မြန်မာနိုင်ငံ လူငယ်များအစည်းအရုံး(ဖြစ်မြောက်ရေးကော်မတီ)က သတင်းစာရှင်းလင်းပွဲပြုလုပ်စဉ်

မျက်မှောက်ခေတ်လူငယ်များ ရင်ဆိုင်ကြုံတွေ့နေရသည့် အခက်အခဲများ အလေးထားဖြေရှင်း ဆောင်ရွက် ပေးစေရေး ကြေညာချက်ကို ဇူလိုင် ၂၅ တွင် မြန်မာနိုင်ငံ လူငယ်များအစည်းအရုံး (ဖြစ်မြောက်ရေးကော်မတီ) မှ ထုတ်ပြန်ခဲ့သည်။

ထိုကြေညာချက်တွင် မြန်မာနိုင်ငံတစ်ဝန်း လူငယ်များရင်ဆိုင်နေရသည့် ပညာရေးအဆင့်အတန်း နိမ့်ကျခြင်းနှင့် အလုပ်အကိုင်နည်းပါးခြင်း၊ ပြည်တွင်း အလုပ်ရှားပါးမှုကြောင့် ပြည်ပသို့ မြန်မာလူငယ်များ အလုံးအရင်းအလိုက် ထွက်ခွာအလုပ်လုပ်ရခြင်းစသည့် အခက်အခဲ ၇ ချက်ကို ဖော်ပြထားသည်။

နိုင်ငံတော် ဖွဲ့စည့်ပုံအခြေခံဥပဒေတွင် ပါရှိသည့်အတိုင်း လူငယ်များရင်ဆိုင်နေရသည့် အခက်အခဲများကို နိုင်ငံ တော်မှ တာဝန်ရှိသည့်အတိုင်း ဖြေရှင်းဆောင်ရွက်ပေးရန် မြန်မာနိုင်ငံလူငယ်များ အစည်းအရုံး(ဖြစ်မြောက်ရေး ကော်မတီ)မှ တောင်းဆိုထားသည်။

ထိုကြေညာချက်မှ အဓိက တောင်းဆိုချက် ၇ ချက်တွင် ဘွဲ့ရအလုပ်လက်မဲ့များ လျော့နည်းစေရန် ပညာရေး အဆင့်မြှင့်တင်ပေးရေးနှင့် အလုပ်သမားများ၏ အခွင့်အရေးများအား လေးစားလိုက်နာသည့် နိုင်ငံတကာ ရင်းနှီးမြှုပ်နှံမှုများ ဖိတ်ခေါ်၍ အလုပ်အကိုင်အခွင့်အလမ်းများ ဖန်တီးပေးရေးစသည့် တောင်းဆိုချက်များပါ ၀င်သည်။

၀၀၄ ၊ ၀၀၂

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*