သတင်းဆောင်းပါး — ဒီဇင်ဘာ ၂၆၊ ၂ဝ၁၂
ပြည်သူအများစုသည် ပီစီအို ဖုန်းများကိုသာ အားထားနေရဆဲ ဖြစ်သည်

ပြည်သူအများစုသည် ပီစီအို ဖုန်းများကိုသာ အားထားနေရဆဲ ဖြစ်သည်

အာဆီယံ ဒေသ၏ နောက်ဆုံး ကြွင်းကျန်သော ရင်းနှီးမြှုပ်နှံမှု မြက်ခင်းစိမ်းဖြစ်သည့် မြန်မာနိုင်ငံသို့ နိုင်ငံတကာ ကုမ္ပဏီကြီးများက သူ့ ထက်ငါ တိုးဝှေ့ဝင်ရောက်ရန် ဟန်ပြင်လျက် ရှိသည်ဖြစ်ရာ နိုင်ငံခြား ရင်းနှီးမြှုပ်နှံမှုများ အတွက် လမ်းဖွင့်ပေးမည့် ပထမဆုံးသော အခရာကျသည့် ကဏ္ဍမှာ ဆက်သွယ်ရေး ကဏ္ဍပင် ဖြစ်ပေသည်။

ဒေသတွင်း ပလေယာများ အနေဖြင့် နိုင်ငံတကာ ပလေယာများနှင့် တွဲဖက်ဆောင်ရွက်ရန် လုံလောက်သော  သြဇာ အရှိန်အဝါနှင့် ရန်ပုံငွေ ရှိမရှိ သံသယ မေးခွန်း တစ်ရပ် ရင်ထဲတွင် ကိန်းအောင်းနေသူတို့အတွက် သတင်းကောင်း တစ်ရပ်မှာ မြန်မာနိုင်ငံသည် မလေးရှားနိုင်ငံ၏ ဆက်သွယ်ရေး နှင့် မီဒီယာဥပဒေဖြစ်သည့် ၁၉၉၈ ခုနှစ်က ပြဋ္ဌာန်းခဲ့သော Communication & Multimedia Act ကို ယင်းတို့၏ ဆက်သွယ်ရေး ကဏ္ဍတွင် ပြဋ္ဌာန်းမည့် ဥပဒေသစ်အဖြစ် ပုံတူ ရေးဆွဲမည်ဆိုသော သတင်းပင် ဖြစ်သည်။ နည်းပညာရပ်ဆိုင်ရာ ဝေါဟာရများနှင့် ပတ်သက်သည့် အပြောင်းအလဲများနှင့် မဆိုစလောက် ဖြစ်သော အပြောင်းအလဲ အချို့ ပါရှိ မည်ဖြစ်သော်လည်း လိုင်စင် ခွင့်ပြု ချက် အမျိုးအစား ခွဲခြားပုံကအစ အတူတူပင် ဖြစ်သည်။

မလေးရှားတို့၏ Putrajaya နှင့် အလားတူသည် ဟုဆိုနိုင်သော နေပြည်တော် တည်ရှိခြင်းကလည်း တိုက်ဆိုင် တူညီနေပြန်သည်။

အကောင်းဆုံးသော ဆက်သွယ်ရေး ဥပဒေတစ်ရပ် ရရှိရေးအတွက် မြန်မာတို့က မလေးရှား၏ ဆက်သွယ်ရေး ဥပဒေကို သေချာစွာမွှေနှောက် လေ့လာ စစ်ဆေးပြီးလည်း ဖြစ်သည်။ ဤဥပဒေက မြန်မာတို့ အနေဖြင့် သင့်တင့်သည်ဟု ထင်မြင်သည့် ပလေယာ အမြောက်အမြားကို ခွင့်ပြုချက် လိုင်စင်များစွာ ချထားပေးနိုင်ရန် ခွင့်ပြုထားပေသည်။

မလေးရှားတို့၏ ဆက်သွယ်ရေး ဥပဒေကို အသုံးပြုရန် မြန်မာတို့ကို ထောက်ခံအကြံပြုခဲ့သည်မှာ International Telecommunicatyions Union ခေါ် နိုင်ငံတကာ ဆက်သွယ်ရေး အဖွဲ့အစည်းပင်ဖြစ်သည်။ ထိုအဖွဲ့အစည်းက အဆိုပါ ဥပဒေဖြင့် မလေးရှားတို့ စွမ်းဆောင်နိုင်ခဲ့ပုံများကို ပြောပြခဲ့သည်။ အဆိုပါ ဥပဒေ သစ်အရ CASP (content application service provider) ခေါ် ဝန်ဆောင်မှု လိုင်စင် အမျိုးအစား တစ်ရပ် ကိုလည်း မြန်မာတို့က ချထားပေးမည်ဖြစ် သည်။

အောင်မြင်မှု ရရှိထားပြီးဖြစ်သော ဥပဒေ တစ်ရပ်ကို မှီငြမ်းပြုခြင်းအားဖြင့် လက်ရှိ ဆက်သွယ်ရေး သိပ်သည်းဆ  ၂ဝ% မှ ၂ဝ၁၅ ခုနှစ်တွင် ၇၅% အထိ အဆောတလျင် တိုးမြှင့်လိုသည့်  မြန်မာတို့၏ ရည်မှန်းချက်ကို လျင် မြန်စွာ အကောင်အထည်ဖော်ရန်  အကူအညီပြုနိုင်မည်ဖြစ်သည်။

နိုင်ငံလူဦးရေ သန်း ၆ဝ ကျော် ရှိခြင်းနှင့် စီးပွားရေးဈေးကွက် ဖွင့်လှစ်ကာစ အခြေအနေတို့ကို ထောက်ရှုခြင်း အားဖြင့် မြန်မာနိုင်ငံ၏ ဈေးကွက် ဆွဲဆောင်နိုင်စွမ်းကို အလွယ်တကူ နားလည်နိုင်ပေသည်။

ပမာဏ ကြီးမားသော ဝင်ငွေ အမြောက်အမြား ရရှိရန် သေချာသော  ရင်းနှီးမြှုပ်နှံမှု မြက်ခင်းစိမ်းသို့ တရုတ်၊ ဂျပန်၊ ဥရောပ၊ ထိုင်းနှင့် စင်္ကာပူနိုင်ငံတို့မှ ထင်ရှားသော ကုမ္ပဏီကြီးများက ရောက်ရှိနေရာ ယူနှင့်ပြီးကြပြီလည်း ဖြစ်သည်။

ယင်းတို့အနက် Telekom Malaysia Bhd (TM) ကုမ္ပဏီက ကြိုးဖုန်းသွယ်တန်းခြင်း လုပ်ငန်းအပေါ်  စိတ်အား ထက်သန် နေသလို RED tone International Bhd က Wi-Max ထုတ်လွှင့်ခြင်းလုပ်ငန်း Axiata Bhd နှင့် Celcom Axiata Bhd တို့က မိုဘိုင်းဖုန်းလုပ်ငန်းတို့ကို ဆောင်ရွက်ခွင့်ရရန် မျှော်မှန်းထား ကြသည်။ လတ်တလော အားဖြင့် မြန်မာနိုင်ငံက ဆက်သွယ်ရေး ဂြိုဟ် တုလုပ်ငန်းဆောင်ရွက်ရန် မရှိသေး သဖြင့် MEASAT Satellite Systems Sdn Bhd က အခြားဝန်ဆောင်မှု လုပ်ငန်းကိုသာ ဆောင်ရွက်နိုင်ရန် မျှော်မှန်း ထားပေသည်။

ဆက်သွယ်ရေး ဥပဒေသစ်ကို ပြဋ္ဌာန်းရခြင်း မရှိသေးသလို တင်ဒါများကိုလည်း ချထားပေးခြင်း မရှိသေးသော်လည်း အဆိုပါ ကုမ္ပဏီ ကြီးများက မြန်မာနိုင်ငံ ၏ ကြွယ်ဝမှုကို မြည်းစမ်းရန် အသင့်ရှိနေကြ သည်ဖြစ်ရာ ဖုန်းဆက်သွယ်ခြင်း၊ အီးမေးလ်ပေးပို့ခြင်း တို့သာမက မြန်မာနိုင်ငံသို့ အကြိမ်ကြိမ် သွားရောက်ခြင်း စသည်တို့ အတွက် ကုန်ကျစရိတ် များကိုပင် မမှုနိုင်အောင် ရှိနေကြသည်။ ဈေးကွက်၏ သွေးခုန်နှုန်းကို ခံစားနားလည် နိုင်ရန် ကိုယ်တိုင်ကိုယ်ကျ သွားရောက်ရမည်ဖြစ် ကြောင်း၊ ဤသည်ပင် ကစားပွဲ၏ လက်ရှိအမည်ပင် ဖြစ်ကြောင်း လည်း ပြောဆိုလျက် ရှိကြသည်။

အချုပ်အားဖြင့် ဆိုရပါမူ ရေရာ သေချာသော ကမ်းလှမ်းမှု ပြုနိုင်သူတို့သာ လက်ခံစဉ်းစားမှု ရရှိမည်ဖြစ် ပြီး နိုင်ငံတကာ ပလေယာတို့ ဝင်ရောက် ယှဉ်ပြိုင်မည့် ရင်းနှီးမြှုပ်နှံမှု မြက်ခင်းသစ်တွင် အလေးအနက် အခြေစိုက် လုပ်ကိုင်သူတို့သာ အောင်မြင်မှု အသီးအပွင့်များကို ရိတ်သိမ်းခွင့် ရရှိမည် ဖြစ်ပေသည်။

Ref: Dialing to Myanmar Burgeoning Telecoms Sector

ဝ၃၉

ဆက်စပ်သတင်းများ

ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇
ဖိုရမ်တစ်ခုပေါ်မှ ငြိမ်းချမ်းရေးအမြင်

ဖိုရမ်တစ်ခုပေါ်မှ ငြိမ်းချမ်းရေးအမြင်

ရန်ကုန်၊ ဇန်နဝါရီ ၁၅၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*