ဆောင်းပါး — ဇန်နဝါရီ ၁၈၊ ၂ဝ၁၃

လူထုဦးလှသည် လူထုဘက်မှ အစဉ်တစိုက် ရပ်တည်ခဲ့သော သတင်းစာ ဆရာ၊ စာရေးဆရာ၊ စာပေ ထုတ်ဝေသူ ဖြစ်သည်။ လူထုလူတန်းစား အသီးသီး၏ အဖိနှိပ်ခံဘဝမှတ်တမ်း များ၊ တိုင်းရင်းသား လူမျိုးစု ယဉ်ကျေးမှုရေးရာ စာပေများ၊ လူငယ်ကြီးပွား တိုးတက်ရေး၊ ကျေးလက်ပြုပြင်ရေးနှင့် လူမှုပြုပြင်ရေး စာပေအများအပြား ကိုရေးသားခဲ့သော လူထုစာရေးဆရာ တစ်ဦးဖြစ်သည်။ နယ်ချဲ့ဆန့်ကျင် ရေး၊ ဖက်ဆစ် ဆန့်ကျင်ရေးနှင့် အမျိုးသား လွတ်မြောက်ရေး သမိုင်းတွင် စာပေ အရသော် လည်းကောင်း၊ ပုဂ္ဂိုလ်အရ သော်လည်းကောင်း တက်ကြွစွာ ပါဝင်ခဲ့သော မျိုးချစ်ပုဂ္ဂိုလ်တစ်ဦး လည်းဖြစ်သည်။

လူထုဦးလှကို ၁၉၁ဝ ခုနှစ်၊ ဇန်နဝါရီ ၁ဝ ရက်တွင် ပဲခူးတိုင်း၊ ညောင်လေးပင်မြို့နယ်၊ ပုဇွန်မြောင်း ကျေးရွာ၌ အဖဦးပု၊ အမိ ဒေါ်ခိုင် တို့မှ မွေးဖွားခဲ့သည်။ ငယ်စဉ်က ညောင်လေးပင် ရိုမန်ကက်သလစ် မစ်ရှင်ကျောင်း (အာစီအမ်)မှ အလယ်တန်း အောင်၍ ရန်ကုန်အစိုးရ အထက် တန်းကျောင်းမှ တက္ကသိုလ်ဝင်တန်း အောင်မြင် ခဲ့သည်။ ကျောင်းသား ဘဝကပင် ကျောင်းမဂ္ဂဇင်းတွင် အင်္ဂလိပ်-မြန်မာနှစ်ဘာသာဖြင့် စာ စတင်ရေးသားခဲ့ပြီး တက္ကသိုလ်ဆက်  မတက်ဘဲ သတင်းစာပညာကို ကိုယ့် ဒူးကိုယ်ချွန်လေ့လာလိုက်စားခဲ့သည်။ ၁၉၃ဝ ခုနှစ်၌ ရန်ကုန်မြူနီစီပယ် ရာပြတ်ဌာနတွင် အလုပ်ဝင်၍ မြူနီ စီပယ်လက်ရွေးစင်ဘောလုံးသမား၊ လူငယ်များ ကြီးပွားရေး အသင်း စာကြည့်တိုက်မှူး စေတနာ့ဝန်ထမ်း ဆရာအဖြစ် ဆောင်ရွက်ခဲ့သည်။

၁၉၃၂ ခုနှစ်တွင် စာပေလောက သို့ ရောက်ရှိခဲ့ပြီး ကြီးပွားရေး လမ်း ညွှန်မဂ္ဂဇင်းတွင် စာများရေးသားခဲ့ သည်။ ၁၉၃၃ ခုနှစ်တွင် ကြီးပွား ရေးမဂ္ဂဇင်းကို ကိုယ်တိုင်ထုတ်ဝေ သည်။ ၁၉၃၈ ခုနှစ်တွင် အလုပ်မှ ထွက်၍ ကြီးပွားရေး စာအုပ်တိုက်ထောင်ကာ စာအုပ်များ ပုံနှိပ်ထုတ်ဝေခဲ့သည်။ ၁၉၃၉ ခုနှစ်တွင် လူထု ဒေါ်အမာနှင့် လက်ထပ်ခဲ့သည်။ ၁၉၄၂ ခုနှစ်တွင် စစ်ပြေးရင်း စာအုပ် ထုတ်ဝေရေးကို မဖြစ်ဖြစ်အောင် ဆက်လုပ်ကာ ဂျပန်စာရေးဆရာ အရှိဟဲအီဟဲနို၏ “ရွံ့နှင့်စစ်သား”၊ “ပန်းနှင့်စစ်သား”၊ “ဂျုံနှင့်စစ်သား” စသည့် ရောင်း အကောင်းဆုံး စစ်တွင်းဝတ္ထုများကို ဘာသာပြန် ထုတ်ဝေခဲ့သည်။ ဂျပန်ခေတ်၊ မြန်မာနိုင်ငံ စာရေးဆရာအသင်း အဝေးရောက် အမှုဆောင်(၁၉၄၃-၄၅)၊ အထက် ဗမာပြည် စာရေးဆရာအသင်း အလုပ်အမှုဆောင်(၁၉၄၄-၄၅)အဖြစ် ဆောင်ရွက်ခဲ့သည်။

၁၉၄၃-၄၄ ခုနှစ်တွင် မန္တလေး ခရိုင် အာရှလူငယ်အသင်း ဥက္ကဋ္ဌအဖြစ်ဆောင်ရွက်၍ သခင်သန်းထွန်း၊ ဗိုလ်မှူး ဗထူးနှင့် ဆက်သွယ်ကာ ဖက်ဆစ်ဆန့်ကျင်ရေး မြေအောက်လုပ်ငန်းများတွင် ပါဝင်လုပ်ဆောင်ခဲ့သည်။ မဟာမိတ်များ ပြန်ဝင် လာသောအခါ ဗြိတိသျှတပ်၏ ဖမ်းဆီး ချုပ်နှောင်ခံခဲ့ရသည်။ ၁၉၄၅ ခုနှစ် တွင် ဗိုလ်မှူးဗထူး၏ လမ်းညွှန်မှု အရ၊ ဖက်ဆစ်တိုက်ဖျက်ရေး ပြည်သူ့ လွတ်လပ်ရေးအဖွဲ့ချုပ်(ဖတပလ)ကို အာဇာနည် အမျိုးသားခေါင်းဆောင် ဆရာကြီး ဦးရာဇတ်၊ လေထီး ဦးကျော်ရင်၊ သခင်ထွန်းရင်တို့နှင့် အတူ ဦးဆောင် ဖွဲ့စည်းခဲ့သည်။ ဖတပလ၏ အထက်ဗမာပြည်အလုပ် အမှုဆောင်အဖွဲ့ဝင်နှင့် အတွင်းရေးမှူး အဖြစ်ဆောင်ရွက်ခဲ့ပြီး နောင် ဖဆပလ ၏ ဗဟိုဦးစီး အဖွဲ့ဝင် (၁၉၄၆-၄၇) အဖြစ်ဆောင်ရွက်ခဲ့သည်။

စစ်ပြီးစတွင် ဖဆပလ လုပ်ငန်း  များကို ဆောင်ရွက်ရင်း ဖဆပလ၏ စည်းရုံးရေး၊ ဝါဒဖြန့်ချိရေးအတွက် ၁၉၄၅ ခုနှစ် လူထုဂျာနယ်၊ ၁၉၄၆ ခုနှစ်တွင် လူထုသတင်းစာများကို ထုတ်ဝေခဲ့ရာ လူထုဦးလှဟု ထင် ရှားလာသည်။ ၁၉၄၆ ခုနှစ်တွင် ရန်ကုန်ရွှေတိဂုံစေတီတော် အလယ် ပစ္စယံ၌ ကျင်းပသည့် ပထမအကြိမ် ပြည်လုံးကျွတ် ဖဆပလ ညီလာခံ သို့ မန္တလေးခရိုင်ကိုယ်စားလှယ် အဖြစ် တက်ရောက်ခဲ့သည်။ ၁၉၄၆ ခုနှစ်၊ အောက်တိုဘာ ၁ဝ ရက်တွင် ဖဆပလအဖွဲ့ချုပ်မှ ဗမာပြည် ကွန် မြူနစ်ပါတီကို ထုတ်ပယ်ရန် မဲခွဲ ဆုံးဖြတ်ခဲ့ရာ ညီညွတ်ရေးကို အလေး  ထားသည့် ဦးလှက မဲမပေးခဲ့။ ဖဆပလမှ ကွန်မြူတစ်ပါတီကို ထုတ်ပယ်လိုက်ပြီး နောင်တွင် ပါတီနိုင်ငံရေးမှ ထွက်ခဲ့ပြီး ၁၉၄၇ ခုနှစ်တွင် အထက်ဗမာပြည်စာရေး ဆရာအသင်းဥက္ကဋ္ဌအဖြစ် စာပေ လုပ်ငန်းကို စူးစိုက်လုပ်ကိုင်ခဲ့သည်။

လွတ်လပ်ရေးရပြီးနောက် လူထု ဂျာနယ်နှင့် လူထုသတင်းစာကို ဒီမို ကရေစီရေး၊ ငြိမ်းချမ်းရေးနှင့် အမျိုးသား ညီညွတ်ရေးတို့အပေါ်အခြေပြု ၍ လူထုဘက်မှ ရပ်တည်ထုတ်ဝေခဲ့ရာ ၁၉၄၉ ခုနှစ်၊ ဧပြီ ၂၄ ရက် တွင် ဖဆပလ အစိုးရတပ်က လူထုတိုက်ကို ဒိုင်းနမိုက်ဖြင့် ဖောက်ခွဲ ဖျက်ဆီးပစ်ခဲ့ပြီး ပုဒ်မ ၅ ဖြင့် လူထု  ဦးလှ အဖမ်းခံခဲ့ရသည်။ ၁၉၅၃ ခုနှစ်တွင် အရေးပေါ် စီမံမှုအက်ဥပဒေ  ပုဒ်မ ၅ ဖြင့် တတိယအကြိမ် အဖမ်းခံရပြီး ရန်ကုန်ထောင်တွင် ၃ နှစ်ကျော် အကျဉ်းချခံခဲ့ရရာ ၁၉၅၇ ခုနှစ်တွင် ပြန်လည်လွတ်မြောက်ခဲ့သည်။

လူထုဦးလှသည် လူမှုပြုပြင်ရေး၊ သတင်းစာသမိုင်း မှတ်တမ်းနှင့် တိုင်းရင်းသား ယဉ်ကျေးမှုရေးရာ စသည့် နယ်ပယ်ပေါင်းစုံမှ အကြောင်းအရာ အမျိုးမျိုး ကို ရေးသားပြုစုခဲ့ရာ၊ ထိုအထဲမှ “လှောင်ချိုင့်တွင်းမှ ငှက်ငယ်များ” မှာ ၁၉၅၈- ယူနက်စကို ယဉ်ကျေးမှုနှင့် စာပေဆု၊ “ထောင်နှင့် လူသား” မှာ ၁၉၅၇ စာပေဗိမာန် စာပဒေသာ ဆုနှင့် “ရခိုင်ကျေး လက်ပုံပြင်များ”မှာ ၁၉၆၃ စာပေဗိမာန် အနုပညာစာပေ(ကလေးသူငယ်စာပေ) ဒုတိယဆု ရရှိခဲ့သည်။ အချို့စာအုပ် များကို အင်္ဂလိပ်နှင့် အခြားဘာသာများဖြင့် ပြန်ဆိုထုတ်ဝေခဲ့သည်။

စာရေးဆရာ၊ သတင်းစာဆရာ၊  ကမ္ဘာ့ငြိမ်းချမ်းရေး(မြန်မာနိုင်ငံ) ကိုယ်စားလှယ်များအဖြစ် မောစကို အပြည်ပြည်ဆိုင်ရာ စီးပွားရေး ကွန်ဖရင့်(၁၉၅၂)၊ ပီကင်းအာရှ ပစိဖိတ် ငြိမ်းချမ်းရေးညီလာခံ(၁၉၅၂) သီရိ လင်္ကာကမ္ဘာ့ငြိမ်းချမ်းရေး ကွန်ဖရင့် (၁၉၅၇)၊ အင်္ဂလန်-ပြင်သစ် အနောက်ဂျာမဏီလေ့လာရေး(၁၉၅၈) ဂျပန်နိုင်ငံလေ့လာရေး(၁၉၆၁)၊ အင်ဒိုနီးရှား အာရှ- အာဖရိက သတင်း စာဆရာများ ကွန်ဖရင့်(၁၉၆၂)တို့ သို့တက်ရောက်ခဲ့သည်။

လူထုဦးလှသည် ပြည်တွင်းစစ် ရပ်စဲရေး၊ ပြည်တွင်းငြိမ်းချမ်းရေး ပြည်သူ့ဘဝလွတ်မြောက်ရေး၊ ဖိနှိပ် ချုပ်ချယ်မှု ဆန့်ကျင်ရေးတို့ကို လူထုဘက်မှ ရပ်တည်၍ စာပေစစ်မျက်နှာ  မှ အစဉ်တစိုက်ရပ်တည်ရေးသား ထုတ်ဝေခဲ့ရာ ၁၉၆၇ ခုနှစ်၊ ဇူလိုင် ၇ ရက်တွင် စစ်အစိုးရက လူထု သတင်းစာကို အပြီးအပိုင်ရပ်စဲခဲ့ သည်။ နောက်ပိုင်းတွင် အထက် ဗမာပြည်စာရေးဆရာများ အသင်း အနေဖြင့် လူငယ်စာပေ အနုပညာရှင်များကို မွေးထုတ်စုစည်း၍ အထက် ဗမာပြည် စာပေလှုပ်ရှားမှုကို တောက်လျှောက် ဦးဆောင်ခဲ့သည်။ ၁၉၇၈ ခုနှစ်တွင် ဇနီး လူထု ဒေါ်အမာ၊ သား မောင်ငြိမ်းချမ်း တို့နှင့်အတူ စစ်အစိုးရ၏ ၅ ကြိမ်မြောက် ဖမ်းဆီး ခံခဲ့ရပြီး ၁၉၈၂ ခုနှစ်၊ ဩဂုတ် ၇ ရက်တွင် မန္တလေးမြို့၌ ကွယ်လွန်ခဲ့ ပါသည်။

ကိုးကား၊မြန်မာလူကျော် ၁ဝဝ

(မောင်ဇေယျာ)၊

ခေတ်ရေစီးထဲက ပုဂ္ဂိုလ်များ (သမိုင်းသုတေသနဦးစီးဌာန)

စိုးမြင့်

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ပွင့်သောပန်းတို့ လန်းစေဖို့

ပွင့်သောပန်းတို့ လန်းစေဖို့

ရန်ကုန်၊ ဒီဇင်ဘာ ၈၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*