ပညာရေး သတင်း — မန္တလေး၊ ဖေဖော်ဝါရီ ၂၂၊ ၂ဝ၁၃
မန္တလေး ဆေးတက္ကသိုလ်

မန္တလေး ဆေးတက္ကသိုလ်

မန္တလေး ဆေးတက္ကသိုလ်၌ ကျောင်းသားအချို့အပေါ်တွင် အရေး ယူမှုများ ပြုလုပ်ခဲ့ရခြင်းသည် မိမိ တာဝန်ရှိသည့်အတိုင်း အမုန်းခံ၍ လုပ်သင့်လုပ်ထိုက်သည်ကို မူအရ လုပ်ခဲ့ခြင်းသာဖြစ်ကြောင်း မန္တလေး ဆေးတက္ကသိုလ် ပါမောက္ခ ချုပ် ဒေါက်တာ သန်းဝင်းက ဖေဖော်ဝါရီ ၂၂ ရက် က မန္တလေး ဆေးတက္ကသိုလ် ပါမောက္ခချုပ် ရုံးခန်းတွင် မီဒီယာများနှင့် တွေ့ဆုံခိုက်၌ ပြောကြားခဲ့သည်။

“ကျွန်တော်တို့ အဆုံးအဖြတ် မှားခဲ့လို့ လိုအပ်သလောက် မကျွမ်းကျင် မတတ်မြောက်ဘဲ မပြည့်ဝတဲ့ ဆရာဝန်တွေ ဖြစ်လာ ရင်၊ ပြည်သူလူထု အကျိုးယုတ်စေခဲ့မယ်ဆိုရင် ကျွန်တော်တို့မှာ တာဝန် ရှိပါတယ်” ဟု ယင်းက ပြောပါသည်။

ထို့ပြင် မိမိတို့သည် အတတ်ပညာရှင်များ မွေးထုတ်ပေးရခြင်း ဖြစ်ပြီး ဆရာဝန်ဟူသည့် အတတ်ပညာရှင် ဖြစ် မဖြစ် သင်ကြားပေးသော တက္ကသိုလ်မှသာ သတ်မှတ်ပေးကြောင်း၊ ထို့ကြောင့် ဆေးကျောင်း သားတစ်ယောက် ဆရာဝန် ဖြစ် ထိုက်၊ မဖြစ်ထိုက် ဆုံးဖြတ်ရန်သည် မိမိတို့တွင် အဓိကတာဝန်ရှိသည့် အားလျော်စွာ လုပ်သင့် လုပ်ထိုက်သည်ကို လုပ်ခဲ့ခြင်းသာ ဖြစ်ကြောင်း ဆိုပါသည်။

ဆက်လက်ပြီး ယင်းက မိမိတို့သည် လေးနှစ်အတွင်း ကျောင်းသား လေးရာကျော် ထုတ်ခဲ့ခြင်းမှာ များသည် ဟု ဆိုနိုင်ကြောင်း၊ သို့သော် ယင်း လေးနှစ်တွင် ကျောင်းသားသောင်း လေးထောင်ကျော်ရှိကာ တစ်နှစ်လျှင် ကျောင်းသား ၃၅ဝဝ ရှိသည်ကို အချိုးချကြည့်မည်ဆိုလျှင် ကျောင်းထုတ်ခဲ့သည်မှာ ၃ ရာခိုင်နှုန်းမျှသာရှိ ကြောင်း ပြောပါသည်။

“ကျောင်းသားနဲ့ ဆရာ မမျှတဲ့ ကိစ္စကလည်း ရှိပါတယ်။ ကျွန်တော်တို့တုန်းက အလုပ်သင် ဆရာဝန်ဆိုတာ လူနာဆောင် တစ်ခုမှာ သုံးလေးယောက် ရှိတယ်။ အခုက သုံးလေးဆယ် မက ရှိတယ်။ ဆရာကြီးတွေက ဘယ်သူက ကျောင်းသား၊ ဘယ်သူက အလုပ်သင် ဆရာဝန် ဆိုတာတောင် ကောင်းကောင်း မသိနိုင်တဲ့ အခြေအနေမျိုး ဖြစ်နေတယ်” ဟု ပါမောက္ခချုပ် ဒေါက်တာသန်းဝင်းက ဆိုပါသည်။

ထို့ပြင် မိမိအနေဖြင့် အကောင်း ဆုံးဖြစ်ရန် ကြိုးစားခဲ့ပြီး စာမေးပွဲနှင့် ပတ်သက်၍မူ စည်းကမ်းကို အတိအကျ ကိုင်တွယ်ဆုံးဖြတ်ခဲ့သဖြင့် ကာယကံရှင်အချို့က မကျေမနပ် ဖြစ်ခဲ့ခြင်းမျိုးရှိကြောင်း၊ သို့သော် ထိုသို့ တာဝန်ယူ ရသည့် အတွက်မူ မှားသည်ဟု မယူဆကြောင်း ဆိုပါသည်။

သို့သော် ပြီးခဲ့သည့် အောက်တိုဘာ ၁၅ ရက်တွင် ရန်ကုန်မြို့၌ ပြုလုပ်ခဲ့သည့် ကျောင်းထုတ်ခံ ကျောင်းသား များ၏ သတင်းစာရှင်းလင်းပွဲ တွင်မူ နောက်ဆုံးနှစ် အပိုင်း(ခ) ဖြင့် ကျောင်းထုတ်ခံခဲ့ရသည့် ကိုသိန်းနိုင် ဌေးက မိမိတို့ မန္တလေးဆေးတက္ကသိုလ်တွင် အခွင့်ထူးခံလူတန်းစားတစ်ရပ်  ပေါ်ပေါက်နေပြီး အချို့သူများသည် ပထမ အကြိမ် ကျောင်းခေါ်ချိန် မပြည့်သည့် စာရင်းတွင် ပါဝင်သော်လည်း နောက်တစ်ကြိမ် ထုတ်ပြန်သည့် စာရင်းတွင် ပါဝင်ခြင်းမရှိကြောင်း၊ ထို့ပြင် ယင်းကဲ့သို့ ကျောင်းခေါ်ချိန် မပြည့်မီသည့် စာရင်းနှင့် အောင်စာရင်း များကို ကြိမ်ဖန်များစွာ ထုတ်ပြန်ခြင်းမျိုးကို တာဝန်ရှိသူများက ပြုလုပ်နေသည့် အပြင် ယခုကဲ့သို့ ကျောင်းသား ၄၅ဝ-၅ဝဝ ဝန်းကျင် ကျောင်းမှ ထုတ်ပယ်ခံခဲ့ရခြင်းသည်လည်း ပုံမှန် မဟုတ်သည့် ကိစ္စဟုပင် ဆိုရမည် ဖြစ်ကြောင်း ပြောပါသည်။

“နိုဝင်ဘာ ၂၂ ရက်က talk2DVB ကို ဆရာမတစ်ဦး ပို့တဲ့ စာအရဆို မန္တလေးဆေးကျောင်းမှာ အဆင့် မမီ၊ အမှတ် မမီပဲ ဌာနဆိုင်ရာ လူကြီး တွေနဲ့ ပေါင်းပြီး ဝင်လာတဲ့ အရေ အတွက်က ၅ဝ လောက်ရှိတယ်။ ဒါပေမယ့် ဆရာဝန်ဦးရေက တစ်နှစ် ကို ၄ဝဝ ကျော်လို့ မရတော့ အဲဒီ အစား ဝင်လာတဲ့ ၅ဝ အတွက် ကျောင်း သားတွေ လူစားလဲ ခံနေရတယ်။ အခု ရှင်းလင်းပွဲက ဒီကိစ္စကို အထက်က စုံစမ်းပေးဖို့ ရည်ရွယ်ချက်ရှိပါတယ်” ဟု ယင်းက ဆိုပါသည်။

ထို့ပြင် ကျောင်းခေါ်ချိန် မပြည့်မီ သည့် စာရင်းနှင့် အောင်စာရင်းများကို  ကြိမ်ဖန်များစွာ ထုတ်ပြန်ခြင်းသည် ၂ဝဝ၈ ခုနှစ်တွင် ၉ ကြိမ်ရှိကာ စုစုပေါင်းဆိုပါက လက်ရှိ ပါမောက္ခချုပ် ဒေါက်တာ သန်းဝင်းလက်ထက်တွင် ၁၅ ကြိမ် နီးပါးရှိကြောင်း၊ သို့သော် အင်တာဗျူး တစ်ခုတွင်မူ ယင်းက ဌာနမှူးများနှင့် ကွန်ပျူတာ မှားယွင်းမှု များကြောင့် ဟုသာ ဝန်ခံပြောဆိုခဲ့ကြောင်း ကိုသိန်းနိုင်ဋ္ဌေးက ဆိုပါသည်။

အလုပ်သင် ဆရာဝန်ကာလတွင် ကျောင်းထုတ်ခံခဲ့ရသူ ကိုပိုင်စိုးက လည်း မိမိသည် ဝန်ထမ်းသားသမီး တစ်ဦး ဖြစ်ကာ တစ်ဖက်တွင် ဂိုက်လုပ်ရင်း ကျောင်းတက်နေသူတစ်ဦး ဖြစ်ကြောင်း၊ ထိုသို့ တက်ရောက် ရင်း ဟောက်ဆာဂျင် ဆင်းသည့်အပိုင်း ရောက်ချိန်တွင်မူ ဌာနနှစ်ခုတွင် ထပ်၍ ၁၉ ရက် ဆင်းမိရာမှ မိမိကို ကျောင်း ထုတ်ခဲ့ခြင်း ဖြစ်ကြောင်း၊ အသနားခံစာ တင်သော်လည်း ပါမောက္ခချုပ်နှင့် ညွှန်ချုပ်တို့က အပြန်အလှန် ပုတ်ထုတ် နေကြကြောင်း ပြောပါသည်။

“ ၆ နှစ်လုံး သင်ခဲ့ရတဲ့ စာက အခုတော့ ဘွဲ့မရတော့ဘူး။ ဘွဲ့ရဖို့ တစ်လအလိုမှ ဖြစ်ရတာဆိုတော့ အခြား ကျောင်း လည်း မတက်ချင်တော့ပါဘူး”ဟု ယင်းက ဆိုပါသည်။

တတိယနှစ်ကျောင်းသား ကိုကောင်းဆက်ကလည်း မိမိတို့အနေ ဖြင့် စည်းမျဉ်းကို မကြိုက်၍ဆန့်ကျင် နေကြခြင်းမဟုတ်ဘဲ စည်းမျဉ်း၏ မညီမျှမှုကို သိစေလို၍ဖြစ်ကြောင်း၊ တာဝန်ရှိသူများက အရည်အချင်း ပြည့်မီရန်ဟု ခေါင်းစဉ်တပ်ကြသကဲ့ သို့ မိမိတို့ ကျောင်းသားများကလည်း အရည်အချင်းမမီပဲ အောင်သည်ကို မလိုလားပဲ မိမိတို့ အခွင့်အရေးအဖြစ်  စဉ်ဆက်မပြတ် သင်ကြားခွင့်ကိုသာ လိုချင်ပါကြောင်း ပြောပါသည်။

“ကျွန်တော်တို့က အရည်အချင်း မပြည့်ပဲ အအောင်ပေးဖို့ တောင်းနေတာ မဟုတ်ပဲ အရည်အချင်း ပြည့်တဲ့ထိ သင်ပေး ဖို့ တောင်းနေတာပါ”ဟု ယင်းက ဆိုပါသည်။

ဆက်လက်ပြီး ကျောင်းခေါ်ချိန် ကို ၇၅ ရာခိုင်နှုန်းမပြည့်လျှင် အတန်းတင် စာမေးပွဲဖြေခွင့်မရှိဟု ဆိုသော် လည်း လျော့ပေါ့ကာ ၆ဝ ရာခိုင် နှုန်းဖြင့် ဆွဲပေးသည်ဟု သိရကြောင်း၊ ထို့ကြောင့် ၅၉ ရာခိုင်နှုန်းသာ ရသူသည် စာမေးပွဲမဖြေရသည်မှာ သဘာဝ ကျသော်လည်း ၂ဝ ရာခိုင် နှုန်းသာရသူက စာမေးပွဲဖြေနေရ ခြင်းမျိုးသည် သဘာဝ မကျကြောင်း၊ ထို့ပြင် အချို့သော သတင်းများအရ ကျောင်းတွင် ဆရာဝန်သားသမီးများ အတွက် ဘုတ်သက်သက် ထိုင်ပေးသည်ဟု သိရှိခဲ့ရပြီး မိမိတို့ ကျောင်း သားများ လိုချင်နေသော အရာသည် တန်းတူ အခွင့်အရေးသာဖြစ်ကြောင်း ကိုကောင်းဆက်က ပြောပါသည်။

မန္တလေး ဆေးတက္ကသိုလ်တွင် ကျောင်းသားအများအပြား ကျောင်းထုတ်ခံရမှု၊ စာရင်းကိုင်ဌာနမှ ဝန်ထမ်း  တစ်ဦးဖြစ်သူ မစန်းလှကို မယူမနေရ ပင်စင်ပေးခဲ့မှု၊ နိုင်ငံပိုင်ငွေကျပ် သိန်းပေါင်း ထောင်ချီအလွဲသုံးစားသည် ဟူသော စွပ်စွဲမှုများဖြင့် အငြင်း ပွားဖွယ်ဖြစ်နေသူ မန္တလေးဆေး တက္ကသိုလ် လက်ရှိ ပါမောက္ခဒေါက်တာ သန်းဝင်းကမူ ဖေဖော်ဝါရီ ၂၂ ရက်က ပြုလုပ်ခဲ့သော မီဒီယာများနှင့် တွေ့ဆုံမှုတွင် မိမိ၏ စေတနာနှင့် ရည်ရွယ်ချက် ခိုင်မာကာ ယုံကြည်မှု ရှိသည့်အတွက် လိပ်ပြာသန့်ကြောင်း ပြောဆိုခဲ့ပါသည်။

၂ဝဝ၈ ခုနှစ်၊ ဇူလိုင်လမှ စတင်ကာ မန္တလေးဆေးတက္ကသိုလ်တွင် တာဝန်ယူခဲ့သူ လက်ရှိပါမောက္ခချုပ် ဒေါက်တာ သန်းဝင်းသည် လာမည့် ဧပြီလတွင် သက်ပြည့်ပင်စင်ဖြင့် လက် ရှိတာဝန်များမှ အငြိမ်းစား ယူမည်ဖြစ် ကြောင်း သိရှိရ သည်။

ဝ၃၇၊ ဝ၆ဝ

ဆက်စပ်သတင်းများ

ပါရမီကောလိပ် ရွှေဂုံပလာဇာတွင် ဖွင့်

ပါရမီကောလိပ် ရွှေဂုံပလာဇာတွင် ဖွင့်

ရန်ကုန်၊ ဇန်နဝါရီ ၁၂၊ ၂၀၁၇
ပွင့်သောပန်းတို့ လန်းစေဖို့

ပွင့်သောပန်းတို့ လန်းစေဖို့

ရန်ကုန်၊ ဒီဇင်ဘာ ၈၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*