ပြည်တွင်းသတင်း — ရန်ကုန်၊ မတ် ၂၇၊ ၂၀၁၂

သံလွင်မြစ်ကို အစိုးရ ၃ခုနှင့် ပုဂ္ဂလိကပိုင်ကုမ္ပဏီ ၁ခုတို့ပါဝင်၍ ဟတ်ကြီးရေကာတာဆောက်လုပ်ရန်ပြင်ဆင်နေသည်ဟု Earthing International School က မနန်းရှိုင်းနှင်းက ပြောကြားသည်။     ပြည်မကမြစ်ဖျားခံ စီးဆင်းလာသောသံလွင်မြစ်ကိုယင်းမြစ်ဝှမ်းတလျှောက်တွင် ၅ခု ဆောက်လုပ်ပြီးထိုင်းနိုင်ငံတွင် ၂ခုဆောက်လုပ်ရန် စီမံမှုများရှိကြောင်း၊ ယင်းရေကာတာကို နှစ်ပေါင်း ၃ဝအတွင်း​ ​ ဆောက်လုပ်​ဖြစ်နိုင်ကြောင်း​ရှိသည်ဟု မနန်းရှိုင်းနင်းကပြောကြားခဲ့သည်။

ပါဝင်ဆောက်လုပ်မည့်အစိုးရပိုင်ကုမ္ပဏီများနှင့်ပုဂ္ဂလိကကုမ္ပဏီတို့ကအစုရှယ်ယာ ၃၆%၊ တရုတ်အစိုးရပိုင်အစုရှယ်ယာ ၅ဝ%၊ ပုဂ္ဂလိက​ပိုင်အစုရှယ်ယာ ၄% တို့ဖြင့်ခွဲဝေဆောက်လုပ်မည်ဖြစ်သည်။ ဟတ်ကြီးရေကာတာဆောက်လုပ်မှုတွင်အမြင့်ပေ ၃၃မီတာရှိပြီး၊ လျှပ်စစ်စွမ်းအင် 1360MW ခန့်မှန်းခြေထွက်ရှိနိုင်ကြောင်း၊ လျှပ်စစ်ဓာတ်အား ၁ဝ% ကိုမြန်မာကသုံးရန်ဖြစ်ပြီး ကျန် ၄ဝ% အား ထိုင်းကိုရောင်းချရန်ဖြစ်ကြောင်း မနန်းရှိုင်းနှင်းက ပြောသည်။

သံလွင်မြစ်သည် ကီလိုမီတာ ၂၄ဝဝ ရှည်လျားပြီးရေကာတာများလုံးဝမဆောက်ရသေးကြောင်း၊ သံလွင်မြစ်ကို တရုတ်တွင် နုကျန်း၊ ရှမ်းပြည်နယ်တွင် နန့်ပုံ၊ ထိုင်းမှာဆလုံ စသဖြင့် ခေါ်ဝေါ်ကြသည်။ သံလွင်မြစ်သည် မြန်မာနိုင်ငံတွင် မွန်ပြည်နယ်၊ ကရင်ပြည်နယ်၊ ရှမ်းပြည်နယ်၊ တို့ကိုဖြတ်သန်းစီးဆင်းသည်။ သံလွင်မြစ်ကို ရေကာတာဆောက်လုပ်လျှင်မြန်မာနိုင်ငံရှိရွာများအပါအဝင် ထိုင်းနိုင်ငံရှိရွာ ၃ရွာ​စုစုပေါင်း၃၂ရွာ​ရေလွှမ်းမိုးနိုင်ကြောင်း၊ ကရင်ပြည်နယ်မြောက်ပိုင်းတွင်ရေကာတာကို ဆောက်လုပ်မည်ဖြစ်ကြောင်း မနန်းရှိုင်းနှင်းကပြောကြားခဲ့သည်။

ရေကာတာဆောက်လုပ်လျှင်ရေလွှမ်းမိုးမည်စိုးသောကြောင့် ထိုင်းရှိ ရွာသုံးရွာအပါအဝင်မြန်မာနိုင်ငံရှိဒေသခံတို့က စိုးရိမ်မှုများရှိကြောင်း မနန်းရှိုင်းနှင်းက​ ပြောကြားသွားခဲ့သည်။

၀၀၅

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.