အောက်တိုဘာလ အတွင်းက ဖြစ်ပွားခဲ့သော ရခိုင်ပြည်နယ် အရေးသည် တည်ငြိမ်မှုမရှိသေးဘဲ ဒေသခံများ နှင့် ပြည် တွင်းပြည်ပ အဖွဲ့ အစည်းများ အကြားတွင် အမြင်ကွဲလွဲနေကြောင်း၊ ပြည်နယ် အစိုးရ၏ လုပ်ပိုင်ခွင့် အားနည်းကြောင်းနှင့်   နိုင်ငံတော်မှ ထိရောက်စွာ ကိုင်တွယ်နိုင်ခြင်း မရှိသေးကြောင်း တွေ့ရသည်။

ဖြစ်ပွားပုံအကျဉ်း

၂ဝ၁၂ အောက်တိုဘာ ၂၉ ရက်ထုတ် ကြေးမုံသတင်းစာတွင် လတ်တလောဖြစ်ပွားနေသော ရခိုင်ပြည်နယ် အရေးကိစ္စနှင့် ပတ်သက်၍ အသေးစိတ် ဖော်ပြခဲ့သည် များမှ ပြန်လည် ကောက်နုတ် ဖော်ပြရသော် ပထမဆုံး အခင်းဖြစ်ပွားပုံမှာ ရခိုင်ပြည်နယ်၊ မြောက်ဦးမြို့၊ ဗန္ဓုလ ရပ်ကွက်၌ အောက်တိုဘာ ၂၁ ရက် ည ၇ နာရီခန့်တွင် လူအုပ်စု တစ်စုက လုယက် ဆူပူ အကြမ်းဖက်ရန် ကြိုးစားလာသဖြင့် လုံခြုံရေးတပ်ဖွဲ့ဝင်များက လူစုခွဲစေရန် ထိန်းသိမ်း ဆောင်ရွက်ခဲ့ပြီး ဖြစ်စဉ်တွင် ယင်းအကြမ်း ဖက်သူများ၏ ပစ်ခတ်မှုကြောင့် ရပ်ကွက်နေ ပြည်သူ တစ်ဦး သေဆုံးခဲ့ပြီး တရားခံနှစ်ဦးကို ဖမ်းဆီးရမိခဲ့ သည်ဟု ပါရှိရာ မည်သည့်အတွက် မည်သည့်အရာကို လုယက်ပြီး မည်ကဲ့သို့ အကြမ်းဖက် ကြောင်းကိုမူ ရှင်းလင်းစွာ မဖော်ပြခဲ့ပါ။ ထိုနေ့တွင်ပင် မင်းပြားမြို့နယ်၊ ပိုက်သည်ရွာ၌ ည ၁ဝ နာရီခွဲခန့် တွင်  လူစုလူဝေးတစ်စုက မီးရှို့ဖျက် ဆီးခဲ့သဖြင့် လူနေအိမ် ၁၇ လုံး မီးလောင် ပျက်စီးခဲ့ကြောင်းလည်း ဖော်ပြထားသည်။

ထို့နောက် ဖြစ်စဉ်များကို ဆက်လက်ဖော်ပြရာ အောက်တိုဘာ ၂၂ ရက်တွင် မင်းပြားမြို့နယ်၊ သရက်အုပ်ရွာ၊ မြောက် ဦးမြို့နယ်၊ ပုရိန်ကုန်းရွာနှင့် အောင်ဒိုင်ကျေးရွာတို့၌ ရွာသားများက မိမိတို့၏ နေအိမ်များကို ကိုယ်တိုင် မီးရှို့ဖျက်ဆီး ခဲ့ကြောင်း၊ မင်းပြားမြို့နယ်၊ နာဂရာ ရွာတွင်လည်း အကြမ်းဖက်ရန် ကြိုးစားမှုများ ရှိခဲ့ကြောင်း ပါရှိပါသည်။

ထိုဖြစ်ရပ်များကြောင့် အောက်တိုဘာ ၂၂ ရက်တွင် ထိုဒေသများ၌ ည ၇ နာရီမှ မနက် ၅ နာရီအထိ အိမ်ပြင် မထွက်ရ အမိန့်ကို ထုတ်ပြန် ခဲ့သည်။ သို့ရာတွင် အခြေအနေ မှာ တည်ငြိမ်မှု မရှိလာဘဲ  အောက်တိုဘာ ၂၃ ရက်၌ မြောက်ဦး မြို့နယ်၊ ယိုင်သည်ရွာ တွင်လည်းကောင်း၊ အောက်တိုဘာ ၂၄ ရက်တွင် မင်းပြားမြို့နယ်၊ သာဒရွာ၊ ဆင်အိုးတန်းရွာ၊ မင်းပြားမြို့နယ်၊ စမ္ဘလေ ကျေးရွာ၊ မြေပုံမြို့နယ်၊ ဈေးပိုင်း ရပ်ကွက်၊ တောင်ပေါ် ရပ်ကွက်နှင့် ကျောက်ဖြူ မြို့နယ်၊ အရာရှိရပ်ကွက် တို့တွင်လည်း အလားတူ အကြမ်း ဖက်မှုများ ဖြစ်ပွား ခဲ့ကြောင်းတို့ကို ဖော်ပြထားပါသည်။

ကျောက်တော်မြို့ ဆေးရုံတွင် တွေ့ရှိရသည့် အကြမ်းဖက်မှုများ၏ သားကောင်တစ်ဦး ဖြစ်ခဲ့ရသူ တစ်ဦး (ဓာတ်ပုံ-ရိုက်တာ)

ကျောက်တော်မြို့ ဆေးရုံတွင် တွေ့ရှိရသည့် အကြမ်းဖက်မှုများ၏ သားကောင်တစ်ဦး ဖြစ်ခဲ့ရသူ တစ်ဦး (ဓာတ်ပုံ-ရိုက်တာ)

လူမျိုးစု ပဋိပက္ခအတွင်း ဒဏ်ရာ ရရှိခဲ့သူ တစ်ဦး

လူမျိုးစု ပဋိပက္ခအတွင်း ဒဏ်ရာ ရရှိခဲ့သူ တစ်ဦး (ဓာတ်ပုံ- ရိုက်တာ)

သို့ရာတွင် အခြေအနေမှာ ပို၍ တည်ငြိမ်မှု မရှိခဲ့ဘဲ အောက်တိုဘာ ၂၃ ရက် ည ၈ နာရီခန့်တွင် ကျောက်ဖြူ မြို့နယ်၊ ပိုက်ဆိပ်ရပ် ကွက်၌လည်းကောင်း၊ အောက်တို ဘာ ၂၄ ရက်တွင် ကျောက်ဖြူမြို့နယ်၊ အနောက်ပိုင်း ရပ်ကွက်၊ တောင်ရင်း ကျေးရွာအုပ်စု၊  ကျောက်ဖြူမြို့နယ်၊ ပြင်ဖြူမော် ကျေးရွာ၊ ပိုက်ဆိပ် ရပ်ကွက်တို့၌ လည်းကောင်း၊ အောက်တိုဘာ ၂၅ ရက်တွင် ရသေ့တောင် မြို့နယ်၊ ညောင်ပင်ကြီး ကျေးရွာ ကျောက်ဖြူ မြို့နယ်၊ အနောက်ပိုင်း ရပ်ကွက်၊ သန်ပန်ချောင်း ရပ်ကွက်၊ ကျောက်ဖြူမြို့နယ်၊ တောင်ရင်း ကျေးရွာအုပ်စု၊ တိုးချဲ့ရပ် ကွက်၊ ပေါက်တော မြို့နယ်၊ အရှေ့ပိုင်း ရပ်ကွက်၊ ဘဝမ်း ချောင်းဝစု ရပ်ကွက် တို့၌ လည်းကောင်း၊  အောက်တိုဘာ ၂၆ ရက်တွင် ပိုက်ဆိပ်ရပ်ကွက်၌ လည်းကောင်း အကြမ်းဖက် တိုက်ခိုက်မှုများ ရှိခဲ့သည်ဟု ဆက်လက် ဖော်ပြထားပါသည်။

သို့ရာတွင် အောက်တိုဘာ ၂၆ ရက်နေ့ သတင်းများတွင်မူ အကြမ်း ဖက်မီးရှို့ရန် ကြိုးစားသည့် လူစုလူဝေးများ ထံမှ တူးမီးသေနတ်များ ထိန်းသိမ်းရရှိကြောင်း သတင်းများကို ဖတ်ရှုရသည်။ အောက်တိုဘာ ၂၆ ရက်တွင် ကျောက်တော် မြို့နယ်၊ လက်ဆောင်ကောက်ကျေးရွာ၊ ပိုက်သည်ရွာ၊ ကျောက်တော် မြို့နယ်၊ တောင်ဘွေ ရွာ၊ ပေါက်တော်မြို့ နယ်၊ မင်းသာဖရွာ၊ သံတွဲမြို့နယ်၊ ဂျိတ္တောကျေးရွာ၊ ရမ်းဗြဲမြို့နယ်၊ အမှတ် ၆ ရပ်ကွက်တို့တွင် လူစုလူဝေးဖြင့် အကြမ်းဖက်ရန် ကြံစည်သူ များထံမှ လက်နက်များ သိမ်းဆည်းခဲ့ရာ စုစုပေါင်း တူးမီးသေနတ် ၆၇ လက် သိမ်းဆည်းခဲ့ကြောင်း သိရသည်။

ပျက်စီးဆုံးရှုံးမှုများ အကြောင်းကိုမူ “ရခိုင်ပြည်နယ်အတွင်း အောက်တိုဘာ ၂၁ ရက်မှ ၂၇ ရက် အတွင်း ဖြစ်ပွား ခဲ့သည့် အကြမ်းဖက် ဖျက်ဆီးမှု များကြောင့် လူနေ အိမ်စုစုပေါင်း ၂၉၅ဝ၊ ဘာသာရေး အဆောက်အအုံ ၁၄ လုံးနှင့် ဆန်စက် ၈ လုံး မီးလောင်ပျက်စီးခဲ့ပြီး လူ ၈၄ ဦး သေဆုံးကာ ၁၂၉ ဦး ဒဏ်ရာ ရရှိခဲ့သည်”ဟု ဖော်ပြ ထားပါသည်။

ဒေသခံများ၏ ခံစား သုံးသပ်မှု

ရခိုင်ပြည်နယ် အရေးနှင့် ပတ်သက်၍ မြို့ခံများ၏ သဘောထားများကို မြန်မာအင်ဒီပဲန်ဒင့်က မေးမြန်းခဲ့ရာ အမည်မဖော် လိုသူ ကျောက်ဖြူမြို့ခံတစ်ဦးက “ကျွန်တော်တို့ သာ မသိတာ သူတို့ဆီမှာ (RSO Rohingya Solidarity Organization) တွေနဲ့ ပေါင်းပြီး သင်တန်း ဆင်းထားတဲ့သူ တော်တော်များများ ရှိတယ်။ သူတို့ကို ဘာပြော သလဲဆိုတော့ ဒီ(RSO) သင်တန်းထဲကို ဝင်လိုက်တာနဲ့ ငွေသိန်းနှစ်ဆယ် ကျော်ရမယ်။ ပြီးတော့ ဘင်္ဂါလီနိုင်ငံ ထူထောင်မယ်။ အဲဒီအချိန်မှာ မင်းတို့က အရာရှိကြီးတွေ ဖြစ်လာမယ်။ ငါတို့မှာ အိုအိုင်စီဆိုတာ ၅၇ နိုင်ငံ ပေါင်းထားတဲ့ အဖွဲ့ရှိတယ်လို့ စည်းရုံးတယ်။ ကျွန်တော်တို့မြို့နယ်မှာ တည်ငြိမ် အေးချမ်းမှု ကော်မတီ ထဲမှာ ဘင်္ဂါလီကိုလည်း ထည့်ထားတယ်။ တည်ငြိမ် အေးချမ်းမှု အဖွဲ့ထဲမှာပါတဲ့ ဘင်္ဂါလီပေါ့၊ သူတို့ဆီက အကြီး အကဲပေါ့။ အဲဒီလူကိုယ်တိုင် သူ့အိမ်ပေါ်မှာ မီးခွေတွေ (မီးကွင်းပစ်ဖို့) လုပ်ထားတာတွေကို ကျွန်တော်တို့က ဖမ်းမိတယ်။ အခုတော့ ရုံးပေါ်မှာ ဥပဒေ လမ်းကြောင်း အတိုင်း ဆောင် ရွက်ဖို့ လုပ်နေတယ်။ ဒေသခံတပ် ဆိုပြီး ဖွဲ့ဖို့ သူတို့ယူနီဖောင်းတွေ ချုပ်ကြတယ်လို့ သိရတယ်။ အဲဒီ ကိစ္စလည်း ကျွန်တော်တို့ အစည်းအဝေးမှာ ပြောတော့ သူတို့ မလုပ်ပါဘူး လို့ ပြောတယ်။ နောက်ဆုံး မြောက်ဦး မှာ ဖြစ်တဲ့နေ့မှာပဲ ကျွန်တော်တို့ မြို့လယ်ကောင်၊ အနောက်ဘက် ရပ်ကွက်မှာရှိတဲ့ ဗလီ ပတ်ပတ်လည်မှာ ရခိုင်အိမ်တွေ ရှိတယ်။ အဲဒီအိမ်တွေကို သူတို့က မီးရှို့တော့ ကျွန်တော်တို့နဲ့ မီးသတ်နဲ့ ဝိုင်းပြီး တော့ မီးငြှိမ်းလိုက်တယ်။ ကျွန်တော်တို့က ချက်ချင်း အစည်းအဝေး ခေါ်ပါတယ်။ ကျွန်တော်တို့ လည်း တက်တယ်။ နောက်ထပ် အဲဒီလို မဖြစ်အောင်ထိန်းတယ်။ ထိန်းနေတဲ့ ကြားမှာပဲ ၂၃ ရက် ည ၇ နာရီမှာ သူတို့ လူစုပြီးတော့ သူတို့နဲ့ထိစပ် နေတဲ့ ရခိုင် ရပ်ကွက်တွေကို မီးစရှို့ တယ်။ အဲဒီမှာ သူရှို့ကိုယ်ရှို့ ဖြစ်သွားတယ်”ဟု ပြောပြသည်။

မီးသင့်လောင်ခဲ့ပြီး မြင်ကွင်း

မီးသင့်လောင်ခဲ့ပြီး မြင်ကွင်း (ဓာတ်ပုံ- ရိုက်တာ)

မီးသင့်လောင်ခဲ့ပြီး မြင်ကွင်း

မီးသင့်လောင်ခဲ့ပြီး မြင်ကွင်း (ဓာတ်ပုံ- ရိုက်တာ)

လူမျိုးစု ပဋိပက္ခ ဖြစ်ပွားခဲ့သည့် ဒေသတစ်ခု (ဓာတ်ပုံ- ရိုက်တာ)

လူမျိုးစု ပဋိပက္ခ ဖြစ်ပွားခဲ့သည့် ဒေသတစ်ခု (ဓာတ်ပုံ- ရိုက်တာ)

လုံခြုံရေး ယူထားသည့် လုံခြုံရေး တစ်ဦး ကို တွေ့ရစဉ် (ဓာတ်ပုံ- ရိုက်တာ)

လုံခြုံရေး ယူထားသည့် လုံခြုံရေး တစ်ဦး ကို တွေ့ရစဉ် (ဓာတ်ပုံ- ရိုက်တာ)

နိုင်ငံတော် သမ္မတရုံးက သတင်းထုတ်ပြန်

ယင်းသို့ ဖြစ်ပွားခဲ့သည်နှင့် ပတ်သက်၍ နိုင်ငံတော် သမ္မတရုံးက သတင်းထုတ်ပြန်ချက်တစ်ခုကို အောက်တို ဘာ ၂၅ ရက်တွင် ထုတ်ပြန် ကြေညာခဲ့သည်။ ယင်းတွင် ၂ဝ၁၂ ခုနှစ် မေနှင့်ဇွန်လတို့တွင်  ဖြစ်ပွားခဲ့သည့် ပဋိပက္ခများနှင့် ဆောင် ရွက်ခဲ့မူများကို ဖော်ပြထားခဲ့ပြီး လက်ရှိဖြစ်ပွားနေသော ပဋိပက္ခ၏ အခြေအနေ အကျဉ်း ကိုလည်း တင်ပြခဲ့သည်။ ယင်းသတင်း ထုတ်ပြန်ချက်တွင် အပိုဒ်ခြောက်ပိုဒ် ပါဝင်သည်။ ထုတ်ပြန်ချက်၏ နောက်ဆုံး အပိုဒ်တွင် “တစ်ကျော့ပြန် ဖြစ် ပွားလာသော ဆူပူအကြမ်းဖက်မှုများ သည် နိုင်ငံတော်၊ နိုင်ငံသား တို့၏ ဂုဏ်သိက္ခာနှင့်အကျိုးစီးပွားကို ထိခိုက်နစ်နာစေနိုင်သဖြင့် မြန်မာ နိုင်ငံ ရဲတပ်ဖွဲ့၊ တပ်မတော်နှင့် ဒေသခံ ပြည်သူများ ပူးပေါင်းပါဝင် မှုဖြင့် ဥပဒေစိုးမိုးရေးနှင့် ရပ်ရွာ တည်ငြိမ်အေးချမ်းကို ထိထိရောက်ရောက် ဆောင်ရွက်သွားမည်ဖြစ်ပါ သည်။ ထို့ပြင် ရခိုင်ပြည်နယ် ပဋိ ပက္ခတွင် နောက်ကွယ်မှ ကြိုးကိုင် လှုပ်ရှားနေ သော လူပုဂ္ဂိုလ်နှင့် အဖွဲ့ အစည်း များလည်း ရှိနေကြောင်း သိရှိရသဖြင့် ယင်းတို့ကို ဖော်ထုတ် ၍ ဥပဒေနှင့် အညီ ထိရောက်စွာ အရေးယူ သွားမည် ဖြစ်ကြောင်း”ဟု ဖော်ပြပါရှိခဲ့သည်။

ထို့ပြင် ရခိုင်ပြည်နယ် အရေးကိစ္စနှင့် စပ်လျဉ်း၍ နိုင်ငံတော် သမ္မတရုံးမှ ဗိုလ်မှူး ဇော်ဌေးက ယင်း၏ ဖေ့ဘွတ် စာမျက်နှာ တွင် “အမျိုးသား ရေးစိတ်ဓာတ်ဖြင့် မိမိစာမျက်နှာတွင် ပြင်းပြင်းထန်ထန် ဝေဖန်ပြစ်တင်မှုများ ပြုလုပ် နေကြသည် ကို ကောင်းစွာနားလည် သဘောပေါက်ပါသည်။ ကိုယ်ချင်းလည်း စာပါသည်။ သို့သော် လက်ရှိ အခြေအနေတွင် တကယ်တမ်း ဆုံးရှုံးနစ်နာမှုများကို ကြုံတွေ့နေရသည်မှာ အွန်လိုင်း မကြည့်နိုင်ရှာသော ပြည်သူများ ဖြစ်နေပါ သည်။ မြန်မာနိုင်ငံသား မှန်လျှင် အမျိုးသားရေး စိတ်ဓာတ် အရင်းခံထား၍ နောက် ကွယ်မှလှုံ့ဆော်မှုများ၊ ကြိုးကိုင်နေမှု များစသည်တို့ကိုသိရှိရပါက တစ်စွန်း တစ်စပင်ဖြစ်စေ သက်ဆိုင်ရာ တာဝန် ရှိသူများသို့ အကြောင်းကြားခြင်းမှာ လည်း အမျိုးသားရေးဖြစ်ကြောင်း လေးစားစွာဖြင့် တင်ပြအပ်ပါသည်” ဟု စတင်ကာ ပြည်တွင်းရှိ ပြည်ပ သတင်းဌာန ကိုယ်စားလှယ် သတင်းထောက်များ အနေဖြင့် နိုင်ငံတော် အစိုးရမှ တရားဝင် ထုတ်ပြန်ပေးသော သေဆုံး-ဒဏ်ရာရ သတင်းကိုသာ ကိုးကား၍ ပြည်ပသတင်း ဌာနရုံးချုပ်များသို့ ပေးပို့စေ လိုကြောင်း မေတ္တာရပ်ခံစာကို အောက်တိုဘာ ၂၇ ရက် က ဖော်ပြခဲ့သည်။

လွှတ်တော်အတွင်း အရေးတကြီး အဆိုအဖြစ် တင်သွင်း

ရခိုင်ပြည်နယ်အရေးနှင့်ပတ်သက် ၍ ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ကလည်း ကျင်းပဆဲဖြစ် သော ပထမအကြိမ်ပြည်သူ့လွှတ်တော် ပဉ္စမပုံမှန် အစည်းအဝေးတွင် အရေးတကြီး အဆိုကို တင်သွင်းခဲ့သည်။

အဆိုပါ အဆိုကို ပန်းတနော် ပြည်သူ့လွတ်တော်ကိုယ်စားလှယ်၊ တရားဥပဒေစိုးမိုးရေးနှင့် တည်ငြိမ် အေးချမ်းရေး ကော် မတီဝင် ဦးမန်း မောင်မောင်ဥာဏ်က တင်သွင်းခဲ့ပြီး ပြည်သူ့လွှတ်တော် ကိုယ်စားလှယ် ၉ ဦးက ထောက်ခံဆွေးနွေးခဲ့သည်။

ရခိုင်ပြည်နယ်တွင် ဖြစ်ပွားနေသော ပြဿနာများသည် တရားဥပဒေ စိုးမိုးမှု မရှိခဲ့ခြင်းကြောင့် ဖြစ်ကြောင်း၊ လုံခြုံရေး အင်အား တိုးမြှင့်ဆောင်ရွက်သင့် ကြောင်း၊ လုံခြုံရေး အဆင့်တိုးမြှင့် သင့်ကြောင်းနှင့် ဖောက်ဖျက် ကျူးလွန်သူများ ကို ပွင့်လင်းမြင်သာစွာ အရေးယူသင့်ကြောင်း ဆွေးနွေးခဲ့ကြသည်။

ယင်းအဆိုကို ပြည်သူ့လွှတ်တော် ဥက္ကဋ္ဌ သူရဦးရွှေမန်းက ဖြစ်ပွားနေ သော၊ ဖြစ်နိုင်ချေရှိသော မြို့များတွင် လုံခြုံရေး လိုအပ်ချက်အရ တပ်ဖွဲ့ဝင် အင်အားမြှင့်တင်ခြင်း၊ အဆင့်တိုးမြှင့် ခြင်းများ အလျင်အမြန် ဆောင်ရွက် ရန်နှင့် ဥပဒေ ချိုးဖောက်ခြင်း၊ အခြေခံ လူ့အခွင့်အရေး ချိုးဖောက်ခြင်းနှင့်ပတ် သက်၍ တရားဥပဒေနှင့် ညီညွတ်စွာ ပွင့်လင်းမြင် သာစွာ အမြန်ဆုံးစီရင် ဆုံးဖြတ်နိုင်ရန်တို့ကို ပြည်ထောင်စု အစိုးရအားလွှတ်တော်မှ တိုက်တွန်း ကြောင်းပြောကြားပြီး အဆိုကို တင်သွင်းဆွေးနွေး၍ မှတ်တမ်း တင်ရုံသာ မက အကောင်အထည် ဖော်မှုအပိုင်း ကိုပါ စောင့်ကြည့်သွားမည်ဟု ပြော ကြားခဲ့သည်။

လွှတ်တော် အမတ်များက အခြေအနေကို သုံးသပ်

ယင်းအရေးကြီးအဆိုကို တင်သွင်းသူ ဦးမန်းမောင်မောင်ဥာဏ်အား ထိုအဆိုတင်သွင်းပြီးနောက် ဖြစ်ပေါ် နေသည့် အခြေအနေနှင့် ပတ်သက်၍ မြန်မာအင်ဒီပဲန်ဒင့်က မေးမြန်းရာ “ကျွန်တော် အဆိုတင်ပြီးနောက်မှာ နိုင်ငံတော် အနေနဲ့ ပကတိ ဖြစ်နေတာကို ဖြေရှင်းဖို့အတွက် အဖွဲ့တစ်ဖွဲ့၊ ကယ်ဆယ်ရေး လုပ်ဖို့က တစ်ဖွဲ့ ရခိုင်ကို ဆင်းသွားကြတယ်လို့ သိရတော့ ချက်ချင်း မဟုတ်တောင် နောက်ပိုင်းမှာ ကောင်းလာမယ်လို့ အောက်မေ့တာပဲ”ဟု ဆိုပါသည်။

အခြား လွှတ်တော် ကိုယ်စားလှယ် တစ်ဦးဖြစ်သူ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ မောင်တော မြို့နယ် လွှတ်တော်ကိုယ်စားလှယ် ဦးရွှေမောင်က ဘင်္ဂါလီအများစုနေ ထိုင်သော မောင်တော၏ အခြေအနေ ကိုပြောကြားရာ “မောင်တောမှာက အခုအခြေအနေက အေးအေးဆေးဆေး ပါပဲ။ ဒါပေမယ့် ဘာသတင်း ထွက်နေသလဲဆိုတော့ အခု ကျောက်ဖြူနဲ့ ပေါက်တော၊ မင်းပြားတို့ကနေ စစ်တွေမှာ ရောက်နေတဲ့ လှေစီး ဒုက္ခသည်တွေကို မောင်တောဘက်ကို သွားရမယ်၊ ပြင်ဆင်ပါ ဆိုပြီးတော့ တိုက်တွန်းနေတာတွေ ရှိတယ်။ မောင်တောမြို့နယ်မှာ တောင်ညို မြို့နယ်ခွဲ ဆိုတာရှိတယ်။ အဲဒီမြို့နယ်က ဘင်္ဂလားဒေ့ရ်ှနဲ့ တော်တော် နီးစပ်တဲ့ မြို့ဖြစ်တယ်။ ခြေလျင်တောင် သွားလို့ ရတယ်လေ။ အဲဒီလိုနေရာတွေကို ပို့မယ် ဆိုရင် ပို့လိုက်တဲ့ လူတွေကို အရင်မူလ နေရာမှာ နေရာပြန်မချ ပေးတော့ဘူးလား ဆိုတဲ့ သံသယဖြစ်မိတယ်။အဲဒီ လိုမျိုး လွန်ခဲ့တဲ့  ၁၉၄၂ ခုနှစ်ကလည်း ဖြစ်ခဲ့ဖူးတယ်။ ကျောက်ဖြူ၊ မြေပုံ၊ သံတွဲတို့မှာ ဖြစ်ဖူး တယ်။ ပါလီမန် ဒီမို ကရေစီ ခေတ်မှာ ဘူးသီးတောင် အမတ်က လွှတ်တော်မှာ ဒီ ၁၉၄၂ ခုနှစ် ပဋိပက္ခမှာ ရခိုင်ပြည် နယ်တောင်ပိုင်းက လူတွေဟာ ရခိုင်ပြည်မြောက် ပိုင်း ဘူးသီးတောင်၊ မောင်တောမြို့ ကို ရောက်နေတယ်။ သူတို့မှာ အဆင် မပြေဘူး။ သူတို့ရဲ့မူရင်းနေရာ ကို ဘယ်တော့ပြန်ပို့မလဲလို့ မေးတဲ့အခါ မှာ သက်ဆိုင်ရာဝန်ကြီးက လုံခြုံရေး အခြေအနေ ပေးသောအခါတွင် ပြန် လည်ပို့ဆောင်ပေးပါမည်လို့ ဖြေခဲ့တဲ့ မှတ်တမ်းရှိတယ်။ အဲဒီလူတွေဟာ အခုထိ မပို့ရသေးဘူး”ဟု ဆိုပါသည်။

သို့ရာတွင် ဒေသခံ ရခိုင်အမျိုးသမီးတစ်ဦးဖြစ်သူ ရခိုင် တိုင်းရင်းသားများ တိုးတက်ရေးပါတီမှ ရသေ့ တောင် မြို့နယ် ပြည်သူ့လွှတ်တော် ကိုယ်စားလှယ် ဒေါ်ခင်စောဝေက သူ့ခံစားချက်ကို ထုတ်ဖော်ရာတွင် “ရခိုင် အမျိုးသမီး တစ်ယောက်အနေ နဲ့ ပြောရမယ်ဆိုရင် ကျွန်မတို့ သူတို့နဲ့ အတူတွဲပြီး နေလို့တော့ မဖြစ်နိုင်တော့ ဘူး။ သူတို့ကို သမ္မတကြီး က ပြောတာ ရှိပါတယ်။ သူတို့ကို သန်းခေါင်စာရင်း စစ်ပြီး မှတ်ပုံတင် ရှိတဲ့လူကို ကျွန်မတို့က လက်ခံပေးမယ်။ မှတ်ပုံတင် မရှိတဲ့လူကိုတော့ သီးခြား လုပ်ပေးပေါ့နော်။ အဲဒီလိုမျိုးဆိုရင် ကျွန်မတို့ နေရထိုင်ရတာ ပိုပြီးတော့ အဆင်ပြေ သွားပါလိမ့်မယ်။ အတူတူတော့ ယှဉ်တွဲနေလို့တော့ မရတော့ဘူးပေါ့” ဟု ပြောကြားခဲ့သည်။

နိုင်ငံရေးပါတီများက သတင်းထုတ်ပြန်

ထိုအခြေအနေများတွင်  နိုင်ငံရေး ပါတီများကလည်း ရခိုင်ပြည်နယ် အရေးနှင့် ပတ်သက်၍ ယင်းတို့၏ သဘောထား များကို ထုတ်ပြန် ကြေညာခဲ့ကြသည်။

ဦးစွာ ရခိုင် ဒီမိုကရေစီအဖွဲ့ချုပ်၏ အောက်တိုဘာ ၂၅ ရက်ထုတ် ကြေညာချက်တွင် “မြန်မာနိုင်ငံသည်  ယခုအခါ ဒီမိုကရေစီ သို့ အသွင် ကူးပြောင်းရန် ပြုပြင်ပြောင်းလဲမှုများ ပြုလုပ်နေသည့် အချိန်ကာလဖြစ်ရာ ပဋိပက္ခ ပိုမိုကျယ်ပြန့် လာခြင်း သည် ပြောင်းလဲမှုဖြစ်စဉ်များအား အတားအဆီး၊ အဟန့်အတား၊ အနှောင့် အယှက် များကို ပိုမိုဖြစ်ပေါ်စေ မည် ဖြစ်သည်။ ထို့ကြောင့် ပြည်ပနိုင်ငံခြား အဖွဲ့အစည်းများအနေဖြင့် မြန်မာနိုင်ငံ ၏ အချုပ်အခြာ အာဏာအား ထိပါးစေ မည့် ပြုလုပ်မှုများကို သော်လည်းကောင်း၊ ဒီမိုကရေစီအပြောင်းအလဲ များအား ပျက်ပြားစေမည့် အားပေး လှုံ့ဆော်မှု များကိုသော်လည်းကောင်း သတိ ထားရှောင်ရှားကြရန် တိုက်တွန်း လိုက်သည်”ဟု ပါဝင်ရာ ယခုအရေး ကိစ္စများ တွင် ပြည်ပအဖွဲ့အစည်းများ၏ ပါဝင်ပတ်သက်မှုများ ရှိနေကြောင်း သတိပြုမိရပါသည်။

ထိုကဲ့သို့ နိုင်ငံတော်အကျပ် အတည်းဖြစ်နေသည်ကို ပြေလည် စေရန် “ရခိုင်ပြည်တွင် ဖြစ်ပွားခဲ့၊ ဖြစ်ပွားဆဲ ပဋိပက္ခများ ဆိုင်ရာ အကြောင်းအချက် အပြည့်အစုံ၊ ပါဝင် ပတ်သက်သော ပုဂ္ဂိုလ်များ၊ အဖွဲ့ အစည်းများနှင့် နိုင်ငံတော်၏ အရေး ယူဆောင်ရွက်ချက်များကို နိုင်ငံ တကာအသိုင်းအဝန်းက အမှန်အတိုင်း ရှင်းလင်းစွာ သဘောပေါက် နားလည်စေရန် မစ်ရှင်ကဲ့သို့ အဖွဲ့အစည်းများ ဖွဲ့စည်း၍ ကမ္ဘာ့ကုလသမဂ္ဂ၊ အိမ်နီးချင်းနိုင်ငံ များ၊ အာဆီယံနိုင်ငံများနှင့် ကမ္ဘာ့ရှေ့ဆောင်နိုင် ငံကြီးများသို့ စေလွှတ် ရှင်းလင်းခြင်းများ ပြုလုပ်ရန် တိုက်တွန်းသည်” ဟု ဒီမိုကရေစီ မိတ်ဆွေများ ပါတီများက သဘောထား ကြေညာချက် ထုတ်ပြန်ခဲ့သည်။

သို့ရာတွင် အမျိုးသား ဒီမိုကရေစီ အဖွဲ့ချုပ်က ယခုအရေးတွင် နိုင်ငံတော် အစိုးရဘက်မှ ပိုမိုဝီရိယ စိုက်ထုတ် ဖြေရှင်းရန် တိုက်တွန်း လိုက်ကြောင်း ယင်း၏ ကြေညာချက်ပါ စာသားများဖြစ်သည့် “ရခိုင်ပြည်နယ်၌ ဖြစ်ပွား ခဲ့သော ပဋိပက္ခများကို ထိန်းသိမ်းရေးနှင့် တည်ငြိမ် အေးချမ်းမှု ရရှိစေရေးအတွက် နိုင်ငံတော် အစိုးရနှင့် လုံခြုံရေး ဆိုင်ရာ တာဝန်ရှိသူများက ပိုမိုဝီရိယစိုက်ထုတ်ဆောင်ရွက်ရန် လိုအပ်နေသည်။ နိုင်ငံတော်အစိုးရနှင့် လုံခြုံ ရေးဆိုင်ရာတာဝန်ရှိသူများက ပိုမို ထိရောက်သောလုပ်ဆောင်မှုများ အမြန်ဆုံးဆောင်ရွက်ပါရန် အလေး အနက် တိုက်တွန်းပါသည်”တို့အရ သိရှိရပါသည်။

ထို့တူ စည်းလုံး ညီညွတ်သော တိုင်းရင်းသား လူမျိုးများ မဟာမိတ် အဖွဲ့ကလည်း ဥပဒေကြောင်းအရ  ကိုင်တွယ် ဖြေ ရှင်းနိုင်ကြရန် “မည်သည့် ပြဿနာဖြစ်စေ အကြမ်းဖက် ဖြေရှင်းခြင်းသည် အမှန်တရားသို့ မဆိုက်ရောက်နိုင်ပေ။ ငြိမ်းချမ်းစွာ တွေ့ဆုံဆွေးနွေး အဖြေရှာခြင်းသည်သာ အကောင်းဆုံးနှင့် ဝေဒနာပွန်း တီးမှု အနည်းဆုံး ဖြစ်ကြောင်း ကျွန်ုပ်တို့ အစဉ်တစိုက် ယုံကြည် ကျင့်သုံးခဲ့ပါသည်။ ယခုဖြစ်နေသော ပဋိပက္ခ များကိုလည်း အကြမ်းဖက် ဖြေရှင်းနေခြင်း များအား အဆုံးသတ်ရန်နှင့် ဥပဒေဘောင်အတွင်း အေးချမ်းစွာ အဖြေရှာသွား ကြရန် ဖြစ်ပါသည်”ဟု ယင်းတို့၏ သဘောထား ထုတ်ပြန်ချက်တွင် ဖော်ပြထားသည်။

ပြည်နယ်အစိုးရလည်း ရှင်းရခက်

ထိုအနေအထားတွင် ရခိုင်ပြည်နယ် အစိုးရအဖွဲ့၏ ကိုင်တွယ်ဖြေရှင်းမှုများကို ဒေသခံများက အားမရမှုများ ရှိနေခဲ့ သည်။ ပြည်နယ်အစိုးရ၏ လုပ်ဆောင်ချက်များနှင့် စပ်လျဉ်း၍ အမည်မဖော်လိုသူ ကျောက်ဖြူမြို့နယ် ဒေသခံ တစ်ဦးက “ပြည်နယ် အစိုးရအနေနဲ့ လုပ်ဆောင်မှုတော့ ကျွန်တော် ဘာမှမတွေ့ရဘူး ခင်ဗျ။ သူတို့ လုပ်ပိုင်ခွင့်လည်း မရှိဘူးလို့ ထင်တယ်။ ဒါပေမယ့် ကျွန်တော်တို့ ကျောက်ဖြူကိုတော့ တောင်ကုတ် က တပ်မမှူး ဆိုသူ တစ်ယောက် ရောက်လာ တယ်။ မီးလောင်နေတဲ့ အပိုင်းကနေပြီး အခြားနေရာတွေကို မီးကူးစက် မလောင်အောင် သူတို့က ထိန်းပေးတယ်။ ပိုက်ဆိပ်ရွာ ဆိုရင် သူတို့လည်း မဝင်နိုင်ဘူး။ မီးသတ်ကားလည်း မဝင်နိုင်ပါဘူး။ ကျွန်တော်တို့လည်း မဝင်နိုင်ဘူး။ ဟိုဘက်က ဂျင်ကလိနဲ့ ပစ်တယ်။ မီးသတ်သမားတွေဆိုရင် ငါတို့က ဘယ်သူနဲ့မှ မဆိုင်ဘူး။ ငါတို့ မီးသတ်ဖို့ ဝင်တာပါဆိုပြီး တောင်းပန်တာတောင် မရဘူး။ ဂျင်ကလိနဲ့ ပစ်တယ်။ မီးပုံးတွေနဲ့ ပစ်တယ်။ မီးသတ်ကားတွေ လည်း ပြန်ပြီးတော့ ထွက်ပြေး လာရတဲ့ အထိဖြစ်တယ်” ဟု ပြောပြသည်။

နိုင်ငံတော် အစိုးရဘက်မှ တာဝန်ရှိသူများ သွားရောက် လေ့လာ

ထိုသို့ဖြစ်ရပ်များအား ကိုင်တွယ်ရာတွင် ပြည်နယ်အစိုးရချည်း သက်သက် မဟုတ်ခဲ့ပါ။ အောက်တိုဘာ ၂၆ ရက် က စစ်တွေမြို့မှ တစ်ဆင့် မြေပုံမြို့သို့  ကာကွယ်ရေး ဦးစီးချုပ်ရုံး(ကြည်း)မှ ဒုတိယ ဗိုလ်ချုပ်ကြီး လှမင်းနှင့် နယ်စပ်ရေးရာ ဝန်ကြီးဌာန ပြည်ထောင်စုဝန်ကြီး ဒုတိယ ဗိုလ်ချုပ်ကြီး သိန်းဌေးတို့သည် အနောက်ပိုင်းတိုင်း စစ်ဌာန ချုပ်တိုင်းမှူး ဗိုလ်မှူးချုပ် ကိုကိုနိုင် နှင့်အတူ သွားရောက် လေ့လာခဲ့သည်။ ယင်းတို့နှင့်အတူ မြန်မာနိုင်ငံ ဆိုင်ရာ ကုလသမဂ္ဂ အဖွဲ့အစည်းများ၏ ဌာနေ ကိုယ်စားလှယ် Mr. Ashok Nigam နှင့် အတူ ကုလသမဂ္ဂ လက်အောက်ခံ အဖွဲ့အစည်း အသီးသီးမှ တာဝန်ရှိသူများ လိုက်ပါခဲ့သည်။

ဒုတိယ ဗိုလ်ချုပ်ကြီးလှမင်းက ပြည်သူတို့၏ လုံခြုံရေးကို ဆောင် ရွက်ပေးမည်ဖြစ်ကြောင်း၊ တစ်ဖက် နှင့် တစ်ဖက် အာဃာတ မထားဘဲ တည်ငြိမ် အေးချမ်းရေးနှင့် တရားဥပဒေ စိုးမိုးရေးကို လေးစားလိုက်နာရန် လိုအပ်ကြောင်း၊ ဥပဒေနှင့် ညီညွတ်မှု မရှိသော လုပ်ရပ်များအား ရှောင်ကြဉ်ကြရန် လိုအပ်ကြောင်းနှင့် မတည် မငြိမ်ဖြစ်အောင် လှုံ့ဆော်ဖန်တီးသူ များအား တရားဥပဒေအရ ဖော်ထုတ်အရေးယူ ဆောင်ရွက်မည် ဖြစ်ကြောင်း ရှင်းလင်း ဆွေးနွေးခဲ့သည်။

နိုင်ငံတကာက သဘောထားထုတ်ပြန်

ယင်းတို့နှင့်အတူ လိုက်ပါလာသော Mr. Ashok Nigam ကလည်း “ကုလသမဂ္ဂအနေဖြင့် လူသားချင်း စာနာမှု အကူ အညီများ ဆောင်ရွက် ပေးလျက်ရှိပြီး လူမျိုးဘာသာ မခွဲခြားဘဲ ကူညီပေး သွားမည်ဖြစ်ကြောင်း၊ ဒေသနေပြည် သူများက လည်း တည်ငြိမ်အေးချမ်းစွာ နေထိုင်မှသာ မိမိတို့ဒေသ စည်ပင်သာယာ ဝပြောမည် ဖြစ်ကြောင်းနှင့် ဒီမိုကရေစီ နည်းလမ်း အရ ငြိမ်းချမ်း စွာ အတူတကွ ပူးပေါင်းနေထိုင်၍ ကောင်းမွန်သော အနာဂတ်ကို ပြည်သူများ ကသာ ဖော်ဆောင်သွားရန်  လိုအပ်ကြောင်း” ရှင်းလင်းဆွေးနွေး ခဲ့သည်။

ထို့အပြင် အမေရိကန် နိုင်ငံခြားရေး ပြောခွင့်ရပုဂ္ဂိုလ် ဗစ်တိုးရီးယား နျူလန်က ရခိုင်ပြည်နယ်အတွင်း လူမျိုးစု အချင်းချင်း ပဋိပက္ခဖြစ်ပွားမှုနှင့် ပတ်သက်၍ အမြန်ရပ်ဆိုင်းရန်  အမေရိကန် နိုင်ငံခြားရေးဌာနက တောင်းဆို ကြောင်းနှင့် တစ်ဖက်နှင့် တစ်ဖက်ထိန်းထိန်းသိမ်းသိမ်းဆောင် ရွက်ကြရန်လိုအပ်ကြောင်း ပြော ကြားခဲ့သည်။

ထို့အတူ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ ကင်တားနား ကလည်း အစီအရင်ခံစာ တင်သွင်းရာတွင် အပြောင်းအလဲများကို အားရသော်လည်း ရခိုင်ပြည်နယ် ပြဿနာနှင့် နိုင်ငံရေး အကျဉ်းသားများ ကိစ္စများတွင် စိန်ခေါ်မှုကြီး ဆက်ဖြစ်နေသေးကြောင်း ပြောကြားခဲ့သည်။

ထို့အပြင် ယင်းသို့ ပဋိပက္ခများ ဖြစ်ပွားနေခြင်းသည် မြန်မာနိုင်ငံ၏ ပြုပြင်ပြောင်းလဲရေးကို ခြိမ်းခြောက်နေ ကြောင်း ကုလသမဂ္ဂက သတိပေးခဲ့သည်။ ဥပဒေမဲ့ လက်စားချေ သတ်ဖြတ်မှု၊ ပစ်မှတ်ထား ခြိမ်းခြောက် တိုက်ခိုက်မှုနှင့် အစွန်းရောက် ပြောဆို ရေးသားမှုများကို ချက်ချင်း ရပ်သင့်ကြောင်းနှင့် ယင်းသို့ မဆောင်ရွက် နိုင်ပါက မြန်မာ နိုင်ငံ တံခါးဖွင့်ရေး အစိုးရ၏ ဆောင်ရွက်ချက်များကို ထိခိုက် နစ်နာ စေနိုင်ကြောင်း ကုလသမဂ္ဂ ၏ အထွေထွေ အတွင်းရေးမှူးချုပ် မစ္စတာဘန်ကီမွန်းက ပြောခဲ့သည်။

တူရကီနိုင်ငံမှ ထောက်ပံ့ရေးပစ္စည်းများ ရောက်ရှိ

ထို့ပြင် ရခိုင်ပြည်နယ်ရှိ နှစ်ဖက်လူ့အဖွဲ့အစည်းများအတွက်  လူသားချင်းစာနာထောက်ထားမှု အကူအညီပေး ရေး အစီအစဉ်အရ ထောက်ပံ့ရေး ပစ္စည်းများ တင်ဆောင်လာသည့် တူရကီ စစ်ဘက်လေယာဉ်နှစ်စင်းသည် အောက်တိုဘာ ၂၅ ရက်တွင် ရောက်ရှိလာခဲ့သည်။

အရပ်ဘက် အဖွဲ့အစည်းများ၏ သဘောထား

ထို့အတူ အရပ်ဘက် အဖွဲ့အစည်း တစ်ခုဖြစ်သော ၈၈ မျိုးဆက် ကျောင်းသားများအဖွဲ့က လတ်တလော ဖြစ်ပွားနေသည့် အကြမ်းဖက်မှုများ လုံးဝ ရပ်ဆိုင်းသွားရေးအတွက် ရဟန်းရှင်လူ၊ မိဘပြည်သူ၊ ကျောင်း သားကျောင်းသူများနှင့် သက်ဆိုင်ရာ တာဝန်ရှိသူ အားလုံး ဝိုင်းဝန်းကူညီ ထိန်းသိမ်းပေးကြပါရန်  မေတ္တာ ရပ်ခံခဲ့သည်။

ယင်းနှင့်စပ်လျဉ်း၍ “ဒါဟာ မတော်တဆဖြစ်လာတာ မဟုတ်ပါဘူး။ ကျွန်တော်တို့ တစ်မျိုးသားလုံး အကြမ်းဖက် သမားတွေ အဖြစ် ပုံရိပ် အထင်မခံရဖို့ အားလုံး ဝိုင်းပြီးတော့ ထိန်းသိမ်းပေးကြပါ။ ဒီကိစ္စကို ငြိမ်းချမ်းစွာ ဖြေရှင်းကြပါ ဆိုတဲ့ အသိမျိုးရောက်အောင် စာနယ်ဇင်းတွေက ရေးပေးစေချင်ပါတယ်။နောက်ထပ် ဒီအခြေခံ ပြဿနာတွေ မြန်မာပြည် တစ်ထောင့် တစ်နေရာမှာ ပြည်ထောင်စု တစ်ခုလုံးမှာ အချိန်မရွေး ထဖြစ်သွား နိုင်တယ် ဆိုတာ သတိထားရမယ်။ ကြိုက်ကြိုက် မကြိုက်ကြိုက် ကြိုတင်ပြင်ဆင် ထားရပါလိမ့်မယ်”ဟု မင်းကို နိုင်က ရှင်းလင်းပြောကြားခဲ့သည်။

ဘာသာရေးအဖွဲ့အစည်းများလည်း သဘောထား ထုတ်ဖော်

ထိုပြဿနာများမဖြစ်မီ စက်တင်ဘာ ၁ဝရက်က ဗုဒ္ဓဘာသာဝင်များ ပိုင်ဆိုင်သော ဘိုးဘွားပိုင် အိမ်၊ ခြံ၊ လယ်ယာမြေများကို အစ္စလာမ်ဘာ သာဝင်ကို မရောင်းရချရ၊ မငှားရမ်း ရ၊ မပေါင်နှံရဟူသည့်အချက် အပါ အဝင် အချက်လေးချက် ပါဝင်သော ကျေညာချက်တစ်ခုကို  ကရင်ပြည် နယ်၊ ဘားအံမြို့ ဂိုဏ်းပေါင်းစုံ သာသနာတော် ထိန်းသိမ်းစောင့်ရှောက်ရေး အဖွဲ့က ထုတ်ပြန်ခဲ့ကြောင်း ပြည်တွင်းထုတ် ဂျာနယ်တစ်စောင်၏ မျက်နှာဖုံး တွင် ဖော်ပြပါရှိခဲ့သည်။

ထို့တူ ရခိုင်အရေး ဒီရေတက်နေချိန်တွင် အစ္စလာမ် ဘာသာဝင်များ၏ ဘာသာရေးထုံးစံဖြစ်သည့် အစ္စလာမ် အီးဒ်နေ့ (ကုရ်ဘာနီ) ပြုလုပ်ခြင်းကို ရပ်ဆိုင်းရန် မြန်မာနိုင်ငံ လုံးဆိုင်ရာ အစ္စလာမ်ဘာသာရေး အဖွဲ့ကြီးမှ ကြေညာချက် ထုတ်ပြန်ခဲ့ သည်။ ယင်းတွင် “အချို့တိုင်း ဒေသကြီးများနှင့် ပြည်နယ်များတွင်  ကုရ်ဘာနီနှင့် စပ်လျဉ်း၍ ယခင် မရှိခဲ့သော စည်းကမ်းချက်များဖြင့် အုပ်ချုပ် ကန့်သတ်မှုများ ပြုလုပ်ခြင်း ကြောင့်လည်းကောင်း၊ ကရင်ပြည်နယ်၊ ဘားအံမြို့နယ်၊ မွန်ပြည်နယ်၊ မော်လမြိုင်မြို့၊ မန္တလေးမြို့နှင့် အချို့ ဒေသများတွင် အစိုးရ မဟုတ်သော အသင်းအဖွဲ့ အချို့က အစ္စလာမ် ဘာသာနှင့် ဘာသာဝင်များအပေါ် ဥပဒေ အခွင့်အရေး၊ လူ့အခွင့်အရေးကို ချိုးဖောက်ကာ ဆန့်ကျင်ရေးသား ခြိမ်းခြောက်မှုများ လှုံ့ဆော်ပြောဆို ဖြန့်ဝေနေခြင်းတို့ကို လက်ငင်းကြုံတွေ့ နေကြရပါသည်”ဟု အစချီကာ နိုင်ငံတော်မှ လုံခြုံရေး ပြည့်ဝစွာ ပေး နိုင်မည် မဟုတ်ဟု ယူဆပြီး ယခုနှစ် မြန်မာနိုင်ငံ တစ်ဝန်းလုံးတွင် ကုရ်ဘာနီ ပြုလုပ်ခြင်းကို ရပ်ဆိုင်း ထားကြ ရန်ဟု ပါရှိခဲ့သည်။

ထိုကြေညာချက်များကို အခြေခံကာ ပြည်ပအခြေစိုက်မြန်မာ မွတ်စလင်အစည်းအရုံးက အောက် တိုဘာ ၂၈ တွင် ကြေညာချက် တစ်ခုကို ထုတ်ပြန်လာခဲ့ပြန်သည်။ ကြေညာချက် ၁၂ ချက်တွင် “ဖြစ်စဉ်တစ်ခုလုံးကို သုံးသပ်မည် ဆိုပါက အစိုးရ အုပ်ချုပ်ရေးဌာနအချို့မှ လှုံ့ဆော်မှု၊ တရားဝင် ဖွဲ့စည်းထားသော နိုင်ငံရေး ပါတီအချို့မှ လူမျိုးမုန်းတီးရေး အတိအလင်း ဝါဒဖြန့်မှုနှင့် ဖြစ်စဉ်ကာလတွင် အုပ်ချုပ်ရေး အာဏာပိုင်များ၏ တမင် လျစ်လျူရှု မှုတို့ကြောင့် မဖြစ်သင့်ဘဲ ဖြစ်ခဲ့ရသည့်  အထောက်အထားများ ရှိနေသည်” ဟုလည်း ထည့်သွင်း ဖော်ပြခဲ့သည်။

ဒေသခံများ နားမလည်နိုင်ဖြစ်ဆဲ

အောက်တိုဘာ ၂၈ ရက်တွင် ကျောက်ဖြူဒေသခံတစ်ဦးက သူတို့အနေဖြင့် နားမလည်နိုင်သည့် ဖြစ်ရပ်များ ရှိနေသေးကြောင်း ကိုလည်း မြန်မာအင်ဒီပဲန်ဒင့်သို့ ပြောကြားခဲ့ သည်။ “ကျွန်တော်တို့ဆီမှာ အားနည်းချက် တွေ ရှိတယ်။ ကျွန်တော်တို့ ဖုန်းလိုင်းတွေ မကောင်းဘူး။ အီလဲဗင်း မီဒီယာဂရုက အင်တာနက်ကိုပဲ သုံးရ တယ်။ တစ်ရက်လောက် နောက် ကျပြီးမှ အခြေအနေကို သိရတယ်။ ဘင်္ဂါလီတွေမှာကျတော့ ကွန်ရက်တွေ ရှိနေတယ်။ နဂိုကတည်းက ဖွဲ့ထားတဲ့ အဖွဲ့အစည်းတွေ မြို့နယ်တိုင်းမှာ ရှိနေတယ်။  တစ်မြို့နယ်မှာ တစ်ခုခု ဖြစ်တာနဲ့ တခြားမြို့နယ်မှာ သူတို့က အုံကြွနေပြီ။ ကျွန်တော့်စိတ်ထဲမှာ နည်းနည်း ခံစားရတာလေးကို ပြောပြမယ်။ ကချင်တို့၊ ကရင်တို့၊ ရှမ်းတို့မှာ ကျွန်တော်တို့ထက် စစ်ပွဲတွေ အများကြီး ဖြစ်တယ်။ တပ်မတော် က သူတို့ကို ခေါင်းမဖော်နိုင်အောင် ထိန်းသိမ်း ထားတယ်။ ဒီမှာ ဘာလို့ ထိန်းသိမ်း မထားနိုင်တာလဲ။ ဒီနေ့လည်း နယ်စပ်ဒေသ ဝန်ကြီး ဒီကျောက်ဖြူကို လာသွားတယ်။ ရှေ့ကို ဘာဆက်လုပ်မယ်၊ ဘယ်လိုလုပ် မယ်၊ ပြည်သူတွေ အားမငယ်ပါနဲ့။ ဘာစကား တစ်ခွန်းမှ မထွက်ဘူး။ ဒီတော့ လွှတ်တော်မှာပဲတင်တင်၊ စုံစမ်းရေး ကော်မရှင်ပဲ လွှတ်လွှတ် ကျွန်တော်တို့ အတွက်တော့ ဘာမှ မထူးဘူး လို့ ထင်တာပဲ”ဟု သူ့ခံစားချက်ကို ပြောပြသည်။

နောက်ဆုံးအခြေအနေ

နိုင်ငံပိုင် သတင်းစာများတွင် ရခိုင်ပြည်နယ်တစ်ဝန်းလုံး၌ တည် ငြိမ်အေးချမ်းမှုများ ပြန်လည်ရရှိပြီ ဖြစ်သည် ဟု အောက်တိုဘာ ၂၉ ရက်တွင် ဖော်ပြခဲ့ရာတွင် ရခိုင်ပြည် နယ်အတွင်း တည်ငြိမ်အေးချမ်းမှု ပျက်ပြားစေသည့် ပဋိပက္ခဖြစ်စဉ် များ စတင်ဖြစ်ပေါ်ခဲ့သည့် ဇွန် ၈ ရက်မှ အောက်တိုဘာ ၂၆ ရက်အထိ ဖြစ်စဉ်များ၌ အကြမ်းဖက် ဖျက်ဆီးမှုများတွင် ပါဝင်သူ ၁ဝ၅၈ ဦးကို လည်း ဥပဒေနှင့်အညီ အရေးယူ ဆောင်ရွက်လျက်ရှိကြောင်း ပါရှိ သည်။

သို့ရာတွင် အောက်တိုဘာ ၃ဝ ရက်တွင် ဇွန်လအရေးအခင်း၌ အဦးအစ ဖြစ်ရပ်ဖြစ်သော  အဓမ္မမှု ဖြစ်ပွား ရာ ကျောက် နီမော်ကျေးရွာတွင် ဒေသခံများနှင့် အုပ်ချုပ်ရေး အဖွဲ့တို့အကြား တင်းမာမှုများ ဖြစ်ပွား နေသေး ကြောင်း သတင်းရရှိခဲ့ပါသည်။


မြန်မာအင်ဒီပဲန်ဒင့် သတင်းအဖွဲ့

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*