ပြည်တွင်းသတင်း — ရန်ကုန်၊ မေ ၂၃၊ ၂ဝ၁၂

အမှတ် ၂ လျှပ်စစ်စွမ်းအား ဝန်ကြီးဌာနအနေဖြင့် မြန်မာနိုင်ငံ တစ်ဝှမ်း၌ မီးများ မကြာခဏ ပြတ်လပ်နေရခြင်းနှင့် ပတ်သက်၍ ပြည်သူလူထုအား မေတ္တာရပ်ခံခြင်းတစ်ရပ်ကို မေလ ၂၂ ရက် နေ့ထုတ် နိုင်ငံပိုင်သတင်းစာများမှ တစ်ဆင့် ဖော်ပြထားကြောင်း တွေ့ ရှိရသည်။

ဧပြီလ ၁ ရက်နေ့ ကြားဖြတ် ရွေးကောက်ပွဲအပြီး ကာလများမှ စတင်ကာ မြန်မာနိုင်ငံအနှံ့အပြား၌ မီးများပြတ်လပ်မှုနှင့် ကြုံတွေ့နေရကြောင်း ပြည်သူများထံမှ သိရသည်။

ထိုကဲ့သို့ မီးများပြတ်တောက်မှုနှင့် ကြုံတွေ့ရသော မန္တလေး၊ ပဲခူး၊ ပြည်၊ မုံရွာ၊ ရန်ကုန် စသည့် မြို့ခံပြည်သူများမှ လျှပ်စစ်မီး ပုံမှန်ရရှိရေးအတွက် ဆန္ဒထုတ်ဖော်ခြင်းများလည်း ယခုရက်ပိုင်းတွင် ဖြစ်ပေါ်လျက် ရှိသည်။

ထိုသို့ ဆန္ဒထုတ်ဖော်ခြင်းများ ပြုလုပ်စဉ်ကာလအတွင်း ဖြစ်သည့် မေလ ၂၂ ရက်နေ့တွင် အမှတ် ၂ လျှပ်စစ်စွမ်းအား ဝန်ကြီးဌာနက ယခုကဲ့သို မေတ္တာရပ်ခံချက်အား တရားဝင်ကြေညာခြင်း ဖြစ်သည်။

အဆိုပါ ကြေညာချက်တွင် မြန်မာနိုင်ငံရှိ လျှပ်စစ်ဓာတ်အားပေး စက်ရုံများ၊ ထုတ်လုပ်သော လျှပ်စစ်ဓာတ်အား မဂ္ဂါဝပ်များနှင့်ပတ်သက်၍ အသေးစိတ်ဖော်ပြထားကြောင်း တွေ့ရသည်။ ကြေညာချက်တွင် မြန်မာနိုင်ငံ၌ ရေအား လျှပ်စစ်ဓာတ်အားပေး စက်ရုံ ၁၈ ရုံ၊ ကျောက်မီးသွေး သုံး ဓာတ်အားပေးစက်ရုံ ၁ ရုံနှင့် သဘာဝဓာတ်ငွေ့သုံး ဓာတ်အား ပေးစက်ရုံ ၁ဝ ရုံရှိကြောင်း ဖော်ပြထားသည်။ ရေအားလျှပ်စစ် ဓာတ်အားပေးစက်ရုံ ၁၈ ရုံမှ မိုးရာသီတွင် ဓာတ်အားပမာဏ အများဆုံး ၁၂၇ဝ မဂ္ဂါဝပ်ခန့် ထုတ်လုပ်ပြီး နွေရာသီတွင် ၁ဝဝဝ မဂ္ဂါဝပ်သာ ထုတ်လုပ်ပေး နိုင်ကြောင်း ဖော်ပြထားသည်။

စက်ရုံတစ်ရုံတည်းသာ ရှိသော ကျောက်မီးသွေး ဓာတ်အားပေးစက်ရုံမှ ထုတ်လုပ်နိုင်သော ဓာတ်အားပမာဏ ဖော်ပြထားခြင်းမရှိကြောင်း တွေ့ရသည်။ ဆက်လက်၍ သဘာဝဓာတ်ငွေ့ သုံးဓာတ်အားပေးစက်ရုံ ၁ဝ ရုံမှ တစ်နှစ်ပတ်လုံး ပျမ်းမျှဓာတ်အား ပမာဏ ၃၄ဝ မဂ္ဂါဝပ်ခန့် ထုတ် ပေးနိုင်ကြောင်း ဖော်ပြထားသည်။

မြန်မာနိုင်ငံတစ်ဝှမ်းလုံး၌ အထက်ပါ လျှပ်စစ်ဓာတ်အားထုတ် စက်ရုံမှ မိုးရာသီတွင် အများဆုံး ၁၆၁ဝ မဂ္ဂါဝပ်ခန့် ထုတ်လုပ်နိုင် ပြီး၊ နွေရာသီတွင် အများဆုံး ၁၃၄ဝ မဂ္ဂါဝပ်ခန့် ထုတ်လုပ်နိုင် ကြောင်း ဖော်ပြထားသည်။ နိုင်ငံအတွင်း လျှပ်စစ်သုံးစွဲမှုမှာ မိုးရာသီတွင် အများဆုံး ၁၅၆ဝ မဂ္ဂါဝပ် သာ အသုံးပြုသဖြင့် ဓာတ်အားများ ပိုမိုနေကြောင်း ဖော်ပြထားသည်။ နွေရာသီတွင် လျှပ်စစ် ဓာတ်အား သုံးစွဲမှုပမာဏမှာ ၁၈၅ဝ မဂ္ဂါဝပ်ခန့်ရှိပြီး ထုတ်လုပ်နိုင်သော ပမာဏမှာ ၁၃၄ဝ မဂ္ဂါဝပ်သာ ရှိသဖြင့် ဓာတ်အား လုံလောက်မှုမရှိကြောင်း ဖော်ပြထားသည်။ ထို့ကြောင့် နွေ ရာသီ၏ လျှပ်စစ်ဓာတ်အား ဖြန့်ဖြူးရေးကို အုပ်စု ၃ စုခွဲကာ အလှည့်ကျ ခွဲဝေပေးခြင်းများ ပြုလုပ်ရခြင်း ဖြစ်ကြောင်း ဖော်ပြထားသည်။

ထိုသို့သော အခြေအနေများ ပြုလုပ်နေစဉ်ကာလဖြစ်သည့် ယခုနှစ် မေလ ၁၉ နေ့တွင် ရွှေလီ-မန်စံ ၂၃ဝ ကေဗွီဓာတ်အားလိုင်း၏ တိုင်အမှတ် ၇၃၊ ၂ဝ၆၊ ၂ဝ၇နှင့်၂ဝ၈ တိုင်လေးတိုင်တို့မှာ မိုင်းခွဲ အချိုးခံခဲ့ရခြင်းကြောင့် ရွှေလီ ဓာတ်အားပေးစက်ရုံမှ ထုတ်လုပ်နေသော ဓာတ်အားပမာဏ ၂ဝဝ မဂ္ဂါဝပ်မှာ လျော့နည်းခဲ့ရကြောင်း ဖော်ပြထား သည်။

ဓာတ်အားပမာဏ ၂ဝဝ မဂ္ဂါဝပ်ခန့် လျော့နည်းသွားသဖြင့် စက်မှုလုပ်ငန်းများ၏ ဓာတ်အားသုံးစွဲမှု ၅ဝဝ မဂ္ဂါဝပ်ခန့်ကို ဓာတ်အားဖြတ်တောက်ထားပြီး၊ အများပြည်သူကိုသာ ဦးစားပေး၍ ဓာတ်အားပေးလျက် ရှိကြောင်း၊ နွေရာသီ၌ ဓာတ်အား လုံလောက်စေရေးအတွက် ရေတို စီမံချက်အဖြစ် ဓာတ်အားပေးစက်များ တည်ဆောက်နိုင်ရန် အမေရိကန်နိုင်ငံမှ General Electric ကုမ္ပဏီ၊ Caterpilar ကုမ္ပဏီတို့နှင့် ပူးပေါင်းဆောင်ရွက်နေကြောင်း ဖော်ပြထားသည်။

ထိုသို့ အမှတ် ၂ လျှပ်စစ် စွမ်းအားဝန်ကြီးဌာနမှ မေတ္တာရပ်ခံချက် ထုတ်ပြန်ထားပြီးသော်လည်း မြန်မာနိုင်ငံအနှံ့အပြား၌ လျှပ်စစ်မီးပုံမှန်ရရှိရေး ဆန္ဒဖော်ထုတ်ခြင်းများ ပြုလုပ်နေကြပြီး၊ ယနေ့အချိန်ထိ လျှပ်စစ်မီးများ ဆက်လက်​ ပြတ်တောက်လျက်ရှိကြောင်း သတင်းရရှိသည်။

ဝဝ၈၊ ဝ၁၇

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.