အာဇာနည်ဗိမာန်အား ကိုယ်တိုင် တည်ဆောက်ခွင့် မရခဲ့သော်လည်း မိမိ စိတ်ကူးဖြင့် ဒီဇိုင်းကို ၁၉၇၄ ခုနှစ်က    ရေးဆွဲထားသော ဗိသုကာဆရာ ဦးရွှေအား မြန်မာအင်ဒီပဲန်ဒင့်မှ တွေ့ဆုံမေးမြန်းရာတွင် ယခုကဲ့သို့ ပြောကြားခဲ့ခြင်း    ဖြစ်သည်။

ဗိသုကာဆရာ ဦးရွှေက အာဇာနည်ဗိမာန်အား အချိန် ၉ လဖြင့်အပြီး ဆောက်ခဲ့ကြခြင်းအပေါ် ““ကျွန်တော်ကတော့ သဗ္ဗေညုတို့လို အာနန္ဒာတို့လို မြန်မာသမိုင်းမှာ တွင်ကျန်ရစ်စေလောက်တဲ့ လက်ရာမျိုး၊ ဗိသုကာ ဒီဇိုင်းမျိုးတွေကို အချိန် လုံလုံလောက်လောက်၊ ပညာရှင် လုံလုံလောက်လောက်နဲ့ စနစ်တကျ တည်ဆောက်စေချင်တယ်”” ဟု သူ၏ အမြင်ကို ပြောကြားသည်။

ဆက်လက်၍ ယင်းက ““ကျွန် တော်တို့မှာ အဖွဲ့လေးတစ်ဖွဲ့ရှိတယ်။ အဲဒီအဖွဲ့လေးက အာဇာနည်ဗိမာန် ဆောက်ခွင့်ရရင် တည်ဆောက်နိုင်ဖို့ ဒီဇိုင်းတစ်ခု လုပ်ခဲ့တယ်။ အဲဒီ ဒီဇိုင်း လုပ်ဖို့အတွက် လွတ်လပ်ရေး စစ်ပွဲရဲ့ အစဖြစ်တဲ့ မဟာဗန္ဓုလရဲ့ပန်းဝါ တိုက်ပွဲကစပြီး အာဇာနည်ခေါင်း ဆောင်တွေ လုပ်ကြံခံခဲ့ရတဲ့နေ့အထိကို လေ့လာခဲ့ကြတယ်””ဟု ယင်းဆွဲထားသော ဒီဇိုင်းအတွက် ကြိုးစားခဲ့ပုံကို ရှင်းပြသည်။

မြန်မာ့လွတ်လပ်ရေး သမိုင်း လှုပ်ရှားမှုကာလ တစ်လျှောက်တွင် စွန့်စားခဲ့သူအားလုံးကို အာဇာနည်ဟု သတ်မှတ်ကြောင်း၊ အာဇာနည်ဗိမာန် ကို အဆိုပါ လွတ်လပ်ရေးလှုပ်ရှားမှု ကြီးတစ်ခုလုံး ပေါ်လွင်အောင် ဆောက်လုပ်သင့်ကြောင်း၊ အာဇာနည်ဗိမာန်ထဲသို့ ဝင်ပေါက် ၄ ခုမှ ဝင်နိုင်စေရန် လမ်း ၄ ခု ဖောက်လုပ်ပေးရန် စိတ်ကူးမိကြောင်း၊ အဆိုပါ လမ်း ၄ ခုကို အနောက်ဘက်မှ အဝင်လမ်းအား ဆရာစံမျက်နှာစာ၊ မြောက်ဘက်မှ အဝင်လမ်းကို ၁၃ဝဝ ပြည့် မျက်နှာစာ၊ အရှေ့ဘက်မှ အဝင်လမ်းကို မတ် ၂၇ ရင်ပြင်၊ တောင်ဘက်မှ အဝင် လမ်းကို အာဇာနည်ရင်ပြင်ဟု အမည်ပေးချင်ကြောင်း၊ အဝင်လမ်း ၄ ခု၏ အတွင်း၌လည်း လမ်းတစ်ခုချင်းနှင့် သက်ဆိုင်သော လှုပ်ရှားမှုကို ကိုယ်စားပြုသည့် နံရံပန်းချီ၊ နံရံထွင်း ပန်းချီ၊ ပန်းပုရုပ်များ ထားရှိရန် စိတ်ကူးမိကြောင်း၊ အာဇာနည်ဗိမာန်၏ အောက်ဘက်တွင် လွတ်လပ်ရေး တိုက်ပွဲ ဝင်ခဲ့စဉ်ကာလက အသုံးပြုခဲ့သောလက်နက်၊ အဝတ်အစား၊ စာရွက်စာတမ်းများကို အမှတ်တရပြတိုက် လုပ်ချင်ကြောင်း၊   သွေးဆေးကန်မှ အောက်ဘက်သို့ လှေကားထစ်ပုံစံ ထွင်းထုကာ နောက်ထပ်ကန် တစ်ကန်ဖြင့်ဆက်လျက် ရေများ အမြဲမပြတ်  စီးဆင်းနေစေသော  ရေလှေကားတစ်ခုကို ပန်းဝါတိုက်ပွဲ ကိုယ်စားပြု၍ တည်ဆောက် ပေးချင်ကြောင်း၊ ဗိသုကာဆရာ ဦးရွှေက ယင်း၏ အာဇာနည်ဗိမာန် တည်ဆောက်မည့် စိတ်ကူးကို မြန်မာအင်ဒီပဲန်ဒင့်သို့ ပြောကြားသည်။

ဦးရွှေ၏ အာဇာနည်ဗိမာန် ဗိသုကာ ဒီဇိုင်းပုံ

ဦးရွှေ၏ အာဇာနည်ဗိမာန် ဗိသုကာ ဒီဇိုင်းပုံ

ထိုသို့ လှေကား ၄ ခုမှ အပေါ်သို့ တက်လာပြီးပါက ရင်ပြင်ပေါ်တွင် အဝါရောင်ထောင့်မှန် ချိုးထားသော အပြားတစ်ခု၊ အစိမ်းရောင် ထောင့်မှန်ချိုးထားသော အပြားတစ်ခု၊ အနီရောင် ထောင့်မှန်ချိုးထားသော အပြား တစ်ခုတို့ကို ထောင်လျက် ထားရှိရန် စိတ်ကူးထားကြောင်း၊ အဆိုပါထောင့် ၃ ခုကို ဆက်စပ်၍ တစ်ဖက်ဖွင့် ထားသော ပုံစံပြုလုပ်ပြီး ယင်းဖွင့်ထားသောဘက်ကို ရွှေတိဂုံဘုရားသို့ လှည့်ထားမည်ဖြစ်ကြောင်း၊ ယင်း ထောင့်များ၏ အတွင်းဘက် ဟင်းလင်းခွင်တွင် အာဇာနည် ခေါင်းဆောင်ကြီးများ လုပ်ကြံခံရစဉ်က ဖရိုဖရဲကျဆုံး နေခဲ့သော မြင်ကွင်းကို ကြေးရုပ်တု ထုလုပ်ထားချင်ကြောင်း ယင်း၏ စိတ်ကူးဒီဇိုင်းကို ဗိသုကာဆရာ ဦးရွှေက ဆက်လက်ပြောကြားခဲ့သည်။

ရင်ပြင်ပေါ်တွင် ထောင်ထားမည့် ထောင့်မှန်ချိုး ၃ ခု၏ အရောင်များနှင့် ပတ်သက်၍လည်း ဗိသုကာဆရာက ““အရောင် ၃ ရောင်လုံးမှာ လေးနက်တဲ့ အဓိပ္ပာယ်တွေရှိတယ်။ ဟိုးအရင် ကတည်းက သတ်မှတ်ထားတဲ့ အဓိပ္ပာယ်တွေပါ။ အဝါရောင်က ဘာသာသာသနာကို ကိုယ်စားပြုတယ်။ အစိမ်းရောင်က နိုင်ငံတော်၊  သဘာဝ ပတ်ဝန်းကျင်    မြန်မာနိုင်ငံလို့ ပြောတာ။ အနီက စွန့်လွှတ်စွန့်စားမှု သတ္တိဖြစ်ပါတယ်””ဟု ရှင်းပြသည်။

ယခုကဲ့သို့ စိတ်ကူးထားခြင်းမှာ အာဇာနည်ဗိမာန်သို့ လာရောက် ဂါရဝပြုကြမည့်သူများအတွက် မည်သို့ ရည်ရွယ်ကြောင်းကိုလည်း ဗိသုကာ ဆရာဦးရွှေက ““ဒီဗိမာန်ကို လာရောက်ကြမယ့် လူတွေကို အနှစ် ၁ဝဝ နီးပါး လွတ်လပ်ရေးအတွက် ရုန်းကန်လှုပ်ရှားခဲ့ကြတဲ့ပုဂ္ဂိုလ်တွေရဲ့ လှုပ်ရှားမှုတွေ၊ ဒဏ်ရာဒဏ်ချက်တွေ ကို နားလည်အောင်ဆိုတဲ့သဘောနဲ့ ဒီလိုမျိုးစဉ်းစားခဲ့တာပါ””ဟု မြန်မာအင်ဒီပဲန်ဒင့်သို့ ဖြေကြားခဲ့သည်။ အဆို ပါဒီဇိုင်းအား အမှန်တကယ် ဆောက်လုပ်မည်ဆိုပါက အတတ်ပညာရှင်များ၊ လိုအပ်သောပစ္စည်းများ  ပြည့် စုံလျှင် အချိန် ၁ နှစ်ကျော်ခန့် ကြာမြင့်မည်ဟုလည်း ခန့်မှန်းရကြောင်း သိရသည်။ အထက်ပါ တင်ပြခဲ့သော ဒီဇိုင်းအား ရေးဆွဲရန်အတွက် ဗိသုကာဆရာ ဦးရွှေ ဦးဆောင်၍ RIT မှ ဗိသုကာဘွဲ့ရများ ဖြစ်ကြသော ကိုအောင်မြင့်ထွန်း၊ ကိုကျော်မင်း၊ ကိုသန်းအောင်၊ ကိုကျော်စိုးတို့က ပါဝင်စိတ်ကူးညှိနှိုင်းကာ ရေးဆွဲထားခဲ့ခြင်း ဖြစ်ကြောင်း သိရသည်။

ဝဝ၈

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*