သတင်းဆောင်းပါး — ဇန်နဝါရီ ၂၃၊ ၂ဝ၁၃

လွှတ်တော် ကိုယ်စားလှယ် အဖြစ်မှ နုတ်ထွက်ပေးရန် ဆန္ဒထုတ်ဖော်သူများသည် ငွေသုံးထောင်နှင့် ခေါက်ဆွဲ တစ်ထုပ်ရယူကာ ဆန္ဒ ထုတ်ဖော်ခြင်း ဖြစ်သည် ဟု ပြောဆိုခဲ့သော ပြည်သူ့လွှတ်တော်ကိုယ်စားလှယ် တစ်ဦး အား ဆန္ဒပြလူထု က ၄င်းတို့၏ ဂုဏ်သိက္ခာကို ထိခိုက်စေ သောကြောင့် အသရေဖျက်မှု(ရာဇသတ်ကြီး ဥပဒေ ပုဒ်မ-၅ဝဝ) ဖြင့် တရားစွဲဆိုမည် ဖြစ်ကြောင်း သိရပါသည်” ဟူ၍ ဇန်နဝါရီ ၁၄ ရက် ထုတ် The Voice Weekly ဂျာနယ်တွင် တွေ့လိုက် ရပါသည်။

မကြာသေးမီက ပြည်တွင်း မီဒီယာတချို့တွင် ရေးသား ဖော်ပြချက်များနှင့် စပ်လျဉ်း၍ ထိခိုက်နစ်နာသည်ဟု ယူဆသူတို့က မီဒီယာမှ တာဝန်ရှိသူများကို တရားစွဲခဲ့ခြင်း အပေါ် ဖျပ်ဖျပ်လူး၍ ဆွေ့ဆွေ့ခုန်ခဲ့သည်ကို သတိပြုမိလိမ့်မည် ထင်ပါသည်။ အမှုလက်ခံ စစ်ဆေးခဲ့သည့် တရားရုံးများကိုပင် တရား စွဲဆိုခံရသူတို့ဘက်မှ ရန်လိုသော အပြုအမူ အပြောအဆိုများ ရှိခဲ့သည် ကို တွေ့ရ၍လည်း ပြုံးချင်စရာ ဖြစ်ရပါသည်။

အသံထက်မြန်သည့် ကွန်းကော့လေယာဉ်ကြီးများ ဆင်းသက်၊ ပျံတက်သည့်လေယာဉ်ကွင်းအနီးမှ အကြား အာရုံထိခိုက် ချွတ်ယွင်းခဲ့သူတို့က သက်ဆိုင်ရာ ကုမ္ပဏီကို လျော်ကြေးပေးရန် တရားစွဲဆိုခြင်း၊ ကုထုံးမှားယွင်းမှု သို့မဟုတ် ခွဲစိတ်မှုတွင် ပေါ့လျော့စွာ ဆောင်ရွက်မှုကြောင့် ထိခိုက်နစ်နာခဲ့သူ လူနာ (သို့မဟုတ်) လူနာရှင်က တာဝန်ရှိသည့် ဆေးရုံနှင့် ဆရာဝန်အပေါ် တရားစွဲဆိုခြင်း၊ အများပြည်သူ သွားလာရာ ပလက်ဖောင်းပေါ်က အပေါက် တွင် မထင်မှတ်ဘဲ ခြေချော် ကျ၍ ထိခိုက် ဒဏ်ရာ ရခဲ့သူက သက်ဆိုင် ရာမြူနီစပယ်ကို နစ်နာ ကြေးငွေ ရှိရန် တရားစွဲဆိုတောင်းခံ ခြင်းတို့သည် အခွန်ထမ်းပြည်သူတိုင်းကို အရေးတယူပြုရသည့် ဒီမို ကရေစီ ကျင့်သုံးသောနိုင်ငံများတွင် မဆန်းပြားလှသော အမှု အခင်းများ ဖြစ်ပါသည်။ (ကွယ်လွန်သူ Satire စာရေးဆရာကြီး၏ ပို့သခဲ့သော မေတ္တာများ စာအုပ်ပါ ရန်ကုန်မြို့က အပေါက်များ ဆိုသည်မှာ ပလက်ဖောင်းပေါ်က ခြေကျွံပေါက်များအတွက် ထိခိုက်နစ်နာခဲ့ပါက သက်ဆိုင်ရာမြူနီစပယ်ကို တရားစွဲဆိုခွင့် ရှိကြောင်း ရေးသား ခဲ့ခြင်းဖြစ်ပါသည်)

ကျွန်တော်တို့ဆီတွင် အမှား ကြာ၍ အမှန်ထင်ရကာ အရိုးစွဲနေ ခဲ့သော ကမ္ဘာနာတစ်ခုမှာ အခွင့် အာဏာကိုသုံးစွဲသော အမှုထမ်း အရာထမ်းတို့၏ အရမ်းကာရောပြု လုပ်မှု တစ်ခုခုကြောင့် ထိခိုက်နစ်နာ ခဲ့ပါက တုံဏှိဘာဝေ ဆိတ်ဆိတ်နေ ၍ ကြိတ်မှိတ်ခံ လိုက်ကြခြင်း ပဲဖြစ်ပါသည်။

ဥပမာ (ဥပမာဖြစ်ပါသည်) ရဲက တရားခံတစ်ယောက်ကို မသင်္ကာ၍ ဖမ်းဆီးစစ်ဆေးရင်း လက်လွန်ခြေလွန် ဖြစ်ကာ ကျိုးပဲ့ချိနဲ့ နာမကျန်း ဖြစ်သည်အထိ (မသန်မစွမ်း ဘဝသို့ ရောက်ခဲ့သူတို့ပင် ဟိုတုန်းကရှိဖူးသည်) ထိခိုက် နာကျင်ခဲ့ရသည် ဆိုပါစို့။ ထိုသည့်နောက်မှ ပြစ်မှုကျူးလွန်သူ တရားခံ အစစ် ပေါ် လာသောကြောင့် ပြန်လွတ်ခဲ့သော အပြစ်မဲ့သူက သူ့ကိုပြန်လွှတ်ပေးခဲ့သည့် အတွက်ပင်လျှင် ကျေးဇူးပြန်၍ တင်ရဦးမလို ဖြစ်နေသေးသည်။ စင်စစ်၊ သူ့အပေါ် မသေချာဘဲ ရိုက်နှက်နှိပ်စက် ညှဉ်းပန်းခဲ့သည့် မည်သူ့ကိုမဆို သူက တရားစွဲ အရေးယူနိုင်သော အခွင့်အရေးရှိသည်။ ဥပဒေက သူ့ကို အကာအကွယ်ပေး ထားသည်။ ဥပဒေက အပြစ်မဲ့သူ မည်သူ့ အတွက်မဆို အကာအကွယ် ဖြစ်ရမည်။ ဖြစ်ရပေလိမ့်မည်။ သို့သော် ဆိုခဲ့သည့် အတိုင်း ကျွန်တော်တို့ ပြည်သူတွေ က မောင်မင်းကြီးသား ဆိုပြီး ကျေးဇူးများပင် တင်လိုက်ချေသေး သည်။

ပြည်သူ့ဝန်ထမ်းက သဘောရိုး ဖြင့်ပြုသော ပြုလုပ်မှုအတွက် ဥပဒေက အကာအကွယ်ပေးထား ခြင်းမရှိမဟုတ်၊ ရှိပါသည်။ ရှိရပါမည်။ သို့သော် အကန့်အသတ်မဲ့ ကာကွယ်ပေးခြင်းတော့ဖြင့်မဟုတ်။ အကန့်အသတ် နှင့် ဖြစ်သည်။

ပြစ်မှုဆိုင်ရာ ဥပဒေပုဒ်မ ၉၉ တွင် ပြည်သူ့ဝန်ထမ်း အဖြစ်ဖြင့် သဘောရိုးနှင့် ပြုလုပ်မှုသည် သေဘေး သို့မဟုတ် အပြင်းအထန် နာကျင်စေမည့် ဘေးအန္တရာယ် တစ်ခုခု ဖြစ်လိမ့်မည်ဟု စိုးရိမ်လောက်ဖွယ်ရာ အကြောင်းမရှိပါက ကာကွယ် ခုခံပိုင်ခွင့်မရှိ ဟူသည့် ပြဋ္ဌာန်းချက် ရှိသည်။ သို့သော် ပြည်သူ့ဝန်ထမ်း ဖြစ်သည် ဟု အပြုခံရသူကမသိလျှင် သို့မဟုတ် ယုံကြည်ရန် အကြောင်း မရှိလျှင် တားဆီးရန် ကာကွယ်ခုခံပိုင်ခွင့် ရှိပါသည်။ အကန့်အသတ် ထားရှိသည်ဟု ဆိုလိုခြင်း ဖြစ်ပါသည်။

စင်စစ် ပြည်သူ့ဝန်ထမ်းဆိုသည် ပင်လျှင် တချို့က ထင်မြင် ယူဆနေသလို အခွင့်ထူးခံရန် အခွင့်အရေး ပေးထားသည် မဟုတ်ပါ။စည်းကမ်း  ဥပဒေလိုက်နာမှု သဘောအရ ဆိုလျှင် ဝန်ထမ်းသည် သာမန်ပြည်သူ တစ်ဦး  လိုက်နာရမည့် ဥပဒေစည်းကမ်းကို လိုက်နာရမည့်အပြင် ဝန်ထမ်းစည်းကမ်း ကိုလည်း လိုက်နာရပါ သည်။ ထို့အတူ တပ်မတော်သား တစ်ယောက်သည် သာမန်ပြည်သူတစ်ဦး လိုက်နာရမည့် ဥပဒေအပြင် တပ်မတော် ဥပဒေ၊ နည်းဥပဒေကိုပါ လိုက်နာ ရဘိသကဲ့သို့ ရဲတပ်ဖွဲ့ဝင် လည်း ရဲကျင့်ဝတ် ရဲစည်းကမ်း ထိန်းသိမ်းရေး ဥပဒေ၊ မီဒီယာသမားကလည်း မီဒီယာ ကျင့်ဝတ်၊ မီဒီယာ စည်းကမ်းကို လိုက်နာရပါသည်။ တစ်ဖက်မှာ အခွင့်အရေး ရှိပါက တစ်ဖက်မှာ တာဝန်ရှိရပါလိမ့်မည်။

သို့ဖြစ်၍ မီဒီယာသမားတို့ ဥပဒေချိုးဖောက်သည်ဟူသော စွပ် စွဲချက်ဖြင့် တရားစွဲဆိုခံရစဉ်က အတွေ့အကြုံ နည်းပါးမှုကြောင့် ဖျပ်ဖျပ်လူးနေသည်ကို မြင်ရသည့်တိုင် ကိုယ့်လူတွေကို ကရုဏာသက်သည့် ခံစားချက်မျိုး ဖြစ်ပေါ်ရမည့် အစား ပြုံးချင်သလိုလို ခံစားမိခဲ့သည်။

ပြည်သူတစ်ဦးတစ်ယောက်သည် သူ့အခွင့်အရေးကို အကြောင်းမဲ့ ထိပါးကျူးကျော်ခြင်း ခံရပါက သို့မဟုတ် နှိပ် ကွပ် စော်ကားခြင်း ခံရပါက မည်သူ့ကိုမဆို တရားစွဲနိုင် သည်၊  စွဲဆိုခွင့် ရှိသည်ဟူသော အသိမျိုး၊ သတ္တိမျိုး ရှိစေချင်သည်။

အမှုတွေ ပွေပေါစေချင်လို့ တော့ဖြင့် မဟုတ်။ ကျွန်တော်တို့ ပြည်သူတွေ ဘာမဆိုကြိတ်မှိတ် သည်းခံလျက် တစ်ကိုယ်တော် နာကျည်းနေတတ်သည်။ တရားဥပဒေနည်း လမ်းတကျ တရားစွဲဆို၍ အခွင့်အရေး တောင်းခံ တတ်သည့် အလေ့အထုံမျိုး ဖြစ်ထွန်းစေချင်သည်။ နည်းလမ်းကျနမျှတသည့်  တရား ဥပဒေလည်း ပြဋ္ဌာန်း ထားပြီးဖြစ်ဖို့ လိုသည်။ ဒါမှလည်း မသိနိုးနား ထိပါးကျူးကျော်လေ့ရှိသူတွေ သို့ မဟုတ် ထိပါးကျူးကျော်လေ့ ရှိသူတွေ၊ ခြောက်စား ဟောက် စားတွေ ရွံ့သွားမည်။ တွန့်ဆုတ်သွားမည်။

ပြည်သူ့လွှတ်တော်ဆိုင်ရာဥပဒေ နှင့် အမျိုးသားလွှတ်တော်ဆိုင်ရာ ဥပဒေကို ပြဋ္ဌာန်းကြောင်း ၂ဝ၁၂ ခုနှစ်၊ နိုဝင်ဘာ ၂၇၊ ၂၈ ရက်များ က နိုင်ငံပိုင်သတင်းစာများတွင် ပုံနှိပ်ဖော်ပြထားသည်ကို တွေ့ရ သည်။

လွှတ်တော်ကိုယ်စားလှယ်များ ၏ ကျင့်ဝတ်၊ စည်းကမ်း၊ ရပိုင်ခွင့် နှင့် အခွင့်အရေး၊ လွတ်လပ်စွာ ပြောဆိုခွင့်၊ ဆန္ဒ မဲပေးပိုင်ခွင့်၊ တား မြစ်ချက်နှင့် ပြစ်ဒဏ် အစရှိသည် တို့ကို ဖော်ပြထားသည်။ လွှတ်တော် ကိုယ်စားလှယ် တစ်ဦးဖြစ်သည့်တိုင် လွတ်လပ်စွာ ပြောဆိုခွင့် ဆန္ဒမဲပေးခွင့်က အကန့်အသတ်နှင့်ဖြစ်သည်။ အကန့်အသတ် မဲ့မဟုတ်။

ဥပမာ ပုဒ်မ ၄၇ တွင် ပုဂ္ဂိုလ် တစ်ဦးဦး၏ အကျင့်စာရိတ္တ သို့မဟုတ် အပြုအမူနှင့်စပ်လျဉ်း၍ ပြော ဆိုခြင်း၊ ဖွဲ့စည်းပုံ အခြေခံ ဥပဒေပါ ပြဋ္ဌာန်းချက် များကို ဖောက်ဖျက်ခြင်း စသည့်ဆွေးနွေးပြောဆိုခြင်းမှအပ လွတ်လပ်စွာပြောဆိုခွင့်နှင့် ဆန္ဒမဲ ပေးပိုင်ခွင့် ရှိသည်ဆိုသော အချက်မျိုး ထည့်သွင်းပြဋ္ဌာန်း ထားသည်။ လွှတ်တော် သို့မဟုတ် လွှတ်တော် က ဖွဲ့စည်းသည့် ကော်မတီ၊ ကော်မရှင်နှင့် အဖွဲ့တို့တွင် တင်ပြဆွေးနွေး ခြင်း၊ မေးခွန်းများ မေးမြန်းခြင်းတို့ နှင့်စပ်လျဉ်း၍ လွှတ်တော်ကိုယ်စား လှယ်တစ်ဦးကို ဤဥပဒေမှအပ အခြားဥပဒေအရ အရေးယူခြင်းမပြု ရ ဟူ၍လည်းပါရှိပေရာ၊ လွှတ်တော် ၏ ပြင်ပတွင် ပြောဆိုခြင်းများအတွက် မူ သာမန်ပြည်သူတစ်ယောက်လိုက် နာရမည့်ဥပဒေကို သူသည်လည်း တန်းတူလိုက်နာရမည်ဖြစ်ကြောင်း ပေါ်လွင်ပါသည်။ ယင်းဥပဒေ ပုဒ်မ ၁၂၊ အပိုဒ်ခွဲ (က)တွင်လည်း လွှတ်တော် အတွင်း တင်ပြဆွေးနွေး ဆောင်ရွက်ခြင်းကို အခြားဥပဒေ အရ အရေးယူခြင်းမှ ကင်းလွတ် ခွင့်ပြုကြောင်း အတိအလင်းပြဋ္ဌာန်း ထားပါသည်။

ပုဒ်မ ၁၂ ၏ အပိုဒ်ခွဲ (ဂ)(ဃ) နှင့် (င)တို့တွင် လွှတ်တော်အစည်း အဝေးတက်ရောက်နေစဉ်ကာလ အတွင်း ဥက္ကဋ္ဌ၏ ကြိုတင်ခွင့်ပြု ချက်မရပါက ဖမ်းဆီးခံရခြင်းမှ ကင်းလွတ်ခွင့် ရကြောင်း၊ တရားရုံး တစ်ခုခု၏ သက်သေ အဖြစ် ဆင့်ခေါ်ခံရခြင်းမှ ကင်းလွတ်ခွင့်ရကြောင်း၊ ပြစ်မှုတစ်ရပ်ရပ်ဖြင့် ဖမ်းဆီးခြင်း ခံရသည့် တိုင် ပြစ်ဒဏ်စီရင် ခြင်းမခံရမီ ဥက္ကဋ္ဌ၏ ခွင့်ပြုချက် ဖြင့် လွှတ်တော်နှင့် လွှတ်တော်၏ အဖွဲ့အစည်းများတွင် အစည်းအဝေး တက်ရောက်ခွင့် ရကြောင်း ပြဋ္ဌာန်း ထားသည်ကို တွေ့ရပါသည်။

သို့ဖြစ်ရာ လွှတ်တော်ကိုယ်စား လှယ်တစ်ဦးသည် သာမန်အားဖြင့် လွှတ်တော် အစည်းအဝေးတစ်ခုခုသို့ တက်ရောက် နေစဉ် အခါကာလ မဟုတ်ဘဲ လွှတ်တော်၏ အပြင်အပ၌ ပြောဆို၊ ပြုမူ၊ ဆောင်ရွက်၊ လုပ်ကိုင် ခြင်း များအတွက် သာမန်ပြည် သူတစ်ဦးကဲ့သို့ပင် ဥပဒေကို လိုက် နာရန် တာဝန်ရှိကြောင်း တွေ့ရပါသည်။ အကယ်၍ ဥပဒေ တစ်ရပ် ရပ်ကို ချိုးဖောက်ပါက သာမန်ပြည် သူတစ်ဦးကဲ့သို့ပင် တရားစွဲဆိုခြင်း၊ အရေးယူ အပြစ်ပေးခြင်းကို ခံရနိုင်ကြောင်း တွေ့ရပါသည်။

ပြည်သူ့လွှတ်တော်၊ အမျိုးသား လွှတ်တော်ဆိုင်ရာဥပဒေတွင် ဖော် ပြထားသော အဆိုပါအချက်များမှ အပ လွှတ်တော် တစ်ရပ်ရပ်၏ ကိုယ်စားလှယ်ဖြစ်သည်ဆိုသော  အကြောင်းကြောင့် တည်ဆဲဥပဒေ တစ်ခုခုကို ချိုးဖောက် ကျူးလွန်ရန် အခွင့်အရေးမရှိကြောင်း တွေ့ရပါ သည်။ ဥပဒေကို ချိုးဖောက်ကျူး လွန်ခဲ့ပါက တရားစွဲဆို အရေးယူခြင်း ခံရနိုင်ကြောင်း တွေ့ရပါသည်။

ဥပဒေအရ တရားစွဲဆိုခြင်းမှ သူ့ကိုလည်း ကင်းလွတ်ခွင့် ပေးမထားကြောင်း တွေ့ရပါသည်။

ဇေယျာမိုးမြင့်စံ

ဆက်စပ်သတင်းများ

ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇
ဖိုရမ်တစ်ခုပေါ်မှ ငြိမ်းချမ်းရေးအမြင်

ဖိုရမ်တစ်ခုပေါ်မှ ငြိမ်းချမ်းရေးအမြင်

ရန်ကုန်၊ ဇန်နဝါရီ ၁၅၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*