စီးပွားရေးသတင်း — ရန်ကုန်၊ မတ် ၂ဝ ၊ ၂ဝ၁၃

ရန်ကုန်မြို့တွင်း ပြေးဆွဲလျက်ရှိသည့် တက္ကစီ စင်းလုံးငှားယာဉ်များ အား ရန်ကုန်မြို့တော်စည်ပင်သာယာ ဌာန မှ တာဝန်ယူ စီမံအုပ်ချုပ်လျက် ရှိသော်လည်း လွန်ခဲ့သည့် ၂ဝ၁၂ ခုနှစ်၊ အောက်တိုဘာ ၁ ရက်က ရန်ကုန် တိုင်းဒေသကြီး အစိုးရအဖွဲ့၏ တရားဝင် ညွှန်ကြားချက်အရ မထသ(ဗဟို) သို့ လွှဲပြောင်း တာဝန် ပေးအပ်ခဲ့ပြီး လာမည့် ဧပြီ ၁ ရက်တွင် လုပ်ငန်းများ စတင်နိုင်ရန် အတွက် မထသ(ဗဟို)မှ စီစဉ် ထားခဲ့သော်လည်း ဌာနချင်း လုပ်ငန်းများ ပြောင်းလွှဲရာတွင် အကြံပြုချက် အချို့ကို ပြင်ပ မော်တော်ယာဉ် လုပ်ငန်းရှင်များက သက်ဆိုင်ရာ သို့ တင်ပြခဲ့ကြသည်။

ထိုသို့တင်ပြရာတွင် လက်ရှိ ပြေးဆွဲလျက် ရှိသည့် တက္ကစီယာဉ် များကို ယခုလို လွှဲပြောင်း လုပ်ကိုင်ခြင်း အတွက် အခက်အခဲများ ရှိလာနိုင်ပြီး ယာဉ်စီးခများကို မီတာစနစ်ဖြင့် အသုံးပြုကာ တစ်ပြေးညီတောင်းခံရမည် ဆိုသည့် အချက်ပေါ် တွင်လည်း အခက် အခဲများ ရှိနိုင်ကြောင်း၊ တက္ကစီ ယာဉ် လုပ်ငန်း လုပ်ကိုင်နေသူများ၏ အကြံ ပြုချက်များ ဖော်ပြကြသည့် အတွက် လုပ်ငန်းများ စတင်ရန် သတ်မှတ်ထား သည့် အချိန်ကာလ အတိအကျ လုပ်ကိုင်နိုင်ရန် မသေချာသေးကြောင်း မတ် ၂ဝ ရက်က ကျင်းပသည့် မထသ (ဗဟို) မီဒီယာ တွေ့ဆုံပွဲတွင် မထသ (ဗဟို) အတွင်းရေးမှူး ဦးဘမြင့်က ပြောသည်။

ထိုသို့ ဌာနချင်း လုပ်ငန်းများ လွှဲပြောင်းသည့် အဆင့်များ၊ ကြန့်ကြာ မှုများ သတ်မှတ်ရက် အတိအကျ ကြေညာ ခြင်း မပြုနိုင်သည့် အခြေ အနေများနှင့်ပတ်သက်ပြီး ယင်းက ပြောကြားရာတွင် “ကျွန်တော်တို့ ဌာနအနေနဲ့ မြို့တော် စည်ပင် သာယာဌာနက ဘယ်တော့ လွှဲမလဲ ဆိုတာ ကိုစောင့်နေပါတယ်။ မတ် ၁၅ ရက်မှာ စတင် လွှဲပြောင်းပြီး မတ်  ၃၁ရက်မှာ အပြီးလွှဲပြောင်းဖို့ ကျွန်တော်တို့က မြို့တော်စည်ပင်ကို ကြောင်းကြားခဲ့ပါတယ်။ ဧပြီ ၁ ရက် မှာလုပ်ငန်း စတင်ပါမယ်လို့ သဘောတူ နားလည် လက်ခံခဲ့ကြပါ တယ်။ နောက် မတ် ၁၄ရက်မှာ မြို့တ်ာစည်ပင် သာယာဌာန အတွင်းရေးမှူး စည်းကမ်း ထိန်းသိမ်းရေး ဒုတိယဥက္ကဋ္ဌ က ပြောပါတယ်။ ယာဉ် စည်းကမ်း ထိန်းသိမ်းရေး ဥက္ကဋ္ဌဝန်ကြီးက ပြောပါတယ်တဲ့ တက္ကစီတွေနဲ့ပတ်သက် ပြီး မထသ (ဗဟို)ကို လွှဲပြောင်း ပေးမယ့် အစီစဉ်အပေါ်မှာ အကြံပြုချက်များ တင်ပြနိုင်ဖို့အတွက် အစည်း အဝေးလုပ်မယ် ဆိုပြီး ခေါ်ပါတယ်။ အဲဒီ အစည်းအဝေးမှာ သက်ဆိုင်ရာ မထသ၊ ကညန၊ ပစန၊ ဥပဒေအဖွဲ့၊ စည်ပင် အုပ်ချုပ်ရေး၊ လမ်းတံတား ဌာနက အဖွဲ့အစည်းတွေ တက်ကြပါ တယ်။ အဲဒီမှာ တက္ကစီများ လွှဲပြောင်း ပေးတာနဲ့ ပတ်သက် ပြီးတော့ အရပ် ဖက်ကအမျိုးသမီးတစ်ဦးက သမ္မတ ကြီးဆီကို စာရေးပါတယ်။ စာထဲမှာ က မြို့တော် စည်ပင် ကပဲ ဒီအတိုင်း မှတ်ပုံတင်တဲ့ လုပ်ငန်းတွေလုပ်ပြီး ဆက်လက်ဆောင်ရွက်တာကောင်းပါ လို့ စာရေးတင်တဲ့ အတွက် ပြည်ထောင်စု အစိုးရကနေပြီးတော့ တိုင်းဒေသ ကြီး အစိုးရအဖွဲ့ကို အကြံပြုတင်ပြခိုင်း ပါတယ်။ အဲဒီလို အကြံပြု တင်ပြနိုင်ရေးအတွက် အစည်းအဝေးခေါ်ခဲ့ တာလည်း ဖြစ်ပါတယ်လို့ ပြောပါ တယ်။ ကျွန်တော်တို့ကတော့ အဲဒီ အစည်းအဝေးမှာ ကျွန်တော်တို့ မထသ (ဗဟို)အနေနဲ့ ကျွန်တော်ပြောခဲ့တဲ့ လုပ်ငန်းပိုင်းတွေကို လုပ်ကိုင်နေပါ တယ်။ ကျွန်တော်တို့ တင်ပြခဲ့တဲ့ မတ် ၃၁ ရက်မှာ အပြီးလွှဲပြောင်း ပေးဖို့ပြောတဲ့အခါကြတော့ ယာဉ်စည်းကမ်း ထိန်းသိမ်းရေး ဒုတိယ ဥက္ကဋ္ဌကလွှဲတဲ့၊ ပြောင်းတဲ့အပိုင်းလေးတွေ ကို မတ် ၂၂ ရက်အထိ ရွှေ့ဆိုင်းပေးပါ ဆိုပြီး ပြောပါ တယ်။ နောက်ပိုင်း အခုချိန်ထိတော့ ကျွန်တော် တို့ဆီကို အကြောင်း မကြားသေးပါဘူး” ဟု တက္ကစီ လုပ်ငန်း ပြောင်းရွှေ့ လုပ်ကိုင်မည့် လုပ်ငန်းစဉ်များတွင် ကြန့်ကြာမှု အခက်အခဲများနှင့် လတ်တလော အခြေအနေများကို ပြောကြား သည်။

မကြာသေးခင် ကာလက မြို့ တွင်း တက္ကစီများတွင် ယာဉ်စီးခများ အား မီတာနှင့်တောင်းခံရမည်ဟု ညွှန်ကြား ခဲ့ပြီး မီတာများ တပ်ဆင်အသုံး ပြုခဲ့သော်လည်း ခရီးသည်နှင့် ယာဉ် မောင်းများကြားတွင် အဆင်မပြေမှုများ ရှိခဲ့သည်။ ယခု မထသ(ဗဟို)မှ မြို့တွင်းတက္ကစီများကို မီတာများ တပ်ဆင်အသုံးပြုစေပြီး စီအမ်ဂျီ၊ ဓာတ်ဆီ၊ ဒီဇယ် အသုံးပြုသည့် တက္ကစီ များအား ယာဉ်စီးခနှုန်းထားများ တစ်ပြေးညီ သတ်မှတ်မည့် အခြေအနေအား  မထသ (ဗဟို) ဒုတိယဥက္ကဋ္ဌ ဦးလှ သောင်းမြင့် က ပြောကြားရာတွင် “တက္ကစီတိုင်းမှာ မီတာပါရပါတယ်။ ကမ္ဘာ နိုင်ငံတိုင်းမှာလည်း ဒီအတိုင်းပါပဲ ယခင် ရန်ကုန်မြို့တွင်း မီတာများ တပ်ဆင်ပြီးမောင်းဖို့ ညွှန်ကြားခဲ့တဲ့ အခါမှာ အောင်မြင်မှု မရှိတာဟာ လုပ်တဲ့လူများ ညံ့လို့မအောင်မြင်တာ ပါ။ ဖမ်းတဲ့သူ အရေးယူတဲ့သူတွေ ညံ့ရင် မအောင်မြင်နိုင်ပါဘူး။ အချို့က တက္ကစီခကို ဒီအတိုင်းပြောယူ၊ ပြော စီးတာပဲကောင်းပါတယ် လို့ ပြောကြတဲ့ သူတွေလည်းရှိပါတယ်။ သို့သော် နိုင်ငံခြားသား တစ်ယောက်က ပိုက်ဆံ ဘယ်လောက်ပေးရမလဲ ဆိုတာကို ပြောဖို့ဆိုတာ ကျွန်တော်တို့ဆီက တက္ကစီ ယာဉ်မောင်း တော်တော် များများ မပြောတတ်ပါဘူး။ ပိုက်ဆံ ဘယ်လောက်ကျတယ် ဆိုတဲ့နေရာမှာ တစ် ဒေါ်လာ၊ နှစ်ဒေါ်လာ ဆိုတာပဲ သူပြော လို့ရမယ်။ အတိုးအလျှော့ကြတော့ သူမပြောတတ်တော့ဘူး။ တော်တော် ခက်ပါတယ်။ အဲဒီလိုဖြစ်နေတဲ့ အတွက် အချိန် ပိုကြာနိုင်ပါတယ်။ ကမ္ဘာ အရပ်ရပ်မှာလည်း မီတာနဲ့ပဲ လုပ်ကိုင်နေတာဖြစ်တဲ့အတွက် ဒီမှာ လည်း မီတာနဲ့ပဲလုပ်ကိုင်သင့်ပါတယ်။ နောက် တစ်ခုက မီတာတပ် ထားပေမယ့် လည်း ယာဉ်မောင်းတော်တော် များများက ယာဉ်စီးခကို ပါးစပ်နဲ့ တောင်းကြတာ များပါတယ်။ တကယ်တော့ မီတာမသုံးတဲ့ ကား ဆိုရင် မြို့တွင်းပြေးဆွဲမယ့် ခရီးစဉ်များကို နှုန်းထား သတ်မှတ်ပြီး ကားတွေမှာ ချိတ်ဆွဲထားသင့်တယ်။ တကယ်တော့ တက္ကစီတွေအတွက် တက္ကစီ မီတာ တပ်ဆင်မောင်းနှင် တာဟာ လုပ်ကို လုပ်ရမယ့် လုပ်ငန်းစဉ် တစ်ခု ဖြစ်ပါတယ်” ဟု ဆိုသည်။

မကြာမီ ကာလတွင် ရန်ကုန်မြို့ တော်အတွင်း ပြေးဆွဲလျက် ရှိသည့် တက္ကစီများအား မထသ(ဗဟို)မှ ဦးစီး ဆောင်ရွက် လုပ်ကိုင်မည် ဖြစ်ပြီး တက္ကစီယာဉ်များတွင် တပ်ဆင် ရမည့် မီတာများကို ရန်ကုန်တိုင်း ဒေသကြီး အစိုးရ အဖွဲ့မှ မှတ်ပုံတင်ပြီး တင်သွင်း လာသည့် မီတာများဖြစ်ကြောင်း၊ တက္ကစီလိုင်စင်များကို ယခင်ပုံမှန် သက်တမ်း တိုးနေသည့် အစီအစဉ် အတိုင်း တစ်နှစ်တစ်ခါသက်တမ်း တိုးရမှာဖြစ်ပြီး ယခင်လုပ်ငန်းစဉ်များ အတိုင်း ဆက်လက် လုပ်ကိုင်ကြ ရမှာ ဖြစ်သည်။ အခွန်အခ များ ထပ်မံပေး ဆောင်စရာ မလိုကြောင်းနှင့် လာမည့် ၂ဝ၁၄-၂ဝ၁၅ ခုနှစ် များတွင် မော်တော် ယာဉ်များ အားလုံး စီအမ်ဂျီများ ရရှိမှာဖြစ်ကြောင်း မထသ (ဗဟို) ဒုတိယ ဥက္ကဋ္ဌ ဦးလှသောင်းမြင့်က သတင်းမီဒီယာ များအား ပြောကြားခဲ့ပါသည်။

ရန်ကုန်မြို့တွင်း ပြေးဆွဲနေသည့် အငှားယာဉ်အချို့ကို တွေ့ရစဉ်

ရန်ကုန်မြို့တွင်း ပြေးဆွဲနေသည့် အငှားယာဉ်အချို့ကို တွေ့ရစဉ်

ဝ၃၂

ဆက်စပ်သတင်းများ

အခွန်အကောက် ဥပဒေကြမ်း တင်သွင်း

အခွန်အကောက် ဥပဒေကြမ်း တင်သွင်း

နေပြည်တော်၊ ဖေဖော်ဝါရီ ၁၃၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*