ပြည်တွင်းသတင်း — ရန်ကုန်၊ မတ် ၂၈၊ ၂၀၁၂

ထန်းတပင်မြို့နယ် နဲသမိန်အုပ်စု ကျွဲကောကျေးရွာရှိ မြေလွတ်မြေရိုင်းတွင် စတီးစတုမ်းကုမ္ပဏီမှ လယ်သမားများ၏ လယ်ယာ စိုက်ခများကို ယခင်ကောက်နှုန်းထက် တိုး၍ ကောက်ခံသောကြောင့် တောင်သူ လယ်သမားများ အကျပ်အတည်း ဖြစ်နေသည်ဟု ယင်းတောင်သူများ၏ ကိုယ်စားလှယ်တစ်ဦး ပြောပြချက်အရသိရသည်။

ကျွဲကောကျေးရွာရှိ မြေလွတ်မြေရိုင်းများကို စတီးစတုမ်း ကုမ္ပဏီက ၁၉၉၆ ခုနှစ်ခန့်တွင် စက်ယန္တယားဖြင့် ကိုင်းတောများကိုရှင်းခဲ့ပြီး တစ်နှစ်ခန့် စိုက်ပျိုးခဲ့သည်ဟု ဆိုသည်။ တစ်နှစ်ခန့် စိုက်ပျိုးရာတွင် အောင်မြင်ခြင်းမရှိသဖြင့် ဆက်လက်စိုက်ပျိုးခြင်းမရှိဘဲ ပစ်ပယ်ထားသည်ဟု ဆက်လက်​  ပြောခဲ့သည်။ ထို့ကြောင့် ယင်းရွာနေ လယ်သမားများက ၁၉၈၈ ခုနှစ်မှ ၂ဝ၁၂ ခုနှစ်တိုင် ထိုလယ်ယာများကို ခုတ်ထွင်ရှင်းလင်းကာ ထိန်းသိမ်း လုပ်ကိုင်ခဲ့သည်ဟု ယင်းရွာနေ လယ်သမားများ ပြောပြချက်အရ သိရသည်။ ဆက်လက်၍ ယင်းတို့ လုပ်ကိုင်အချိန်မှစ၍ စတီးစတုမ်း ကုမ္ပဏီအမည်ခံဖြင့် ဦးသန်းလွင်နှင့် ဒေါ်လွင်လွင်ဦးတို့က ယင်းတို့ ပိုင်ဆိုင်ကြောင်းပြောပြီး၊ လယ်ယာ စိုက်ပျိုးခ အခွန်အဖြစ် တစ်ဧကလျှင် ငါးတင်း နှုန်းပေးရမည်ဟု​ တောင်းဆိုခဲ့သဖြင့်​ ပေးခဲ့ရကြောင်း ယင်းတို့မှ ပြောခဲ့သည်။

ယင်းကုမ္ပဏီအနေဖြင့် လယ်ယာစိုက်ပျိုးခ အခွန်ကိုသာတောင်းပြီး လယ်သမားများ​ နှစ်နာကြေးအနေဖြင့် မည်သို့သော​ ထောက်ပံ့ပေးမှုကို မပေးခဲ့ကြောင်း ဆက်လက်ပြောခဲ့သည်။

၂ဝဝ၅ ခုနှစ်ဝန်းကျင်၌ ဦးသန်းလွင်နှင့် ဒေါ်လွင်လွင်ဦးတို့ မရောက်လာသဖြင့် လယ်သမားများသည် အခွန်ခလွှတ်ပြီဟု ဝမ်းသာအားရဖြင့် လယ်မြေများကို ဆက်လက် ထွန်ယက်ခဲ့ကြသည်ဟု သိရသည်။ ၂ဝဝ၆ ခုနှစ်၌ ဖိုးနတ်ပေး ကျေးရွာနေ ဦးတင်ငြိမ်းနှင့် စံကင်းကြီးကျေးရွာနေ ဦးလှ ဝင်းနိုင်တို့သည် သမိန်စံပြကျေးရွာရှိရဲအချို့နှင့် ပူးပေါင်း၍ သီးစားခအခွန်ကို ပြန်လည်ပေးဆောင်ရန် လယ်သမားများအား ခြိမ်းခြောက်ခဲ့သည်ဟု ယင်းလယ်သမားများက​ ပြောခဲ့သည်။ အခွန်နှုန်းကောက်ခံရာတွင် ၁၆ ပြည် ၄ လုံးပေးဆောင်ရမည်ဟု​ ပြောခဲ့သည်။ သို့သော် ဦးတင်ငြိမ်းနှင့် ဦးလှဝင်းနိုင် တို့သည် သမိန်စံပြကျေးရွာ ရှိ ရဲအချို့နှင့်​ ပေါင်း၍ ၁၇ ပြည် ၄ လုံးနှင့် စာချုပ်ချုပ်ခိုင်းခဲ့သည်မှာ ၂ဝဝ၆ မှ ၂ဝ၁၁ ခုနှစ်အထိ ရှိနေပြီဟု ယင်းတို့၏ ပြောပြချက်အရ သိရသည်။

ယင်းကိစ္စနှင့် ပတ်သက်၍ မောင်ဇော်ဝင်းဆိုသူ က ““ဘယ်သူနဲ့လိုက်လိုက် လယ်ကိုမင်းတို့ပြန်မရဘူး၊ ငါတို့ လယ်ကိုပြန်ချပေးမည်”” ဟု ပြောခဲ့ကြောင်း ကျွဲဂေါ်ကျေးရွာနေ လယ်သမားတစ်ဦးကပြောခဲ့သည်။

ဆက်လက်၍ ၂ဝဝ၃-၂ဝဝ၄ ခုနှစ်တွင်ထန်းတပင်မြို့နယ်ရှိ အမျိုးသား ဒီမိုကရေစီအဖွဲ့NLD မှ အမျိုးသမီး​ ခေါင်းဆောင် ကလည်း ““အန်တီတို့လည်း အာဏာပိုင် အဖွဲ့အစည်းနဲ့ တင်ပြပြီးတော့လည်း လုပ်ထားတာရှိသေးတယ်””ဟု ပြောခဲ့သည်။ ထို့နောက် ယင်းကျေးရွာ အုပ်စုများဘက်တွင်    ပြည်သူများ အဖိနှိပ်ခံနေရသည်ဟု ယင်းတို့မှ ဆက်လက်ပြောခဲ့သည်။

၀၀၇

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.