ပြည်တွင်းသတင်း — ရန်ကုန်၊ မေ ၃၁၊ ၂ဝ၁၂

ရန်ကုန်မြို့၊ ဗိုလ်ချုပ်လမ်းရှိ အိုးအိမ် ဦးစီးဌာနရုံးရှေ့တွင် အနော်ရထာစက်မှုဇုန် အသုံးပြုခွင့်နှင့် စပ်လျဉ်းသည့် တောင်းဆိုမှုတစ်ခုကို ယနေ့ မနက် ၉ နာရီမှ စတင်ပြုလုပ်ခဲ့ကြောင်း တောင်းဆိုမှုပြုနေသူ ဦးဝင်းချိုက မြန်မာအင်ဒီပဲန်ဒင့်သို့ ပြောသည်။

ထိုစက်မှုဇုန်အတွင်းမှာ ပါဝင်သည့် လယ်သမား ၆ ယောက် ကိုယ်စားပြု၍ ဦးဝင်းချိုက တောင်းဆိုမှု ၃ ချက်ကို အိုးအိမ် ဦးစီးဌာနသို့ ယခုလ ၉ ရက်နေ့ တွင် ပေးပို့ထားကြောင်း၊ အကြောင်းတစ်စုံတစ်ရာ ပြန်ကြားမှု မရှိသဖြင့် မေလ ၃၁ ရက်နေ့တွင် တောင်းဆိုဆန္ဒပြမှု လုပ်မည် ဟု အိုးအိမ်ဦးစီးဌာနကို ကြိုတင် အကြောင်းကြား ထားကြောင်း ပြောသည်။

ဗိုလ်ချုပ်လမ်းပေါ်ရှိ အိုးအိမ်ဦးစီးဌာနရှေ့တွင် တောင်းဆိုမှုပြုလုပ်နေသည်ကို တွေ့ရစဉ်

ဗိုလ်ချုပ်လမ်းပေါ်ရှိ အိုးအိမ်ဦးစီးဌာနရှေ့တွင် တောင်းဆိုမှုပြုလုပ်နေသည်ကို တွေ့ရစဉ်

တောင်းဆိုချက်များမှာ အိုးအိမ်ဦးစီးဌာနမှ ချမှတ်ထားသည့် စည်းမျဉ်းစည်းကမ်းများကို ဖောက်ဖျက်သည့် ကုမ္ပဏီများအား တည်ဆဲဥပဒေအတိုင်း အရေးယူပေးရန် (သို့မဟုတ်) စက်မှုဇုန် တည်ဆောက်ရန်အတွက် အသုံးပြုခွင့်ရရှိပြီး အမှန်တကယ် အသုံးပြုခြင်းမရှိဘဲ  လယ်သမားများအား သီးစား ပြန်လည်ချထားပေးခြင်း သည် အိုးအိမ်ဦးစီးဌာနမှ ချမှတ်ထားသည့် ဥပဒေများကို ဆန့်ကျင်နေခြင်း ဖြစ်သည့်အတွက်ကြောင့် ထိုမြေများအား ပြန်သိမ်းရမည်ဆိုသည့် အိုးအိမ်ဦးစီးဌာန၏ ဥပဒေအတိုင်း ဆောင်ရွက်ပေးရန်၊ ဒုတိယ တောင်းဆိုချက်အဖြစ် ထိုမြေယာများကို ပြန်လည် သိမ်းယူပြီးပါက မူလလက်ငုတ် လယ်သမားများအား ပြန်လည် နေရာချထားပေးရမည်ဟု လယ်ယာမြေ စီမံခန့်ခွဲမှု ဥပဒေ(မူကြမ်း) ပုဒ်မ ၃၂ တွင် ပါရှိပြီးဖြစ်ကြောင်း၊ တတိယအချက် အနေဖြင့် လက်ငုတ်လယ်သမားများအား ပြန်လည်ပေးအပ်သောအခါတွင်လည်း နိုင်ငံတော်၏ မူဝါဒကို မထိခိုက်စေဘဲ ပြန်ရသည့် လယ်သမားများသည် စက်မှုဇုန် စီမံကိန်းကိုသာ ဆက်လက် အကောင်အထည် ဖော်မည်ဖြစ်ကြောင်း တောင်းဆိုထားသည်။

တောင်းဆိုချက်များနှင့် စပ်လျဉ်း၍  ““တစ်စုံတစ်ရာအကြောင်း ပြန်ကြားမှုမရှိမချင်း ဆန္ဒပြမည်”” ဖြစ်ကြောင်း ဦးဝင်းချိုက အင်ဒီပဲန်ဒင့်သို့ ပြောသည်။

ဦးဝင်းချိုသည် ထိုစက်မှုဇုန်အတွင်း၌ ပါဝင်သည့် လယ်သမားဦးရေ ၆ ယောက်၊ လယ်ဧကပေါင်း ၆ဝဝ ကျော်ကို ကိုယ်စားပြု၍ တောင်းဆိုခြင်းဖြစ်ကြောင်း၊ ရွှေပြည်သာမြို့နယ်ရှိ သာဓုကန် စက်မှုဇုန်၊ ဝါးတစ်ရာ စက်မှုဇုန် များမှ အသိမ်းခံထားရသည့် ပြည်သူများသည်လည်း ယင်းအား ကိုယ်စားလှယ်လွှဲစာ ခန့်အပ်၍ တောင်းဆိုမှုများ ပြုလုပ်ပေးရန် တောင်းဆိုထားကြောင်း မြန်မာအင်ဒီပဲန်ဒင့်သို့ ပြောသည်။

ထိုဆန္ဒပြ တောင်းဆိုမှုနှင့် စပ်လျဉ်း၍ အိုးအိမ်ဦးစီးဌာနသို့ မြန်မာအင်ဒီပဲန်ဒင့်မှ မေးမြန်းခဲ့ရာ ထိုကဲ့သို့ ဆန္ဒပြမှုများသည် မကြာခဏ ဖြစ်ပေါ်၍ မကြာခဏ ဖြေရှင်း ပေးရလေ့ရှိကြောင်း၊ အိုးအိမ်ဦးစီးဌာန အနေဖြင့် အထက်မှ ညွှန်ကြားမှုနှင့် သတင်းထုတ်ပြန်မှု တစ်စုံတစ်ရာ မရှိသေးကြောင်း အိုးအိမ်ဦးစီးဌာနမှ တာဝန်ရှိသူက ပြောကြားသည်။

ဝဝ၂၊ ဝဝ၄

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*