ပုလင်းထဲက ယင်ကောင်များ၊ သန်းစိုးနိုင်၊ ရိုးမရိပ်စာပေ

၂ဝ၁၃၊ မတ်လ၊ စာမျက်နှာ-၂၇၉၊ တန်ဖိုး ၃ဝဝဝ ကျပ်

သန်းစိုးနိုင်၏ ပုလင်းထဲက ယင်ကောင်များကို ရိုးမရိပ်စာပေမှ ပထမ အကြိမ် ထုတ်ဝေလိုက်သည်။ အိန္ဒိယ စာရေးဆရာ Ved Mehta ၏ Fly and Fly Bottle စာအုပ်ကို ဘာသာ ပြန်ဆိုထားခြင်း လည်းဖြစ်သည်။

Ved Mehta နှင့် ကမ္ဘာ့ဒဿန ပညာရှင်၊ သမိုင်းပညာရှင် အကျော် အမော်များနှင့် တွေ့ဆုံမေးမြန်းချက် များကို စုစည်းထားခြင်းဖြစ်သည်။ စာအုပ်တွင် ဒဿန ပညာနှင့်ငြင်းခုံခြင်း နှင့် သမိုင်းနှင့်ငြင်းခုံခြင်းဟူ၍ အပိုင်း နှစ်ပိုင်း ခွဲခြား တင်ပြထားပြီး ဆိုင်ရာ အပိုင်းအလိုက်၊ ဆိုင်ရာ ပညာရှင်များ နှင့် တွေ့ဆုံမေးမြန်းချက်များကို လွတ်လပ် ပေါ့ပါးစွာ တင်ဆက်ထားခြင်းလည်း ဖြစ်သည်။

ခေတ်သစ် ဒဿနပညာရှင်များ ဖြစ်ကြသော  Emest Gellner, Bertrand Russell, R.M.Hare, G.E.Moore စသူတို့နှင့် ခေတ်သစ် သမိုင်းလေ့လာသူ ပညာရှင်များဖြစ်ကြ သော E.H.Carr, H.R.Trevar Roper, A.J.P. Taylor, Arnold J.Toybee, Pieter Geyl စသူတို့၏ ဒဿနနှင့်သမိုင်းပညာရပ်အပေါ် ဝေ ဖန်သုံးသပ်မှုများ၊ အယူအဆရေးရာ စစ်ထိုးပွဲများ၊ ရေးသားဖန်တီးခဲ့သော စာအုပ်စာတမ်းများစသည့်အကြောင်း အရာများကို တွေ့ဆုံမေးမြန်း၍ ပညာ ရှင်တစ်ဦး အဖြစ် ပြန်လည်ဆွေးနွေး ထားသော အက်ဆေး၊ ဆောင်းပါး များဖြစ်သည်။ ဝေဖန်ရေးကို ငြင်းပယ် ခြင်း၏ ဒဿနလေပြင်းများ၊ ဆေးတံ တစ်လက်၊ ဝိုင်နီတစ်ခွက်နှင့် ဒဿန အမြည်းများ၊ ဘာသာဗေဒဒဿနကို ဦးစွာလမ်းပြခဲ့သူ၊ သမိုင်းနှင့်ငြင်းခုံ ခြင်း၊ ရုပ်သံလိုင်းပေါ်မှ ငြင်းခုံပွဲ၊ အဆုံးမရှိငြင်းခုံသူ၊ အမှောင်ထဲက လေချွန်သံများ စသည့် စိတ်ဝင်စား ဖွယ်ခေါင်းစဉ်များဖြင့် ဆောင်းပါး ပေါင်း ၂၄ ပုဒ်ပါဝင်သည်။

ယခင် အတွေးအမြင် မဂ္ဂဇင်းတွင် ဖော်ပြခဲ့စဉ်ကတည်းက စောင့်ဖတ်ခဲ့ရသည့် ဆောင်းပါးများဖြစ်ပြီး ယခု စုပေါင်း ထွက်ရှိလာခြင်းဖြစ်သည်။ ၁၉၆ဝ ခုနှစ်များဆီက ကမ္ဘာ့ဒဿန နယ်ပယ်တွင် အပြင်းအထန် ဦးနှောက် မုန်တိုင်းဆင် ကာလ တစ်လျှောက် ပညာရှင်တို့၏ အမြင်များနှင့်စပ်လျဉ်း ၍ အနီးကပ်ထပ်မံလေ့လာထားခြင်း ဟုလည်း ဆိုနိုင်သည်။ သမိုင်းနှင့် ဒဿနိက ပါရဂူကျောင်းသား တစ်ဦး၏ မိမိ ဘာသာရပ် အပေါ် ကြေညက်စေရန် လေ့လာ အားထုတ်မှု တစ်ခုလည်းဖြစ်ခဲ့ သည်။ ကျောင်းပရိဝုဏ် အတွင်းမှ ကျော်လွန်၍ နိုင်ငံတကာ မီဒီယာများဆီထိ ထိုးဖောက်ခဲ့သော အယူအဆ၊ သုံးသပ်ချက်၊ ဝေဖန်ချက် များနှင့်စပ်လျဉ်း၍ သက်ဆိုင်ရာ ပညာ ရှင်များထံမှ ထပ်မံချေပချက်များကို စုစည်းနိုင်ခဲ့သည့်ဆောင်းပါးများ ဖြစ် သည်။

ဘာသာစကားနှင့် စကားလုံးများ အပေါ် အခြေတည်စဉ်းစားခဲ့သည့် ဘာသာဗေဒ ဒဿနပညာရှင် J.L Austin  ၏နောက် ပါမောက္ခ E.Gellner ၏ Words and Things စာအုပ်ကို ဘာထရန် ရပ်ဆဲလ်၏ ဝေဖန်ချက်မှ စတင်ကာ ဒဿန ရေးရာ တော်လှန်ပြောင်းလဲမှုများ အစပျိုးခဲ့ သည်။ ဤပြောင်းလဲမှုနောက်တွင် ဆက်တိုက် ပေါ်ထွက် လာသော ပညာရှင်တို့၏ ဝေဖန်သုံးသပ်သော အယူအဆသစ်များသည် ဤပုလင်းထဲမှ ယင်ကောင် များ၏ အစပင်ဖြစ်သည်။ မော်ဒန်မှ ပို့စ်မော်ဒန် ဒဿန အမြင်များ ဆီ အကူးအပြောင်း ကာလ တစ်ခုမှ ပညာရပ် မုန်တိုင်းများအကြောင်း မှတ်တမ်းတင် ထားခဲ့သည်။

ဒဿနသစ် တစ်ရပ်၏ကောင်းခြင်း၊ ဆိုးခြင်းထက် ပညာရှင်၏ အယူ အဆကို လွတ်လပ်စွာတင်ပြပိုင်ခွင့်၊ ဝေဖန် သုံးသပ်ပိုင်ခွင့်ဘက်မှ ရဲဝံ့စွာ ရပ်တည်ခဲ့သည့် ပညာရှင် ပီသသော ဘာ ထရန်ရပ်ဆဲလ်၏ စိတ်နေစိတ်ထား မှာ ဤဆောင်ပါးများတွင် ပေါ်လွင်နေ သည်။ လွဲမှားသောအမြင်များမည်မျှ ပင်ရှိနေသည်ဆိုစေကာမူ ဒဿန ပစ္စည်း တစ်ရပ်အပေါ် ဝေဖန်ခွင့်ငြင်းဆို ပိတ်ပင် ထားခြင်းမှာ မသင့်တော် ကြောင်း ဘာထရန် ရပ်ဆဲလ်၏ အမြင်များကို တွေ့ရသည်။ ဆောင်းပါးများ ကို ရေးသားထားဟန်မှာ လွတ်လပ် ပေါ့ပါးပြီး နွေးထွေးစွာတွေ့ဆုံ ထားသလောက် ဆိုင်ရာ ပညာရှင်များ၏ ကိုယ်စီ အမြင်များမှာကား အလေးအနက် ဂရုပြုဖွယ်များဖြစ်ခဲ့သည်။

သမိုင်းနှင့် ငြင်းခုံခြင်းအပိုင်းပါ ဆောင်းပါးများမှာလည်း သမိုင်းဆိုင်ရာ အဖြစ်အပျက်များကို အလေး မပေးဘဲ သမိုင်း အဖြစ်အပျက်များအပေါ် ချမှတ်သည့် ကောက်ချက်များ အပေါ် ဦးစားပေး ချဉ်းကပ်ထားခဲ့သည်။ ဟစ်တလာသည် ဒုတိယကမ္ဘာစစ်အား  ကြိုတင်အစပျိုးသူမဟုတ်ဘဲ နာဇီနှင့် မဟာမိတ်တို့ အကြား သံတမန် ဆက်ဆံရေး အမှားကြောင့်နှင့် ဟစ်တလာ သည်လည်း အခြားသောခေါင်းဆောင် များနည်းတူ ဆင်ခြင်တုံတရား ရှိသောသူ တစ်ဦးပင်ဖြစ်ကြောင်း ဟူသော ကောက်ချက် ပါသည့် ပါမောက္ခ A.J.Taylor ၏ The Origin of Second World War စာအုပ်အပေါ် ဝေဖန် တိုက်ခိုက်ကြသည့် သမိုင်းဆိုင်ရာ ငြင်းခုံ ပွဲများနှင့် နာမည်ကျော် ပါမောက္ခ A.Toylbe ၏ A Study of History ကျမ်း ၁ဝ တွဲကို ဝေဖန်ချေပချက် များ ပြန်လည် ချေပချက်များ ပါဝင်သည်။

ပညာရှင်များစွာတို့၏ မည်သို့ သော တုံ့ပြန်ဝေဖန်သံများရှိစေကာမူ ပါမောက္ခတေလာ၏ အတိတ်ဖြစ်ရပ် များအပေါ် အတိတ်က အမြင်၊ သဘောထား၊ ကျင့်ဝတ်များ အရသာ သုံးသပ်မှ ပိုမိုမျှတမည်ဖြစ်ကြောင်း ခိုင်မာသော အယူ အကောက်သည်လည်း ဆက်လက်လေ့လာဖွယ်၊ ငြင်းခုံဖွယ် ဖြစ်မည်ထင်သည်။ သမိုင်းဒဿန အမြင်ဖြင့် လေ့လာကြသူနှင့် အသေးစိတ်လေ့လာ ကြသူ ပညာရှင်များနှင့်မတူ ခြားနားသည့် အယူအဆသစ် ပိုင်ရှင် ဆရာမကြီး C.V.Wedgwood နှင့် တွေ့ဆုံခန်း၊ သမိုင်းဖြစ်ရပ်များ အပေါ် အုပ်စိုးသူ အဓိကပုဂ္ဂိုလ်များ ဘက်မှ မနေဘဲ သာမန်ပြည်သူလူထု၏ အခြေအနေ၊ အယူအဆတို့ အပေါ်မှ အခြေ ပြုစဉ်းစားသည့် ပါမောက္ခ Tawney နှင့် စပ်လျဉ်း၍လည်း တောစီးဖိနပ်  နှင့် သမိုင်းပညာရှင် ဆောင်းပါးတွင် တွေ့ရမည်ဖြစ်သည်။

အဖုံးဖွင့်ထားသော်လည်း ဖောက်ထွင်းမြင်နေရသော ပုလင်း အတွင်း၌သာ ရုန်းကန်တိုးဝှေ့နေကြ သော ယင်ကောင်များမြင်ကွင်းကို ငြင်းခုံနေကြသော ဒဿနပညာရှင် များနှင့် နှိုင်းယှဉ်တင်စားထားသည်။ မည်သို့ ဆိုစေ ပညာရှင်တို့၏ ပညာ ရပ်အပေါ် ရဲရင့်စွာယုံကြည်ကိုးစား စိတ်၊ အယူအဆများအပေါ် အဖန်ဖန် ဝေဖန် သုံးသပ်၍ အမှန်တရား ကိုရှာလိုစိတ် ပြင်းပြကြပုံကို ဤဆောင်းပါး များတွင် တွေ့နိုင်သည်။ သူပြော ကိုယ်ပြော ဟုတ်နိုးနိုး ကျင်လည်ခဲ့ရ သော မှတ်ဥာဏ် အဟောင်းထဲမှ ပြတင်းပေါက် သစ်များကို ထပ်မံတွေ့ရှိ လိုက်ရ သကဲ့သို့ ဖြစ်သည်။ ပညာရှင် တို့၏ အယူအဆများ၊ ချေပချက်များ အား နှစ်လိုသည်ဖြစ်စေ၊ မနှစ်လိုသည် ဖြစ်စေ စိတ်ဝင်စားဖွယ် အယူအဆ တိုက်ပွဲများကြားမှ ဖတ်ရှုသူတို့၏ ဆင်ခြင်နိုင်စွမ်းကို ထိရောက်စွာ အလုပ် ပေးနိုင်ခဲ့ သည်။ လေးနက်သော အကြောင်း အရာများဖြစ်သော်လည်း လွတ်လပ်ပေါ့ပါးသည့် တင်ဆက်ပုံ မျိုးလည်းဖြစ်ခဲ့သည်။

ဆရာ သန်းစိုးနိုင်၏ ပရိသတ် များ၊ မဂ္ဂဇင်းဆောင်းပါးအဖြစ်က တည်းက နှစ်သက်ကြသူများ၊ ဒဿန နှင့် သမိုင်း ဆိုင်ရာ စိတ်ဝင်စားသူများ ဖတ်ရှုပြီး အေးခဲနေသော ဆင်ခြင်ဥာဏ် ကို ထိရောက်စွာ စက်နှိုးနိုင်မည့် စာအုပ်ကောင်း တစ်အုပ်လည်းဖြစ်သည်။ ယင် ကောင်များ ထည့်ထားသော ပုလင်း ကို နားနားကပ်ကြည့်၍ တဝီဝီအသံ များကြားရသည်မှ စ၍ ကိုယ်တိုင်ဝင် ရောက် တိုးဝှေ့ပျံသန်းလိုစိတ်များ ပေါ် လာနိုင်သော ပုလင်း တစ်လုံး ဖြစ်သည် ဟုလည်း ဆိုချင်သည်။

“တကယ့် လွဲချော်နေတဲ့ အမှန် တရားကတော့ စုံထောက် စာရေးဆရာတွေက စိတ်ကူးယဉ်ဖို့ ကြိုးစားရင်း ဘဝဆန် နေပြီး ဝတ္ထုရေးဆရာတွေက တော့ သရုပ်မှန်ဖို့ ကြိုးစားရင်းစိတ် ကူးယဉ်နေမိကြတာပါပဲ” (စာ-၅၂)

ဝဏ္ဏလင်း

သတင်းမျှဝေရန်

About Author

စာဖတ်သူ မှတ်ချက်များ (၁)

Leave a Reply

Your email address will not be published. Required fields are marked *

*