စီးပွားရေးသတင်း — ဘန်ကောက်၊ ဖေဖော်ဝါရီ ၂၂၊ ၂ဝ၁၃

မြန်မာနိုင်ငံတွင် မြေယာ အငြင်းပွားမှုများ ပြင်းထန်နေသဖြင့် အိုးအိမ်ခြံမြေများ ဝယ်ယူခြင်း သို့မဟုတ် ငှားရမ်း ခြင်းများ မပြုမီ သတိကြီးကြီး ထားရန် ထိုင်းစီးပွားရေး လုပ်ငန်းများသို့ ထိုင်း-မြန်မာစီးပွားရေး ကောင်စီ အတွင်းရေးမှူး ချုပ်ဟောင်း သာနစ်ဆိုရတ်က ယမန်နေ့တွင် သတိပေး ပြောကြားလိုက်သည်။

ရင်းနှီးမြှုပ်နှံမှု အသစ်များအတွက် မြေယာအသုံးပြုခြင်းနှင့် ပတ်သက်၍ ပြည်နယ်အာဏာပိုင် အတော် များများနှင့် ဒေသခံ နယ်သူနယ်သားများ၊ လယ်သမား များနှင့် မြေယာပိုင်ရှင်များ ကြား ပဋိပက္ခဖြစ်ပွားနေ ကြပြီး မြေယာပိုင်ဆိုင်ရှင်အစစ်ကို စစ်ဆေးကြည့်ရှုရန် အခက်တွေ့နေသည့် နိုင်ငံခြား ရင်းနှီးမြှုပ်နှံသူများ အတွက်မှာ လည်း မြေယာဈေးနှုန်းများ တရစပ် မြင့် တက်နေခြင်းက အသည်းအသန် ပြဿနာ ကြီးတစ်ခုဖြစ်နေပြန်ပါသည်။

မြန်မာအစိုးရတွင် မြေယာလက်လွှဲ ရောင်းချမှုများက ထပ်ထပ်ဖြစ်နေမှုကို စစ်ဆေးရန် ထိရောက်သော အိုင်တီ စနစ်တစ်ရပ် မရှိဟု မြန်မာနိုင်ငံတွင်း ရင်းနှီးမြှုပ်နှံမှု ဆိုင်ရာ ကျွမ်းကျင်သူ တစ်ဦးက ဆိုပါသည်။ ဒေသခံ နယ်သူ နယ်သား များနှင့် ပြည်နယ် အာဏာပိုင်များကြားမှ မြေယာ အငြင်းပွားမှုများမှာ ဥပဒေရေး တိုက်ပွဲများ အဖြစ်သို့ တစ်စထက် တစ်စ မြင့် တက်လာခဲ့သည်။

ဥပဒေအရ ပိုင်ဆိုင်ခွင့် ရှိသည်ထက် စက်ရုံအတွက် မြေယာများကို မတရားသဖြင့် အပိုင်စီးခဲ့ကြောင်း၊ လယ်သမားများက စစ်ကိုင်းတိုင်း ဒေသကြီးရှိ ဓာတုဗေဒ စက်ရုံ တစ်ရုံမှ အရာရှိများကို တရားစွဲဆိုခဲ့ကြသည်။ အလားတူ အမှုအခင်းများမှာ မြို့တော် ဟောင်း ရန်ကုန်အနီးရှိ စီးပွားရေး နယ်မြေအတော်များများတွင် ဖြစ်ပေါ်လျက် ရှိပါသည်။

မြန်မာနိုင်ငံတွင် ရင်းနှီးမြှုပ်နှံမည့် ထိုင်းလူမျိုးများအတွက် အဆိုပါ မြေယာပိုင်ဆိုင်ခွင့် မရေရာမှုများက အသေအချာပင် ရပ်တန့်သွားစေလိမ့်မည်ဖြစ်ကြောင်း၊ သာနစ်ဆိုရတ်က ပြောကြားခဲ့သည်။ ဟိုတယ် သို့မဟုတ် စက်ရုံတစ်ခု တည်ဆောက် ရန် ပထမဆုံး အနေဖြင့် ထိုင်းရင်းနှီးမြှုပ်နှံ သူများအဖို့ မြေနေရာတစ်ခု ဝယ်ယူခြင်း သို့မဟုတ် ငှားရမ်းခြင်း ပြုရပါလိမ့်မည်။ သို့သော် ပိုင်ရှင်အစစ်အမှန်ကို သေချာ မသိနိုင်သည့် အတွက် မြန်မာနိုင်ငံတွင် ရင်းနှီးမြှုပ်နှံရန် သူတို့ မဆုံးဖြတ်နိုင်ဖြစ်နေ ကြရသည်။

မြေယာအားလုံးလိုလိုကို မြန်မာ အစိုးရက ပိုင်ဆိုင်ပြီး တချို့မြေကွက် များကို ပုဂ္ဂလိက ကုမ္ပဏီများသို့ ရောင်းချထား ခဲ့သည်။ ထိုင်းရင်းနှီး မြှုပ်နှံသူများအနေဖြင့် မည်သည့် အစိုးရဌာနများက စာချုပ်စာတမ်းများ ထုတ်ပေးခဲ့သည် ဆိုသည်ကို စဉ်းစား ရမည်ဖြစ်သည်။ ထို့ပြင် ရန်ကုန် သို့မဟုတ် ပဲခူးအပြင်ဘက်ရှိ မြေယာ ကို ဝယ်လိုသည် ဆိုပါက ဗဟိုအစိုးရ အနေဖြင့် စာချုပ်စာတမ်း ထုတ်ပေး မပေး ဆိုသည်ကိုလည်း စဉ်းစားရမည် ဖြစ်သည်။

မြေဈေးများ တစ်ဟုန်ထိုးတက် လာပြီးနောက်တွင် ဈေးကစားမှုများ ကို ထိန်းချုပ်ရန် မြန်မာအစိုးရက ဇုန်များ ခွဲခြား သတ်မှတ်ပေးခဲ့သည်။ “အခု ရန်ကုန်မှာ မြေဈေးက ၁ စတုရန်းပေကို ဘတ် ၂ဝ,ဝဝဝ လောက်နဲ့ ရောင်းနေကြတာ၊ ဈေး သိပ်ကြီးတာပေါ့။ ဒီတော့ အစိုးရက ဆီလုန်နဲ့ ဖာတူရတ် ဇုန်တွေလိုဖြစ်အောင် နယ်မြေ တွေကို ခွဲဝေပိုင်းခြား  ပစ်ချင်တယ်” ဟု သူက ပြောသည်။ မြေယာ အရှုတ်အထွေးများကို အစီအစဉ် တကျ ဖြစ်အောင် မြန်မာအစိုးရက လုပ်ဆောင်သောအခါ ပုဂ္ဂလိကပိုင် ကုမ္ပဏီအချို့မှာ စာချုပ်စာတမ်း များကို တရားမဝင် ရယူခဲ့ကြောင်း တွေ့ရှိခဲ့ရသည်။

ထိုင်းစီးပွားရေးလုပ်ငန်းများအနေ ဖြင့် အဓိက စက်မှုဇုန်ကြီးများဖြစ် သည့် တောင်နှင့် အနောက်ဘက်ရှိ စက်မှုဇုန် များတွင်သာ မြေဝယ်မြေငှား လုပ်သင့်ကြောင်း၊ စက်မှုဇုန်ကြီးများတွင် မြေယာပိုင်ဆိုင်ခွင့်မှာ ဖြစ်နိုင် စရာရှိပြီး အထူးသဖြင့် တည်ဆဲစက်မှု လုပ်ငန်းများထံမှ တိုက်ရိုက် ဝယ်ယူလျှင် ဖြစ်နိုင်ကြောင်း၊ အကယ်၍ မြို့လယ်ဒေသနှင့် မြို့ကြီးများ တွင် မြေဝယ်မည် ဆိုပါက စာချုပ်အထပ်ထပ် နှင့် မြေများကိုသာ ဝယ်မိနိုင်ကြောင်း၊ စက်မှုဇုန်များတွင် မြေငှားသည် က ဇုန်ပြင်ပထက် ပိုမိုယုံကြည်စိတ်ချရကြောင်း၊ မြေယာစာချုပ်စာတမ်းများ ကို မြေယာဌာနမှ ထုတ်ပေးထားခြင်း ဟုတ်မဟုတ် လေ့လာစစ်ဆေးကြည့် သင့်ကြောင်း မစ္စတာ သာနစ်က ဆို ပါသည်။ ဝစ်စပက် ကုမ္ပဏီ (Wispact Co) ဥက္ကဋ္ဌ ဂျာရယ် ဒက်ပရာသွန်း(မ) က ထားဝယ်စက်မှုဇုန်တွင် ၇၅ နှစ် သက်တမ်း ဖြင့် မြေငှားရန်စီစဉ်နေ ကြောင်း ပြောသည်။ ထိုသို့ ပြုလုပ်ခြင်းက စက်မှုဇုန်ပြင်ပရှိ မြေကို ငှားရမ်းရာ၌ တွေ့ရသော အန္တရာယ်ကို ဖြစ်ပေါ်စေမည် မဟုတ်ချေ။ မြန်မာ အစိုးရက ဇုန်များကို စက်မှုဇုန်များ အဖြစ် ကြေညာပြီး စက်ရုံ အများအပြားကိုလည်း ဆောက်လုပ်ပြီးဖြစ်ရာ စက်မှုဇုန် အတွင်းရှိ မြေများကို သိမ်းယူရန် ခက်ခဲပါလိမ့်မည်ဟု သူက ဆိုပါသည်။ မြေယာ အငြင်းပွားမှုများမှာ ယခင်အစိုးရ လက်ထက်က အများစု အစပြုခဲ့ကြောင်း စစ်ဖက်မှ ပုဂ္ဂလိကသို့ လွှဲပြောင်းပေးပြီးမှ သာ ပြဿနာမှာ ပေါ်ထွက် လာခဲ့ခြင်း ဖြစ်ကြောင်း၊ ဂျပန်နိုင်ငံ ရှသ်မိုကာဝါ အုပ်စုနှင့်အတူ မြန်မာနိုင်ငံတွင် အိမ်ခြံမြေလုပ်ငန်း တွင် ရင်းနှီးမြှုပ်နှံ ထားသည့် အိချိတန် အုပ်စုမှ အမှုဆောင် အရာရှိချုပ် တန်ပတ်ဆာကို နာတီးက ဆိုပါသည်။

Ref: nationmultimedia.com

ဝ၄ဝ

ဆက်စပ်သတင်းများ

အခွန်အကောက် ဥပဒေကြမ်း တင်သွင်း

အခွန်အကောက် ဥပဒေကြမ်း တင်သွင်း

နေပြည်တော်၊ ဖေဖော်ဝါရီ ၁၃၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*