ပြည်တွင်းသတင်း — ရေတာရှည်၊ သြဂုတ် ၂၃၊ ၂ဝ၁၂

ပဲခူးတိုင်း၊ ရေတာရှည် မြို့နယ်၊ ပဲခူးရိုးမ ကြိုးပြင်ဒေသများတွင် အစိုးရပိုင် ကျွန်းစိုက်ခင်းများ ရှိခဲ့သော်လည်း ၂ဝ၁ဝ ခုနှစ်မှ စတင်၍ ပုဂ္ဂလိကပိုင် ကျွန်းစိုက်ခင်းများကို တိုးချဲ့စိုက်ပျိုး လာရာ ရေတာရှည်မြို့နယ် နေရာအနှံ့အပြား သို့တိုင် ရောက်ရှိနေပြီ ဖြစ်ပြီး ယခင် အခြေချ လုပ်ကိုင်နေသော ဒေသခံ ရွာသူရွာသားများ၏ လယ်ယာ မြေ များမှာလည်း မြေခွန်ပြေစာ မပြသနိုင်မှုဖြင့် ဆုံးရှုံးမှုအချို့ ရှိလာနေသဖြင့် ဒေသခံ ရွာသားတို့က လယ်ယာမြေ အရေး စနစ်တကျ ဖြစ်စေလိုကြောင်း သြဂုတ် ၂၃ ရက်တွင် မြန်မာအင်ဒီပဲန်ဒင့်သို့ ပြောကြားခဲ့သည်။

ယခင်က ဒေသခံ ရွာသူရွာသားများသည် မြေခွန်ဆောင်ရသည်ကို မသိကြဘဲ ယင်းတို့၏ ဓားမဦးချ အရပ်ဒေသ များတွင် မျိုးဆက်ပေါင်းများစွာ လယ်ယာကို လုပ်ကိုင်ခဲ့ကြ သည်။ သို့ရာတွင် လွန်ခဲ့သည့် ၂ နှစ် ကာလမှ စတင်ကာ မြေခွန်ပြေစာ မပြနိုင်သည့် အကြောင်းပြချက်ဖြင့် ယင်းတို့လုပ်ကိုင်နေကျ မြေယာများ ပေါ်တွင် ပုဂ္ဂလိက ကျွန်းစိုက်ခင်းများ ဝင်ရောက်လာမှုရှိခဲ့သည်ဟု သိရပါသည်။ ယင်းကိစ္စနှင့် ပတ်သက်၍ လှည်းပွဲလေး ကျေးရွာမှ ဒေသခံတစ်ဦး ဖြစ်သူ ဦးဇော်လွင်က “ကျွန်းစိုက်ခင်းတွေ ရောက်လာတော့ ကျွန်တော်တို့ တောသားတွေ အရမ်းပျော်ကြတယ်။ အလုပ်တွေ ရကြလို့ အခု တကယ် ကျွန်းစိုက်ခင်းတွေလုပ်တော့ ကျွန်တော်တို့ ယာကွက်၊ ကုန်းကွက်တွေ အကုန်ပါကုန်ကြတယ်။ ဘယ်သူ့ အကူအညီ တောင်းရမှန်းမသိဘူး။ မြေခွန်ပြေစာ ထုတ်မယ်ဆိုပြီး မြို့နယ် မြေစာရင်းကို အကူအညီ တောင်းတော့လည်း တစ်ဧကပြေစာ ထုတ်ရင် လေးသောင်းဆိုလို့ တောင်သူတွေက မလုပ်ရဲကြဘူး။ ငွေတစ်ထောင်ရဖို့ မလွယ်တဲ့ ကျွန်တော်တို့ဒေသမှာ တစ်ဧကလေးသောင်းနဲ့ ဘယ်သူမှ မလုပ်နိုင်ကြပါဘူး”ဟု ယင်းတို့၏ အဖြစ်အပျက်များကို ဦးဇော်လွင်က မြန်မာအင်ဒီပဲန်ဒင့်သို့ ပြောသည်။

ထိုဒေသတွင် ကျေးရွာများ အနေဖြင့် မူလတန်းကျောင်း၊ ကျေးလက် ကျန်းမာရေးဌာန စသဖြင့် ပြည်သူပိုင် အဆောက်အဦ များ ရှိခဲ့ပြီး ဖြစ်သဖြင့် ယင်းအဆောက်အဦ ရှိသည့် မြေနေရာများအား မြေခွန်ပြေစာ ဆောင်ရန် ဒေသခံတို့က မသိခဲ့ကြချေ။ သို့ရာတွင် ယင်းမြေများနှင့် ပတ်သက်ပြီး မြေခွန်ပြေစာ ပြသရန် အကြောင်းကြား ခံရမှုများ ရှိလာကြောင်း သိရပါသည်။ ထိုကိစ္စနှင့် ပတ်သက်ပြီး အခြေခံ မူလတန်း ကျောင်းမြေနှင့် ပတ်သက်၍ ယင်းက “ကျွန်တော်တို့ ရွာကျောင်းလေးက လွန်ခဲ့တဲ့နှစ် နှစ်ဆယ်ကျော်ကတည်းက အစိုးရက ချပေးထားတာ ကျောင်းလေးက ပျက်စီးသွားလို့ အထက်ကို စာတင်တော့ ဒီနှစ် ပွင့်လင်းရာသီ ရောက်ရင် ကျောင်းအသစ် ဆောက်ဖို့ အထက်က ကျပြီလို့ ကြားတယ်။ အခုကျတော့ မြေစာရင်းက စာသင်ကျောင်းမြေ တစ်ဧကခွဲ လောက်ကို ပြေစာ ထုတ်ပေးမယ် ဆိုပြီး ငွေခြောက်သောင်း တောင်းလို့ ပေးလိုက်ရတယ်။ ပြီးတော့ ၂ဝ၁၁ ခုနှစ် ကုန်ပိုင်းလောက်က ကျန်းမာရေး ဌာန ကျတယ်။ ဒါပေမယ့် ဆေးခန်း နဲ့ နေရာကမရှိတော့ ရွာသားတွေက ငွေစုပြီး ဆေးခန်း အစလေး ပျိုးထားတယ်။ အဲဒီမြေအတွက်က ခုနစ်သောင်း ပေးရတယ်”ဟု ကျောင်းမြေ၊ ဆေးခန်းမြေ များအတွက် ပြေစာ ရရန် ဆောင်ရွက် ရပုံကို ပြောသည်။

ပုဂ္ဂလိက ကျွန်းစိုက်ခင်းများက ဒေသခံများ၏ ယာမြေများတိုင် ကျယ်ပြန့် ဝင်ရောက်လာမည့် အရေးကို စိုးရိမ်နေ ကြကြောင်းလည်း ဦးဇော်လွင် က ဆက်လက် ပြောကြားခဲ့သည်။ ယင်းတို့ပိုင် မြေယာများအား တိုင်းထွာ ပေးပို့ရန် ညွှန်ကြားခံရသော်လည်း ဒေသခံ အများစုမှာ ပညာရှင်များ မဟုတ်သဖြင့် တတ်သိသမျှဖြင့် တိုင်းထွာ ပေးပို့ခဲ့ကြရာ မှားယွင်း သွားပါက ယင်းတို့၏ ယာမြေများ ဆုံးရှုံးသွားလေမည်လားဟု စိုးရိမ်မှုများ ရှိနေကြောင်းကိုလည်း “အခုလည်း မြို့နယ် မြေစာရင်းက လယ်ယာမြေ ပြေစာ ထုတ်ပေးမယ် ဆိုပြီး ပြောတယ်။ သူတို့ ဆင်းမတိုင်းနိုင်လို့ သေချာတိုင်းပြီး ပို့ပါဆိုလို့ တိုင်းပြီးပို့လိုက်တယ်။ ဒါပေမယ့် ရွာသွားတွေ အကုန်လုံးက မှန်းရမ်းပြီး တိုင်းပေးလိုက်ကြတာ။ အခုကျတော့ ကျွန်တော်တို့ နယ်ကလယ်သမားတွေ အကုန်လုံးက စိုးရိမ်နေကြ တယ်။ အဲဒီလိုတွေ မှန်းပြီးတိုင်းပေး လိုက်တော့ နောင်နှစ် ကျွန်းစိုက်ခင်း တွေ တိုးလာရင် ပါကုန်ဦးမလားဆိုပြီး ကျွန်တော်တို့ဆီက လယ်လေးတွေက ကျဉ်းကျဉ်းလေးတွေဆိုတော့ လယ်ဘေး တောင်ကုန်းတွေ တောရှင်းပြီးမှ စိုက်လို့ရတာ။ အခုကျတော့ စိုက်ခင်းတွေက လယ်ကန်သင်းအထိ ရောက်နေတယ်။ ကျွဲ၊ နွား၊ တောင် ကျောင်းခွင့်မရဘူး။ သစ်တစ်ပင်ခုတ် ထောင် ၁ဝ နှစ်ဆိုတာမျိုးတွေက လည်း ရှိသေးတယ်။ ပြီးတော့ ရွာကျောင်းမြေလိုပဲ အနှစ်နှစ်ဆယ် လောက်ကျမှ ငွေပေးနေ ကြရမလား ဆိုပြီးတော့ပေါ့”ဟု ပြောပြပါသည်။

အဆိုပါ ကိစ္စများနှင့် ပတ်သက်၍ ယင်း၏ မျှော်လင့်ချက်ကို ဦးဇော်လွင်က “အဲဒါကြောင့် ကျွန်တော်တို့ ဒေသကို တောင်သူ လယ်သမားတွေ နဲ့ပတ်သက်တဲ့ ဥပဒေတွေ၊ အကြောင်းအရာတွေကို ပညာပေး လုပ်ငန်းတွေ လုပ်စေချင်တယ်။ လယ်ယာမြေ တွေကိုလည်း တာဝန်ရှိတဲ့သူတွေက တိတိကျကျတွေ တိုင်းထွာပြီး ပြေစာတွေ လုပ်ထားပေးစေချင်တယ်” ဟု ပြောသည်။

ထို့ပြင် လယ်ယာမြေ ဆုံးရှုံးခြင်းများနှင့်ပတ်သက်၍ “အခုလက်တွေ့ ယာမြေတွေ ပါတယ် ဆိုတာကလည်း အရင်တုန်းက ပြေစာတွေ တိတိကျကျ မလုပ်ခဲ့ကြလို့ပါ။ အရင် ကောင်စီခေတ်တုန်းက ဒိုင်စပါး သွင်းကြရမယ် ဆိုတော့ လယ်သမားတွေက ရှိတဲ့လယ်လေးတွေကို တစ်ဧက နှစ်ဧကဆိုပြီး အထက်ကို စာရင်းပေးကြတယ်။ ကုန်းကွက်တွေဆို စာရင်း မပေးကြဘူး။ ကုန်းကွက်တွေ၊ ယာမြေတွေ အဓိကထား လုပ်တဲ့ဒေသက အရင်ကတည်း လုပ်စားကြပြီး ပြေစာတွေ မရှိကြတော့ အခုအကုန် ပါကုန်ကြရော။ အဲဒါကြောင့် တာဝန်ရှိတဲ့ သူတွေက မသိနားမလည်ကြတဲ့ တောင်သူတွေရဲ့ ပိုင်ဆိုင်တဲ့ လယ်မြေ၊ ယာမြေတွေကို တိတိကျကျ တိုင်းပြီး ပြေစာတွေကို အခမဲ့ လုပ်ပေးစေချင်ပါတယ်”ဟု ယင်း၏ အတွေ့အကြုံ များနှင့် ယူဆချက်များကို ပြောသည်။

ပဲခူးတိုင်း၊ ရေတာရှည်မြို့နယ်ရှိ တောင်သူလယ်သမားများသည် လယ်မြေများတွင် စပါးကို စိုက်ပျိုးကြသည်။ ယာမြေများတွင် စပါး၊ နှမ်း၊ ပဲအမျိုးမျိုး၊ ပြောင်း၊ ကြံစသည် တို့ စိုက်ပျိုးကြခြင်း ဖြစ်သည်။

ဝ၁၆

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*