မွန်ပြည်နယ်၊ သထုံမြို့နယ်၊ နောင်ဘိုကျေးရွာတွင် မတ်လ ၅ ရက် နံနက်ပိုင်းက ကေအင်န်ယူ၊ ကေအင်န် အယ်လ်အေ တပ်မဟာ(၁) ဆက်ဆံ ရေးရုံးဖွင့်ပွဲနှင့် အဆောက်အဦ လွှဲ ပြောင်းပေးအပ်ပွဲကို ကျင်းပခဲ့ရာ ရထား ပို့ဆောင်ရေး ဝန်ကြီးဌာန၊ ပြည်ထောင်စု ဝန်ကြီးဦးဇေယျာအောင်၊ မွန်ပြည်နယ် ဝန်ကြီးချုပ် ဦးအုန်းမြင့်၊ အရှေ့တောင်တိုင်း စစ်ဌာနချုပ် တိုင်းမှူး ဗိုလ်ချုပ် တင်မောင်ဝင်း၊ ကေအင်န်ယူ ဥက္ကဋ္ဌဗိုလ်ချုပ်ကြီး စောမူတူးစေးဖိုးနှင့် တပ်မဟာ(၁) တပ်မဟာမှုး ဗိုလ်ချုပ် စောကျော်လင်းတို့ တက်ရောက်ခဲ့ကြပြီး ဖဲကြိုးဖြတ် ဖွင့်လှစ် ပေးကြ သည်။

ဆက်ဆံရေးရုံး ဖွင့်ပွဲသို့ တက်ရောက်လာသည့် တပ်မတော် ခေါင်းဆောင်များ၊ ကရင်ပြည်နယ်အစိုးရ အဖွဲ့ဝင်များ၊ ကေအင်ယူ၊ ကေအင်န်အယ်အေ ခေါင်းဆောင်များ

ဆက်ဆံရေးရုံး ဖွင့်ပွဲသို့ တက်ရောက်လာသည့် တပ်မတော် ခေါင်းဆောင်များ၊ ကရင်ပြည်နယ်အစိုးရ အဖွဲ့ဝင်များ၊ ကေအင်ယူ၊ ကေအင်န်အယ်အေ ခေါင်းဆောင်များ

ဖွင့်ပွဲသို့ တက်ရောက်လာသည့် ဗိုလ်ချုပ် စောဂျော်နီနှင့် ကေအင်န်ယူ၊ ကေအင်န်အယ်အေ ခေါင်းဆောင်များနှင့် တပ်မတော်ခေါင်းဆောင်များ

ဖွင့်ပွဲသို့ တက်ရောက်လာသည့် ဗိုလ်ချုပ် စောဂျော်နီနှင့် ကေအင်န်ယူ၊ ကေအင်န်အယ်အေ ခေါင်းဆောင်များနှင့် တပ်မတော်ခေါင်းဆောင်များ

တပ်မဟာ(၁) တပ်မဟာမှူး ဗိုလ်ချုပ် စောကျော်လင်း

တပ်မဟာ(၁) တပ်မဟာမှူး ဗိုလ်ချုပ် စောကျော်လင်း

မက်စ်မြန်မာ ကုမ္ပဏီမှ ဦးဇော်ဇော်က သက်ဆိုင်ရာ စာရွက်စာတမ်းများကို တပ်မဟာမှူး ထံ ပေးအပ်ခဲ့သည်

မက်စ်မြန်မာ ကုမ္ပဏီမှ ဦးဇော်ဇော်က သက်ဆိုင်ရာ စာရွက်စာတမ်းများကို တပ်မဟာမှူး ထံ ပေးအပ်ခဲ့သည်

အခမ်းအနားတွင် ပြည်ထောင် စုငြိမ်းချမ်းရေးဖော်ဆောင်ရေးလုပ်ငန်း ကော်မတီဝင် မွန်ပြည်နယ် ဝန်ကြီးချုပ် ဦးအုန်းမြင့်က အမှာစကား ပြောကြားရာတွင် ယခုလို ဆက်ဆံရေးရုံး ဖွင့်လှစ်ခဲ့နိုင်ခြင်းအတွက် ပြည်နယ် ကိုယ်စား လှိုက်လှိုက်လှဲလှဲ ဝမ်းသာမိပါကြောင်း၊ မိမိတို့နယ်မြေသည် မွန်တိုင်းရင်းသား တစ်မျိုးတည်း နေထိုင်ခြင်း မဟုတ်ပဲ တိုင်းရင်းသား ပေါင်း စုံနေထိုင်သည့် ပြည်ထောင်စု ငယ်လေးပင်ဖြစ်ကြောင်း၊ တိုင်းရင်းသား စုံလင်စွာဖြင့် ချစ်ချစ်ခင်ခင်နေထိုင် ကြသလို တစ်ခါတစ်ရံ တွင်လည်း စိတ်ကောက်ကြ၊ အဝေမတည့်ကြသည့် အခါမျိုးများလည်း ရှိတတ်ကြောင်း၊ ညီအကို မောင်နှမ ချင်း စိတ်ကောက်ကြသည့် သဘောလောက်သာ ရှိခဲ့ပါကြောင်း၊ ယနေ့ဆိုလျှင် ပြည်ထောင်စုသမ္မတ မြန်မာနိုင်ငံတော် တွင် ပြည်သူများက တင်မြှောက် လိုက်သည့် ပြည်ထောင်စု သမ္မတ ဦးသိန်းစိန် ဦးဆောင်သော အစိုးရနှင့် လွှတ်တော် ကိုယ်စားလှယ်များသည် နိုင်ငံတော်ကြီးကို အေးချမ်း သာယာ တိုးတက်အောင် ဦးဆောင် လမ်းပြနေပြီး ပြည်သူလူထု ကို ရှေ့တန်းမှ တင်ကာ လူထု အခြေပြုစနစ်ဖြင့် မိမိတို့လုပ်ဆောင်နေပြီ ဖြစ်ကြောင်း၊ ယနေ့ အခမ်းအနားတွင် မွန်ပြည်နယ်တွင် ရှိသည့် ပြည်သူအားလုံးသည် အာဏာ အစစ်အမှန် ရှိသော ပြည်သူများ ဖြစ်ကြောင်း၊ ပြည်သူ က ပေးအပ်သည့် အာဏာနှင့်သာ မိမိတို့ လုပ်ဆောင်နေခြင်းဖြစ်ကြောင်း၊ ယနေ့သည် မွန်ပြည်နယ် ငြိမ်းချမ်းရေး ရရှိပြီး ပြည်သူများ၏ ဘဝ တိုးတက်အောင် နိုင်ငံတော်မှလည်း ဝိုင်းဝန်း ဆောင်ရွက်နေခြင်း ဖြစ်ကြောင်း၊ ယနေ့ ဖွင့်လှစ်ခဲ့သည့် ကေအင်န်ယူ ဆက်ဆံရေး ရုံးဖွင့်လှစ်ခြင်းသည် မွန်ပြည်နယ် အတွက် ထာဝရအလင်းတန်းကြီး တစ်ခုပင်ဖြစ်ကြောင်း၊ ထာဝရ အေးချမ်းသာယာသည့် လူနေမှုဘဝကို ပိုင်ဆိုင်ကြမှာ ဖြစ်ကြောင်း စသည်ဖြင့် ပြောကြား သွားခဲ့ပါသည်။

ထို့နောက် တက်ရောက် လာကြသည့် ဧည့်တော်များမှ ရထားပို့ဆောင်ရေး ဝန်ကြီးဌာနဝန်ကြီး ပြည်ထောင်စု ဝန်ကြီး ဦးဇေယျာအောင်မှ အမှာစကား ပြောကြားရာတွင် မိမိတို့ လုပ်ဆောင်နေသည့် ငြိမ်းချမ်းရေး လုပ်ငန်း သည် မဖြစ်မနေ လုပ်ဆောင်ရမည့် လုပ်ငန်းကြီး တစ်ခုဖြစ်ကြောင်း၊ နိုင်ငံတော်နှင့် ကေအင်န်ယူတို့သည် ပြည်တွင်း ငြိမ်းချမ်းရေး ကို ဖော်ဆောင်ရာတွင် နားလည်မှုများ တိုးတက်လာခဲ့သည့်အတွက် ယခုလို ဆက်ဆံရေး ရုံးများ တိုးချဲ့ဖွင့်လှစ် လာနိုင်ခဲ့ခြင်းဖြစ်ကြောင်း ၊ ပြည်တွင်း ငြိမ်းချမ်းရေး ဖော်ဆောင်မှု လုပ်ငန်း များတွင် ပိုမို ပွင့်လင်းမြင်သာခဲ့ကြောင်း၊ ငြိမ်းချမ်း ဖော်ဆောင်မှု မအောင်မြင်ဘဲ နိုင်ငံ၏ ဖွံ့ဖြိုးမှုသည် ဆက်လက် လုပ်ဆောင်နိုင်ခြင်း ရှိမည် မဟုတ်ကြောင်း ၊ နိုင်ငံတော် တိုးတက်ရန် အတွက် ပြည်တွင်းငြိမ်းချမ်းရေး သည် အလိုအပ်ဆုံး အရာ တစ်ခုဖြစ်ကြောင်း၊ နိုင်ငံတော် အနေနှင့်လည်း အလိုလားဆုံး အချိန်ကို ရောက်ရှိနေပြီဖြစ်ကြောင်း၊ နိုင်ငံတော် အကြီးအကဲများ အနေနှင့်လည်း ပြည်တွင်း ငြိမ်းချမ်းရေး ဖော်ဆောင်မှု များ လုပ်ကိုင်ရန် အင်မတန် စိတ်အား ပြင်းပြလျက် ရှိကြောင်း ၊ နိုင်ငံတော်မှ ငြိမ်းချမ်းရေး လုပ်ငန်းများကို တစိုက်မတ်မတ် ဆောင်ရွက်လျက် ရှိကြောင်း၊ ငြိမ်းချမ်းရေး လုပ်ငန်းစဉ်များကို အဆင့် သုံးဆင့်ဖြင့် ဆောင်ရွက်လျက် ရှိရာ ပထမအဆင့်တွင် ပြည်နယ် အဆင့်များနှင့် လုပ်ကိုင်ပြီး ဒုတိယအဆင့် တွင် ပြည်ထောင်စုအဆင့်မှ ဆောင်ရွက်ကာ တတိယအဆင့်တွင် ပြည်ထောင်စု လွှတ်တော်ရှေ့မှောက် တွင် တိုင်းရင်းသား အားလုံးဆွေးနွေးပြီး ငြိမ်းချမ်းရေး သဘောတူညီချက်ကို လက်မှတ်ရေးထိုး ရမှာပင် ဖြစ်ကြောင်း လက်ရှိရရှိခဲ့ပြီးဖြစ်သည့် ပစ်ခတ်ရေး ရပ်စဲမှုမှသည် ထာဝရငြိမ်းချမ်းရေး ရှိရန် လုပ်ဆောင်ရမည့် လုပ်ငန်းစဉ် အတိုင်း စိတ်ရှည်စွာဖြင့် ထာဝရ တည်တံ့ ခိုင်မြဲရေး ရရှိရန် ဆက်လက် ဆောင်ရွက်လျက် ရှိကြောင်း စသည့်ဖြင့် ပြောကြားသွားခဲ့သည်။

ဆက်လက်၍ ကေအင်န်ယူ ဥက္ကဋ္ဌ ဗိုလ်ချုပ်ကြီး မူတူးစေးဖိုးက ကရင်အမျိုးသား အစည်းအရုံးနှင့် လက်ရှိ နိုင်ငံတော် အစိုးရအကြား ငြိမ်းချမ်းရေး လုပ်ငန်း လုပ်ဆောင်ချက်များအား ပြောကြားရာတွင် မိမိတို့နှင့် နိုင်ငံတော် အစိုးရအကြား လွန်ခဲ့သည့် ၂၀၁၂ခု ဇန်နဝါရီလတွင် အပစ်အခတ်ရပ်စဲရေး လက်မှတ် ထိုးနိုင်ခဲ့ကြောင်း၊ ယင်းလုပ်ဆောင်ချက်တို့ တွင် နှစ်ဦး သဘောတူထားချက် တစ်ခုမှာ အပစ်အခတ် ရပ်စဲမှု ပိုမိုခိုင်မာရန် ပိုမိုအောင်မြင်ရန် ပိုမိုတိကျရန်အတွက် ဆက်ဆံရေးရုံးသည် အရေးကြီးကြောင်း၊ ထို့ကြောင့် ဆက်ဆံရေးရုံးများ ဖွင့်နိုင် ရေးအား သဘောတူလိုက်ခြင်း၊ ဆက် ဆံရေးရုံးများ ဖွင့်လှစ်နိုင်ခဲ့ကြောင်း ဆက်လက်၍ လည်း ဆက်ဆံရေးရုံးများ ဖွင့်နိုင်ရန် ဆောင်ရွက်သွားမှာဖြစ်ကြောင်း၊ ယင်းသို့ ဖွင့်ရခြင်းသည် ၁၉၄၈ ခုနှစ် ဇန်နဝါရီလ ၄ရက်မှ စတင်ပြီး လွတ်လပ်ရေး ရခဲ့ပြီးနောက်ပိုင်း မိမိတို့ကြားတွင် နိုင်ငံရေးအမြင် မတူမှုများ၊ အတွေးအခေါ်များ မတူခြင်း၊ တို့ကြောင့် ပဋိပက္ခများ ဖြစ်ပေါ်ခဲ့ကြောင်း၊ ယင်းသို့ဖြစ်ပေါ် ခဲ့ရာတွင် နိုင်ငံရေးအရ အပြန်အလှန် ဆွေးနွေးရမည့် အစား ပဋိပက္ခများမြင့်မားလာခဲ့ရာ လက်နက်ကိုင် ပဋိပက္ခများ ဖြစ်ခဲ့ပြီး တစ်ယောက်နှင့် တစ်ယောက် သတ်ဖြတ်ကြသည့် အဆင့် သို့ရောက်ရှိခဲ့ပြီး စစ်ဖြစ်လာသည့် အခြေအနေသို့ ရောက်ရှိခဲ့ကြောင်း၊ စစ်သည် မကောင်းသည့် အနိဌာရုံများကိုသာ ရရှိခဲ့ရကြောင်း၊ မိမိတို့ ကရင်အမျိုးသား အစည်းအရုံးသည် စစ်အနိဌာရုံတွင် နှစ်ပေါင်း ၆၀ ကျော် လက်နက်ကိုင် ပဋိပက္ခများ ဖြစ်ခဲ့ကြောင်း၊  မိမိတို့အနေနှင့် ယင်းသို့ ဖြစ်ပေါ်နေသည့် ပြသနာများသည် ပစ်ခတ်မှုများဖြင့် ဖြေရှင်း၍ မရနိုင်ကြောင်း၊ ဆွေနွေးမှုများဖြင့်သာ အဖြေရှာရန်သာဖြစ်ကြောင်း၊ ထို့ကြောင့် မိမိတို့နှင့် ဦးသိန်းစိန် အစိုးရတို့အကြား ငြိမ်းချမ်းရေး လုပ်ဆောင်နိုင်ဖို့ လက်မှတ် ထိုးခြင်းဖြစ်ကြောင်း စသည်ဖြင့် ပြောကြားသွား ပါသည်၊

ထို့နောက် ဆက်ဆံရေး ရုံးသစ်အား တည်ဆောက်ပေးခဲ့သည့် မက်စ်မြန်မာ ကုမ္ပဏီမှ ဒါရိုက်တာဦး ဇော်ဇော်မှ ဆက်ဆံရေးရုံးနှင့် ပတ်သက်သည့် စာရွက်စာတန်း များအား ပေးအပ်ရာ ကေအင်န်ယူ သထုံဥက္ကဋ္ဌ ဦးစောပန်းနု မှ လက်ခံရယူ ခဲ့ပါသည်။ ကေအင်န်ယူ ဆက်ဆံရေးရုံးများကို ဖွင့်လှစ်ရာတွင် ယခုဖွင့်လှစ်ခဲ့သော ရုံးမှာ (၆)ရုံး မြောက် ဖြစ်ပြီး ပဲခူးတိုင်း ကျောက်ကြီးမြို့နယ်၊ တနင်္သာရီတိုင်း၊ ဘုရားသုံးဆူ၊ မြဝတီ၊ဘားအံ၊ စသည့် မြို့ကြီး ငါးမြို့တွင် ဖွင့်လှစ်နိုင်ခဲ့ပြီး ယခုမွန်ပြည်နယ်တွင် ဖွင့်လှစ်သည့် ရုံးကို မက်စ်မြန်မာ ကုမဏ္ဍီမှ ပထမဆုံး အကြိမ် ဆောက်လုပ် လှူဒါန်း ဖွင့်လှစ် ခဲ့ခြင်းဖြစ်ကြောင်း သိရသည်။

ဒေသခံ တိုင်းရင်းသူလေးများမှ ဖျော်ဖြေခဲ့ကြသည်

ဒေသခံ တိုင်းရင်းသူလေးများမှ ဖျော်ဖြေခဲ့ကြသည်

 

ဒေသခံ တိုင်းရင်းသူလေးများမှ ဖျော်ဖြေခဲ့ကြသည်

ဒေသခံ တိုင်းရင်းသူလေးများမှ ဖျော်ဖြေခဲ့ကြသည်

 

ဒေသခံ တိုင်းရင်းသူလေးများမှ ဖျော်ဖြေခဲ့ကြသည်

ဒေသခံ တိုင်းရင်းသူလေးများမှ ဖျော်ဖြေခဲ့ကြသည်

 

 

ဝ၃၂

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*