ဆောင်းပါး — ဧပြီ ၆၊ ၂ဝ၁၃

 pulizar

(Joseph Pulitzer) – (၁၈၄၇-၁၉၁၁)

ဂျိုးဇက် ပူလစ်ဇာသည် ဟန်ဂေရီ နွယ်ဖွား အမေရိကန်နိုင်ငံသား ရှေ့နေ၊ သတင်းထောက်၊ သတင်းစာထုတ်ဝေ သူနှင့် သတင်းအရေးအသား တီထွင်သူ သတင်းစာ ပညာရှင်ဖြစ်ပြီး သတင်းစာ ပညာဖြင့် အကျင့်ပျက် ခြစားမှုများကို စွမ်းစွမ်းတမံ တိုက်ဖျက်ခဲ့သူဖြစ် သည်။ ပထမဆုံး သတင်းစာပညာ သင်ကျောင်း ထူထောင်ခဲ့သူ ဖြစ်ပြီး ပထမဆုံး သတင်းနှင့် သတင်းဓာတ်ပုံ တို့ အဖြစ် သမိုင်း၊ ကဗျာ၊ ဂီတနှင့် ပြဇာတ်တို့ အတွက် ပူလစ်ဇာဆုကို တီထွင် ပေးအပ် ခဲ့သူဖြစ်သည်။

ဂျိုးဇက် ပူလစ်ဇာကို ၁၈၇၄ ခုနှစ်၊ ဧပြီ ၁ဝ ရက်တွင် ဩစတြီး ယားပိုင် ဟန်ဂေရီနိုင်ငံ မာကိုမြို့တွင် ဂျူးလူမျိုး ဖခင်နှင့် ဂျာမန် လူမျိုး မိခင်တို့မှ မွေးဖွားခဲ့သည်။ ငယ်စဉ်က ဘူဒါပက်(စ)မြို့ တွင် ပညာသင်ကြား ခဲ့ပြီး အသက် ၁၄ နှစ်သားအရွယ် တွင် ဖခင်ကွယ်လွန်ခဲ့၍ မိသားစုဘဝ ဆင်းရဲမွဲတေသွားခဲ့ရာ ဥရောပတစ်လွှား စစ်တပ်များ သို့ ဝင်ရန်ကြိုးစားခဲ့ သော်လည်း ကျန်းမာရေးကြောင့် ဝင်ခွင့်မရခဲ့ချေ။

၁၈၆၄ ခုနှစ်တွင် အမေရိကန် ပြည်ထောင်စုသို့ ရွှေ့ပြောင်းပြီး လင်ကွန်း၏ မြင်းတပ်တွင် ၈ လကြာမျှ တာဝန် ထမ်းဆောင် ခဲ့သည်။ အမေရိ ကန်ပြည်တွင်းစစ် ပြီးသော အခါ အသက်မွေးမှု အတွက် ရရာ အလုပ် မျိုးစုံ လုပ်ကိုင် ခဲ့ပြီး ဥပဒေဘွဲ့ရရန် စာ ကြည့်တိုက်တွင် အပတ်တကုတ်လေ့ လာခဲ့ရာ ၁၈၆၈ ခုနှစ်တွင် ရှေ့နေ ဖြစ်ခဲ့သော် လည်း မအောင်မြင်ခဲ့ပေ။ သို့ရာတွင် ဝက်(စ)လစ်(ချ)ပို့(စ) သတင်းစာ (Westliteche) ၌ သတင်းထောက် အလုပ် လုပ်ခဲ့ရာ သူ့ပင်ကိုယ်ဟန်နှင့် ကြိုးစား အားထုတ် မှုကြောင့် အောင်မြင် ကျော်ကြား လာခဲ့သည်။

၁၈၆၇ ခုနှစ်တွင် အမေရိကန် နိုင်ငံသားဖြစ်လာပြီး ၁၈၇၁ ခုနှစ် တွင် သတင်းစာအယ်ဒီတာနှင့် ပိုင်ရှင် တစ်ပိုင်း ဖြစ်လာခဲ့သည်။ ၁၈၇၈ ခုနှစ် တွင် စိန့်လူဝီ ညနေခင်း သတင်းစာနှင့် စိန့်လူဝီပို့(စ)သတင်းစာ ၂ စောင်ကို ဝယ်ယူ ပြီး “St Louis Post Dispatch” အဖြစ် ပေါင်း၍ ထုတ်ဝေခဲ့ရာ အောင်မြင်ခဲ့သည်။ ၁၈၈၃ ခုနှစ်တွင် “NewYork World” သတင်းစာကို စီမံ ထုတ်ဝေခဲ့ရာ လူစိတ်ဝင်စားမည့် သဲထိတ်ရင်ဖို အဖြစ်အပျက်များ၊ အသေအချာ လေ့လာ ထောက် လှမ်းရေးသားသော သတင်းများ၊ အကျင့်ပျက်ခြစားမှု တိုက်ဖျက်ရေးနှင့် အလုပ်သမား ဦး စားပေး အာဘော်များကြောင့် အထင်ကရ သတင်းစာကြီး တစ်စောင်ဖြစ် လာခဲ့သည်။

၁၈၆၉ ခုနှစ်တွင် ရီဗတ်ဘလီကန် ပါတီမှ အောက်လွှတ်တော် အမတ်အဖြစ် ဝင်ရောက်အရွေးခံရာ အနိုင်ရခဲ့ သော်လည်း ရီပတ်ဘလီကန် ပါတီတွင်း အကျင့်ပျက်ခြစားမှု များကို စိတ်ကုန်၍ ၁၈၈၄ ခုနှစ်တွင် ဒီမိုကရက်တစ် ပါတီ ကိုယ်စားလှယ် အဖြစ် ပြောင်းလဲ အရွေးခံရာ အနိုင်ရခဲ့ပြန်သည်။ သို့သော် သတင်းစာ အလုပ်ပိသဖြင့် ၁၈၈၆ ခုနှစ်တွင် နှုတ်ထွက် ခဲ့သည်။

ပူလစ်ဇာသည် သတင်းစာ ပညာကို အဆင့်အတန်း မြင့်မားအောင် မြှင့်တင်အားပေးခဲ့သူ ရှေ့ဆောင်ရှေ့ ရွက် ပုဂ္ဂိုလ်ဖြစ်ကာ သတင်းစာပညာ ဖြင့် လူ့အဖွဲ့အစည်း တွင်းမှ မတရားမှုများ၊ အလွဲသုံးစားမှုများကို ပြုပြင် တည့်မတ် ပေးနိုင်ရမည်ဟု ယုံကြည်သည်။ အများပြည်သူ၏ ထင်မြင်ချက်ကို သတင်းစာများမှ ဖော်ထုတ်ပေး ရမည် ဟု လှုံ့ဆော်သည်။ သူမကွယ်လွန်မီ ရန်ပုံငွေတစ်ရပ် မတည်ထားခဲ့ပြီး သတင်းစာနှင့် စာပေဆိုင်ရာ ပူလစ်ဇာဆုများ ချီးမြှင့်ရန် သေတမ်းစာ ရေးသားထားခဲ့သည်။

ပူလစ်ဇာသည် ၁၉၁၁ ခုနှစ်၌ သူ၏ ဆောင်းရာသီနေအိမ် ရှိရာ ဂျော်ဂျီယာပြည်နယ် ဂျက်ကဲ(လ)ကျွန်းသို့ သူပိုင် လစ်ဘာတီရွက်လှေဖြင့် အသွား တောင် ကယ်ရိုလိုင်းနား ပြည်နယ် ချာ လက်စတန်ဆိပ်ကမ်းအရောက်၊ အောက်တိုဘာ ၂၉ ရက်တွင် ကွယ်လွန်ခဲ့သည်။ သူ၏ သေတမ်းစာတွင် ကိုလံဘီယာ တက္ကသိုလ် အတွက် ဒေါ်လာ ၂ သန်း လှူဒါန်းခဲ့ရာ ပူလစ်ဇာ ကွယ်လွန်ပြီးနောက် ၁ နှစ်အကြာ ၁၉၁၂ ခုနှစ်တွင် ကိုလံဘီယာ သတင်းစာ အတတ်သင်ကျောင်း (Columbia School of Journalism) ကို တည် ထောင်ခဲ့သည်။

၁၉၁၇ ခုနှစ်တွင် ပထမဆုံး ပူလစ်ဇာဆုများကို သူကိုယ်တိုင် ရွေး ချယ်လွှဲအပ်ခဲ့သော အကြံပေးအဖွဲ့၏ ကြီးကြပ်မှုဖြင့် စတင်ပေးအပ်ခဲ့ရာ ပူလစ်ဇာဆုမှာ အမေရိကန် သတင်းစာ လောကတွင် အမြင့်ဆုံး ဆုအဖြစ် ယနေ့တိုင် ကိုယ်စားပြုနိုင်ခဲ့သည်။ “နိုင်ငံရဲ့ အနာဂတ်ကို ပုံသွင်းပေး နိုင်စွမ်းဟာ အနာဂတ်သတင်းစာ ဆရာ မျိုးဆက်တွေ ရဲ့ လက်ထဲမှာရှိ ပါလိမ့်မယ်”ဟု အရည်အချင်းမြင့် သတင်းစာ ပညာ၏ လိုအပ်ချက်ကို ပူလစ်ဇာ က ထောက်ပြခဲ့ပါသည်။

၁၉၈၉ ခုနှစ်တွင် ဂျိုးဇက် ပူလစ်ဇာကို စိန့်လူဝီ၏ ကျော်ကြားထင်ရှား သူများ လမ်းမ (St.Louis Walk of Fame) တွင် ထိုက်ထိုက်တန်တန် စာရင်းသွင်း၍ ဂုဏ်ပြုဆု နှင်းအပ်ခဲ့ပါသည်။

ကိုးကား- အတ္ထုပ္ပတ္တိအဘိဓာန် (မောင်ဝံသံ)

–       Micheal Snow, Yahoo! Contributor Network

–       Wikipedia, the free encyclopedia

စိုးမြင့်

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ပွင့်သောပန်းတို့ လန်းစေဖို့

ပွင့်သောပန်းတို့ လန်းစေဖို့

ရန်ကုန်၊ ဒီဇင်ဘာ ၈၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*