သတင်းဆောင်းပါး — မတ် ၂၈၊ ၂ဝ၁၃

လက်ပံတောင်းတောင် အစီရင်ခံစာနှင့် ပတ်သက်ပြီး ဒေါ်အောင်ဆန်းစု ကြည်မှ ဒေသခံများအား သွားရောက် ရှင်းလင်း ပြပုံကို DVB ရုပ်သံတွင်  တစ်ဝက်တစ်ပျက် ကြည့်လိုက် ရသည်။ အတော် စိတ်မကောင်းစွာ ခံစား လိုက် ရသည်။ “ဒီမိုကရေစီ”ကို လိုချင်ပါသည်ဆိုသည့် မြန်မာတို့ “မင်းမဲ့စရိုက်” ဖြစ်ကုန်ကြပြီလားဟု ခံစားမိ ရာမှ စိတ်မကောင်းဖြစ် မိခြင်း ဖြစ်သည်။ ချစ်လှပါသည်ဟု ဆိုသော လွတ်လပ်ရေး ဖခင်ကြီး၏ သမီး ဒေါ်အောင်ဆန်း စုကြည်ကို လမ်း ဆင်းလျှောက် ခိုင်းသည်။ ဧည့်ဝတ် ပျူငှာပါသည် ဆိုသော မြန်မာ့ ယဉ်ကျေးမှု တို့ ဘယ်သို့ ပျောက်ကုန်သည် မသိ၊ အသက် ၆၈ နှစ်ရှိပြီဖြစ်သော ဒေါ်အောင်ဆန်းစုကြည် လမ်းဆင်းလျှောက်ခဲ့ ပါသည်။ ရွာသားများက ဒေါ်စုနှင့် လူ ၅ ဦး ကိုသာ ဝင်ခွင့်ပေးခဲ့သည်။ အန်အယ်လ်ဒီ ခေါင်းဆောင်၊ လွှတ်တော်ကိုယ်စားလှယ် ဒေါ်စုနှင့် ၅ ဦးသာ ရွာထဲဝင်ခွင့် ရခဲ့သည်။ အာဏာရှင်ကို တော်လှန်ခဲ့ပါသည် ဆိုသော ထိုရွာသားများ၏ ကျင့်သုံးမှုက အာဏာရှင်ထက်ပင် ပို၍ဆိုးဝါးနေ သည်ဟု ခံစားမိသည်။

ဒေါ်စုက လက်ပံတောင်းတောင် အစီရင်ခံစာနှင့် ပတ်သက်၍ ရှင်းပြရန် ကြိုးစားသည်။ တစ်ယောက် တစ်ပေါက်နှင့် ဆူညံစွာ တုံ့ပြန်ခဲ့သည်။ သတင်းစာထဲမှာ အပြည့်အစုံ ဖော်ပြထားကြောင်း၊ သတင်းစာ ဖတ်ပြီးပြီလားဟု ဒေါ်စုက မေးသောအခါ ထို ရွာတွင် သတင်းစာမရဟု “ပိတ်”၍ ဖြေသည်။ ဒေါ်စုက ပြေလည် ရာ ပြေလည်ကြောင်း ကြိုးစား၍ ရှင်းပြသည်။ တစ်ဖက်က မျက်လုံးမှိတ်၍ တွင်တွင် ငြင်းသည်။ ဒေါ်စုရှေ့တွင် ရွာသား ဟန်ဆောင်၍ အငြင်းစကား ပြောနေသူအား “ဘယ်ကလဲ”ဟု မေးသောအခါ “ရန်ကုန်”က ဟုဖြေသည်။ ရွာခံတွေကို ရှင်းပြရန် လာရောက်ခြင်း ဖြစ်၍ ရွာခံတွေ ကို မေးသော အခါ ရွာခံများ မဟုတ်ကြောင်း တွေ့ရသည်။

ဒီမိုကရေစီမှာ အရေးမယူရ ဟူ၍ မရှိပါ

မြင်ကွင်းက အတော်ရှင်းပါသည်။ နှစ်ဖက် အပြန်အလှန်ပြောဆိုမှုကို နားထောင်လိုက်လျှင် နိုင်ငံရေး နှင့် ထိတွေ့နေသူများ မဆိုထားဘိ၊ သာမန်နိုင်ငံရေးနှင့် ဝေးကွာနေသူများပင် ခဏချင်း သဘောပေါက်လွယ် သော မြင်ကွင်းဖြစ်ပါသည်။ ဒေါ်စု ကို ကြိုဆိုပုံက မြန်မာတို့၏ အစဉ် အလာ ယဉ်ကျေးမှုမျိုး မဟုတ်ပါ။ နိုင်ငံရေး ရှုထောင့်ကကြည့်လျှင်လည်း တစ်ဖက်က ဘာပြောလို့ပြောမှန်း မသိဘဲ “ဘူး”ခံငြင်းပယ်နေခြင်းသည် ဒီမိုကရေစီ လိုလားသောသူများ၏ လက္ခဏာ မဟုတ်ပါ။ ရန်ကုန်မှ လာသောသူက ဒေသခံ ဟန်ဆောင်ခြင်း ကလည်း ရုပ်ရှင်တစ်ခုအတွက် ဇာတ်ညွှန်းရေး သရုပ်ဆောင်ခံခိုင်းထားသည့်အလား။ တစ်ခုပဲရှိပါသည်။ မှန်ကန်စွာ သရုပ် မဆောင်တတ်၍ ဘူးပေါ်သလို ပေါ်သွားခဲ့သည်။

ဖြစ်စဉ်ကိုကြည့်လျှင် တစ်စုံတစ်ဦး အဖွဲ့အစည်း တစ်ခုက ဇာတ်ညွှန်း ရေးသွားသည့်အတိုင်း ကပြနေသည့် ဇာတ်လမ်း တစ်ပုဒ်ဖြစ်မှန်း သိသာ လွန်းနေပါသည်။ အဘယ့်ကြောင့် ဤအခြေအနေမျိုးကို ဖန်တီးချင်ကြ ရပါသနည်း။ ပို၍ရှင်းလင်းသော အချက်တို့ရှိနေပါသေးသည်။ ရွာနား မရောက်မီအထိ ဒေါ်စုအား ထောက် ခံကြသူများကို တွေ့ရပြီး ရွာတွင်းရောက်မှ ဆန့်ကျင်မှုများကို တွေ့ရခြင်းသည် ပို၍ ထင်ရှားသောဇာတ် ညွှန်းမှန်း သေချာနေပါသည်။ ထို့ပြင် ရွာခံ အမျိုးသမီးငယ် တစ်ဦးက ထိုင်းနိုင်ငံဘက် သွားကာ အင်တာဗျူးခံ၊ ဗီဒီယို အရိုက်ခံပြီး အလွယ်တကူ သွားလိုက်၊ လာလိုက် လုပ်နေနိုင်ခြင်းသည် မြို့သားများထက် ပို၍ပီပြင်နေပြန် ပါသေးသည်။ မည်သူ၏ စီစဉ်ပေးမှု၊ မည်သည့် စရိတ်ဖြင့် ဤသို့သွားလာ နိုင်သည်။ မည်သူ့ ချိတ်ဆက်ပေးမှုနှင့် အင်တာဗျူးခံ၊ ဗီဒီယို အရိုက်ခံနေ သည်မှာ ဆက်လက် စဉ်းစား စရာဖြစ် လာပါသည်။

အခြေခံအားဖြင့် ရွာသူရွာသား အားလုံးမှာ ရိုးသားဖြူစင်ကြပါသည်။ ထိုရိုးသားဖြူစင်မှုအပေါ် အခွင့် ကောင်း ယူ၍ တစ်ဦးတစ်ယောက်၊ အဖွဲ့အစည်းတစ်ခု၏ အကျိုးစီးပွား အတွက် သွေးထိုးလှုံ့ဆော်၊ စည်းရုံးခံ၊ အသုံးချခံနေရသည် မှာ ရင်နာစရာ ဖြစ်သည်ဟု ဆိုချင်ပါသည်။

မြန်မာနိုင်ငံသည် ပြုပြင်ပြောင်းလဲ ရေး၏ လမ်းကြောင်းအမှန်ပေါ် ရောက်ရှိနေသည်။ ရှေ့ဆက် ခရီးနှင်လျှင် နောက်ထပ် နှစ်နှစ်၊ သုံးနှစ်ဟူ သောကာလ၌ ထိုက်သင့် မှန်ကန်သော ဒီမိုကရေစီ ယဉ်ကျေးမှုကို အတော်အတန် ရင့်ကျက်စွာ ကျင့်သုံးနိုင်မည့် အခြေအနေဖြစ်သည်။ ဤအခြေအနေ ကို မရှုစိမ့်လိုသူ၊ မှန်ကန်သော လမ်း ကြောင်းကို ဦးမတည်စေလိုသူ တို့၏ စည်းရုံး လှုံ့ဆော်မှုက ဒေါ်စုခရီးစဉ်တွင် ထင်ရှားစွာ တွေ့မြင်နေရ ပါသည်။ တရားဥပဒေ စိုးမိုးရေးကို ကောင်းစွာ လိုက်နာ ကျင့်သုံးနိုင်ရန် အစိုးရက ပြင်းပြင်းထန်ထန် ကြိုးစားနေ ပါသည်။ ဝန်ထမ်း အရေအတွက် “သောင်း” ဂဏန်းကိုပင် ထိုက်သင့်သော အရေးယူ ဆောင်ရွက်မှု များ ပြုထားနေ ဆဲဖြစ်ပါသည်။

ဥပဒေကို ရည်ရွယ်ချက်ရှိရှိ ဖောက်ဖျက်သည် ဖြစ်စေ၊ မသိ၍ ကျူးလွန်သည်ဖြစ်စေ၊ ခွင့်လွှတ်ခြင်းခံရမည် မဟုတ်ပါ။ ဒီမိုကရေစီ စနစ်တွင် တရားဥပဒေ စိုးမိုးရေးသည် အခြေခံကျစွာ အရေးကြီးလှပါသည်။ တည် ငြိမ်မှုကို ပျက်ပြားရန် မင်းမဲ့စရိုက် ဆန်စွာ ပြုကျင့်မှုများအတွက် တရား ဥပဒေက ခွင့်လွှတ်မည်မဟုတ်ပါ။

ဒီမိုကရေစီနှင့် မင်းမဲ့စရိုက်ကို ခွဲခြားပါ

ရွာသားများကို ဒေါ်အောင်ဆန်း စုကြည်က ဆန္ဒပြမှုနှင့် ပတ်သက်၍ ရှင်းပြသည်။ ခွင့်ပြုချက် ရယူပြီးမှ ဆောင်ရွက် ကြရန် တိုက်တွန်းသည်။ ရွာသားများက “ခွင့်မပြု”၍ ဆန္ဒ ပြရကြောင်းပြောသည်။ ဆန္ဒပြရန်  အတွက် ခွင့်ပြုချက်ကို မည်သည့် အချိန်က တင်ထားပါသလဲဟု မေး သောအခါ လွန်ခဲ့သောနှစ် (အောက် တိုဘာ) ၁ဝ လပိုင်းက ဟု ဖြေသည်။ ဒေါ်စုက ယခုကိစ္စ အစပြုခြင်းမှာ ၁၁ လပိုင်းမှ သာဖြစ်ကြောင်း၊ အာဏာပိုင် များကလည်း ခွင့်ပြုချက်တောင်းလျှင် ခွင့်ပေးပါမည် ဟု ဆိုထားကြောင်း ရှင်းပြခဲ့သည်ကို တွေ့လိုက် ရပါသည်။

ဒီမိုကရေစီတွင် လွတ်လပ်စွာ ဖော်ထုတ်ခွင့်ရှိသည်ဟု ဆိုရာ၌ ဘောင်တွင်း၊ စည်းအတွင်းမှ လွတ်လပ်စွာ ဖော်ထုတ်ခွင့် သာဖြစ်ပါသည်။ ဒီမိုကရေစီကို ကောင်းစွာ ကျင့်သုံး နေသော နိုင်ငံများတွင်လည်း ဆန္ဒ ပြရန် ခွင့်ပြုချက်တောင်းခံရပါသည်။ စည်းမဲ့ကမ်းမဲ့ မိမိတို့၏ ဖြစ်ပေါ်လာ သမျှ ဆန္ဒအတိုင်း ပြုလုပ်၍ မရပါ။ မြန်မာ့ ဒီမိုကရေစီ၏ လွတ်လပ်ခွင့်ကို အခြားအလားတူ နိုင်ငံများနှင့် နှိုင်းယှဉ်နိုင် ပါသည်။ မလေးရှားနှင့် ရုရှား ကိုပင် မြန်မာ့ပုံစံအား အတုယူသင့် ကြောင်း ကမ္ဘာက ပြောနေပြီဖြစ်၍ မြန်မာနိုင်ငံသားတို့၏ လွတ်လပ်ခွင့် ရေချိန်ကို တိုင်းဆနိုင်ပါသည်။

“ဘာမှ မလိုချင်ဘူး။ စီမံကိန်း ချက်ချင်းရပ်ဖို့ပဲ လိုတယ်”ဟု မျက်လုံးမှိတ် တောင်းဆိုနေခြင်းသည်လည်း တစ်လမ်းသွား၊ တစ်ဖက်သတ် ဆန်လွန်းလှပါသည်။ အညှိနှိုင်းမခံ၊ ရှင်းပြ မခံခြင်းသည် တစ်ဦးတစ်ယောက်၏ စိတ်သဘောထားအမှန် မဟုတ်ပါ။ တစ်စုံတစ်ဦး၏ မဆီလျော်သော သြဇာ လွှမ်းမိုးမှု၊ သွေးထိုး လှုံ့ဆော်မှု နောက် လိုက်ပါမှုသာဖြစ်ပါသည်။ ဒီမိုကရေစီ ကို စစ်မှန်စွာ ရယူလိုကြသူများသည် တွေ့ဆုံဆွေးနွေးရေး၊ ညှိနှိုင်းရေး ကိုသာ လက်ခံလေ့ရှိ ကြပါသည်။ ပျော့ပြောင်း မှုရှိရပါသည်။ အကြောင်းအကျိုးပေါ် ဆီလျော်စေ ရပါသည်။

အနာဂတ်နှင့် ပစ္စုပ္ပန်ကို လုံးဝ လျစ်လျူရှုရန် “တစ်ဖက်သတ် ရပ်ဆိုင်း”ရေးကိုသာ တွင်တွင်အော်နေ ခြင်း၊ ခွင့်ပြုချက် မရဘဲ ဆန္ဒပြခြင်း၊ ဒေါ်အောင်ဆန်းစုကြည်လို လူမျိုးကိုပင် ကန့်သတ်၍ လည်းကောင်း၊ ခက်ထန်စွာ တုံ့ပြန်၍လည်းကောင်း၊ ဆက်ဆံခြင်းသည် ဒီမိုကရေစီ၏ ဆန့် ကျင်ဘက်ဖြစ်သော မင်းမဲ့စရိုက်ကို ကျင့်သုံးနေခြင်း မျှသာဖြစ်ပါသည်။ မင်းမဲ့စရိုက် အားကောင်းလာပါက ဖြစ်လာမည့် အကျိုးဆက်တို့ကို စဉ်း စားမိစေလိုပါသည်။

ဤဖြစ်ရပ်က နောက်ကြောင်း ပြန် သွားစေလိုသူမည်သူ ဖြစ်သည်ကို ထင်ရှားစွာ ပြသခဲ့သည့်ဖြစ်စဉ်ဟု ရှု မြင်ပါသည်။

ဓားရိုးကမ်းကြသူများ

နေရာတိုင်းတွင် သူခိုးဓားရိုးကမ်း  ကြသူများ၊ သိုးမည်းများ ရှိနေကြပါ သည်။ သူခိုးလူဟစ်မှုက ပို၍လည်း ကျယ်လောင် တတ်သည်။

မည်သူတွေက အလုပ်ဘာမှ မလုပ်ဘဲ ပေးကမ်းစာဖြင့် မည်သည့် လှုံ့ဆော်မှုများကိုသာ တစိုက်မတ်မတ် လုပ်ဆောင်နေ ကြသည်မှာလည်း မသိနိုင်စရာ ဘာမှမရှိပါ။ သက်ဆိုင်ရာ  တာဝန်ရှိသူများရော၊ ပြည်သူတို့ ကပါ ဖော်ထုတ် အရေးယူသင့် ပါသည်။ ဤ အတွက် နိုင်ငံရေး အကျဉ်းသား အမည်ခံ၍ မရပါ။ ကိုယ့်နိုင်ငံကို ကိုယ့်လူ မျိုးတို့ကသာ အမှန်တကယ် အချစ်ဆုံးဖြစ်ပါသည်။ သူခိုးဓားရိုးကမ်းကြ သူများမှာ ချစ်ဟန်ဆောင်၍ ကိုယ် ကျိုးစီးပွား နောက်ကွယ် ထားကြသူ များသာဖြစ်ပါသည်။

မြန်မာနိုင်ငံသည် Reform Process ဟူသော မှန်ကန်သည့် လမ်းကြောင်း ပေါ်တွင် ပြုပြင်ပြောင်းလဲရေး ဆောင် ရွက်နေသော အချိန်ဖြစ်ပါသည်။ လေ တိုးခံ၍ မရသော အခြေအနေဖြစ်ပါ သည်။ တည်ငြိမ်အေးချမ်းမှု မရှိပါက ဒီမိုကရေစီယဉ်ကျေးမှုကို ကျင့်သုံး၍ မရပါ။ တည်ငြိမ်အေးချမ်းမှုမရှိပါက မည်သည့် နိုင်ငံမှလည်း ရင်းနှီးမြှုပ်နှံ မှုများကို ဆောင်ရွက်ကြမည်မဟုတ် ပါ။ နိုင်ငံတကာ ရင်းနှီးမြှုပ်နှံမှုများ ရရှိပြီး စီးပွားရေးတိုးတက်ဖွံ့ဖြိုးလာ ပါက ဒီမိုကရေစီကို များစွာ အထောက်  အကူဖြစ်စေပါသည်။ သို့ဆိုလျှင် တည်ငြိမ်အေးချမ်းမှုကို ပျက်စီးစေ သော ဖျက်ဆီးသော သူတို့သည် မြန်မာနိုင်ငံနှင့် မြန်မာလူမျိုးတို့၏ ကောင်းစားရေးကို အမှန်ရှေးရှုကြ သော သူများ ဟုတ်မဟုတ် စဉ်းစား ဆုံးဖြတ်နိုင်ပါသည်။ ထိုသူတို့ကို နီး စပ်ရာက ဖော်ထုတ်၍ ပြတ်သားစွာ အရေးယူ ဆောင်ရွက်သင့်ပြီဟု ယူဆ ပါသည်။

အမြင်နှင့် ခံစားမှုတို့ မတူသော်လည်း

သားသမီး ဘဝတွင် မိဘကို များစွာ စာနာနိုင်သည် မဟုတ်ပါ။ မိဘ ဘဝရောက်သောအခါ သားသမီးအား လုံး၏ အနာဂတ် ရေရှည် အကျိုးကို မြော်မြင်ဆောင်ရွက်ကြ ရပါသည်။ ကျောင်းသားဘဝတွင် လည်း ဆရာများ ၏ ဘဝကို စာနာနိုင်မည် ဟုတ်ပါ။ ကိုယ်တိုင် ကျောင်းဆရာဖြစ်လာပါက  တပည့်အပေါင်း၏ အနာဂတ်အကျိုး ကို ကျယ်ပြန့်စွာ စဉ်းစားခဲ့ကြရပါ သည်။

နိုင်ငံတစ်ခုတွင် သာမန်ပြည်သူ တို့၏ ခံစားမှု၊ ရှုမြင်မှုနှင့် တာဝန် ရှိသူတို့၏ ခံစားမှု၊ ရှုမြင်မှုများ တူညီ နိုင်ကြလိမ့်မည် မဟုတ်ပါ။ ယနေ့ နိုင်ငံ ကို ဦးဆောင်နေသော သမ္မတကြီးနှင့် အစိုးရသစ်သည် နိုင်ငံအတွက် မြင်သာ ထင်သာသော ရလဒ်ကို ထုတ်ဖော်ပြသနိုင်စွမ်း ရှိသော သူများဖြစ်ပါသည်။ ဒေါ်အောင်ဆန်းစုကြည် သည်လည်း ပြည်သူအကျိုး ကို ဆောင်ရွက် နေသည်မှာ ထင်ရှားပါသည်။ ရလဒ် ကောင်းများ ဆောင်ကြဉ်းပေး နိုင်သော  ဦးဆောင်သူများ ဖြစ်သဖြင့် ဒေသခံတို့ အနေဖြင့် ခံစားမှုကို ခဏဘေးဖယ် ထားပြီး အသေအချာ နဖူးပေါ်လက် တင်စဉ်းစားကြည့်စေ လိုပါသည်။ မည်သူတွေက နိုင်ငံတော်အတွက် မှန်ကန်စွာ ဆောင်ရွက်နေ သည်။ မည်သူ တွေက နိုင်ငံတော်အတွက် သွေးထိုး လှုံ့ဆော်နေသည်ကို လွယ်ကူစွာ ခွဲ ခြားနိုင် ပါလိမ့်မည်။

ထင်ရှားသော သာဓကတစ်ခု ထုတ်ပြလိုပါသည်။ ဆန္ဒပြသူများကို သွေးထိုးလှုံ့ဆော်ခဲ့သောည ဆန္ဒပြသူများ ၏ ခေါင်းဆောင် ဆိုသူမှာ ဒေါ်အောင်ဆန်းစုကြည်ကို အဘယ့်ကြောင့် မတွေ့ခဲ့ပါသနည်း။ ဘာကြောင့် မတွေ့ရဲခဲ့ပါ သနည်း။ ၅ ဦး သာ ဝင်ခွင့်ပေးခဲ့သော လူအုပ်ကြီးထဲ သို့ ဒေါ်စုဝင်သွားခဲ့ပါသည်။ ဆန္ဒပြ ခေါင်းဆောင်ဆိုသူက သူ့လူတွေ ကြားထဲမှာပင် အဘယ့်ကြောင့် ဒေါ်စု ကို မတွေ့ရဲဘဲ ရှောင်နေရခြင်းကို ထောက်ရှုလျှင် မှန်ကန်သော ခေါင်း ဆောင် ဟုတ်-မဟုတ်၊ ရှေ့မထွက် ရဲဘဲ နောက်ကွယ်ကသာ သွေးထိုး လှုံ့ဆော်သူ ဖြစ်မဖြစ် လွယ်ကူစွာမြင် နိုင်ကြပါလိမ့်မည်။ ဆန္ဒပြသူတွေကို အမှန်တကယ် ချစ်ခင်ခဲ့လျှင် ဒေသအကျိုး ကို အမှန်တကယ် ကိုယ်စား ပြုခဲ့လျှင် ထိုခေါင်းဆောင်ဆိုသူ အနေဖြင့် ဒေါ်စုကို ရဲရဲရင့်ရင့် ရင်ဆိုင် စကားပြောရဲပါ လိမ့်မည်။ ကိုယ့်ခေါင်းဆောင် ဆိုသူကို ပြန်၍ စစ်ဆေးသင့်သည် ဟု ဆိုချင် ပါသည်။

နေဇင်လတ်

ဆက်စပ်သတင်းများ

ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇
ဖိုရမ်တစ်ခုပေါ်မှ ငြိမ်းချမ်းရေးအမြင်

ဖိုရမ်တစ်ခုပေါ်မှ ငြိမ်းချမ်းရေးအမြင်

ရန်ကုန်၊ ဇန်နဝါရီ ၁၅၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*