အောင်ဆန်းစုကြည်နှင့် ဗမာ့ဒီမိုကရေစီ အရေးတော်ပုံ(နိုင်ဦး)

ယဉ်မျိုးစာပေ ၂ဝ၁၂ ခုနှစ်၊ နိုဝင်ဘာ၊ -တန်ဖိုး ၂ဝဝဝ ကျပ်၊ စာမျက်နှာ ၂၁၄

 

နိုင်ဦး မြန်မာပြန်ဆိုသည့် အောင်ဆန်းစုကြည်နှင့် ဗမာ့ဒီမိုကရေစီ အရေးတော်ပုံ စာအုပ်ကို ယဉ်မျိုး စာပေမှ ထုတ်ဝေလိုက်သည်။ ၂ဝ၁၁ ခုနှစ်က ထွက်ရှိခဲ့သည့် Bertil Lintner ၏ Aung San Su Kyi and Burma’s Struggle for Democracy စာအုပ်ကို ပြန်ဆိုထားခြင်းလည်း ဖြစ်သည်။

လွန်ခဲ့သော နှစ်ပေါင်း ၂၅ နှစ် ခန့်ကာလကတည်းက မြန်မာ့ဒီမိုက ရေစီအရေးကို အထူးပြုလေ့လာခဲ့သူ တစ်ဦးဖြစ်သူ နာမည်ကျော် ပုဂ္ဂိုလ် တစ်ဦး၏ ဒီမိုကရေစီအရေး၊ ဒီမို ကရေစီတိုက်ပွဲများနှင့် ဒီမိုကရေစီ ခေါင်းဆောင်တစ်ဦး၏ လှုပ်ရှားမှု တို့ကို လေ့လာသုံးသပ်ထားသော စာအုပ်တစ်အုပ်လည်းဖြစ်သည်။

စာအုပ်တွင် နိဒါန်း၊ သမိုင်း အမွေ၊ ဒီချုပ်မတိုင်မီ ဒီမိုကရေစီ အရေးတော်ပုံ၊ ပုဂ္ဂိုလ်ရေးကိုးကွယ်မှု၊  စတုတ္ထမြန် မာနိုင်ငံတော်လော၊ ဘာ တွေမှားခဲ့လဲဟူ၍ အခန်း ၆ ခုခွဲ ခြား တင်ပြထားပြီး ဒေါ်အောင်ဆန်း စုကြည် ငယ်စဉ်ဘဝ၊ ထိုကာလမှ စတင်မြင်တွေ့ရသည့် မြန်မာ့နိုင်ငံ ရေးရှုမြင်ကွင်း၊ မြန်မာ့ဆိုရှယ်လစ် လမ်းစဉ်ပါတီ ကာလနိုင်ငံရေးဆောင် ရွက်ချက်များနှင့် စတင်ထားသည်။ ထို့နောက် ၁၉၈၇ မြန်မာ့ဒီမိုကရေစီ လှုပ်ရှားမှု အစောပိုင်းကာလများ၊ ဤလှုပ်ရှားမှု များအတွင်း ဒေါ်အောင်  ဆန်းစုကြည်ရောက်ရှိလာခဲ့ပုံ၊ မဆလ အစိုးရ၏ ဒီမိုကရေစီရေး အပေါ် တုံ့ပြန်ချက်များ၊ ၈ လေးလုံး အရေးတော်ပုံနှင့် အမျိုးသား ဒီမိုက ရေစီ အဖွဲ့ချုပ်၏ ပွဲဦးထွက်ကာလ အာဏာသိမ်းတပ်မတော်အစိုးရ၊ ၁၉၉ဝ ရွေးကောက်ပွဲ၊ အမျိုးသား ဒီမိုကရေစီအဖွဲ့ချုပ်နှင့် ဒီမိုကရေစီ ရေး တိုက်ပွဲများ၊ စစ်အစိုးရ၏ ဖိနှိပ် မှုများ၊ အာဏာရှင် ဆန်ဆန်ပြုမူမှု များ၊ ဒီပဲယင်း အရေး၊ ရွှေဝါရောင် လှုပ်ရှားမှု၊ နာဂစ်မုန်တိုင်း၊ ၂ဝဝ၈ အခြေခံ ဥပဒေ၊ မြန်မာ့ ဒီမိုကရေစီ အရေး ဒုတိယပိုင်း အရပ်သား အစိုး ရအဦးပိုင်း ကာလများ အထိ လေ့ လာ တင်ပြထားသည်။

အထူးသဖြင့် မြန်မာ့ဒီမိုကရေစီ အရေးလှုပ်ရှားဆောင်ရွက်သူ ပြည် သူလူထု၊ ကျောင်းသားနှင့် တက်ကြွ လှုပ်ရှားသူ များနှင့် သက်ဆိုင်ရာ အာဏာပိုင်တို့အကြား သမိုင်းဝင် လှုပ်ရှားမှုများကို လေ့လာမှတ်တမ်းတင် ထားခဲ့သည်။ လွတ်လပ်ရေး ရပြီးနောက်ပိုင်း မြန်မာအာဏာပိုင်တို့၏ တစ်သွေးတစ်သံ တစ်မိန့် အာဏာရှင် ပြုမူချက်များ ဖိနှိပ်မှု များကို ဖော်ထုတ် ထားသည့် မှတ်တမ်းတစ်ခုလည်း ဖြစ်သည်။ အိမ်စောင့်အစိုးရ၊ တော်လှန်ရေး ကောင်စီအစိုးရ၊ လမ်း စဉ်ပါတီအစိုးရ၊ တပ်မတော်အစိုးရ ကာလတစ်လျှောက်သက်ဆိုင်ရာ အာဏာရှင်တို့၏ တရားလက်လွတ် ပြုမူချက်များကို ပွင့်လင်းစွာ ထုတ်ဖော်ပြ ထားသည်လည်း ဖြစ်သည်။ အထူးသဖြင့် ၁၉၈၈ နောက်ပိုင်း ဒီမိုကရေစီရေးလှုပ်ရှားမှုများအား ဖိနှိပ်ခြေမွှခဲ့သည့် ဖုံးကွယ်ထားသော သမိုင်း ဖြစ်ရပ်မှန်များကို သမိုင်းဝင် ဓာတ်ပုံများ ခိုင်မာတိကျသော အထောက်အထားတို့ဖြင့် ဖော်ထုတ် ထားသည်။ ထိုစဉ်က သက်ဆိုင်ရာ အစိုးရတို့၏ လက်ကိုင်တုတ်သတင်း မီဒီယာများ၏ အမှောင်ဖုံးမှုအောက် မှ ကွယ်ပျောက် ခဲ့ရသည့် ဖြစ်ရပ်မှန်တို့ကို ရင်နင့်ဖွယ် တွေ့သိရမည်လည်း ဖြစ်သည်။

မြန်မာ့ဒီမိုကရေစီရေး လှုပ်ရှား မှုအတွင်းသို့ ရုတ်တရက် ဝင်ရောက် လာခဲ့သည်ဟု ဆိုလေ့ရှိခဲ့ကြသော ဒေါ်အောင်ဆန်း စုကြည်၏ နိုင်ငံရေး အမြင်၊ ဒီမိုကရေစီရေး အမြင်နှင့် ရပ် တည်ချက် တို့ကိုလည်း ပြုစုသူ၏ သုံးသပ်ချက်မှတစ်ဆင့် ရဲဝံ့စွာ လေ့ လာတင်ပြထားသည်။ ၁၉၈၈ ခုနှစ်၊ သြဂုတ် ၂၆ ရက် ရွှေတိဂုံလူထု အစည်းအဝေး ပွဲကြီးမှ စတင်ကာ  မြန်မာ့ဒီမိုကရေစီ လှုပ်ရှားမှုအတွင်း  ဦးစီးခေါင်းဆောင်တစ်ဦးအဖြစ် ရောက်ရှိခဲ့ချိန်မှ အမျိုးသားဒီမိုကရေ စီအဖွဲ့ချုပ် တည်ထောင်မှုခရီး၊ ၁၉၉ဝ ရွေးကောက်ပွဲ မဲဆွယ်ကာလ ထိန်းသိမ်းခံဘဝ၊ ဖိနှိပ်တားဆီးခံ စည်းရုံးရေးခရီးစဉ်၊ ဒီပဲယင်းလုပ် ကြံမှု၊ အမျိုးသားညီလာခံအား ကျော  ခိုင်းစဉ်ကာလ တွေ့ဆုံဆွေးနွေးရေး၊ ငြိမ်းချမ်းရေး နိုဗယ်ဆုရှင်၏ ထိန်း သိမ်းခံခရီးရှည် ကာလများအတွင်း ပြောကြားခဲ့သော သမိုင်းဝင် စကားလုံးများမှ တစ်ဆင့် ဒေါ်အောင်ဆန်းစု ကြည်၏ အတွေးအမြင်များကိုလည်း ထိတွေ့သုံးသပ်ထားသည်။ စစ်အစိုး ရ ပြောဆိုခဲ့သလို ယခင်နုနယ်သော နိုင်ငံရေး အတွေးအမြင် ပိုင်ရှင်တစ်ဦး အဖြစ်မှ ရင့်ကျက် တည်ငြိမ်သော အတွေးအခေါ်ပိုင်ရှင်တစ်ဦးအဖြစ် ပြောင်းလဲလာပုံ၊ ထိန်းသိမ်းခံကာလ များအတွင်း အရှေ့တိုင်း ဘာသာရေး အမြင်များ ပါဝင်လာသော နိုင်ငံရေး အတွေးအမြင်တို့ကိုလည်း သုံးသပ် ထားသည်။ အထူးသဖြင့် တိုင်းရင်း သားလူမျိုးစုများ အရေးနှင့် စပ်ဆိုင် သော အယူအဆ တို့ကိုလည်း ဝေဖန် သုံးသပ်ထားသည်။

အထူးမှာမူ ဤစာအုပ်တွင် ဒီမိုကရေစီ တိုက်ပွဲကာလ စစ်အာဏာရှင်  တို့၏ အကြမ်းဖက်ဖိနှိပ်မှုများ၊ အာဏာ ရှင်ဝါဒများနှင့် လက်နက်မိုး ၍ အုပ်ချုပ်မှုများ အာဏာရှင်အချင်း ချင်းနေရာလု တိုက်ပွဲဆင်ကြပုံများ ကို ပို၍ အလေးပေးဖော်ပြထားသည်  ဟု ဆိုရမည်ဖြစ်သည်။ နှစ်ပေါင်း များစွာကြာ ဖုံးကွယ်ထား ခဲ့သော ဖြစ်ရပ် မှန် ရက်စက်မှုများကို ဦးစားပေး တင်ပြထားသဖြင့် ဒေါ်အောင် ဆန်းစုကြည်နှင့် မြန်မာပြည်သူ လူထု၏ ဒီမိုကရေစီရေး ဆိုင်ရာ အတွေး အမြင်များ အားနည်းနေသည်ကို သတိပြုမိသည်။ ဝတ္ထုတစ်ပုဒ် အသွင် ဆိုရသော် ဗီလိန်၏ ကမ်းကုန်အောင် ဆိုးယုတ်မှုများကြောင့် လူကောင်း၏ သရုပ်ဖော် အဖွဲ့နည်းသော်လည်း လူကောင်းမှန်း ပေါ်လွင်လာရသကဲ့သို့ဖြစ်သည်။ မူရင်း စာရေးသူသည် အချက်အလက်များအပေါ် အားပြုလွန်း ရာ ရောက်ခဲ့သည်ဟု မြင်မိသည်။ သို့သော် ဒေါ်အောင် ဆန်းစုကြည်နှင့်ပတ်သက်၍ သူ၏ ထင်မြင်ယူဆချက် များကို တတ်နိုင်သလောက် အားထုတ်ခဲ့သည်ကား အမှန်ဖြစ်သည်။ မြန်မာလူထု၏ အရိုးစွဲနေသော အစဉ်အလာ စရိုက်အရ ခိုင်မာတိကျသော စနစ်တစ်ခုထက် စံပြခေါင်းဆောင် တစ်ဦးဦးကို ရွေးချယ် လိုသော စိတ်ထား ကိုလည်း ပြတ်သားစွာ သုံးသပ်ထားသည်။ အထူးသဖြင့် အမျိုးသားဒီမိုကရေစီ အဖွဲ့ချုပ်၏ စွမ်းရည် ထက်မြက်သော ဆင့်ကဲခေါင်းဆောင်များ အားနည်းသည့် အချက်ကို သုံးသပ်ထားသည် မှာလည်း သတိပြုဖွယ် ဖြစ်သည်။ သို့သော် ဒီမိုကရေစီ လှုပ်ရှားမှု အထူးပြုလေ့လာသူ တစ်ဦးအနေနှင့် ရှေ့ဆက်ရမည့် မြန်မာ့ ဒီမိုကရေစီ ခရီးအတွက် မျှော်မှန်း သုံးသပ်ချက်  တွေးဆဖွယ် လမ်းညွှန်ချက်များမှာမူ အားနည်းသည်ဟု ဆိုရမည် ဖြစ်သည်။

မည်သို့ဆိုစေ လေ့လာသူ တစ်ဦး၏ မြန်မာ့ဒီမိုကရေစီတိုက်ပွဲ မြင်ကွင်းကိုမူ စေ့ငှစုံလင်စွာ ဖော် ထုတ်နိုင်ခဲ့သည့် စာအုပ်တစ်အုပ်ဖြစ် ပြီး နိုင်ငံရေးလေ့လာသူတို့နှင့် စာပေလေ့လာသူတို့ ဖတ်ရှုသင့်သည့်  စာအုပ်ကောင်း တစ်အုပ်ဖြစ်သည် ဟုကား ဆိုနိုင်ပါသည်။

“ဒေါ်အောင်ဆန်းစုကြည်နှင့် ပတ်သက်၍လည်းကောင်း၊ အန် အယ်လ်ဒီနှင့်သော်လည်းကောင်း ဝေဖန်သမှု ပြုထားသော မှတ်ချက် တို့ပါရှိသည်ဖြစ်၍ အချို့ မြန်မာ စာဖတ်ပရိသတ်များအနေနှင့် မကြည်မဖြူ စိတ်နှလုံး မသာမယာ ဖြစ်နိုင် ပါသော်လည်း အပြုသဘော ဆောင်သော ဝေဖန်ထောက်ရှု ဆန်းစစ်သမှု ပြုခြင်းသည်ကား ဒီမိုကရေစီ လုပ်ငန်းစဉ်၏ အသက်သွေးကြောဖြစ် လေရာ ပွင့်လင်း လွတ်လပ်သော ဝေဖန်မှု ကင်းမဲ့သွား သည်နှင့် ဒီမိုကရေစီ၏ နှလုံးခုန်သံ တို့သည်လည်း တဖြည်းဖြည်း အေးစက်သွားပေလိမ့်မည်”။

(စာ-၁၉)

ဝဏ္ဏလင်း

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*