တိုင်းရင်းသားသတင်း — တောင်ကြီး၊ သြဂုတ် ၂၆၊ ၂ဝ၁၂

မြန်မာနိုင်ငံ ပြည်ထောင်စု အဆင့် ငြိမ်းချမ်းရေး ဖော်ဆောင်ရေး ကော်မတီ အဖွဲ့ဝင်များနှင့် ပအို့ဝ် အမျိုးသား လွတ်မြောက်ရေး အဖွဲ့ PLNO, PLNA အဖွဲ့တို့ သြဂုတ် ၂၅ ရက်တွင် တောင်ကြီးမြို့၊ တောင်ကြီးဟိုတယ် ခန်းမ၌ နံနက် ၁ဝ နာရီ အချိန်တွင်  တွေ့ဆုံညှိနှိုင်း ဆွေးနွေးခဲ့ပြီး ပြည်နယ်အဆင့် ငြိမ်းချမ်းရေး သဘောတူညီ ချက်များ လက်မှတ် ရေးထိုးခဲ့ကြောင်း သိရှိရပါသည်။

အဆိုပါ သဘောတူညီချက် လက်မှတ်ရေးထိုးပွဲတွင် ပြည်ထောင်စုအဆင့် ငြိမ်းချမ်းရေး ဖော်ဆောင်ရေး ကော်မတီ ဒုတိယဥက္ကဋ္ဌ ဝန်ကြီး ဦးအောင်မင်း၊ အဖွဲ့ဝင် ဦးခင်မောင်စိုး၊ ရှမ်းပြည်နယ် ဝန်ကြီးချုပ် ဦးစဝ်အောင် မြတ်၊ ပြည်နယ်အစိုးရ တာဝန်ရှိသူများ၊ အရှေ့ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ်စိုးထွဋ်နှင့် လွှတ်တော် ကိုယ်စားလှယ်များ တက်ရောက်ခဲ့ ကြပြီး ပအို့ဝ်အမျိုးသား လွတ်မြောက်ရေးအဖွဲ့မှ ဦးခွန်မြင့်ထွန်း၊ ဗိုလ်မှူးကြီး ခွန်သူရိန်၊ ဗိုလ်မှူး ခွန်ဇွဲထို၊ ဗိုလ်မှူး ခွန်ကျော်ထင်တို့ တက်ရောက်ခဲ့ကြောင်း သိရှိရပါသည်။

ဆွေးနွေးပွဲတွင် ပြည်ထောင်စု ဝန်ကြီး ဦးအောင်မင်းက “PLNO အဖွဲ့နှင့် ငြိမ်းချမ်းရေး ဆွေးနွေးပွဲကို အခုမှ လုပ်နိုင်တာကို တောင်းပန်ပါတယ်။ စောစောစီးစီး လုပ်ခဲ့သင့်ပါတယ်။ ဘာပဲဖြစ်ဖြစ် ကောင်းတဲ့ အစဉ်အလာ ဖြစ်ပါတယ်။ အားလုံးဟာ ညီအစ်ကိုတွေပဲ ဖြစ်ပါတယ်။ ခေတ်တွေလည်း ပြောင်းပြီ။ စနစ်တွေလည်း ပြောင်းပြီ။ နောက်ဆုံးတော့ နိုင်ငံရေး လမ်းကြောင်း ပေါ်ပဲ တက်ရမှာ ဖြစ်တယ်”ဟု နှုတ်ခွန်းဆက် စကား ပြောကြားရာမှာ ထည့်သွင်း ပြောကြားသွားပါသည်။

PLNO, PLNA မှ ဦးခွန်မြင့်ထွန်းက နှုတ်ခွန်းဆက် စကား ပြန်လည် ပြောကြားရာမှာ “ကျွန်တော်တို့ရဲ့ ပြည်ထောင်စုကို ချစ်တဲ့စိတ်၊ တိုင်းရင်းသား စည်းလုံး ညီညွတ်မှု မပြိုကွဲအောင်၊ ညီညွတ်အောင် ထူထောင်ချင်တဲ့ စိတ်တွေဟာ တစ်ထပ်တည်းပဲ ဖြစ်ပါတယ်။ သို့သော်လည်းပဲ အယူအဆတွေ မတူညီကြတဲ့ အပေါ်မှာ ကျွန်တော်တို့ရဲ့ တိုင်းပြည်မှာ စစ်ကာလ ရှည်ကြာခဲ့ရပါတယ်။ နောက်တစ်ခုက ဖြေရှင်း ဆောင်ရွက်မှု နည်းလမ်းတွေ အားနည်းခဲ့လို့ ဒီလိုတွေ ဖြစ်ရတာပါ”ဟု ဆိုပါသည်။

ဆွေးနွေးပွဲမှ သဘောတူညီချက် ၆ ချက်ကို လက်မှတ်ရေးထိုးခဲ့ကြောင်း သိရှိရပါသည်။ အဆိုပါ သဘော တူညီချက်များမှာ သြဂုတ် ၂၅ ရက်မှစ၍ နှစ်ဦးနှစ်ဖက် ပစ်ခတ်မှု ရပ်ဆိုင်းရန်၊ နှစ်ဖက် သဘောတူညီ ညှိနှိုင်း ရရှိထားသည့် သတ်မှတ်နေရာများတွင် နေထိုင်ရန်၊ သတ်မှတ်နေရာ မှအပ အခြားဒေသသို့ လက်နက်ဖြင့် သွားရောက်ခြင်း မပြုရန်၊ ဆက်ဆံရေး ရုံးခန်းများကို နှစ်ဖက်သဘော တူညီသည့် တောင်ကြီး၊ ဆီဆိုင်၊ မောက် မယ်မြို့များ၌ လက်နက် မပါထားရှိရန်၊ ပြည်ထောင်စုအဆင့် ငြိမ်းချမ်းရေး ဆွေးနွေးရန်အတွက် ကိုယ်စားလှယ် အဖွဲ့ တရားဝင် ဖွဲ့စည်းပေးရန် နှင့် ၂ဝ၁၂ ခုနှစ်၊ သြဂုတ် ၂၅ ရက် မှစ၍ ၃ လထက် မကျော်သော ကာလတွင် ပြည်ထောင်စုအဆင့် ဆွေးနွေးပွဲ စတင်ရန် ဟူသည့်အချက်များကို နှစ်ဖက်သဘော တူညီခဲ့ကြသည်။ ဆက်လက်ပြီး ပြည်ထောင်စု အဆင့် ပဏာမဆွေးနွေးပွဲကို  ဆက်လက်ကျင်းပရာ ပြည်ထောင်စု အဆင့် သဘောတူညီချက် ၈ ချက် ဖြစ်သည့် ပစ်ခတ်တိုက်ခိုက်မှု ရပ်စဲရေး ကိစ္စကို ခိုင်မာသည်ထက် ခိုင်မာအောင် ဆွေးနွေးရန်၊ code of conduct များ သတ်မှတ်နိုင်ရေး ညှိနှိုင်းဆောင်ရွက်ရန်၊ ဆက်ဆံရေး ရုံးများ လုပ်ငန်းလည်ပတ်နိုင်ရန် အတွက် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီမှ ကူညီရန်၊ PLNO, PLNA တပ်ဖွဲ့ဝင် များ၏ တပ်တည်နေရာများကို ဆက် လက်ညှိနှိုင်းရန်၊ မူးယစ်ဆေးဝါးတိုက် ဖျက်ရေး ပူးပေါင်းဆောင်ရွက်ရန်ကိစ္စ ညှိနှိုင်းရန်၊ သတင်းမီဒီယာ ကိစ္စရပ်များ ညှိနှိုင်းဆောင်ရွက်ရန်၊ တပ်ဖွဲ့ဝင်များ၏ စားဝတ်နေရေး ကိစ္စရပ်များကို ဆွေးနွေးညှိနှိုင်းရန်၊ ပြည်သူလူထု လုံခြုံရေးနှင့် အခြေခံ စိုက်ပျိုးရေး ကိစ္စ ဆွေးနွေး ညှိနှိုင်းရန် စသည့်အချက်များကို သဘောတူညီကြပြီး ပြည်ထောင်စု အဆင့် ငြိမ်းချမ်းရေး ဖော်ဆောင် ရေး ကော်မတီမှ ပြည်ထောင်စု ဝန်ကြီး ဦးအောင်မင်းနှင့် PLNO, PLNA မှ ဦးခွန်မြင့်ထွန်းတို့ လက်မှတ် ရေးထိုးခဲ့ကြောင်း သိရှိရသည်။

အဆိုပါ ဆွေးနွေးပွဲသို့ PLNO, PLNA ဥက္ကဋ္ဌ ဦးခွန်ဥက္ကာမှာ နိုင်ငံရပ်ခြား ခရီးစဉ်နှင့် တိုက်ဆိုင်နေသောကြောင့် တက်ရောက်နိုင်ခြင်း မရှိကြောင်း သိရှိရပါသည်။

ဝဝ၂၊ ဝ၆၅

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*