်စလောက်သာဖြစ်ကြောင်း၊ ၂ဝ၁၂-၂ဝ၁၃ ခုနှစ်အတွက် အစိုးရ၏ ဘတ်ဂျက်သည် ပညာရေးအတွက် အသုံးစရိတ်အဖြစ် ကျပ်သန်းပေါင်း ၇ သိန်းနှင့် ကျန်းမာရေးအတွက် ကျပ်သန်းပေါင်း ၄ သိန်း သုံးစွဲ ထားပြီး စစ်ရေး အသုံးစရိတ်အတွက် ကျပ်သန်း ပေါင်း ၂ သန်း သုံးစွဲထားသည်ကို ကြည့်လျှင် သိသာ ထင်ရှားကြောင်း ဒေါက်တာသိန်းလွင်က ပြောပါသည်။

“ဘတ်ဂျက်မှာ လုံလောက်တဲ့ ငွေဆိုတာ ကျွန်တော်တို့ဆရာတွေ ကို လုံလောက်တဲ့လစာ ပေးနိုင်တဲ့ငွေ ဖြစ်ရ မယ်။ အခြားနိုင်ငံတွေမှာ ကြည့်ရင် ပညာရေး အသုံးစရိတ်ရဲ့ သုံးပုံနှစ်ပုံဟာ ဆရာတွေကို လစာ ပေးတာပဲ။ ကျန်တဲ့ သုံးပုံတစ်ပုံက ကျောင်းသားတွေရဲ့ စာအုပ်ဖိုး၊ ကျောင်းအဆောက်အအုံ ဆောက်တာမျိုးပါ။ အဲဒီတော့ ပညာရေးဘတ်ဂျက် ဘယ်လောက်လိုလဲလို့ တွက်ရင် ကျွန်တော်တို့နိုင်ငံမှာ ဆရာတွေ ဘယ်လောက်ရှိလဲ၊ နောက်ထပ်ဆရာ  ဘယ်လောက်လိုလဲ၊ အဲဒီဆရာတွေကို လစာပေးဖို့ငွေ ဘယ်လောက်လိုလဲ။ နောက်တစ်ခါ အခမဲ့ ပညာရေးဖြစ်ဖို့ပါ။ လုံလောက်တဲ့ ကျောင်းအဆောက်အအုံနဲ့ ကျောင်းသားတွေ အတွက် အထောက်အပံ့ ပေးမှုတွေပါ။ အဲဒါတွေနဲ့ တွက်ချက်လို့ ရပါတယ်။ နည်းလမ်းက ဆရာဦးရေ၊ ကျောင်းသားဦးရေနဲ့ လုပ်ရမယ့် အသုံးစရိတ်၊ ဆရာတွေ ပေးရမယ့် လုံလောက်တဲ့ လစာ၊ ကျောင်းသားတွေ အတွက် ကုန်ကျမယ့်စရိတ်၊ ကျောင်းသား တစ်ယောက်ကို ဘယ်လောက် ကုန်ကျမလဲဆိုတာရယ် နောက် အဆောက်အအုံနဲ့ပတ်သက်လို့ တိုးချဲ့မှုတွေပါ။ အဲဒီအပေါ်မှာတွက်ရင် ပညာရေးဘတ်ဂျက် တစ်နှစ်ကို ဘယ်လောက်လိုမယ် ဆိုတာတွက်လို့ ရပါတယ်”ဟု ယင်းက ပြောပါသည်။

ဒေါက်တာသိန်းလွင်သည် နိုဘယ်ဆုရှင် ဒေါ်အောင်ဆန်းစုကြည် မှ ယင်း၏ နိုဘယ်ဆုဖြင့် ကျောင်းသားများ အား စကောလားရှစ်ပေးခဲ့ သော (Process Burma)ကို ရရှိခဲ့ပြီး ၁၉၉၆တွင် အင်္ဂလန်နိုင်ငံ၊ နယူးကက်စတယ် တက္ကသိုလ်မှ မဟာပညာရေးဘွဲ့နှင့် ယင်းတက္ကသိုလ်မှ ၂ဝဝ၁ခုနှစ်တွင် ပညာရေးဒေါက်တာဘွဲ့ကို ရရှိခဲ့သည်။ သူသည် ၂ဝဝ၁ ခုနှစ်မှ ၂ဝ၁၂ ဧပြီအထိ ထိုင်း-မြန်မာနယ်စပ် ဒုက္ခသည်စခန်းများရှိ ဒုက္ခသည်များနှင့် ရွှေ့ပြောင်း လုပ်သားများ၏ ကလေးငယ်များ ပညာရေးတွင် ပါဝင်ဆောင်ရွက်ခဲ့ပြီး ၂ဝ၁၂ ဇူလိုင်မှစတင်ကာ  ယနေ့ထိ အန်အယ်လ်ဒီ ပညာရေး ကွန်ရက်တွင် တာဝန်ယူ ဆောင်ရွက်နေကြောင်း သိရှိရသည်။

ဝ၆ဝ

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*