သတင်းဆောင်းပါး — ဖေဖော်ဝါရီ ၁၃၊ ၂ဝ၁၃

ရွှေစက်တော် ဘုရားပွဲတော်ကို နှစ်စဉ် တပို့တွဲ လဆန်း (၅)ရက်မှ မြန်မာနှစ်ဆန်းတစ်ရက်နေ့ အထိ ကျင်းပသည်။ မန်းစက်တော် ဘုရား၏ သာသနာ့နယ်မြေ နယ်နိမိတ်မှာ ၄၄၄ ဒသမ ၂၄ ဧက ရှိသည်။ ဘုရားပွဲတော် ကျင်းပသည့် အကျယ် အဝန်းမှာ ဧက(၆ဝ)ရှိသည်။ အနယ်နယ် အရပ်ရပ်မှ လာကြသော ဘုရားဖူးများ တည်းခိုရန် တည်းခိုရိပ် သာပေါင်း(၅ဝဝ)ခန်းနှင့် ဆိုင်ခန်းပေါင်း (၇ဝဝ)ကျော်ရှိသည်။ တစ်ည တည်းခိုခနှုန်းမှာ ရိုးရိုးအခန်း (၁ဝဝဝဝ) ကျပ်၊ (၁၅ဝဝဝ)ကျပ် အထိ ပေးရသည်။ မိသားစုလိုက်၊ အဖွဲ့လိုက် တည်းခို၍ရသည်။

အထက် စက်တော်ရာနှင့် အောက် စက်တော်ရာကြား စီးဆင်းနေသော မန်းချောင်းကို ဖြတ်၍ ဆောက်ထား သော အထူး တံတားသည် ရွှေစက်တော်တွင် အကြီးဆုံးဖြစ်ပြီး ကားများ ဖြတ်ကူးနိုင်သည်။ အထက် စက် တော်ရာသို့ တက်သော တောင်တက် လမ်းမှာ နှစ်လမ်းရှိ၏။ ပထမလမ်း သည် အထူးတံတားမှဖြတ်သွားရ သည်။ ထိုလမ်းတွင် ကားလမ်းနှင့် ခြေလျင်တက်ရသော လှေကားထစ် လည်းရှိသည်။ နောက်တစ်လမ်းမှာ စက်တော်ရာ တောင်ခြေ မှ တောလမ်း ကလေး အတိုင်း သွားရ၏။ ရွှေစက်တော်ဘုရားသည် တည်နေရာ အနေအထား အရ အောက်စက်တော်ရာ သည် မန်းချောင်း၏ အနောက်ဘက်၌ တည်ရှိသည်။

အထက်စက်တော်ရာ သည် မန်းချောင်း၏အရှေ့ ဘက်၌တည်ရှိ၏ ပင်လယ်ရေမျက် နှာပြင်အထက် အမြင့်ပေ-၂ဝဝဝ၊ အထက်တွင်တည်ရှိသည်။ အောက် စက်တော်ရာဘုရားမှ မန်းချောင်းကို ဖြတ်၍ အရှေ့ဘက်ရှိ အထက်စက်တော်ရာ ဘုရားကို ဖူးမြော်နိုင်သည်။ အရှေ့ဘက်ကမ်း အထက်စက်တော် ရာအထိ စောင်းတန်းငါးသွယ် ရှိသည်။ အထက် စက်တော်ရာအထိ လှေကားထစ် (၆၁ဝ)ထစ် ရှိသည်။ အထက် စက်တော်ရာ၏ အထက် ရန်အောင်မြင်ဘုရား အထိ လှေကား ထစ် (၁ဝ၁)ထစ်ရှိသည်။

အစွမ်းထက်သော ဆေးမြစ်များ

အထက် စက်တော်ရာသွားသော စောင်းတန်းတွင် ဈေးသည်များရှိရာ ထူးထူးဆန်းဆန်း ဒေသထွက် ဆေးမြစ် များ တွေ့ရသည်။ နလင်ကျော်မြစ်သည် ညှော်နံ့ကောင်းသည်။ ဆေးမင်းကင်းချီမှာ အဖုအကျိတ် အနာနှင့် ဝမ်းကိုက်ရောဂါ ပျောက်သည်။ ပင့်ကူဂမုန်းသည် အဆိပ်ကို နိုင်သည်။ ဘိုးမင်းဝိဇ္ဇာမှာ ဆီးကောင်းသည်။ ရေနွေးထဲ စိမ်သောက်ရသည်။ တောင်ကျီးသီးက ဆံပင်နက်စေသည်။ ဝင်အူမြစ်က အဖောအရောင် ပျောက်သည်။ ဘုမ္မရာဇာမြစ်သည် အရိုးကျိုး အဆစ်အမြစ် အကိုက်အခဲ ကောင်းသည်။ ကသစ်ဖုမှာ သွေးလိမ်း ပါက အသားချောညက်၍ ဝင်းလက် စိုပြေသည်။ နနွင်း ခါးမှာ အခြောက်လှမ်းအမှုန့်ကြိတ် ပျားရည်နှင့် စိမ်သောက်လျှင် သွေးတိုးနှင့် အစာအိမ်ရောဂါ ပျောက် သည်။ ရင်းပြားမြစ်မှာ အမျိုးသမီးများ မီးဖွားပြီး သောက်ရသည်။ ကျားမနိုင်မြစ်က အဖောအရောင် အကိုက်အခဲ ကောင်း သည်။

မန်းချောင်းဘေး ကပ်လျက် တည်းခိုဆောင်များက ဈေးကြီးပေးရသည်။ လုံးချင်းများ ဆောက်ထားသည်။ လုံးချင်း တစ်နေ့တည်းခ ၂ဝဝဝဝိ/နှင့် ၃ဝဝဝဝိ/ အထိ ပေးရသည်။ ဝါး၊ သက်ငယ်မိုး ဆိုသော်လည်း လုံးချင်း အဆောက်အဦ ကလေးများက ခေတ်မီ၍လှပသည်။  နေချင်စရာ တည်းခိုဆောင်မှ ဆင်းလိုက်သည်နှင့် ချောင်းစပ် သို့ ရောက်သွားသည်။ အချို့က ဘောကွင်းများ စီး၍ ချောင်းထဲမှာ အပန်းဖြေကြသည်။ မန်းချောင်းရေက ရေစီးသန်တော့ ရေမှာ အမြဲသန့်ရှင်းကြည် လင်နေသည်။ ရေအောက်မှ အလွန်လှသော ကျောက်ခဲကလေးများကို မြင်နိုင်သည်။ ဘုရားပွဲတော် လူကျရက်မှာ ဆယ်တန်းစာမေးပွဲများ အပြီးတွင် ချောင်းစပ် တည်းခိုဆောင်များ လူအပြည့်၊ အခန်းရဖို့ မလွယ်ကူတော့။ ထို့ပြင် ဌာနဆိုင်ရာ တည်းခို ဆောင်များလည်း ရှိသည်။ မိမိဌာန အလိုက်ဝန်ထမ်းမိသားစုများ တည်းခိုနိုင်အောင် စီစဉ်ထား၏။ ရွှေစက် တော် တွင် ကောက်ညှင်းဆီ ထမင်း၊ စာကလေးကြော်၊ ငါးကြော်၊ ကြက်သားကြော်၊ ဝက်အူတောင့်၊ အမဲသား ကြော်များသည် လတ်ဆတ်၍ အရသာ ရှိလှသည်။ စားဖူးသူတိုင်း စွဲမက်စေသော ဒေသအစားအစာ ဖြစ်သည်။

ရွှေစက်တော် ဒေသဝန်းကျင်မှ ထွက်သော ချင်းရိုးရာဂျပ်ခုတ်စောင် များ၊ ထဘီများ၊ ပုတီးများ၊ တဘက်စောင် များ သည် ပွဲတော်လာဘုရားဖူး များကို ဆွဲဆောင်လျက်ရှိသည်။ ထို့ ပြင် ဒေသထွက်၊ ကောက်ညှင်းကျည် တောက်၊ သနပ်ခါးတုံး၊ အမွေးစုတ် ဖွားချင်းခွေးများနှင့် ဝက်မြေဥ၊ မျှစ် ခြောက်၊ မျှစ်ချဉ်များကိုလည်း ပွဲဈေးတန်း တစ်လျှောက် ခင်းကျင်း ရောင်းချ လျက် ရှိသည်။

တပေါင်း၊ တန်ခူးလများဆီ နီးကပ်လာပြီ ဖြစ်၍ လေရူးနှင့်အတူ ရော်ရွက်ဝါတို့လည်း ကြွေစပြုပြီး ပိတောက်နှင့် အင်ကြင်းပန်းများလည်း လှိုင်လှိုင်ပေါတော့မည်။ ဘယ် လောက်ပူပူ၊ ဘယ်လောက်ပန်းပန်း ရွှေစက်တော်က မန်းချောင်းရေ အေးမြမြကလေးကို ချိုးလိုက်ပါက လန်းဆန်းရစမြဲဖြစ်ပါ၏။ နေပူထဲ ကလာပြီး ဘယ်နှစ်ကြိမ် ချိုးချိုး ဖျား နာခြင်းမရှိ၊ ချောင်းရေက အေးမြ ကြည်လင်လျက် စိတ်လည်း ရွှင်ပျော်စရာ ကောင်းလှပါသည်။ ရွှေစက်တော် ဘုရားပွဲကိုလာရင်း သမိုင်းချင်းဆက်၊ နေရာချင်းလည်း မဝေးလှသော၊ မကွေးမြသလွန်၊ မင်းဘူး စက္ကိန်းတဲ စေတီနှင့် လယ်ကိုင်း ကျောင်းတော်ရာ စေတီများကိုလည်း ဝင်ရောက် ဖူးမြော်နိုင်သည်။

မကွေးတိုင်း ဒေသကြီး၊ မင်းဘူးမြို့နယ် အတွင်းရှိ ရွှေစက်တော် ဘုရားသည် မင်းဘူးမြို့အနောက်တောင် ဘက် (၃၆)မိုင် ကွာဝေးသော အနောက် ရိုးမအရှေ့ဘက်ဆုံး တောင်စွယ်ပေါ် တွင် တည်ရှိပါသည်။ မော်တော်ကား ဖြင့် သွားလျှင် မကွေးမြို့မှ ဧရာဝတီ တံတား(မကွေး)ကိုဖြတ်ကာ မင်းဘူးမြို့ရောက်ပြီး ထိုမှ ပုသိမ်- မုံရွာ ကားလမ်း အတိုင်း အနောက် ဘက်သို့ သွားပါက အောက်စက်တော်ရာသို့ ရောက်ပါသည်။

မကွေးလှမြင့်

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *


*