နိုင်ငံတကာသတင်း — ရန်ကုန်၊ ဇန်နဝါရီ ၂၅၊ ၂ဝ၁၃

ခေါင်းတစ်ခြမ်းကိုက်ရောဂါ (Migraine) ကို ဆိုးရွားစေနိုင်သည့် အရာများစွာထဲ၌ ရာသီဥတုအခြေ အနေ သည်လည်း တစ်ခု အပါအဝင် ဖြစ်ကြောင်း ဖော်ပြခဲ့ပြီးဖြစ်သည်။ သို့သော် တွေ့ရှိချက်အသစ် တစ်ခု အရ လျှပ်စီးလက်ခြင်းနှင့် အမေရိကန် လူမျိုး ၂၈ သန်းခန့်၌ ဖြစ်ပေါ်နေ သည့် ပြင်းထန်သောခေါင်းကိုက် ဝေဒနာ ကြား ဆက်စပ်မှုများ ရှိနေနိုင်ကြောင်း သိရသည်။

Ohio နှင့် Missouri ၏ ရာသီဥတုအခြေအနေ ထုတ်ပြန်ချက်များပေါ် မူတည်၍ လျှပ်စီးလက်ခြင်းနှင့် ဆက်စပ်လျက် ရှိသော ခေါင်းတစ်ခြမ်း ကိုက်ဝေဒနာကို သုတေသနပညာ ရှင်များမှ ဖော်ထုတ်ခဲ့သည်။ ယင်း မှာ အဆိုပါ လျှပ်စီး စက်ဝန်းနှင့် ၂၅ မိုင် အကွာအဝေးအတွင်း ရှိနေသော လူများ၌ ခေါင်းကိုက်ဝေဒနာ ခံစားရနှုန်းသည် ထိုနေ့များ၌ ၂၈ ရာခိုင်နှုန်းထိ ရှိကြောင်း သိရသည်။

Ohio ဆေးပညာ ကောလိပ်မှ Dr. Vincent Martin က ဤတွေ့ရှိချက်သည် လျှပ်စီးလက်ခြင်းနှင့် ဆက်စပ် နေသော ခေါင်းတစ်ခြမ်းကိုက် ရောဂါ အကြောင်း ဖော်ပြနိုင် သည့် ပထမဆုံးသော လေ့လာမှု လည်း ဖြစ်ကြောင်း ပြောကြားခဲ့သည်။

Migraine ဟုခေါ်သော ခေါင်း တစ်ခြမ်းကိုက်ရောဂါသည် ပြင်းထန်လေ့ ရှိပြီး တစ်ခါတစ်ရံတွင် အလင်းရောင် ကြောက်ခြင်း၊ ပျို့ခြင်း၊ အန်ခြင်း၊ တကယ်မရှိသော အရာများကို ထင်ယောင် ထင်မှားမြင်ရ ခြင်းစသည့် လက္ခဏာ ရပ်များနှင့် ဆက်စပ်လေ့ရှိပြီး ခေါင်းတစ်ခြမ်းကိုက် ဝေဒနာခံစားရသူအများစုမှာ အမျိုးသမီးများ ဖြစ်သည်။ ထို့ပြင် Migraine ဖြစ်စေသော အရာများစွာ ရှိပြီး ထိုထဲ၌ စိတ်ဖိစီးမှုများခြင်း၊ ရေဓာတ် ခမ်းခြောက်ခြင်း၊ အိပ်ချိန်မမှန်ခြင်း စသည်တို့လည်း အပါအဝင် ဖြစ်ကြောင်း သိရသည်။

ဤလေ့လာမှု၌ sensor များကိုအသုံးပြုခဲ့ပြီး Cincinnati, Ohio အနီးဝန်းကျင်၌ လျှပ်စီးအား အာရုံခံနိုင်မည့် sensor သုံးခုကို အသုံးပြုခဲ့ပြီး နောက်ထပ်  ငါးခုကိုမူ St.Louis, Missouri ၌ ထားရှိခဲ့ ကြသည်။ ဤ Sensor များ အကူအညီဖြင့် လျှပ်စီးလက်သည့် အချိန်နှင့် နေရာအပြင် ပြင်းအားကိုပါ စုံစမ်းသိရှိနိုင်ခဲ့သည်။

အဆိုပါ လေ့လာမှုအရ လျှပ်စီး လက်သောနေရာနှင့် ၂၅ မိုင် အကွာအဝေး အတွင်း နေထိုင်သူများ၏ ခေါင်းကိုက်နှုန်းမှာ ၃၁ ရာခိုင်နှုန်း ထိရှိပြီး Migraine ကဲ့သို့ ပြင်းထန်သော ခေါင်းကိုက်မှုမှာမူ ၂၈ ရာခိုင်နှုန်းခန့် မြင့်မားလာကြောင်း သိရသည်။ ဖြစ်နိုင်ခြေများအရ လျှပ်စီး လက်စဉ်၌ လျှပ်စစ် သံလိုက်လှိုင်း များနှင့် အိုဇုန်း၏ တုံ့ပြန်မှု များကြောင့် ဖြစ်လိမ့်မည် ဟု သိရှိရသည်။

ဤလေ့လာမှု၌ ကွန်ပျူတာ စနစ်ကို အသုံးပြုခဲ့သော်လည်း လျှပ်စီးကြောင့် Migraine ဖြစ်ရသည်ဟု တပ်အပ် မပြောနိုင်သေးပေ။ သို့ သော်လည်း လျှပ်စီး လက်ခြင်းနှင့် ပြင်းထန်သော ခေါင်းကိုက်ဝေဒနာ တို့ကြား ဆက်စပ်မှု များရှိကြောင်း ဤလေ့လာမှုမှ ဖော်ပြနိုင်ခဲ့ပြီ ဖြစ်သည်။

Ref: Reuters

ဝ၇၅

ဆက်စပ်သတင်းများ

ထိုင်းဘုရင် ဘူမိဘော အဒူရာဒေ့ခ်ျ နတ်ရွာစံ

ထိုင်းဘုရင် ဘူမိဘော အဒူရာဒေ့ခ်ျ နတ်ရွာစံ

ထိုင်း၊ အောက်တိုဘာ ၁၃၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*