စီးပွားရေးသတင်း — ဘန်ကောက်၊ ဖေဖော်ဝါရီ ၂၅၊ ၂ဝ၁၃

အိန္ဒိယ သမုဒ္ဒရာ ကမ်းခြေတွင် ပင်လယ်ရေနက်ဆိပ်ကမ်း တစ်ခုရှိပါက အိန္ဒိယ၊ ဥရောပနှင့် အရှေ့အလယ်ပိုင်းတို့သို့ သွားရမည့် ခရီး အတွက် အချိန်ကို သိသိသာသာ တိုစေလိမ့်မည် ဟူသော ထိုင်းနိုင်ငံ၏ အိပ်မက်မှာ မှုန်ဝါးနေပြီ ဖြစ်ကာ ပျက်ပြယ်ကောင်းလည်း ပျက်ပြယ်သွားနိုင်ပေသည်။

ဒေါ်လာ ၁၁ ဘီလျံတန် ထားဝယ်ရေနက်ဆိပ်ကမ်းနှင့် စက်မှုဇုန် စီမံကိန်းကို ဆိုင်းငံ့ထားရကြောင်း ထိုင်းလမ်းပန်း ဆက်သွယ်ရေး ဝန်ကြီး ချတ်ချက် ဆစ်တီပွတ်က ပြောသည်။ ၂ဝ၂ဝ ခုနှစ်တွင် အပြီးသတ်ရန် စီစဉ် ထားသော စီမံကိန်း ကြီးမှာ စီမံကိန်း ဖြစ်နိုင်ခြေနှင့်ပတ်သက်၍ ဂျပန်ရင်းနှီး မြှုပ်နှံသူများနှင့် ထိုင်းအစိုးရကြား သဘောမတူညီမှုကြောင့် ရပ်ဆိုင်းထား ရသည်ဟု သူက ဆိုပါသည်။

ထို့ပြင် မြန်မာအစိုးရသစ်ကလည်း ထားဝယ်စီမံကိန်းထက် ကျောက်ဖြူ ရေနက်ဆိပ်ကမ်းနှင့်အတူ စီးပွားရေးဇုန် စီမံကိန်းကို ပိုစိတ်ဝင်စားကြောင်း ပြသနေသည်။ ထိုနေရာမှ မြန်မာနိုင်ငံကို ဖြတ်၍ တရုတ်နိုင်ငံ ယူနန်ပြည် နယ်သို့ သွယ်တန်းသော ရေနံနှင့် ဓာတ်ငွ့ပိုက်လိုင်းမှာ ပြီးသလောက် ဖြစ်နေပေပြီ။ ကျောက်ဖြူတွင် ရေနံ လွှဲပြောင်း တင်ပို့မည့် ဆိပ်ကမ်းတစ်ခုကို လည်း ဆောက်လုပ်လျက်ရှိကာ ကီလို မီတာ ၁၂ဝဝ အရှည် ကျောက်ဖြူ-ကူမင်း ရထားလမ်း စီမံကိန်းလည်း ရှိသေးသည်။

ထိုင်း၏ စီမံကိန်းမှာ ထားဝယ် ရေနက်ဆိပ်ကမ်းနှင့် စက်မှုဇုန်တည် ဆောက်ရေးဖြစ်ပြီး ရေနံချက်စက်ရုံ၊ ရေနံ ဓာတုနှင့် သံမဏိစက်ရုံများ ပါဝင်သည်။ ထို့ပြင်ထားဝယ်-ဘန်ကောက် အမြန် ရထားလမ်း ဖောက်လုပ်ရေး လည်း စီစဉ်ထားရာ စီမံကိန်း ပထမအဆင့် (လုပ်ငန်းတစ်ဝက်ခန့်)ကို ၂ဝ၁၅ ခုနှစ် တွင် ဒုတိယဆင့်ကို ၂ဝ၂ဝ ခုနှစ်တွင် အပြီးသတ်ရန် မျှော်မှန်း ထားသည်။

သို့တစေ မနှစ်က ဇန်နဝါရီလတွင် ထားဝယ်စီမံကိန်းရှိ ၄ဝဝဝ မဂ္ဂါဝပ် ကျောက်မီးသွေးသုံး လျှပ်စစ် ဓာတ်အားပေး စက်ရုံ တည်ဆောက်ရေး ကို ဒေသခံများ၏ သဘာဝပတ်ဝန်း ကျင်ရေးရာ စိုးရိမ်မှုများကြောင့် ရပ်  ဆိုင်းလိုက်ကြောင်း ဦးသိန်းစိန် အစိုးရက ကြေညာခဲ့သည်။ လျှပ်စစ် ဓာတ်အားပေး စက်ရုံ မရှိလျှင် ထားဝယ် စီမံကိန်းမှာ ရှင်သန်ဖွယ်ရာ မရှိချေ။ ထို့ပြင် စီမံကိန်းကြောင့် ဒေသခံ ကျေး ရွာသူကျေးရွာသား ၃ဝ,ဝဝဝ ဖယ်ရှားပေးရမည့် လူမှုရေး ဆိုးကျိုးကလည်း ရှိသေးသည်။

ထို့ပြင် ဇွန်လ အတွင်းကလည်း မက်(စ)မြန်မာအုပ်စုက ထားဝယ် ဖွံ့ဖြိုးရေးကုမ္ပဏီတွင် ထည့်ဝင်ထားသော သူ၏ ရင်းနှီးမြှုပ်နှံမှု ၂၅ ရာခိုင် နှုန်းကို ပြန်ထုတ်သွားခဲ့ရာ အီတာလျံ-ထိုင်း ကုမ္ပဏီတစ်ခုသာ ကျန်ခဲ့သည်။ တစ်ဖန် ဒီဇင်ဘာလတွင် မြန်မာအစိုးရ ကလည်း စက်မှုဇုန်ဧရိယာကို စတုရန်းကီလိုမီတာ ၂၄ဝ မှ ၁၅ဝ သို့ လျှော့ချ ခဲ့ပြန်သည်။

ထိုင်းဝန်ကြီးချုပ် ရင်လပ်၏ ဇန်နဝါရီလ ဂျပန်ခရီးမှာလည်း မြင် သာထင်သာအောင်မြင်မှုမရခဲ့ဘဲ ဂျပန်၏ စိတ်ဝင်စားမှုမှာ ထားဝယ်ထက် သီလဝါ ဘက်သို့ ပြောင်းလဲသွားခဲ့ပြန် သည်။ ထားဝယ်စီမံကိန်းတွင် ရင်းနှီး မြှုပ်နှံမှု မပြုမီ စီမံကိန်းတစ်ခုလုံးနှင့် ပတ်သက်၍ ဖြစ်နိုင်ချေကို စေ့စေ့စပ်စပ် လေ့လာဦးမည်ဟု ဂျပန်က ပြော ကြောင်း ချတ်ချက်က ဆိုပါသည်။

ဤသို့ဖြင့် ထားဝယ်စီမံကိန်းကြီးမှာ ဆိပ်ကမ်းသေးသေးနှင့် စက်မှုဇုန် ငယ်ငယ်သာ ဖြစ်နိုင်ဖွယ်ရာ ရှိပြီး ကံမကောင်း အကြောင်း မလှပါက လုံးဝပင် ရပ်ဆိုင်းသွားနိုင်ပေသည်။

Ref: mnnttorpe@vancouverscum.com

TS and Yinluck 2012 dec_2

ဝ၄ဝ

ဆက်စပ်သတင်းများ

အခွန်အကောက် ဥပဒေကြမ်း တင်သွင်း

အခွန်အကောက် ဥပဒေကြမ်း တင်သွင်း

နေပြည်တော်၊ ဖေဖော်ဝါရီ ၁၃၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*