ခေါင်းကြီးသတင်း — ရန်ကုန်၊ ဖေဖော်ဝါရီ ၁၆၊ ၂ဝ၁၃

မြန်မာနိုင်ငံ လူ့အခွင့်အရေး အခြေအနေ ဆိုင်ရာ အထူးအစီရင်ခံစာ တင်သွင်းသူ မစ္စတာ သောမတ်အိုဂျေ  ကွင်တားနားက ပါလီမန်ထဲတွင် တပ်မတော်မှ အရာရှိကြီးများ ၂၅ ရာခိုင်နှုန်းပါဝင်နေခြင်းကြောင့် ယင်းတို့ အနေဖြင့် မဲပေးဆုံးဖြတ်ရာတွင် တပ်မတော်၏ ညွှန်ကြားမှုများအပေါ် တွင် အလေးထား ယိမ်းယိုင်မှုများ ရှိနေခြင်းကြောင့် ပါလီမန် အဆင့်ကို မြှင့်တင်နိုင်ရန် လိုအပ်ပြီး ဖွဲ့စည်းပုံ အခြေခံဥပဒေ ပြင်ဆင်ရေးတွင် Stakeholders များ၊ အစိုးရ အဖွဲ့အစည်းများ ပူးပေါင်းကာ ပြည်သူ များ၏ လိုအပ်ချက်၊ လိုအင် ဆန္ဒများကို ထင်ဟပ်မှု ရှိသည့် ဥပဒေများ အဖြစ် ပြောင်းလဲပြင်ဆင် သင့်ကြောင်း၊ သို့မှသာ တရားဥပဒေ စိုးမိုးရေးနှင့် အခြေခံ လူ့အခွင့်အရေးနှင့် စပ်ဆိုင်သော အချက်အလက်များ အခြေခံဥပဒေတွင် ပိုမိုအားကောင်း ပါဝင်လာ နိုင်မည်ဟု ဖေဖော်ဝါရီ ၁၆ ရက် ရန်ကုန် အပြည်ပြည်ဆိုင်ရာ လေဆိပ် တွင် ပြုလုပ်ခဲ့သော သတင်းစာ ရှင်းလင်းပွဲ တွင် ပြောခဲ့သည်။

ထိုကဲ့သို့ အခြေခံဥပဒေ ပြင်ဆင်ရာတွင်လည်း နိုင်ငံသား ပြည်သူများ၏ လိုအင်ဆန္ဒများကိုပါ ထည့်သွင်းစဉ်းစား ပြင်ဆင် သင့်ပြီး သို့မှသာ နိုင်ငံရေးအရ သဘောတူညီမှုများ ရရှိနိုင်မည် ဖြစ်သည်ဟု ဆိုသည်။

ထို့ပြင် ယင်းအနေဖြင့် မြန်မာနိုင်ငံ အခြေခံဥပဒေကို ပြင်ဆင်ရာတွင် နိုင်ငံတကာ လူ့အခွင့်အရေးဆိုင်ရာ စံနှုန်း များနှင့် အညီ ပြင်ဆင်ဖို့ မျှော်လင့်ကြောင်း၊ အတိတ် အကြောင်းအရာများကို သင်ခန်းစာယူ၍ နောက်လာမည့် အနာဂတ်တွင် လူ့အခွင့်အရေး ချိုးဖောက်မှုများကို ပိုမိုအလေးထား ဆောင်ရွက်နိုင်ရေးမှာ နိုင်ငံတော် အစိုးရ၏ တာဝန်တစ်ရပ်ဖြစ်ပြီး အချိန်အတိုင်းအတာတစ်ခုယူကာ လူထုဆန္ဒနှင့်အညီ ပြုပြင် ပြောင်းလဲမှုများ တိုးချဲ့ လုပ်ဆောင်မည် ဟု ယုံ ကြည်ကြောင်း ပြောသည်။

ဆက်လက်၍ အွန်လိုင်းဘဘော့ ဂါတစ်ဦးမှ MP များအနေဖြင့် အခြေခံ ဥပဒေပြင်ဆင်ရေး ပြုလုပ်ခဲ့ခြင်း အပေါ် ဝေဖန် တိုက်ခိုက်မှုနှင့် ပတ်သက်၍ အတိုက်အခံ ဆိုသည်မှာ ဒီမိုကရေစီ စနစ်တွင် လက်ခံသင့်ကြောင်း မည်သည့် ပုံစံမျိုးရှိသော အတိုက်အခံ ကိုမဆို ကြိုဆိုသင့်ကြောင်း ဆိုသည်။

တစ်ဖန် ကချင်ပြည်နယ်အရေး နှင့် စပ်လျဉ်းပြီး ပြဿနာပဋိပက္ခ များ ပြေလည်စေရန် ဆွေးနွေးမှု လမ်းကြောင်း အပေါ် သွားနေခြင်းအတွက် အားပေးသင့်ကြောင်း၊ ထိုသို့ လုပ် ဆောင်မှုများလည်း ပိုမိုတိုးတက် ဖြစ်ထွန်း လက်ခံဖို့ မျှော်လင့် မိကြောင်း၊ ပဋိပက္ခများ တိုက်ခိုက်မှုများ ဖြစ်ပွားသည့်အခါ ဒေသခံ ပြည်သူများ၏ အသက်အိုးအိမ် စည်းစိမ်ပျက်စီး ဆုံးရှုံးမှုများ ဖြစ်ပေါ်သွားစေခြင်းကြောင့် ပဋိပက္ခများ ချုပ်ငြိမ်းရန် တရုတ်နိုင်ငံ တွင် ပြုလုပ်ခဲ့သည့် ဆွေးနွေးမှုကို ကြိုဆိုကြောင်း၊ ထိုသို့ စေ့စပ်ဆွေး နွေးရာတွင် လူမှုဗဟိုပြု အခြေခံ အဖွဲ့အစည်းများ၏ အခန်းကဏ္ဍမှာ များစွာ အရေးပါသလို ပဋိပက္ခ၏ အကျိုးဆက်များနှင့် တိုက်ရိုက်ဆက်နွယ်မှု ရှိသော ပြည်သူများ ငြိမ်းချမ်းရေး စေ့ စပ်ဆွေးနွေးပွဲများ၊ ပြုပြင်ပြောင်းလဲရေး ဖြစ်စဉ်များတွင် ပိုမိုပါဝင်နိုင် လာစေဖို့ လိုအပ်ကြောင်း၊ တစ်ချိန်တည်း မှာပင် နှစ်ဖက် လက်နက်ကိုင် အဖွဲ့အစည်းများ အနေဖြင့် နိုင်ငံတကာ လူ့အခွင့်အရေးနှင့် လူသားချင်း စာနာ ထောက်ထားမှုဆိုင်ရာ ဥပဒေများကို လေးစားလိုက်နာသင့်ကြောင်း၊ တစ် နှစ်ကျော်ကြာဖြစ်ပွားခဲ့သော ကချင် စစ်ပွဲအတွင်း နှစ်ဖက်တပ်မှ အသုံး ပြုခဲ့သော မြေမြှုပ်မိုင်းရှင်းလင်းရေးကို ဆောင်ရွက် သင့်ကြောင်း ထုတ်ဖော် ပြောခဲ့သည်။

ဖေဖော်ဝါရီ ၁၅ ရက် ကချင်ပြည်နယ်ရှိ ဒုက္ခသည်စခန်းများသို့ သွားရောက်ပြီး အိမ်ရာ ဖျက်ဆီးခံရမှု၊ ဘဝ ရပ်တည်ချက် ပျက်စီးမှု၊ ဆွေမျိုး သားချင်းများ ပျောက်ဆုံးသေကြေမှုများ၊ မသေချာသော အနာဂတ်များနှင့် ရင်ဆိုင်နေရသည့် ကချင်ပြည်သူများ အသံကို နားစွင့်ခဲ့ရာ အတင်းအဓမ္မ စစ်သားစုဆောင်းမှု ပြုလုပ်နေခြင်းများ ကို ကြားသိခဲ့ရကြောင်းနှင့် တစ်နေ့ တခြား တိုးပွားလာသည့် စစ်ဘေး ရှောင်ပြည်သူများ မိမိအိမ်ပြန်နိုင်ရေး အတွက် အထူးတာဝန်ရှိသော မြန်မာ့ တပ်မတော်နှင့် ကေအိုင်အေဖက်မှ အပြန်အလှန်နားလည်မှုဖြင့် ယုံကြည်မှု တည်ဆောက်ကာ အပစ်အခတ် လျော့ချရေးမှ သည် ငြိမ်းချမ်းရေး တည်ဆောက်မှုအထိ အပြီးတိုင် လုပ်ဆောင် သင့်သည်ဟု ဆိုသည်။

ရခိုင်ပြည်နယ်တွင်ဖြစ်ပွားခဲ့သည့် ပဋိပက္ခများကို ဖြေရှင်းရာတွင်လည်း တစ်ဦးနှင့်တစ်ဦး တစ်ဖက်နှင့် တစ်ဖက် တင်ရှိနေသော အမုန်းတရား၊ ကြောက်ရွံ့မှု၊ အကျိုးစီးပွား ပျက်စီးလိုစိတ်၊ ဒေါသများကို ပြေလည်စေရန် နှစ်ဖက် အုပ်စုတွင်း ခေါင်းဆောင်များ တစ်ဦးနှင့်တစ်ဦး အပြန်အလှန် လေးစားမှု ပြည့်ဝသော စေ့စပ်ဆွေးနွေးမှု များကို ပြုလုပ် သင့်ပြီး အပြန်အလှန် လေးစားမှု မည်သည် ဘာသာစွဲ၊ လူမျိုးစွဲ ခွဲခြားခြင်းအပေါ် အခြေတည် ပါက ပေါ်ထွန်းနိုင်ရန် ခက်ခဲသောကြောင့် လူမျိုးစွဲ၊ ဘာသာစွဲများ လျော့ချကာ ဆွေးနွေးမှု ပြုလုပ်နိုင်ရေး အတွက် ဒေသခံ တာဝန်ရှိသော အာဏာပိုင်များမှ အထူးတလှယ် အရေးထား ကိုင်တွယ်စေလိုကြောင်း အကြံ ပြုတင်ပြခဲ့သည်။

ယုံကြည်ချက် အကျဉ်းသားများ အကျဉ်းထောင်အသီးသီးတွင် ကျန်ရှိနေခြင်းအပေါ် သုံးသပ်ရာတွင် မြန်မာ နိုင်ငံတော် အစိုးရမှ ယုံကြည်ချက် ကြောင့် အကျဉ်းကျခံနေရသူများကို လွှတ်ပေးခဲ့သော်လည်း အင်းစိန်ထောင်တွင်းရှိ ကိုအောင်နိုင် ၊ စောဖရန်စစ်၊ ထွန်းဦးတို့ အပါအဝင် အခြားသော အကျဉ်းသားများ ကျန်ရှိနေ ဆဲဖြစ်သောကြောင့် များမကြာမီက ဖွဲ့စည်းခဲ့သည့် နိုင်ငံရေး အကျဉ်းသားစိစစ်ရေး ကော်မတီမှ လျင်မြန်မှန်ကန် တိကျသော နည်းလမ်းများဖြင့် ကျန်ရှိ နိုင်ငံရေး အကျဉ်းသား များကို အမြန်ဆုံး လွှတ်ပေးနိုင်ရေးကို လုပ်ဆောင် သင့်ကြောင်းနှင့် ထောင်တွင်းအကျဉ်း  ကျသူများအား ဥပဒေလက်လွတ်နှိပ် စက်မှုများ ရှိနေခြင်းမှာ လည်း နိုင်ငံတော်  ပြုပြင်ပြောင်းလဲရေး လုပ်ငန်းစဉ်တွင် အမြင့်ဆုံးအဆင့်နှင့် အောက်ဆုံး အဆင့်ကြား လုပ်ငန်းစဉ် ကွာဟမှု ကြောင့်ဖြစ်သည်ဟု ယူဆကာ အစိုးရ နှင့် အခြားသော အာဏာပိုင်အဖွဲ့ အစည်းများမှ မကြာမီနိုင်ငံတကာ လူ့ အခွင့်အရေးနှင့် ကိုက်ညီမှုမရှိသော ပြဿနာများ ပြေလည်စေရန် ICRC နှင့် လက်တွဲ ပူးပေါင်း လုပ်ဆောင် သွားရန် တိုက်တွန်းအားပေးလိုသည် ဟု ပြောသည်။

နိုင်ငံတော် တိုးတက်ရေးနှင့် ပွင့်လင်းမြင်သာသော လူ့အဖွဲ့အစည်း ဖြစ်ရေးအတွက် လွတ်လပ်သော မီဒီယာများ လိုအပ်သောကြောင့် ယင်းအနေဖြင့် ယာယီ စာနယ်ဇင်းကောင်စီ နှင့် သွားရောက်တွေ့ဆုံခဲ့ပြီး သတင်းမီဒီယာ လွတ်လပ်ခွင့်အတွက် မီဒီယာ အက်ဥပဒေ အသစ်ပြဋ္ဌာန်းရန် နိုင်ငံတော်အစိုးရမှ လွတ်လပ်သော မီဒီယာသမားများ ပါဝင်သည့် ယာယီ စာနယ်ဇင်းကောင်စီအား တာဝန်လွှဲပြောင်း ပေးအပ်ခြင်းသည် လွတ်လပ်စွာ ရေးသားဖော်ပြ ခွင့်ကို ဖော်ဆောင်ရန် အရေးကြီးသည့် ကိစ္စဖြစ်သောကြောင့် များမကြာမီ လွတ်လပ်သော မီဒီယာ ဥပဒေသစ် တစ်ခုပေါ်ထွက်လာစေရန် အားပေးလိုကြောင်း ပြောသည်။

နိုင်ငံသား အခွင့်အရေးဖြစ်သည့် ငြိမ်းချမ်းစွာ စုဝေးခွင့်နှင့် စီတန်း လှည့်လည်ခွင့်နှင့် ပတ်သက်၍ သုံး  သပ်ရာတွင် စီတန်းလှည့်လည်ဆန္ဒ ထုတ်ဖော်ရာတွင် ဒေသတွင်းရှိ အာဏာပိုင်များမှ ခွင့်ပြုမိန့်တောင်းခံရ မည်ဆိုသော အချက်မှာ လူ့အခွင့် အရေးစံနှင့်ကိုက်ညီမှုမရှိကြောင်း၊ ခွင့် ပြုမိန့်မပါရှိဘဲ ဆန္ဒထုတ်ဖော်မှုအတွက်  အကျဉ်းချခြင်းမျိုးမှာ လိုအပ်သည့် လုပ်ဆောင်မှုမျိုး မဟုတ်ဘဲ အသိပေးရုံဖြင့် လုံလောက်ကြောင်း၊ ထိုကဲ့သို့ ခွင့်ပြုမိန့်မရရှိဘဲ ဆန္ဒထုတ်ဖော်ခြင်း အတွက် အရေးယူမှုများမှာ မည်သို့ မျှ တရားမျှတမှုရှိစေမည့် အကြောင်း တရားမဟုတ်ကြောင်း ပြောသည်။

ယခုအခါ မြန်မာနိုင်ငံသည် စီးပွားရေးတံခါး ဖွင့်လိုက်ခြင်းကြောင့် နိုင်ငံတော် တိုးတက်ရေးအတွက် ပြိုင်ဖက်ကင်း အခွင့်အရေး တစ်ရပ်ဖြစ်လာ နိုင်သော်လည်း စီမံကိန်းများ သည် အခြားသော သက်ရောက်မှု များဖြစ်သည့် လူ့အခွင့်အရေး အခြေအနေ၊ မြေယာ သိမ်းဆည်းမှု၊ ဖိအားပေးရွှေ့ ပြောင်းစေမှု၊ သဘာဝပတ်ဝန်းကျင် ပျက်စီးမှုများ တွေ့ကြုံနိုင် မည်ဖြစ်သော ကြောင့် စီမံကိန်းများ အကောင်အထည်  ဖော်ရာတွင် ဒေသခံများအား အသိပေး တိုင်ပင်ဆွေးနွေးမှု၊ ရင်းနှီးမြှုပ်နှံမှု အတွက် လိုအပ်သော သုတေသနပြုမှု၊ လူ့အခွင့်အရေး ရှုထောင့်မှ ဆန့်ကျင်သော သက်ရောက်မှု များအတွက် ကြိုတင်ဆန်းစစ် တွက်ချက်မှုများကို ထင်သာမြင်သာရှိမှုဖြင့် လုပ်ဆောင်သင့်ကြောင်း ပြော သည်။

အထက်ပါ ရင်းနှီးမြှုပ်နှံမှုကြောင့် ဖြစ်ပေါ်လာသည့် လက်ပံတောင်း အရေးအခင်းကဲ့သို့ ကိစ္စများသည် နိုင် ငံတော်ပြုပြင်ပြောင်းလဲရေးဖြစ်စဉ်တွင် အထက်ပိုင်းနှင့် အောက်ခြေအဆင့် ကွာဟမှု၏ ပြယုဂ်ဖြစ်သလို ရင်းနှီးမြှုပ်နှံမှုများ၏ သက်ရောက်မှု တစ်ခုလည်းဖြစ်ကြောင်း၊ ထိုကဲ့သို့ မလိုလားအပ်သည့် အကြမ်းဖက်မှု ပြဿနာများ၏ အဓိကအကြောင်း ရင်းမှာ အခြေခံဥပဒေကို စိတ်ကူး ပေါက်သည့်အတိုင်း ပြင်ဆင်၍အဓိက ကျသော နိုင်ငံတကာ လူ့အခွင့်အရေး စံနှုန်းများ အလျဉ်းမပါဝင်မှုကြောင့် ဖြစ်ပြီး လက်ပံတောင်းတောင် စီမံကိန်း  အရေးကိစ္စ ဖြိုခွင်းမှုတွင် မီးလောင်ဗုံး ဖြင့် ဖြိုခွင်းသည် ဟု ဒေသခံများမှ သိရပြီး ဒေသခံများနှင့် သွားရောက် တွေ့ဆုံရာတွင် ပြင်းထန်သော ဒဏ်ရာရရှိမှုများ ရှိသည်ကို တွေ့ခဲ့ ရပြီး ပြည်ထဲရေး ဝန်ကြီးဌာနမှ မည်သည့် မီးလောင်ဗုံး အမျိုးအစား ကိုမျှ အသုံးမပြုခဲ့ကြောင်း ငြင်းဆို ခဲ့သောကြောင့် ယင်းအနေဖြင့် ဒေါ်အောင်ဆန်းစုကြည်  ဦးဆောင်သည့် စုံစမ်းစစ်ဆေးရေး ကော်မရှင်မှ တိကျ ရှင်းလင်းပြတ်သား သော ထုတ်ပြန်ချက်ထွက်လာနိုင်စေရန် မျှော်လင့်ကြောင်း ဆိုသည်။

မြန်မာနိုင်ငံ လူ့အခွင့်အရေး အခြေအနေဆိုင်ရာ အထူးအစီရင်ခံစာ တင်သွင်းသူ မစ္စတာ သောမတ်အိုဂျေ ကွင်တားနား သည် ယင်းမြန်မာနိုင်ငံသို့ လာရောက်သည့် ခရီးစဉ်အတွင်း ကချင်ပြည်နယ်ရှိ စစ်ဘေးရှောင် ဒုက္ခသည်စခန်းများ၊ ရခိုင်ပြည်နယ်ရှိ အကျဉ်းထောင်များ၊ ဒုက္ခသည် စခန်းများ၊ ထောင်တွင်း ကိစ္စရပ်များအတွက် အင်းစိန် အကျဉ်းထောင်၊ အကျဉ်းသား မိသားစုဝင်များ၊ အရပ်ဖက် လူ့အဖွဲ့ အစည်းများ၊ ၈၈ မျိုးဆက်ကျောင်းသားများ၊ လက်ပံတောင်းတောင် အရေးတက်ကြွ လှုပ်ရှား ကာကွယ်သူများ၊ မိုးထိမိုးမိရွှေလုပ်သားများ၊ မြန်မာအမျိုးသား လူ့အခွင့်အရေး ကာကွယ်မှု ကော်မရှင်၊ ရန်ကုန် တက္ကသိုလ်မှ ကျောင်းသားများနှင့် ပါမောက္ခများ၊ United Country Team နှင့် ဒေါ်အောင်ဆန်းစုကြည် တို့အား သွားရောက် တွေ့ဆုံမှုများ ပြုလုပ်ခဲ့ကြောင်း သိရသည်။ ထို့ပြင် ခရီးစဉ်အတွင်း လူ့အခွင့်အရေးကိစ္စများ၊ စီးပွားရေး၊ လူမှုရေး၊ ပညာရေး၊ ဖွဲ့စည်းပုံ အခြေခံ ဥပဒေ ပြင်ဆင်ရေး၊ ပဋိပက္ခ ဖြစ်ပွားရာ ဒေသများတွင် လူသားချင်း စာနာ ထောက်ထားမှု ဆိုင်ရာ ကူညီထောက်ပံ့မှုများ ပြုလုပ်နိုင်ရေး၊ ပါလီမန် အဆင့် မြှင့်တင်ရေး၊ လွတ်လပ်သော မီဒီယာဥပဒေပေါ်ပေါက်စေရေး၊ ဒီမိုကရေစီ အရေး၊ တရားဥပဒေ စိုးမိုးရေး ကိစ္စများနှင့် စပ်လျဉ်းပြီး လေ့လာ ကွင်းဆင်းစစ်ဆေးကာ တွေ့ဆုံညှိနှိုင်း အကြံပေးမှုများ ပြုလုပ်ခဲ့ကြောင်း သိရသည်။ မစ္စတာ သောမတ်အိုဂျေ ကွင်တားနားသည် မြန်မာနိုင်ငံ လူ့ အခွင့် အရေး အခြေအနေဆိုင်ရာ အထူးအစီရင်ခံစာ တင်သွင်းသူအဖြစ် ၂ဝဝ၈ ခုနှစ်တွင် ခန့်အပ်ခံခဲ့ရပြီး မြန်မာနိုင်ငံ သို့ ဖေဖော်ဝါရီ ၁ဝ ရက်က ရောက် ရှိကာ ဖေဖော်ဝါရီ ၁၆ ရက်တွင် ပြန်လည် ထွက်ခွာသွားကြောင်း သိရ သည်။

ဝ၈၂

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*