လူမှုရေးသတင်း — ရေတာရှည်၊ သြဂုတ် ၂၃၊ ၂ဝ၁၂

ပဲခူးတိုင်း၊ ရေတာရှည်မြို့နယ်တွင် ကျေးလက် ကျန်းမာရေးဌာနဟု အမည်ရှိသော်လည်း ကျန်းမာရေးဌာန အဆောက်အဦများနှင့် ဝန်ထမ်းများ မရှိကြောင်း သိရှိရပါသည်။

ကျေးလက် ကျန်းမာရေးဌာန (လှည်းပွဲလေး)သည် ၂ဝ၁၁ ခုနှစ် နှစ်ကုန်ပိုင်းတွင် နိုင်ငံတော်မှ သတ်မှတ် ချထားသော ကျန်းမာရေးဌာန ဖြစ်ပြီး အဆောက်အဦ အနေဖြင့် ချထားခြင်း မရှိသောကြောင့် အိမ်ခြေတစ်ရာ ခန့်သာ ရှိသော လှည်းပွဲလေး ကျေးရွာ ဒေသခံများက ယင်းတို့ တတ်နိုင်သည့် ငွေကြေးဖြင့် ဖောင်ဒေးရှင်းချ၊ တိုင်ထူသွပ်မိုး အဆင့်သာ ပြုလုပ်နိုင်သေးကြောင်း၊ ယင်းကျန်းမာရေးဌာန အဆောက်အဦ ဖြစ်မြောက်ရေးတွင် ဦးဆောင်သူများ ဖြစ်သော ရွာဦးကျောင်းဆရာတော် ဦးကောဝိဒနှင့် ရ.ယ.က ဥက္ကဋ္ဌ ဦးမြရှိန်တို့က မြန်မာအင်ဒီပဲန်ဒင့်သို့ ပြောသည်။

ယင်း ကျေးလက်ကျန်းမာရေးဌာန (လှည်းပွဲလေး)သည် ရေတာရှည်မြို့နယ်မှ ကျေးရွာပေါင်း ၃ဝ အတွက် ကျေးလက် ကျန်းမာရေးဌာန(ခွဲ)လေးခု နှင့်အတူ ချထားပေးခြင်း ဖြစ်သည်။ ထိုကျန်းမာရေးဌာနများအတွက် ဝန်ထမ်းဦးရေ ၁၃ ဦးကိုလည်း ချထားပေးကြောင်း၊ ယင်းကျန်းမာရေး ဌာန၏ တာဝန်ရှိသူ တစ်ဦးထံမှ သိရသည်။

ယင်းကျေးလက် ကျန်းမာရေးဌာနများသည် ဌာနတစ်ခုအဖြစ် ချထားပေးသော်လည်း အဆောက်အဦများမှာမူ ဖောင်ဒေးရှင်းချထားသော လှည်းပွဲလေး ကျန်းမာရေးဌာန မှအပ မည်သည့်ဌာနခွဲမျှ အဆောက်အဦ ဆောက်လုပ်နိုင်ခြင်း မရှိသည့်အပြင် မြေနေရာပင် အတိအကျ သတ်မှတ်ထားသည်ကို မတွေ့ရပေ။ ထုိ့ပြင် ကျန်းမာရေးဌာန များအတွက် တာဝန်ကျသော ကျန်းမာရေး ဝန်ထမ်းများသည်လည်း ၁၃ ဦးအနက် ၃ ဦးသာ ကျန်းမာရေး လုပ်ငန်းတာဝန်များကို ရံဖန်ရံခါ လာရောက် ဆောင်ရွက်ကြသည်ဟု ဒေသခံများက ပြောကြ သည်။

ယင်း ကျေးလက်ကျန်းမာရေး ဌာနများမှာ ကျေးလက် ကျန်းမာရေး ဌာန (လှည်းပွဲလေး)နှင့် ကျေးလက် ကျန်းမာရေး ဌာနခွဲ (ကျောက်တလုံး)၊ ကျေးလက် ကျန်းမာရေးဌာနခွဲ (သစ်ပုတ်ပင်)၊ ကျေးလက်ကျန်းမာရေး ဌာနခွဲ (လယ်ပြင်မ)၊ ကျေးလက် ကျန်းမာရေးဌာနခွဲ (အောင်ချမ်းသာ) တို့ ဖြစ်ကြသည်။

ထိုသို့ ကျန်းမာရေး ဝန်ထမ်းများ မရောက်ရှိခြင်းနှင့် ပတ်သက်၍ လှည်းပွဲလေး ကျေးရွာမှ ဦးလှမောင်က “အဆောက်အအုံမှ မရှိတာ ဘယ်လိုလုပ် လာကြမလဲကွာ”ဟု ယင်း၏ သုံးသပ်ချက်ကို မြန်မာအင်ဒီပဲန်ဒင့် သို့ ပြောသည်။

ထိုကျေးလက် ကျန်းမာရေးဌာနရှိသော ရွာပေါင်း ၃ဝ တွင် ဒေသခံ ပြည်သူ ၁၂၇၇၆ ဦး ရှိပြီး ယခုနှစ် စစ်တမ်းများ အရ ကိုယ်ဝန်သည် ၄ဝ၆ ဦးနှင့် တစ်နှစ်အောက် ကလေးငယ် ၃၈၂ ဦးရှိကြောင်း၊ ယင်းစစ်တမ်း ကောက်ယူ ထားသော တာဝန်ရှိသူ တစ်ဦးက မြန်မာအင်ဒီပဲန်ဒင့်သို့ ပြောသည်။

ယင်းပြည်သူများအတွက် ကျေးလက် ကျန်းမာရေးဌာနနှင့် ဌာနခွဲ အဆောက်အဦများ ဆောက်လုပ်ရန် နှင့်ပတ်သက်၍ ကျေးလက် ကျန်းမာရေးဌာန (လှည်းပွဲလေး) ဆောက်လုပ်ရန် ဦးဆောင် ပါဝင်သူ ယင်းရွာဦး ကျောင်းဆရာတော် ဦးကောဝိဒက “ဒီဌာနလေး ဖောင်ဒေးရှင်း ချနိုင်တာတောင် ရွာထဲက စုပေါင်းထည့်ဝင် ထားတဲ့ငွေ သိန်းသုံးဆယ်ကျော်နဲ့ ဘေးရွာတွေက အလှူခံလို့ရတဲ့ငွေ နှစ်သိန်းကျော်နဲ့ ဆောက်ထားရတာ” ဟု ကျေးလက် ကျန်းမာရေးဌာန တစ်စိတ်တစ်ပိုင်း ဆောက်ထားရပုံကို ပြောသည်။

အဆိုပါ ကျေးလက် ကျန်းမာရေးဌာန (လှည်းပွဲလေး)သည် ဌာနခွဲ တစ်ခုအဖြစ် ၂ဝဝ၃ ခုနှစ်တွင် ဖွင့်လှစ်ခွင့် ရခဲ့ဖူးသည်။ ထိုအချိန်ကာလ တွင်လည်း အဆောက်အဦ မဆောက်နိုင်၍ မည်သည့်ဝန်ထမ်းမျှ ရောက် ရှိလာခြင်း မရှိဘဲ ပျောက်ပြယ်သွားကြောင်း သိရသည်။

ဝ၁၆

ဆက်စပ်သတင်းများ

ဟာကွက်တွေနဲ့ ရန်ကုန်ဘတ်စ်

ဟာကွက်တွေနဲ့ ရန်ကုန်ဘတ်စ်

ရန်ကုန်၊ ဇန်နဝါရီ ၂၀၊ ၂၀၁၇
ပါရမီကောလိပ် ရွှေဂုံပလာဇာတွင် ဖွင့်

ပါရမီကောလိပ် ရွှေဂုံပလာဇာတွင် ဖွင့်

ရန်ကုန်၊ ဇန်နဝါရီ ၁၂၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*