စီးပွားရေးသတင်း ပြည်တွင်းသတင်း — ရန်ကုန်၊ ဇန်နဝါရီ ၂၊ ၂၀၁၇

မြန်မာနိုင်ငံမှ ဆန်နှင့် ပို့ကုန် ထွက်ကုန်များကို ပြည်ပသို့ တင်ပို့နိုင်မည့် သီလဝါ ပူးပေါင်း ဆိပ်ခံတံတားကို ၂ဝ၁၇ ခုနှစ် နှစ်ကုန်ပိုင်းတွင် စတင် တည်ဆောက်မည် ဖြစ်ကြောင်း မြန်မာ့ လယ်ယာစီးပွား အများပိုင် ကော်ပိုရေးရှင်း လီမိတက် (MAPCO)မှ တာဝန်ရှိသူတစ်ဦးက ပြောသည်။

အဆိုပါ တံတား စီမံကိန်းကို သုံးနှစ်အတွင်း အပြီး ဆောက်လုပ်မည်ဟု လျာထားပြီး ဘတ်ဂျက် လျာထားချက်က အမေရိကန် ဒေါ်လာ ၈၆ သန်းရှိသည်။

သီလဝါမြေကွက် အမှတ် (၂၇)၊ (၂၈)၊ (၂၉) တို့နှင့် ပူးပေါင်း တံတားအဖြစ် မီတာ ၅၉ဝ တံတား တည်ဆောက်ရန် ဖြစ်ပြီး တံတားပူးပေါင်း တည်ဆောက်ရန် ၂ဝ၁၆ ခုနှစ် စက်တင်ဘာ ၅ ရက်က တင်ဒါခေါ်ရာတွင် နိုင်ငံပေါင်းစုံမှ ကုမ္ပဏီ ၂၃ ခုက တင်ဒါ တင်သွင်းခဲ့သည်။ လက်ရှိတွင် လေးဖွဲ့ကို စိစစ်၍ ပမာဏ အနေဖြင့် ရွေးချယ်ထားပြီး ၂ဝ၁၇ ခုနှစ် ဇန်နဝါရီ ဒုတိယပတ်တွင် အဖွဲ့တစ်ဖွဲ့ကို ရွေးချယ်မည် ဖြစ်သည်။

လက်ရှိတွင် သီလဝါ အကွက်အမှတ် (၂၈) ပူးပေါင်း ဆိပ်ခံတံတား တည်ဆောက်ရေးနှင့် ပတ်သက်၍ Myanmar Edible Oil Industrial Public Corporation Ltd. (MEICO), Myanmar Agribusiness Public Corporation Ltd.(MAPCO) and Myanmar General Development Public Ltd. (MAGDPL) တို့ သုံးဖွဲ့ပူးပေါင်း ပြီး ဆိပ်ခံတံတား မျက်နှာစာ အလျား ၅၉ဝ မီတာအများဆုံး၊ တံတားအကျယ် ၃ဝ မီတာ အနည်းဆုံးနှင့် ကင်းထောက် တံတားများ အပါအဝင် ကုန်သေတ္တာများ ကိုင်တွယ် တင်ချခြင်း အဆင့်အထိ အသုံးပြုနိုင်သော ဆိပ်ကမ်းတစ်ခု တည်ဆောက်နိုင်ရန် မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ခွင့်ပြုထားပြီး ဖြစ်ပြီး ပူးပေါင်း ဆိပ်ခံ တံတား တည်ဆောက်နိုင်ရန် တင်ဒါများ ခေါ်ယူထားကာ MAPCO အနေဖြင့် ကျန်အများပိုင် ကုမ္ပဏီနှစ်ခုနှင့် ပူးပေါင်း ဆောင်ရွက်လျက် ရှိကြောင်း သိရသည်။

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*