ပြည်တွင်းသတင်း — ရန်ကုန်၊ မတ် ၂၈၊ ၂ဝ၁၂

ရန်ကုန်တိုင်း​ ဒေသကြီးအတွင်း နိုင်ငံသား စိစစ်ရေးကတ်ပြားများနှင့် အိမ်ထောင်စုလူဦးရေစာရင်းများကို မိုးပွင့်စီမံချက်၂ ဖြင့် ထုတ်ပေးလျက်ရှိရာ၊ ၁၉၈၂ ခုနှစ် မတိုင်ခင်က ထုတ်ပေးခဲ့သော အမျိုးသားမှတ်ပုံတင်ကတ်ပြား၊ သုံးခေါက်ချိုး ကတ်ပြား ကိုင်ဆောင်သူများကိုပါ  နိုင်ငံသားစိစစ်ရေး ကတ်ပြားများ စိစစ်၍ ထုတ်ဝေပေးလျက်ရှိကြောင်း၊ ရန်ကုန်တိုင်း လ.ဝ.က ဦးစီးဌာနမှူး ဦးရဲထွန်းဦးက ပြောကြားခဲ့သည်။

““ကျွန်တော် မှတ်ပုံတင်က ၈၈ အရေးအခင်းဖြစ်ကတည်းက သက်ဆိုင်ရာကသိမ်းထားပြီး၊ မှတ်ပုံတင်အသစ်လည်း ပြန်မရိုက်နိုင်လို့ ဒီအဟောင်းကြီးလည်း တရားဝင်တယ်ဆိုလို့ ကိုင်ထားတာပါ”” ဟု မှတ်ပုံတင် အဟောင်း ကိုင်ဆောင်ထားသူ ယုံကြည်ချက်ကြောင့် သရက်ထောင်တွင် ၁၃နှစ် အကျဉ်းကျခဲ့သူတစ်ဦးက​ ပြောသည်။  မှတ်ပုံတင်အသစ် ပြုလုပ်မည်ဆိုပါက ဖြည်စွက်ရမည်ဖြစ်သော ဘိုးဘွား ဘီဘင်စာရင်း အတိအကျ မမှတ်မိခြင်း၊ အစစ်အဆေး အမေးအမြန်းရှိခဲ့သည့် အတွက်ကြောင့် မပြုလုပ်ဖြစ်ခြင်းဖြစ်သည်ဟု ဆက်လက်ပြောသည်။

အကြောင်းအမျိုးမျိုးကြောင့် မှတ်ပုံတင်လာရောက်လျှောက်ထားခြင်းမရှိသူများနှင့် စပ်လျဉ်း၍ အရေးယူခြင်းတစ်စုံတစ်ရာမရှိကြောင်း၊ အသက် ၁၈ နှစ် ပြည့်ပြီးပါက မှတ်ပုံတင်လာရောက်လျှောက်ထားသင့်ကြောင်း၊ မှတ်ပုံတင်အဟောင်းကိုလည်း အသစ်နှင့်လာရောက်လဲလှယ်သင့်ကြောင်း၊ တိုင်းလ.ဝ.ကဦးစီးဌာနမှူးက ဆက်လက်ပြောကြားသည်။

ယုံကြည်ချက်ကြောင့် အကျဉ်း ၂၂ နှစ်ကျ ခဲ့ဖူးသူတစ်ဦးကမူ ၎င်း၏ မှတ်ပုံတင်ကို နိုင်ငံသားစိစစ်ရေးကဒ်လဲလှယ်ပြီးပြီဖြစ်ကြောင်း၊ မြန်မာအင်ဒီပဲန်ဒင့် သတင်းဂျာနယ်ကို ပြောသည်။ မှတ်ပုံတင်လဲလှယ်ရာတွင် ရဲစခန်းထောက်ခံချက်၊ ရပ်ကွက်ထောက်ခံချက်၊ မှတ်ပုံတင်အဟောင်း၊ သန်းခေါင်စာရင်း စသောစာရွက်စာတန်းများ လိုအပ်သည်ဟု ဆက်လက်ပြောကြားသည်။

လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက မိုးပွင့်အဆင့် ၂၁ စီမံချက်ဖြင့် ဖေဖော်ဝါရီလ ၁ ရက်နေ့မှစ၍ ရန်ကုန်တိုင်း  ​ဒေသကြီးအတွင်း​  နိုင်ငံသား စိစစ်ရေးကဒ်ပြား ၂၇၂၁၂ အိမ်ထောင်စုလူဦးရေစာရင်း ၁၄၈၅၆ ထုတ်ပေးနိုင်ခဲ့သည်။ ယခင်မိုးပွင့်အဆင့်၁ စီမံချက်၌ ရန်ကုန်တိုင်း​  ဒေသကြီး အတွင်း နိုင်ငံသားစိစစ်ရေးကဒ်ပြား ၁၄၅၉၅၃၊ အိမ်ထောင်စုလူဦးရေစာရင်း ၄၆၅ဝ၉ ထုတ်ပေးနိုင်ခဲ့သည် ဟု အဆိုပါ ဝန်ကြီးဌာန၏ ထုတ်ပြန်ချက်များ အရသိရသည်။

၀၀၂

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.